Stund klámsins : klám á Íslandi á tímum kynlífsbyltingarinnar

by Kristín Svava Tómasdóttir

Stund klámsins er fyrsta fræðilega verkið um sögu kláms á Íslandi og að því leyti tímamótaverk.

Á tímum kynlífsbyltingarinnar á sjöunda og áttunda áratug 20. aldar jókst sýnileiki nektar og kynlífs í vestrænni menningu. Í kvikmyndum og sjónvarpi, bókum og blöðum, leikhúsi og ljósmyndum var kynlíf ekki aðeins gefið í skyn heldur var því lýst af sívaxandi nákvæmni. Víða um lönd velti fólk því fyrir sér hvernig skyldi skilgreina klám við þessar aðstæður. Hvernig var ásættanlegt eða æskilegt að sýna kynlíf – og hvernig ekki?

Stund klámsins fjallar um sögu kláms á Íslandi á árum kynlífsbyltingarinnar og alla þá ólíku aðila sem tóku þátt í að móta skilgreiningu þessa gamla hugtaks á nýjum tímum. Rýnt er í hugmyndir um klám sem andstæðu upplýsandi fræðslu og listrænnar tjáningar, um kynfrelsi og bælingu, ritskoðun og tjáningarfrelsi, ónáttúru og afbrigðilegar hneigðir. Við sögu kemur ýmislegt sem ekki hefur verið rætt í samhengi Íslandssögunnar hingað til – enda stranglega bannað börnum.

342 pages, Hardcover

Published October 25, 2018

Reviews

[Kristján Diego · Rating 4 out of 5]

Fyrstu tveir kaflarnir eru frábærir inngangskaflar að klámsögu og klámfræði. Hinir kaflarnir vöktu ekki athygli mína á sama hátt en samt sem áður áhugaverðar umfjöllun um sögu klámtímarita, erótískra bókmennta, klámmynda, erótískra kvikmynda á Íslandi.

[Alma Wolf · Rating 5 out of 5]

frábær! fyrstu kaflar eru góður grunnur að sögu kláms á vesturlöndum, og seinni kaflarnir um ísland eru ótrúlega áhugaverðir. hafði aldrei áður pælt í því að við værum öll kannski að vinna með mismunandi skilgrieningar á klámi. umræðan um ritskoðun og bönn í tengslum við klám var virkilega áhugaverð. ég myndi vilja heila bók sem kafar dýpra í það hve mismunandi aðgengi var í reykjavík og á landsbyggðini. rotskoðun fyrir sjómennina og bóndana en ekki fyrir menntaða lýðin í bænum.

feedar líka mjög vel í morla panikkið sem að er í gangi núna endalaust á tiktok og samfélagsmiðlum um allar smut bækurnar sem að eru að koma út. afhverju er fólki illa við coleen hoover og my dark vanessa osfrv? rökin sem eru notuð oft í svona tea-videoum eru að þetta eru skaðleg skilaboð í bókunum sem að normaliza allskonar óþverra, en þúst...... maður verður að treysta að fólk lesi með rökhugsun.

anyway! virkilega vel skrifuð og rannökuð, mjög áhugavert umfjöllunarefni. vona að það séu aðrar íslenskar rannsóknir að nýta sér þessa undirstöðu til að kafa en dýpra.

ef að þið hafið einhvern áhuga á klámi sem fræðigrein þá er þetta alger skildulesning!

[Elís · Rating 4 out of 5]

Frábær fræðibók! Vel rannsökuð og einstaklega vel skrifuð. Flissaði upphátt nokkrum sinnum, sérstaklega yfir klámsögunni sem gerðist í vúlvufelli í breiðholti