What do you think?
Rate this book
علي
لطالما حلمت أن أكون مؤثراً، طالما تخيلت نفسي قدوة للشباب والرجال، بل وحُلماً للأطفال! ربما كان حلم حياتي دائماً أن أترك أثراً طيباً. ينظر الناس إليَّ وإلى قصة حياتي بتقديرٍ ويقولون ليتنا مثل هذا الرجل الذي ألهمّ الكثيرين بأعماله، أو بأخلاقه، أو بمهاراته، أو بأي شيء!
كم تمنيت هذا اليوم، ولكني لم أعمل من أجله أبداً!
تأخرت كثيراً ولا مجال لتحقيق هذا الأمر الآن!
ولا جدوى من الشكوى ولا البكاء على ما فوتُّه بلا داعٍ!
كم تمنيت هذا اليوم، ولكني لم أعمل من أجله أبداً!
تأخرت كثيراً ولا مجال لتحقيق هذا الأمر الآن!
ولا جدوى من الشكوى ولا البكاء على ما فوتُّه بلا داعٍ!
228 pages, Paperback
Published February 1, 2019
2 people are currently reading
89 people want to read
About the author
محمود احمد فايز
6 books114 followersمحمود أحمد فايز (30 يناير 1979)، مبرمج كمبيوتر وكاتب قصص مصري ولد في القاهرة.
تخرج محمود فايز في مدرسة ليسيه الحرية سنة 1996 ثم تخرج في أكاديمية السادات قسم إدارة نظم معلومات سنة 2000.
بدأ الكتابة في 2008 كهواية ثم أصدر أول كتاب له في 2012 (الشامي ع المغربي) وهو كتاب قصص قصيرة متنوعة مختلفة (سياسي - اجتماعي - رعب - رومانسي - خواطر).
كما أصدر رواية في نوفمبر 2016 بعنوان "عيار وفلت"
ورواية علي في يناير 2019
ثم رواية من أول وجديد في يونيو 2021
والمجموعة القصصية تريفل في يناير 2024
https://www.facebook.com/mfayez/
تخرج محمود فايز في مدرسة ليسيه الحرية سنة 1996 ثم تخرج في أكاديمية السادات قسم إدارة نظم معلومات سنة 2000.
بدأ الكتابة في 2008 كهواية ثم أصدر أول كتاب له في 2012 (الشامي ع المغربي) وهو كتاب قصص قصيرة متنوعة مختلفة (سياسي - اجتماعي - رعب - رومانسي - خواطر).
كما أصدر رواية في نوفمبر 2016 بعنوان "عيار وفلت"
ورواية علي في يناير 2019
ثم رواية من أول وجديد في يونيو 2021
والمجموعة القصصية تريفل في يناير 2024
https://www.facebook.com/mfayez/
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 32 reviews
July 28, 2019
من احلي الروايات الي قريتها في حياتي ..
الحقيقه انها وهمتني من من اول فصل و اول ثانيه..
لقيت نفسي عايزه اعيط علي واحد معرفوش ...
شفت الأحداث بعنيا و حسيت بكم مشاعر فظيعه في قلبي ...
دخلت علي الفصل التاني لقيت نفسي بضحك بصوت علي تعليقات مسخره في وسط الحوار ..
و بعدها بسطرين احس بخنقه في قلبي و دموع بتنزل لا إرادي 🙈
بعد ٢٥ صفحه لقيت نفسي بقول " يخربيت حلاوه أسلوبك يا اخي"
اليوم ما انتهاش غير و انا مخلصاها..
قريتها في وسط الناس و في العربيه و عند الدكتور 🙈
مستمتعه بالأحداث و الاهم بالتفاصيل .. و اُسلوب الكاتب المعبر الساخر احيانا و الحكيم احيان كتير ..
و تشبيهاته المتميزة اوي حقيقي ..
اوقات كتير كنت برجع اقرا الجمل تاني من حلاوتها ..
و بقيت اسطر تحتها كمان .. و انا اصلا مش بعمل كده ابدا في الروايات 😁
و اكتر حاجه عجبتني في الروايه و هي ال edge بتاعها في راي طريقه سرد كل شخصيه عن نفسها .. قمه في الجمال.. وكل مره بطريقه و الفاظ مختلفه .. تحفه:
من مذكرات فتاه لم تكتبها ابدا و لكنها خرجت في "
شكل طاقه همست بها الكون"
و اخيرا .
دايما باكد كل حد جه الدنيا دي يعمل حاجه مختلفه .. ليه دور متميز ووحيد .. ليه بصمه مش حتتكرر ..
دايما بنسأل نفسنا احنا عايزين من الدنيا ايه في حين السؤال الاهم هو : الدنيا عايزه مننا ايه؟؟
احيانا الدنيا بتكون محتاجه ان احنا نبني .. احيانا نعزف.. احيانا نعالج .. و احيانا نكتب ..
و انا بقرا الكتاب قلت لنفسي الي كاتبه واحد جه الدنيا دي عشان يكتب 👌
انا بشكرك يا محمود ..
شكرًا انك بتكتب 👌
April 16, 2019
هز المشاعر، هذا هو ملخص هذه الرواية.
رواية تحرك مشاعرك مفعمة بالأحاسيس المختلفة الدافئة منها و الباردة أحياناً، تعيش معها و مع بطلها في أحداث متلاحقة و مواقف حياتية تمر على كثير منّا، تسوقنا بإنسيابية لنعيش معها و نكاد نراها بأعيننا.
و لا أنسى أن أشكر الكاتب محمود فايز على الإسلوب الراقي البسيط و المشاعر الصادقة لهذه القصة الشيقة.
رواية تحرك مشاعرك مفعمة بالأحاسيس المختلفة الدافئة منها و الباردة أحياناً، تعيش معها و مع بطلها في أحداث متلاحقة و مواقف حياتية تمر على كثير منّا، تسوقنا بإنسيابية لنعيش معها و نكاد نراها بأعيننا.
و لا أنسى أن أشكر الكاتب محمود فايز على الإسلوب الراقي البسيط و المشاعر الصادقة لهذه القصة الشيقة.
February 19, 2019
Can't wait for the author's next book ... " Ali " is a deep novel .. When despair versus Faith ...
June 16, 2021
أعلم أن الناس تحب أن تحكي ولا تحب أن تسمع!!
هو حقيقى مش أنت اللى حكيت قصتك يا "علي" هى الناس اللى حكيتها وأحنا حبينا نسمعها وبالرغم أنك شايف حياتك مؤلمة وموجعة ، الناس اللى سمعوها من بعدك حسدوك على اللى مريت به ده كفاية "حب الناس " ودعواتهم ليك … ده أنا دعيتلك يا رااااجل وانا معرفكش 🤦🏼♀️ أنا صدقت قوى أنك حقيقى … أنا بكيت مع آخر صفحات … وبكيت فى أوائلها 😭😭
كنت حاسس بالظلم ، كنت فاكر أنك لم تنل من الحياة ما تستحق….
"إذا فالحياة ليست جنة، وقصص الحياة لا يجب أن تنتهى دائما بنهايات سعيدة ! ربما القصص ذات النهايات السعيدة يجب أن توضع فوق رفوف قصص الخيال فى المكتبات!"
شعور بالغضب نتيجة ظروف حياتية اتولدت لقيت نفسك فيها ….ده شعور طبيعى أنبت نفسك عليك بس عرفت توظفه بمساعدة "علا" كنت شايفها بتنحت فى صخر ⚒🗻 ليه تحاول مع حد بائس وغاضب وصامت وغامض … بس هى شافت فيك اللى الناس معرفتش تشوفه … كان عندها أمل توظف طباعك …
طيب نجحت ⁉️
اتعثرت تانى والحياة خليتك تقابل ناس سيئة …. ظنيت فيهم خير لكن….
👇🏻
"هل رؤية ضبع مستلقٍ بجانب جيفة غزال فى خمول تجعل منه كائنا وديعاً؟!"
بس زى ما قابلت ناس خدعتك واستغلت طيبتك
ربنا كان بيبعتلك الأحسن منهم …
ولكنه أعد لي الأمل!
الأمل فى أن النهايات لا تقتل!
وأن البدايات تعود!
وأن البشر أفضل مما ظننت!
هذا العالم يستحق العمل من أجله!
يستحق أن نحيا فيه فى رضا!
ما احنا مش عارفين الغيب فبنغضب ونحس أن الدنيا ظلمتنا و ازاى سودا كده 🖤 بس عوض ربنا هيجى ولو بعد حين هيقلب نظرتنا وقلوبنا 🤍
"لقد بحث النصيب عنى ووجدني، طالما آمنت بذلك الأمر، لا يتطلب الأمر أن تكون خبيراً أو عبقرياً كى يكافئك الله، يجب أن تبذل جهدك ليعلم الله ما فى قلبك من حرص وإيمان! ربما أكون مخطئاً ، تتفق أو تختلف معى ولكن هذا ما يحدث دائمًا. أجتهد فى كثير من الأشياء، أحيانا أفشل رغماً عنى، فيعوضنى الله بشىء آخر، ربنا بأفضل مما تمنيته وسعيت إليه. فاتخذت هذا منهجاً.
أجتهد وأرضى الله فينا أفعل وأترك النتيجة لمن هو أقدر من الجميع، مهما اجتهدنا يعطينا الله بمقدار من عنده"
بعد كل اللى حصلك … يتم وفقد … كنت ممكن تيأس وتشوف الحياة ظالمة ما هو ده طبيعى برضه " أنا ليه بيحصلى كل ده " ومش بعيد كنت فكرت تنتحر … 🥺
"سأرحل بلا بصمة. أردت أن أكون شمساً، ولكنى كنت مجرد نجماً باهتاً"…
"أنا حتى لا أستطيع عد خمسة أشخاص قد يبكون حزناً!"
بس أنت رحلت بس ببصمات كتير ،
بضحكة سبتها فى قلب طفل مريض ،
بمساعدة حد فقير من غير من ولا أذى بمنتهى البراعة وقفت جنب ناس كتير بشكل غير مباشر …
أنت سبت بصمة فى كل حد قرأ قصتك وعلمته يعنى ايه حب ولطف وإهتمام…
"لطالما حلمت أن أكون مؤثرا، طالما تخليت نفسى قدوة للشباب والرجال. بل وحلما للأطفال! ربما كان حلم حياتى دائمًا أن أترك أثراً طيبًا. ينظر الناس إلى وإلى قصة حياتى بتقدير ويقولن ليتنا مثل هذا الرجل الذى ألهم الكثيرين بأعماله! أو بأخلاقه! أو بمهاراته! أو بأى شىء!
شكراااا يا "علي" انت سبت أثر وبصمة اتحفرت فى عقولنا …
شكرا للكاتب اللى أبدع فى وصف مشاعر بطل الرواية وعيشنا وعشنا فيها وحزنا واتفاعلنا واتاثرنا واتعلمنا منه كمان..
أنا متخيلة البطل حقيقى ومقتنعة بكده وهصدق أن ممكن فى يوم اقابل شخص بمثل الصفات ديه أو لعل الواحد يتمنى يكون فى ربع الشخصية ديه 💙💙💙
أنا عيطت كتير قوووووووووى 🥺😭
"كان كل شىء مقدرًا منذ البداية. لا يمكن أن نفهم كل شىء فى حينه، ولكن عندما ننظر للصورة من أعلى، من بعيد، وبعد أن تكتمل القصة ، نرى كل شىء فى موضعه ونشعر بالدهشة ونقول : وماكان سبب الحزن والشقاء؟ وإنه فقط الخوف من المحهول ! والجهل بالحقائق! لو كنا نعلم لخرسنا جميعًا. الأمر بيد رب رحيم!"
هو حقيقى مش أنت اللى حكيت قصتك يا "علي" هى الناس اللى حكيتها وأحنا حبينا نسمعها وبالرغم أنك شايف حياتك مؤلمة وموجعة ، الناس اللى سمعوها من بعدك حسدوك على اللى مريت به ده كفاية "حب الناس " ودعواتهم ليك … ده أنا دعيتلك يا رااااجل وانا معرفكش 🤦🏼♀️ أنا صدقت قوى أنك حقيقى … أنا بكيت مع آخر صفحات … وبكيت فى أوائلها 😭😭
كنت حاسس بالظلم ، كنت فاكر أنك لم تنل من الحياة ما تستحق….
"إذا فالحياة ليست جنة، وقصص الحياة لا يجب أن تنتهى دائما بنهايات سعيدة ! ربما القصص ذات النهايات السعيدة يجب أن توضع فوق رفوف قصص الخيال فى المكتبات!"
شعور بالغضب نتيجة ظروف حياتية اتولدت لقيت نفسك فيها ….ده شعور طبيعى أنبت نفسك عليك بس عرفت توظفه بمساعدة "علا" كنت شايفها بتنحت فى صخر ⚒🗻 ليه تحاول مع حد بائس وغاضب وصامت وغامض … بس هى شافت فيك اللى الناس معرفتش تشوفه … كان عندها أمل توظف طباعك …
طيب نجحت ⁉️
اتعثرت تانى والحياة خليتك تقابل ناس سيئة …. ظنيت فيهم خير لكن….
👇🏻
"هل رؤية ضبع مستلقٍ بجانب جيفة غزال فى خمول تجعل منه كائنا وديعاً؟!"
بس زى ما قابلت ناس خدعتك واستغلت طيبتك
ربنا كان بيبعتلك الأحسن منهم …
ولكنه أعد لي الأمل!
الأمل فى أن النهايات لا تقتل!
وأن البدايات تعود!
وأن البشر أفضل مما ظننت!
هذا العالم يستحق العمل من أجله!
يستحق أن نحيا فيه فى رضا!
ما احنا مش عارفين الغيب فبنغضب ونحس أن الدنيا ظلمتنا و ازاى سودا كده 🖤 بس عوض ربنا هيجى ولو بعد حين هيقلب نظرتنا وقلوبنا 🤍
"لقد بحث النصيب عنى ووجدني، طالما آمنت بذلك الأمر، لا يتطلب الأمر أن تكون خبيراً أو عبقرياً كى يكافئك الله، يجب أن تبذل جهدك ليعلم الله ما فى قلبك من حرص وإيمان! ربما أكون مخطئاً ، تتفق أو تختلف معى ولكن هذا ما يحدث دائمًا. أجتهد فى كثير من الأشياء، أحيانا أفشل رغماً عنى، فيعوضنى الله بشىء آخر، ربنا بأفضل مما تمنيته وسعيت إليه. فاتخذت هذا منهجاً.
أجتهد وأرضى الله فينا أفعل وأترك النتيجة لمن هو أقدر من الجميع، مهما اجتهدنا يعطينا الله بمقدار من عنده"
بعد كل اللى حصلك … يتم وفقد … كنت ممكن تيأس وتشوف الحياة ظالمة ما هو ده طبيعى برضه " أنا ليه بيحصلى كل ده " ومش بعيد كنت فكرت تنتحر … 🥺
"سأرحل بلا بصمة. أردت أن أكون شمساً، ولكنى كنت مجرد نجماً باهتاً"…
"أنا حتى لا أستطيع عد خمسة أشخاص قد يبكون حزناً!"
بس أنت رحلت بس ببصمات كتير ،
بضحكة سبتها فى قلب طفل مريض ،
بمساعدة حد فقير من غير من ولا أذى بمنتهى البراعة وقفت جنب ناس كتير بشكل غير مباشر …
أنت سبت بصمة فى كل حد قرأ قصتك وعلمته يعنى ايه حب ولطف وإهتمام…
"لطالما حلمت أن أكون مؤثرا، طالما تخليت نفسى قدوة للشباب والرجال. بل وحلما للأطفال! ربما كان حلم حياتى دائمًا أن أترك أثراً طيبًا. ينظر الناس إلى وإلى قصة حياتى بتقدير ويقولن ليتنا مثل هذا الرجل الذى ألهم الكثيرين بأعماله! أو بأخلاقه! أو بمهاراته! أو بأى شىء!
شكراااا يا "علي" انت سبت أثر وبصمة اتحفرت فى عقولنا …
شكرا للكاتب اللى أبدع فى وصف مشاعر بطل الرواية وعيشنا وعشنا فيها وحزنا واتفاعلنا واتاثرنا واتعلمنا منه كمان..
أنا متخيلة البطل حقيقى ومقتنعة بكده وهصدق أن ممكن فى يوم اقابل شخص بمثل الصفات ديه أو لعل الواحد يتمنى يكون فى ربع الشخصية ديه 💙💙💙
أنا عيطت كتير قوووووووووى 🥺😭
"كان كل شىء مقدرًا منذ البداية. لا يمكن أن نفهم كل شىء فى حينه، ولكن عندما ننظر للصورة من أعلى، من بعيد، وبعد أن تكتمل القصة ، نرى كل شىء فى موضعه ونشعر بالدهشة ونقول : وماكان سبب الحزن والشقاء؟ وإنه فقط الخوف من المحهول ! والجهل بالحقائق! لو كنا نعلم لخرسنا جميعًا. الأمر بيد رب رحيم!"
June 11, 2019
روايه تستحق القراءه
التعبيرات و المشاعر الموجوده بالاحداث يتم سردها بطريقه رائعه و تُظهر الروايه كأحداث مرئيه في العقل اثناء قرائتها لما تحمله ايضا من نماذج نقابلها يومياً في حياتنا.
برافو
التعبيرات و المشاعر الموجوده بالاحداث يتم سردها بطريقه رائعه و تُظهر الروايه كأحداث مرئيه في العقل اثناء قرائتها لما تحمله ايضا من نماذج نقابلها يومياً في حياتنا.
برافو
January 8, 2021
رواية أكتر من رائعة جميلة فعلا .. فيها كمية مشاعر جميلة اوي .. انا فعلا مسكت نفسي من العياط بالعافية فيها و مش قادرة اصدق ان في ناس زي علي كده موجودين معانا .. حقيقي رواية مختلفة و مميزة و تستحق القراءة .. أتمنى التوفيق للكاتب في كل كتاباته المميزة يارب
January 5, 2021
رواية هاتخليك تعيد حساباتك كويس. هاتفكر في نفسك وتتاكد ان بدنك عليك حق. وهاتفكر ازاي تقدر تفرح وتسعد غيرك حتى لو بـ بلونة. هاتفكر في النعم الانت غرقان فيها ومش حاسس بيها. وهاتعرف ان الاهل كنز. وان كتم المشاعر بيولد غضب.
واخيرا، الوحدة وحشة، والاصحاب والناس الحلوة والامينة ونس.
واخيرا، الوحدة وحشة، والاصحاب والناس الحلوة والامينة ونس.
June 11, 2019
"علي" قصة جميلة اجتمع فيها النقيضين ... تتسلل الي قلبك بمنتهي الهدوء و الرقة و العفوية ثم تطرحه ارضا بمنتهي العنف ... قصة تبدأ بنهايتها و لكنك ابدا لن تفقد الشغف و لا الرغبة في تكملتها .... قد تشعر ان احداثها تشبه احداثا كثيرة حولنا و لكنها ستأخدك معها الي عالم تشعر انك لم تدخله من قبل .... قصة تنتشلك من حياتك الروتينية و تسمو بك لتذكرك بالهدف من وجودك في الحياه ... قصة قرأتها انا و ابنتي و اخذتنا اللي نفس العالم مع اختلاف اعمارنا و افكارنا ....
Mahmoud Ahmed Fayez احييك من كل قلبي 🎓🎓
Mahmoud Ahmed Fayez احييك من كل قلبي 🎓🎓
July 17, 2021
رواية جميله... تاخدك لاحداثها المليئة بالخير والتعاطف والايثار... عجبنى انها مفيهاش شر ولا حقد إللى بيبقي فى اغلب الروايات بالعكس... فيها امل بوجود اشخاص تفعل الخير وتمارس الإنسانية برغم احباطتهم لا لأجل اى اكتساب اى شئ شخصي ولكن فقط لله!
June 11, 2019
روايه جميله جدااا فيها كم رائع من المشاعر الجميله والمواقف التى تدخل وتمس قلبك بدون استئذان مع مزيج من روح الكاتب المرحه ... بالتوفيق دائما والنجاح وفي انتظار الجديد ان شاء الله
June 11, 2019
حلو اوي اوي اكتر من هائل وكل الكت بتاعة محمود فايز حلوة جدا بصراحة ا
June 12, 2019
اسلوب هايل بسيط يوصلك كل ما يريده الكاتب بمنتهي السلاسةحتي تشعر انك تعيش داخل الاحداث و ترى الاشخاص بل و ..... تعرفهم
August 18, 2019
Amazing novel... interesting simple and touching! the order of events is like shuffled in a different way to keep you well engaged!
Amazing simple writing style.
Amazing simple writing style.
October 13, 2019
من احلي و اجمل ما قرات ❤️
May 9, 2022
*كان كل شئ مقدَّرًا منذ البداية ، لا يمكن ان نفهم كل شئ في حينه ، ولكن عندما ننظر للصورة من أعلي ، من بعيد ، وبعد أن تكتمل القصة ،نري كل شي في موضعة ونشعر بالدهشة ونقول : وما كان سبب الحزن والشقاء؟
إنه فقط الخوف من المجهول !
والجهل بالحقائق !
لو كنا نعلم لخرسنا جميعاً ….. الأمر بيد رب رحيم
من ذكريات علي الي مذكرات عُلا ل حكاوي نور الدين وبساطة سماح ودموع عبد الرحيم وثريا ل شباب عمرو …. حتي ندم سعيد ونهايةً بخطابات لي لي
ومشاعر كثيره ما بين حزن وغضب الم رضا خزلان وامل وسعادة
روايه غير متوقعة بالنسبه لي
من بدايتها واحاول ان لا ابكي حتي اكملها
لم اتوقع ان تحتوي علي كل هولاء الابطال بقصصهم ومشاعرهم ويستطيع الكاتب ان يدخلك من قصه وينتقل الي اخري دون اكمال الاولي دون ان تمل او تتلخبط ….
كل راوي بطل ويستحق التقدير
اما علي فهو بطل الابطال 💔 هو اقوا مما توقعت في خيالي
مش عارفا اوصف احساسي بالروايه بس هي حاجا كدا تهز المشاعر وتخلي الحجر يلين ♥️
هتخليك تعييط يعني هتعيط حتي لو مسكت نفسك
بس هتعيط وانت بتبتسم ابتسامة امل ممزوج بالرضا 🥹
في النهاية اتمني اقراء كتير لكاتب بجد يبدع في وصف المشاعر 👏🏻👏🏻👏🏻
إنه فقط الخوف من المجهول !
والجهل بالحقائق !
لو كنا نعلم لخرسنا جميعاً ….. الأمر بيد رب رحيم
من ذكريات علي الي مذكرات عُلا ل حكاوي نور الدين وبساطة سماح ودموع عبد الرحيم وثريا ل شباب عمرو …. حتي ندم سعيد ونهايةً بخطابات لي لي
ومشاعر كثيره ما بين حزن وغضب الم رضا خزلان وامل وسعادة
روايه غير متوقعة بالنسبه لي
من بدايتها واحاول ان لا ابكي حتي اكملها
لم اتوقع ان تحتوي علي كل هولاء الابطال بقصصهم ومشاعرهم ويستطيع الكاتب ان يدخلك من قصه وينتقل الي اخري دون اكمال الاولي دون ان تمل او تتلخبط ….
كل راوي بطل ويستحق التقدير
اما علي فهو بطل الابطال 💔 هو اقوا مما توقعت في خيالي
مش عارفا اوصف احساسي بالروايه بس هي حاجا كدا تهز المشاعر وتخلي الحجر يلين ♥️
هتخليك تعييط يعني هتعيط حتي لو مسكت نفسك
بس هتعيط وانت بتبتسم ابتسامة امل ممزوج بالرضا 🥹
في النهاية اتمني اقراء كتير لكاتب بجد يبدع في وصف المشاعر 👏🏻👏🏻👏🏻
April 12, 2021
لسة مخلصة رواية "علي" دلوقتي و بجد مش عارفة اقول اية ، مؤثرة اوي اوي اوي و عجبتني اوي اوي و حبيت علي جدًا و بجد I hope ان يكون في ناس زيه كدة في الحياة (بس تكون معانتهم أقل)
بجد انا قاعدة مش فاهمة هو ازاي في رواية ممكن تكون مكتوبة حلو اوي اوي اوي كدة و تكون مليانة مشاعر كدة و تكون ساخرة و مضحكة في نفس الوقت كدة.
و ازاي ممكن حد يقدر يظبط كل الشخصيات دي و يظبط حكايتهم كدة لا و يحليهم كلهم مؤثرين و قصصهم جميلة اوي كدة.
Actually انا قريت روايات كتير اوي و عمري ما عيط في اي رواية ، و عيط في دي و بجد بجد انا منبهرة.
و بجد حبيت اوي اني لاقيت قصة من قصص الرواية تكون قصتي بنفس مشاعري.
و حبيت علا اوي بجد و حبيت عبد الرحيم جدًا جدًا .
انا مش عارفة هو ازاي في رواية perfect كدة ؟
بجد انا قاعدة مش فاهمة هو ازاي في رواية ممكن تكون مكتوبة حلو اوي اوي اوي كدة و تكون مليانة مشاعر كدة و تكون ساخرة و مضحكة في نفس الوقت كدة.
و ازاي ممكن حد يقدر يظبط كل الشخصيات دي و يظبط حكايتهم كدة لا و يحليهم كلهم مؤثرين و قصصهم جميلة اوي كدة.
Actually انا قريت روايات كتير اوي و عمري ما عيط في اي رواية ، و عيط في دي و بجد بجد انا منبهرة.
و بجد حبيت اوي اني لاقيت قصة من قصص الرواية تكون قصتي بنفس مشاعري.
و حبيت علا اوي بجد و حبيت عبد الرحيم جدًا جدًا .
انا مش عارفة هو ازاي في رواية perfect كدة ؟
October 9, 2021
رواية علي
الرواية بتحمل كم مشاعر كبير جدا جدا...الرواية بتغوص جوه المشاعر وجوه اعماق الشخصيات لحد اما انت بتحس انك انت الشخصية دي فعلا...فكرة الرواية رائعة وتكاد تكون نادرة الأيام دي...القصة رائعة..حسيت ان الواحد مشتاق للنوع ده من الروايات...من الحاجات الي ضايقتني شوية في الرواية ان انا كنت بحس ان فيه حاجات كانت محتاجة تفاصيل اكتر شوية...رسم الشخصيات كان جيد جدا...من بعد الربع الأول من الرواية ابتديت احس ببعض ملل في الرواية لحد اما وصلت تقريبا للنص الأخير من الرواية...انا مش بقول ان الرواية وحشة...بالعكس الرواية ممتعة...ومعتقدش ان دي اخر مرة هقرأ فيها للصديق محمود احمد فايز..❤❤
الرواية بتحمل كم مشاعر كبير جدا جدا...الرواية بتغوص جوه المشاعر وجوه اعماق الشخصيات لحد اما انت بتحس انك انت الشخصية دي فعلا...فكرة الرواية رائعة وتكاد تكون نادرة الأيام دي...القصة رائعة..حسيت ان الواحد مشتاق للنوع ده من الروايات...من الحاجات الي ضايقتني شوية في الرواية ان انا كنت بحس ان فيه حاجات كانت محتاجة تفاصيل اكتر شوية...رسم الشخصيات كان جيد جدا...من بعد الربع الأول من الرواية ابتديت احس ببعض ملل في الرواية لحد اما وصلت تقريبا للنص الأخير من الرواية...انا مش بقول ان الرواية وحشة...بالعكس الرواية ممتعة...ومعتقدش ان دي اخر مرة هقرأ فيها للصديق محمود احمد فايز..❤❤
February 27, 2021
الرواية اللي طلعت عيني عشان الاقيها.. والحمد لله كانت على قدر ما توقعت واكتر.. علي كم أحببتك يا علي... كل منا بداخله جزء من علي.. بداخلنا جميعا الخير رغم الظروف اللي تعرضنا لها طول حياتنا.. بداخلنا نريد أن نكون مؤثرين وان يذكرنا العالم.. كل منا يتمنا أن يحظى بجنازة وصلاة مثل علي.. يتمنا دعاء وسيرة مثل علي... كل منا حوله الكثير من المرضى المه وجعهم وفراقهم احيانا.. كم أحببتك يا علي
شكرا الكاتب الانساني العظيم ❤️
شكرا الكاتب الانساني العظيم ❤️
June 11, 2019
كاتب مميز و اسلوبه في القصه دى مختلف جدا طريقه فكرتنى بنجيب محفوظ فى حديث الصباح و المساء يجرك من حكايه للتانيه و من زمن لزمن تانيه و انت مستنى و متشوق تعرف من غير ملل و لا زياده
March 3, 2021
رواية اسعدتني جدا جدا
January 12, 2021
جميله والاسلوب راقي جدا بس في وجع قلب كتييييير قوي
June 10, 2021
رواية سلسة وعميقة.. محمود فايز يقدم السهل الممتنع.. قصة غير متوقعة في بساطتها وتسلسل احداثها ومع ذلك عميقة في معناها والمشاعر التي تصل للقارئ.. بدأت في القراءة ولم استطع التوقف حتى انهيتها بدموع في العيون وحزن في القلب من ثقل وخفة رسالتها معاً ..
July 23, 2021
Ali broke my heart truly!
December 17, 2021
بعتبر نفسي من سعداء الحظ اللي قرأوا على او قرأوا لمحمود احمد فايز.. حقيقي الكاتب ده في مكان لوحده و كتبه من الحاجات اللي يجب تكون في مكتبتنا
عقبال ان شاءالله الرواية الجديدة
عقبال ان شاءالله الرواية الجديدة
September 24, 2021
"هل كان (علي) هذا طبيبا أم مريضا؟ لقد أخبرني أحدهم أنه هو الذي قام بعلاجك، ولكن حسنين أخو زوجتك أخبرني أنه كان مريضا معك، ولكنه كان صاحب الفضل في شفائك ولا أعلم كيف!"
"لا ليس طبيبا، لقد كان مريضا بالفعل، وقصته غريبه، أحيانا أشعر أنه كان ملاكا!"
من هذا العلي صاحب الجنازة المهيبة، التي آتاها الكثير، الكل يبكي، البعض يتمتم بآيات القرآن والبعض يرسم الصليب، إذا سألت أحدهم "هل أنت من عائلته؟" فيجيب "والله لا أعرف حتي اسمه، رحمة الله عليه، لو كان الأمر بيدي لفديته بعمري"
مابين القصص المتفرقه لأشخاص لاتربطهم صله سوي (علي شهاب)، والمذكرات التي لم تكتب أبدا من (علي) تنسج الرواية قصة فتي غاضب، الألم والحقد يملء قلبه، محاولات شتي ومتفرقه لم تغيره.. ولكن الحب قد فعل.
روايه عن شخص ربما لم يمر في دربك ولم تسمع عنه، أو ربما سمعت عنه مئات المرات، ولكن كملاك هبط ليساعدنا، عناية الله في الأرض، العمل الصالح من ماضيك..
(علي) هي قصة مؤثرة عن التضحيه والحب والتئام الجرح، قصه قد لا تصدقها ولكنها حقيقية تثبت أن الحياة تمتلء بالخير وستبقي..
"لا ليس طبيبا، لقد كان مريضا بالفعل، وقصته غريبه، أحيانا أشعر أنه كان ملاكا!"
من هذا العلي صاحب الجنازة المهيبة، التي آتاها الكثير، الكل يبكي، البعض يتمتم بآيات القرآن والبعض يرسم الصليب، إذا سألت أحدهم "هل أنت من عائلته؟" فيجيب "والله لا أعرف حتي اسمه، رحمة الله عليه، لو كان الأمر بيدي لفديته بعمري"
مابين القصص المتفرقه لأشخاص لاتربطهم صله سوي (علي شهاب)، والمذكرات التي لم تكتب أبدا من (علي) تنسج الرواية قصة فتي غاضب، الألم والحقد يملء قلبه، محاولات شتي ومتفرقه لم تغيره.. ولكن الحب قد فعل.
روايه عن شخص ربما لم يمر في دربك ولم تسمع عنه، أو ربما سمعت عنه مئات المرات، ولكن كملاك هبط ليساعدنا، عناية الله في الأرض، العمل الصالح من ماضيك..
(علي) هي قصة مؤثرة عن التضحيه والحب والتئام الجرح، قصه قد لا تصدقها ولكنها حقيقية تثبت أن الحياة تمتلء بالخير وستبقي..
May 12, 2020
رواية جميلة ومؤثرة
July 25, 2021
رواية رائعة فكرتها جميله و مختلفة جدا. عجبني جدا اسلوب الكتابه من وجود اكتر من شخص بيتكلم عن علي و اعتراضي الوحيد كان على تكرار شوية كلمات بدون داعي او كلمات مكنتش شايفه انها ليها لازمه فى بعض الجمل.
December 10, 2019
رواية مليئة بالحزن الذي يشع إيجابية .
رواية تري فيها الضعف و القوة في آن واحد .
رواية تلمسك و تجعلك تريد في بعض الأحيان ان تكون بطلها .
رواية قد تري فيها نفسك في اوقات كثيرة .
رواية النقلات بين الشخصيات سلسة و متصلة .
#هذا ما قد شعرت به فيه هذه الرواية و رأي متواضع جدا
رواية تري فيها الضعف و القوة في آن واحد .
رواية تلمسك و تجعلك تريد في بعض الأحيان ان تكون بطلها .
رواية قد تري فيها نفسك في اوقات كثيرة .
رواية النقلات بين الشخصيات سلسة و متصلة .
#هذا ما قد شعرت به فيه هذه الرواية و رأي متواضع جدا
November 22, 2020
اه يا علي !! و جعتلي قلبي اوي ... يا ريت في منك كتير في الدنيا ... نتعلم ان لا نحزن لان الله معنا و ان نرضا بما قسمه الله لنا و ان العالم في حاجة لابتسامات اكثر و شكوي اقل و ان الشكوي لغير الله مذلة و ان لااحد يعلم كيف تكون نهايته !!....
شكرا ا/ محمود علي هذه الرواية العظيمة ولا اظن اني سانساها ابدا ما حييت.... دمتم سالمين
شكرا ا/ محمود علي هذه الرواية العظيمة ولا اظن اني سانساها ابدا ما حييت.... دمتم سالمين
December 12, 2019
علي... من يكون علي الذي لا يعرفه أحد؟
علي إنسان، أم ملاك على الأرض؟
لا أحد يعلم علم اليقين، ولكن ما هو أكيد ان علي كان كتلة من المشاعر التي اصبحت نادرة في هذا الزمن.
هناك أناسا يمرون في عالمنا لكي نتعلم منهم و يتركوا لنا بصمتهم الخاصة التي لا تمحى. يقولون عليهم " فلان إبن موت" أي انه اغلى من أن يظل بيننا في الدنيا لفترة طويلة، علي كان منهم. طوال قرأتي للرواية وانا اتخيل ملامح علي و اتصور أني قد اكون صادفته يوما في مكان، فهو شخصية قريبة إلى القلب بعيدة عن التوقع.
رواية لم استطع تركها او النوم إلا بعد الانتهاء منها في اقل من ١٢ ساعة 😊.
علي إنسان، أم ملاك على الأرض؟
لا أحد يعلم علم اليقين، ولكن ما هو أكيد ان علي كان كتلة من المشاعر التي اصبحت نادرة في هذا الزمن.
هناك أناسا يمرون في عالمنا لكي نتعلم منهم و يتركوا لنا بصمتهم الخاصة التي لا تمحى. يقولون عليهم " فلان إبن موت" أي انه اغلى من أن يظل بيننا في الدنيا لفترة طويلة، علي كان منهم. طوال قرأتي للرواية وانا اتخيل ملامح علي و اتصور أني قد اكون صادفته يوما في مكان، فهو شخصية قريبة إلى القلب بعيدة عن التوقع.
رواية لم استطع تركها او النوم إلا بعد الانتهاء منها في اقل من ١٢ ساعة 😊.
Displaying 1 - 30 of 32 reviews