ممر الهلاك

by محمد محمود سليمان

لا أحد يعرف بالضبط متى بدأت الحكاية، كل ما يعيه الأحياء هنا أنهم أبناء النور، عباد الإله الأوحد، ساكني أرض رينجار التي سميت على اسم أبيهم الأول جار.
تتوسط رايتهم البيضاء دائرة مطلية باللون الأصفر كما الدائرة التي تنير أرضهم دوما بلا اختفاء أو غروب فتحييها وتحييهم؛ (نيبرا)، لذا عرفوا بأبناء النور.
تنتهي حدود أرضهم ناحية الغرب والجنوب ببحر محيط لم يعبره أحد قبلا ورجع، أو هكذا يشاع، ويحيط بهم من الشرق والشمال سلاسل من الجبال العظيمة.
تفصلهم عن أرض الديجور في الشرق التي يطلق ساكنوها عليها (نيرفور)، وتفصلهم عن موطن الحكماء في الشمال الذي يُعبر إليه عن طريق ممر الهلاك (ساليچيا) .

240 pages, Paperback

Published January 23, 2019

About the author

طبيب مصري من مواليد القاهرة 1987
صدر له :
تمرد
الجمعية
الهجين
موسيقى الحرية
ممر الهلاك

رابط تحميل الروايات من التليجرام:
https://t.me/mms_rewayat

رابط الفيس بوك :
https://www.facebook.com/mohammad.mah...

Reviews

[Ahmed Mostafa · Rating 3 out of 5]

انك تكتب روايا في عالم فانتازي ليه ارضه و مدنه و قواعده و قوانينه دي يعتبر شيء صعب و لكن الاصعب انك تعمل الكلام ده كله في عدد صفحات قليل جداً فده يعتبر اصعب و اصعب خصوصاً ان ادب الفانتازيا عندنا كعرب قليل جداً و عدد قليل اللي بيكتبوا فيه

الكاتب محمد محمود سليمان بيقدملنا في العمل ده ادب فانتازيا بشكل بسيط جداً بدون ما يلجأ لأي تفاصيل معقدة ممكن تؤدي ان يبقى في خلل في حبكة الرواية او اللي هو تلاقي نفسك بتقول ( هو انا بعمل ايه هنا ) و في نفس الوقت بيقدملك احداث سريعه متخلكش تحس بالملل ، حرفياً الرواية دي هتلاقيها بتجري من ايدك

الرواية فكرتها بسيطة جداً الكاتب اخد فكرة الخطايا السبعة اللي غالباً مذكورة في كل الاديان و محور عليها الرواية كلها و بنى على اساسها عالم جديد بالممالك و المدن بتاعته و بيستعرض لنا ايه اللي ممكن يحصل لو الانسان الطبيعي العادي انجرف ورا الخطايا السبعة ايه اللي ممكن يحصله و اثره على الاشخاص من حوله

طب تخيل معايا بقى ايه اللي ممكن يحصل لو ملك هو اللي انجرف ورا الخطايا دي يا ترى ايه اللي ممكن يحصل للناس و المملكة اللي بيحكمها ... وايه اللي ممكن يحصل لو الشخص قدر انها يحارب الخطايا دي و يهذب نفسه منها
---------------------------------------------------------------------------
الشخصيات في الرواية كانت كتيرة و عادية جداً و اقرب الى المتواضعة و مشوفناش الا جانب واحد لكل شخصية و يمكن ده يرجع للحجم الصغير للرواية
بالتالي الكاتب قدملك اللي انتا عاوزتعرفه او يهمك انك تعرفه بحيث ان الاحداث تمشي مظبوطة و مفهاش خلل و لكن كان نفسي ان الكاتب يتعمق في الشخصيات اكتر و يرسمها احسن من كدا
----------------------------------------------------------------------------
اللغة في الرواية كانت بسيطة جداً مفهاش اي مصطلحات ثقيلة او استعراض لقوة الكاتب لغوياً مجرد بس سرد و حوارات بالعربية الفصحى .. بأستثناء اسماء الشخصيات اللي كانت غريبة في نطقها و لكن مع الوقت هتتعود عليه و هتكتشف فكرة الاسماء الغريبة دي في اخر الرواية من خلال تنوية الكاتب محمد سليمان بيوضح فيه ازاي استوحى اسماء الشخصيات في الرواية و هتتفاجىء بيها
-----------------------------------------------------------------------------
من نقط ضعف الرواية للاسف وهي الحدث الرئيسي فيها وهو الفصل الخاص بممر الهلاك و اللي اتبنى عليه الرواية للاسف الفصل ده كان صغير و كان نفسي يتقدم في تفاصيل اكتر من كدا بكتيرحتى لو كان ده هيبقى حشو زيادة ولكن بنسبة معقولة كان هيساعد شوية ان الواحد يستمتع بالفصل كدا
-----------------------------------------------------------------------------
في العمل ده لما تقرأه متستناش انك هتقرأ عمل فانتازي ضخم و لكن اضمنلك تجربة قراءة ممتعة لمدة كام ساعة لحد ما تخلصه

[Nour Alaa · Rating 4 out of 5]

فكرة مختلفة عن الرواية اللي فاتت
هتحتاج كل فترة ترجع لشجرة الشخصيات و الخريطة اللي في الأول عشان تربط الأحداث بالأشخاص
كالعالدة كان نفسي الرواية تبقي فيها تفاصيل أكتر من كده :D
بس عموما تجربة لذيذة و مختلفة

[Violinista Yanni · Rating 3 out of 5]

فكرة حلوة ...بس الاسماء قفلتني بجد بس فكرة حلوة جدا

[Hamdy El-Ghandor · Rating 4 out of 5]

الرواية كفكرة عظيمة، وكتنفيذ ف العدد القليل من الصفحات دي ف ده شئ جميل وعبقري، عجبني جدا شخصية الكاتب من الجزء التوضيحي اللي كتبه ف الآخر.
أتمنى ان شاء الله اقرأله حاجة تانية وتكون ليها فكرة ومغذى برضه❤

[Hasnaa Hesham · Rating 1 out of 5]

كروته مش طبيعيه في الروايه و اسماء كتير صعب التفريق بينهم حسيت ان الكاتب بيحاول يوصل لحاجة انا مش فاهماها
اول ٥٠ صفحه كانوا لوحدهم تعريف الشخصيات باسمائهم
توقعت اني داخله علي روايه جامده بس لاء
فكره حلوه بس باظت

[Maather Shouhdy · Rating 3 out of 5]

القصه ظريفه خفيفه خياليه.. يعيبها بس اسماء ابطالها الصعبه

[Abd Elhamid · Rating 4 out of 5]

الرواية تحتوي علي دروس رواية صاحبة هدف ❤

[Amira Aziz · Rating 4 out of 5]

فكرة بسيطة و اسلوب سهل

[Salma Yasser · Rating 4 out of 5]

الاسامي هتقفلك فالبداية لكن أديها فرصتها ومش هتندم.

[Ahmed Khattab · Rating 1 out of 5]

مملة جدا، قرأت منها ٣٠وصفحة و لم أستطع اكمالها

[Mustfa · Rating 5 out of 5]

حاجه في منتهي الجمال🖤والحته التوضيحيه الي ف الاخر والشجره والخريطه الي ف الاول حاجه جامده

[Ahmed Tarek · Rating 3 out of 5]

فكرة جيدة ورسمة خريطة وشجرة عيلة ومجهود وبتاع بس التنفيذ متكروت .. انا حتى أول ما فتحت الرواية وشوفتهم قولت اى ده إزاى عامل دول على الرواية الصغيرة دى

[Hanady Srour · Rating 3 out of 5]

روايه صعبه تتقرا بالورقه والقلم بس مضمونها جميل جدا وتخليك تاخد بالك من مهالك الدنيا عشان تستريح فالاخره ( الشهوة - الطمع - الحسد - الملل- الخ

[Alanoud Talal · Rating 4 out of 5]

عدد الصفحات : ٢٣٩ صفحة
نوع الكتاب : فنتازيا
لهجة سرد الرواية :الفصحى

نبذة عن الرواية : تدور احداث الرواية عن ( جار ) الذي خلقه الله وأعطاه حكم ارض النور ولنسله من بعده ولكي يحقن الدماء ويتقي شر اعدائه تزوج سبعة زوجات من مخلوقات نيرفور السبعة : السحرة ، ذوو الأجنحة، الصخريون ، الحفارون، المائيون ، العمالقة ، الاقزام . وبعد موته امر ابنائه ان يسيروا بجثمانه نحو الشمال حتى يلقو مايدلهم على نهاية مسيرهم ، وسارو مسيرة سبعة ايام حتى دخلو ممر ضيق ومشوا فيه حتى وجدوا في نهايته رجل عجوز جداً وقال لهم هنا تنتهي رحلتكم يا ابناء جار سأتولى انا من الآن مهم الجثمان ، الممر الذي عبرتوه هو ممر الهلاك وهو يوم سعدكم انكم ستعودون من سالمين ، ولكنه ايضاً قال لهم نبؤته التي كانت :( واحدة النسل النقي سيكمل ليسترد أرض النور من سيد الديجور، وحده ابن جار العظيم سيرحل عبر ممر الهلاك سيلقى مخاوفه، عبر رحلته سيعرف من عدوه وسيعود ليكم ما بدأه جار ، سيعود ليحل السلام على أرض النور ويستأصل في النهاية آخر الشرور

[Mustafa Ali · Rating 3 out of 5]

الروايه حلوه وبتلخص نفسها

[احمد الفيلكاوي · Rating 3 out of 5]

فكرة جميلة بوجهة نظري تنفع للناشئة جميل مغزى القصة فهي تحث على مواجهة العيوب التي في النفس

[Muhammad Mahmoud · Rating 3 out of 5]

هتوه شويه فلاول بعدين هتظبط معاك حلوه للعايز يبدا فانتازي

[Salah Eddine · Rating 3 out of 5]

ليس من السهل كتابة الفانتازيا.. لكن فكرة هذا العمل فكرة جميلة.. حتى الأحداث المتسارعة تجعلك تنهي الرواية في جلسة واحدة.. الا ان ما وجدته يعيب الرواية هو سطحية اغلب الشخصيات الرئيسية.. وكثرة ذكر الاسماء الغريبة الي قد تصبح مزعجة في بعض الاحيان.. لكن على العموم الرواية جميلة وخفيفة يستأنس بها.

[Aseel Mohamed · Rating 1 out of 5]

الاسماء رخمة جداا