حور

by محمود بكري

Unknown Binding

About the author

محمود بكري
روائي مصري
مواليد محافظة الشرقية - 1993
حاصل على دبلوم صنايع
صدر له رواية مالك وبره الدنيا

Reviews

[Yousra · Rating 1 out of 5]

وهاهم ٥ ساعات ضاعوا من حياتي في هراء لن استعيدهم مرة ثانية.

[محمود · Rating 1 out of 5]

قبل ما أقرأ " حور " فضلت أفكر ايه القصة اللي ممكن تتكتب فيها وخصوصاً ان" مالك " كانت انتهت بالنسبة لي
منكرش إني تفاجئت ببعض الأحداث المحورية ، لكن أنا بردو كنت متوقع بعض الأحداث وكنت متوقع بعض الأفكار فيها

القصة في " حور " كويسه وكان باين محاولة الكاتب إنه يفتح قصة بعد غلق " مالك " ونجح في رسم قصة كويسة
لكن التقديم للقصة دي كان سئ جداً
الانتقالات ما بين الأحداث كانت سيئة جداً لدرجة انى لو بقرأ كتاب رياضيات بحتة كان ممكن أفهم واستوعب اكتر من كدا
الفلاش باك كان سئ وكانت اوقاته غريبة ومش موزونة
اللغة كانت مش كويسة لكن هي أفضل شوية من لغة " مالك " وبعض الألفاظ لا تليق بوضعها في رواية

تانى وزي " مالك" الاساليب والتعبيرات لا تؤهل الرواية انه ناخد منها اقتباس او ان جملة معينة علق في دماغ القارئ

الاحداث المؤثرة في الرواية متقدمتش بصورة كويسة تخلي القارئ يتعاطف ويشعر بالاحداث دي
لدرجة انى كنت بعدي عليهم عادي كأنهم احداث عادية ومتأثرتش بيها خالص

المخلص الرواية كانت قصتها كويسة بس تم وضعها في ظروف (لغة ، اساليب، تقديم ) مش كويسة فضيعتها

[Maha Talal · Rating 1 out of 5]

كتاب سيء جدا

[Doaa Ibrahim · Rating 3 out of 5]

الرواية مؤثرة والربط بين الاحداث كانت فى سياق واقعى غير مبتذل، الجمع ما بين الحاضر والماضى وسردهم فى خط موازى بتبقى فى معظم الكتابات طريقة ناجحة جدا و حلوة ومفهومة بس هنا اتلغبطت شوية لكن فى المجمل الرواية حلوة وخلصت فى كام ساعة

[Yasmina Ashraf · Rating 2 out of 5]

الفكره بختصار ان عوض ربنا حلو وان ربنا طول الوقت بيعوض بطريقه محدش يتخيله.. اللهم عزض يليق بقدرتك وعظمتك 🤲🏻🧡

[Sam · Rating 3 out of 5]

• مش عاجبني الجزء التاني أوي لكن فكرة إنه الواحد يحاول يحب حد بعد الجواز أفضل بالنسبة لى من الحب قبل الجواز طالما الشخص مناسب ومتفهم لمشاعر الطرف الأخر بدلا من جرح المشاعر بسبب الإفراط فى إعطاء الحب على شخص مش واثقين من إنه هيكون من نصيبنا.

• وكمان عجبتني فكرة إنه الزمن بيلف وبيعيد الانتقام لصاحبه حتى لو مكانش عايز اللى أذاه يحصل له كدا.

• وكمان الوفاء للحبيب/الحبيبة حتى بعد الموت كانت حلوة جدا جدا جدا فى الرواية.

لكن مش شرط الواحد يقفل قلبه طول العمر ،لأ لو لقا شريك مناسب ممكن يكمل معاه عادى.

[Asmaa · Rating 5 out of 5]

كيف يمكن للحب أن يدمر الإنسان كما يمكن أن يحييه ؟!

[Ali Khaled · Rating 3 out of 5]

في البداية كنت شايف ان مفيش لازمة للجزء التاني بس الرواية طلعت مش وحشة كجزء تاني.
الرواية مازالت ضعيفة في السرد والحوار كنت حاسس اني تايه مرة نبقي في الحاضر ومرة في الماضي فكان الموضوع مربك صراحة.
الأحداث مكانتش وحشة والحدث الأهم مكانش صدمة كبيرة يعني بس انا بردك زعلت شوية علي اللي حصل.
حسيت ان شخصية مريم رخمة ومحبتهاش في الجزء دا بالذات بس في نفس الوقت اشفقت عليها بعد اللي حصلها.
النهاية كانت مرضية مفهاش حاجة رائعة بس مقبولة يعني.
في المجمل مش زعلان اوي اني قرأت الرواية بس مستني اقرأ روايات أحلي الكاتب.

[Rania Elbeheiry · Rating 3 out of 5]

مالك الجزء الأول كان حلو جدا إنما الجزء التاني للأسف وحش جدا كان كفاية اللي شافه طول حياته كان لازم يعني حور كمان تموت و حبيبة متستحقش انها ترجع حياته تاني و لا انها تاخد مكان حور في حياة بنتهم

[Ahmed Wasfy · Rating 1 out of 5]

أسوأ ثنائية قراتها ف حياتى

[Karim Abubkr · Rating 5 out of 5]

محبتش ان لازم يتصالحوا فى الاخر و لازم يفضل طيب و ليه حور ماتت

[سارةعادل شريف · Rating 3 out of 5]

احد الاكتشافات اللي عرفتها النهاردة انه رواية مالك بتاعت محمود بكري اللي انا مش فاكرة قصتها اصلا 🙄... ليها جزء تاني
اشتريته وقرأته في اقل من ساعتين ولحد اللحظة دي مش عارفة هو ايه الرسالة اللي مفترض افهمها غير انه مالك بقى مريض نفسي ومحتاج يلحق نفسه قبل ما الهلاوس تروح بيه في عالم تاني 🙂🙃
نتكلم جد الرواية ممتازة من حيث الربط بين الحاضر والماضي من غير ما يحصلك نوعا ما تشتت او لخبطة
بس الرومانسية اللي فيها ملزقة اوي🤢🤮 - اني اسف والله - 🐸
وبعد كل هذا شكرا للكاتب اللي اداني قصة خفيفة - وان كانت كئابة الدنيا فيها - رجعتني للقراءة. بس ما زلت عند رأيي يا فندم، ألا وهو إن اللي عملوا مالك ده مش اخلاص ده مرض نفسي ولازم يلحق نفسه وربنا شكرا 🐸

[Amal · Rating 1 out of 5]

رواية سخيفة جدا أحداثها غير مترابطة بالمرة تلاقى البطل كل شوية يفتكر حاجات قديمة وانت مش فاهم حاجة ومتفهمش غير بعد عشر صفحات ولا حاجة وكمان اغلبها باللغة العامية وركيكة جدا فى اللغة انا حاسة انى ضيعت وقت كبير وانصح الكل ان محدش يقراها بلاش قرف مضيعوش فلوسكم ووقتكم على الفاضى لانها فعلا اخرها قرش دا لو ساوت القرش كمان قرش كتير على كمية البيض اللى فيها

[Soma Sama · Rating 1 out of 5]

رواية سيئه جدا جدا تنقل بين احداث فى غاية الفوضى والقصه اللى حاول محمود بكرى فى مالك انه يغلقها وهى جرح مالك من مريم على مدى سنين ومحاوله حور انقاذه من حب فاشل وتصوير حور كملاك تنتشل مالك من حياة مليئه بالفوضى والذكرى السيئه وبعد ذلك ارجعها تانى بطله للجزء التانى عزيزي الكاتب لو بتخاطب فئه اطفال مش هيبقى فيه فوضى فى الرواية بالطريقه دى بالفعل اضعت وقت فى قراءة هراء لامتناهى

[M Gharib · Rating 2 out of 5]

مفيش اى اضافة جديدة للقصة بتاعت الجزء الاول ومفيش احداث و الرواية عبارة عن ملل و محن ملوش اخر غير ان النهاية متوقعة طبعا من نص الرواية و الغريبة ان رواية 200 صفحة و احس بكم الملل و الحشو الرهيب ده فعلا خيبة امل كبيرة بعد الراويتين اللى قريتهم للكاتب قبل كده

[Momen Morsy · Rating 2 out of 5]

I enjoyed the book, but I really felt that there is nothing new and things wasn't reasonable for the current situation of the character however I loved it and I hope to read new books for the same writer

[Aalaa Mohamed Taher · Rating 4 out of 5]

حسيت اني اتلخبطت في القراءة، مكنتش بعرف السرد ده يخص مين بالظبط إلا بعد سطور كتير🙂
الجزء ده اهون نفسيا عليا من الجزء الاول تقريبا، الحقيقة التقييم ده بسبب النهاية اللطيفة واخلاص مالك لحور لحد اخر لحظة❤

[Afnan · Rating 5 out of 5]

مكنتش متخيله ان ده جزء تاني بس حقيقي الحزئين احلي من بعض صدمه تقبل الواقع كانت تقيله ومعرفش ازاي حصلت بس حبيت اني قرات حاجه زي دي حتي لو حستها خيال بيني وبيني بس بدات أفكر فيها وحقيقي مبسوطه اني قرات ده في الوقت الحالي

[༺Lost Dreamer༻ · Rating 2 out of 5]

مخيبة للآمال 💔 وخاصة محاولة الكاتب الغير ناجحة في تقديم الرواية بطريقة الجمع بين الماضي والحاضر والمستقبل .. أعجبني الجزء الاول كثيرا لكن ليس هذا ما كنت أنتظره في الجزء الثاني

[Mai Hossam · Rating 1 out of 5]

الفكرة لطيفة انه يجمع بين الماضى والمستقبل لكن التنفيذ يفتقر الوضوح والقفزة احيانا مفاجئة جعلتنى مشوشة واسلوب الكتابة ضعيف للاسف ظننت الجزء التانى سيصبح اكثر نضجاً

[Nada Muhammad · Rating 2 out of 5]

احداثها كويسه لكنها ناقصه كتير جدا

[Mayar Ahmed · Rating 4 out of 5]

حور اول رواية جديدة كنت وقرأها في 2018 كان نفسي اقرأها عشان رواية مالك لها معزة خاصة في قلبي
بس حور حزينة جدا بؤس لدرجة العياط بس حلوة برضو

[Ahmed Abdalla · Rating 1 out of 5]

الرواية هي استكمال لرواية مالك و هي رواية درامية بحتة تشبة المسلسلات العربي فمن البداية تتوقع النهاية
تقييمي للرواية 3\10

[Loka Ashraf · Rating 5 out of 5]

حور هي الجزء التاني لرواية مالك بجد جميلة اوي و عجبتني جدااا و انا بشجع محمود بكري انو يكمل و ميوقفش

[Shahd Sameh · Rating 5 out of 5]

رائعه 👍💙💙

[Ahmed Elshhdawy · Rating 2 out of 5]

بعد قراءة كامل القصه ( مالك ، حور ) قصه لطيفه و بس اسلوب سرد عادى جدا و أحداث متوقعة لدرجة كبيرة

[Malak Sherif]

لا تستحق اي نجمة ،مللت و لم أكمل قرائتها علي عكس الجزء الأول!

[MERYEM · Rating 1 out of 5]

لم أستطع إحبابها

[Sara Atef · Rating 3 out of 5]

مؤثرة جدًا و عجبتني اوي ❤

[Ahmed Abdelaal · Rating 2 out of 5]

اعتقد انها تستحق نجمتين علي كونها رواية هزلية من حيث التصنيف اكثر من كونها رومانسية