Truitjie roer my nie: Oor Kempton en ander k-woorde

by Schalk Bezuidenhout, Erns Grundling

Wat beteken dit as ’n jong Afrikanerman jou beskryf as “nogals orraait”? Hoe trek jy die gehoor se aandag as die basaarpoeding hulle gemesmeraais het? En waar o waar in die wêreld is die Pomona Spur – en hoekom sal jy nooit jou vyfjarige se verjaardagpartytjie daar wil hou nie? Sedert hy enkele jare gelede die SA komediewêreld betree het, het Schalk blitsig ’n ikoniese figuur geraak. Hy’t al vir Trevor Noah geopen, hy was die skattige Danny in die kykNET-reeks Hotel, die uiters gewilde aanbieder van Die Kliek op VIA, en in 2018 sal die volk hom geniet in Die Ware Naarheid, ’n satiriese nuusprogram in spitstyd op kykNET. Sy volgelinge op Facebook en Instagram trek ver verby 30 000, en sy kop staan oorsee se kant toe. In dié piepie-jou-nat-van-die-lag memoire verklap Schalk – en sy soortvan-bestuurder, Erns Grundling – die bisarre en hartroerende dinge wat hy oorgekom het op sy reise regoor die land na oral waar ’n mikrofoon en ’n dronk gehoor hom inwag.

224 pages, Kindle Edition

First published June 11, 2018

Reviews

[Arne · Rating 5 out of 5]

:D

Moer snaaks. En tersefldetyd diep nadekend.

Ek het hierdie gelees terwyl ek in Lagos gewerk het so dit het my ongelooflik "misserig" gemaak vir Suid Afrika en al die variasies van humor en moelikheid wat ons hier het.

Daai verlowing situasie is 'n gem, wens dit was op film...
:)

[Salomé Kotzé · Rating 4 out of 5]

Heerlike leesstof met 'n lekker giggel. Kompleet geklink of Schalk vir my die storie lê en vertel. Alles tog nie ligsinnig en ook stof tot nadenke. Baie geniet.

[E · Rating 3 out of 5]

Hierdie boek sou soveel beter sonder Erns se stukke gewees het.