جذع يابس

by رضا ربيع

عندما تقف الحياه على المحك ؛ إما أن نقاوم السقوط فى هاوية اليأس أو الإنجراف مع تيار اللا عوده

296 pages, Unknown Binding

First published October 8, 2015

Reviews

[سارة الليثي · Rating 3 out of 5]

على الرغم من اختلافي مع تدين أبطال الرواية الذي أراه تزمتاً شديداً في بعض المواقف بعيد عن صحيح الدين ويسره إلا أن أسلوب الكاتب جد رائع وطريقته في سرد الأحداث سلسة ويستطيع نقل مشاعر أبطاله بعفوية شديدة فتضحك معهم وتبكي معهم ولكن الجزء الأخير من الرواية كانت أحداثه سريعة للغاية وزواج أمل بشخص غير معروف كان غير متوقعاً حيث توقعت طيلة الأحداث أنها ستكون زوجة رضا في النهاية وكل المؤشرات كانت تدل على ذلك ولكن في المجمل فقد كانت رواية رائعة ومحفزة وذات هدف ورسالة وهذا النوع من الأعمال يعجبني وأحترمه بشده

[أميرة بلا فارس · Rating 5 out of 5]

حبيت الرواية دي جدا و تخيلتها في خيالي بكل اشخصاها وهما بيتحاوروا وحسيت كلماتها وتمنيتها كتاب ورقي ♥ عجبني فيها الجانب اللي بيظهر تدين الابطال وتسألت اذا فعلا حقيقي وجود الابطال ولا ... لأني فعلا محتاجة اشوف ناس جميلة كده لأن دي الشخصيات الصح متدينين مرحين عفوين بصراحة وصلني الاحساس اللي في الروايه ضحكت معاهم وبكيت معاهم بس اخدت فيها محمل سريع في كتابه النهاية ع الرغم من جمال البداية وطريقة السرد للاحداث بس مع ذلك ابدعت واسلوبك مشوق واستخدامك للكلمات والمصطلحات وادخالك للقصص القصيرة والاحاديث كأمثلة وأدلة اعجبني ذلك واتمني الجاي احلي واحلي ويكون ورقي ... بالتوفيق دمت متألقا ♥

[سارةعادل شريف · Rating 4 out of 5]

الرواية دي من الروايات المميزة اللي قرأتها في الفترة الاخيرة
لغة الكاتب جيدة جدا واسلوب مميز ورائع الاحداث مشوقة وممتعة لكن عندى علامة استفهام على النهاية واللي حسيت انها كانت سريعة جدا اضافة الى بعض الاحداث الغير متوقعة واللي بتخالف كتير من الدلالات والاشارات طول الرواية زي زواج أمل من شخص غريب على الرغم من ان كل الاشارات والدلالات كانت بتقول انها هتتزوج رضا
على العموم الرواية رائعة جدا
تقييمي للرواية 4 نجوم

[بقايا حروف]

صراحة!
من أحسن الروايات اللي قرأتها من فترة طويلة
يحسبلها انها شدت انتباهي وخليتني قرأتها للآخر رغم ان الترة دي مكانش بيلفت انتباهي وبيعجبني غير الرومانسيي بطريقة دينيه
اتعلمت منها كتيييير الإحتساب الصبر ام المقدر واقع أيا كانت الظروف
عجبني إلتزام بطل الرواية جدا

[Eman Hendawy · Rating 1 out of 5]

"جذع يابس " كنت حاسة إن الاسم مناسب جدا لمرحلة الهلاك اللى الواحد بيعيشها فممكن ألاقى جزء من نفسى وسط الكلام ومن كم الريفيوهات الحلوة عن الرواية صممت انى أكملها حتى وانا من البداية عارفة انها مش من نوعية الروايات اللى ممكن أتشدلها وان القراءة لحاجة بالعامية عبارة عن عذاب حرفيا ...
تنفع تتنشر على منتديات للتسلية فقط ..

[Samar Salah · Rating 4 out of 5]

جذع يابس رواية جميله جدا عجبتني جدا لغة واسلوب وحبكة لغتها عاميه وفصحي ودا اداها رونق جميل
مضحكه جدا واستمتعت بجزء الكوميديا فيه جدا
ابطالها فيهم ناس مثاليه ودا مش موجود كتير علي ارض الواقع
الروايه كانت ماشيه كويس لحد ما البطله حصلها ظروف كانت محبطه جدا بس بايمانها ومساعده اللي بيحبوها وقفت علي رجليها واتحدت الدنيا رغم الاعاقة
الاعاقه بتكون في العقل وعمرها ماكانت في الجسم ابدا
عجبتني اوي النزعة الدينية للكاتب
روايه جميله وان شاء الله متكونش اخر مرة اقرا فيها للكاتب
التقييم 3.5 من 5

[أم يوسف · Rating 5 out of 5]

روايه جميله جدا جدا بكل ما فيها احداثها وشخصياتها والقصه حبكتها ممتازة والاروع والاجمل طريقه السرد وتقديم الاحداث جميله جدا وداخل الروايه علم كتير وترسيخ لقيم جميله بس النهايه كانت سريعه وغير متوقعه بس في المجمل روايه رائعه بكل المقاييس

[Amanyashraf · Rating 5 out of 5]

نهايه غير متوقعه لأمل ورضا لكن الروايه ككل مفيدة :")