Contes Populaires Inédits de la Vallée du Nil: Traduits de l'Arabe Parlé (Classic Reprint)

by S E Yacoub Artin Pacha

Découverte d’un royaume de contes égyptiens, tirés de l’arabe parlé et transmis de bouche à oreille.

Plongez dans une collection où l’imaginaire populaire prend ruses féminines, voyages merveilleux et combats courageux se mêlent au folklore local autour du Nil.

Ce volume rassemble des récits issus de quatre grands horizons et met en lumière les motifs, les héros et les leçons qui ont nourri l’imaginaire des villages égyptiens. On y retrouve des figures emblématiques, des animaux symboliques et des paysages qui évoquent les coutumes et les croyances de l’époque.

Des héroïnes ingénieuses qui triomphent des épreuves et des menaces voisines. Des figures fantastiques comme des ghoules, des sorcières et des esprits protecteurs. Des aventures où le voyage, les ruses et les défis se mêlent au quotidien des communautés. Un regard sur les liens entre culture locale et influences extérieures à travers le temps. Idéal pour les lecteurs qui aiment les contes traditionnels, les récits de sagesse et les légendes venues du Moyen-Orient et d’Afrique, réédités pour la première fois dans une édition accessible et complète.

339 pages, Hardcover

Published November 10, 2022

Reviews

[Mai Ibrahim · Rating 2 out of 5]

الغلاف حلو والاسم شدني سمعته ع أبجد .. بس هو الاسم مضلل شويه لأن الكتاب مفهوش اساطير هي مجموعة قصص زي اللي بتتحكى قبل النوم كده تبدأ لكان يا مكان وتنتهي بنهايات سعيدة بس 😄

[Esraa Ebrahim · Rating 1 out of 5]

المقدمة جيدة وهي فعلا تشدك للكتاب لكن تبدأ تقرأ تكتشف إنها مش اساطير هي حكايات ما قبل النوم للأطفال!
كتاب مخيب للأمال لانها مش أساطير هي حكايات فيها اسقاطات من الشعب بروح السخريه المسيطر علي المصريين وان ديه طريقه تنفيسهم من حاكم ظالم او محتل..

[Omnia · Rating 3 out of 5]

يعد كتاب "الأساطير الشعبية في وادي النيل" ليعقوب آرتين باشا مرجع أنثروبولوجي هام يتجاوز كونه مجرد تجميع لحكايات شعبية خيالية، فهو يرصد ملامح الوجدان الشعبي في منطقة وادي النيل من منظور بحثي رصين. تكمن القيمة الجوهرية لهذا العمل في كشفه عن "وحدة الحكاية البشرية"، حيث تظهر المجموعات القصصية ذات الجذور الفارسية، والهندية، والآرية، واليونانية، كوافد ثقافي انصهر بذكاء في البيئة المصرية والسودانية، مما يعكس مرونة الشخصية وقدرتها على استيعاب التراث الإنساني وإعادة إنتاجه بما يتوافق مع قيمه وبيئته الخاصة.
أما ​من منظور البحث الاجتماعي، نجد أن الحكاية هنا تعمل كأداة لتحليل البنية الاجتماعية؛ فهي تكشف عن أنماط العلاقات، وتصورات الخير والشر، والآليات النفسية التي استخدمها الإنسان البسيط لمواجهة تحديات الواقع عبر الرمز والأسطورة. والمثير للاهتمام، هو اكتشاف أن هذا النسق القيمي والمبنى الحكائي هو ذاته الذي انتقل إلينا شفهياً عبر الأجيال، وصمد في ذاكرة الجدات أمام متغيرات الزمن، مما يؤكد أصالة هذا التراث اللامادي وقوته في تشكيل الوعي الجمعي.
​ولا يسعني بعد إنهاء هذا الكتاب إلا أن أشكر المترجمة رشا ماجد، التي قدمت نصاً رصيناً، ونجحت ببراعة في الحفاظ على روح الحكاية وسلاستها دون تكلف أو استعراض لغوي. إن اختيارها لهذا العمل وإعادة إحيائه ينم عن وعي عميق بأهمية توثيق الجذور الثقافية وتقديمها للقارئ المعاصر بلغة واضحة تجمع بين الدقة الأكاديمية والتدفق الوجداني. إن هذا الكتاب رحلة في أعماق العقل الجمعي، ومرجع أساسي لفهم الروابط بين الأساطير العالمية وما استقر في صميم هويتنا وتراثنا.

[محمد الحميد · Rating 3 out of 5]

كتاب «الأساطير الشعبية في وادي النيل» ليعقوب آرتين باشا، وترجمة رشا ماجد، من الكتب اللي شدّتني فكرته جدًا، لأن أنا بحب الكتب اللي بتخليني أكتشف أصل الحكايات والخرافات اللي عاشت مع الناس سنين طويلة، ونسأل نفسنا: إحنا جبنا الحكايات دي منين؟ وليه فضلت عايشة لحد النهارده؟

الكتاب في الأصل مش كتاب تاريخ بالمعنى التقليدي، ومش بيحاول يثبت إن الأساطير والحكايات اللي بيحكيها حصلت فعلًا، لكنه بيحاول يرصد جزء من الموروث الشعبي في وادي النيل، ويوثق حكايات كانت متداولة بين الناس، ويبحث في أصولها وتأثيرات الثقافات المختلفة عليها، ويمكن النقطة دي خدعتني في العنوان؛ لأني كنت فاكره كتاب تاريخ بس طلع كتاب قصص قصيرة.

والكتاب فيه 22 حكاية شعبية، ودي مش مجرد حكايات متجمعة وخلاص، لكن آرتين باشا حاول يقسمها بحسب الأصول والتأثيرات الثقافية، فبنلاقي مجموعات مرتبطة بالآريين الشرقيين، والآريين الشماليين، والساميين، وشعوب إفريقيا الوسطى، والمصريين الأصليين.

وده في رأيي من أهم الحاجات في الكتاب، لأنه بيقول لك بشكل غير مباشر إن الحكاية الشعبية المصرية ما اتولدتش في يوم وليلة، وإن مصر بحكم موقعها وتاريخها كانت دايمًا نقطة التقاء بين شعوب وثقافات مختلفة، وبالتالي طبيعي إن الحكايات نفسها تتأثر باللي دخل مصر من ثقافات، وباللي خرج منها لغيرها. عشان كده ما ينفعش نقول إن المصريين بينتموا لعرق واحد ونسكت على كده.

بس الحكاية الشعبية هنا بتكشف لك طريقة تفكير الناس زمان. بتكشف كانوا بيخافوا من إيه، وبيحلموا بإيه، وإزاي كانوا بيتعاملوا مع الشر والظلم والفقر والموت والمجهول. فتلاقي الغول والعفريت والحيوان اللي بيتكلم والبطل اللي بيحارب قوى الشر، لكن لو بصيت أعمق شوية هتكتشف إن كل شخصية من دول وراها معنى.

الغول مثلًا ممكن يكون صورة للخوف من المجهول، والبطل اللي بينتصر على الأقوى منه ممكن يكون تعبير عن حلم الإنسان البسيط بالانتصار على الظلم، والحيلة اللي بتغلب القوة بتقول لك إن الإنسان الضعيف كان محتاج يلاقي لنفسه وسيلة ينتصر بيها في الحكاية، حتى لو مش قادر ينتصر في الحياة.

مش عارف ليه الكتاب ده فكرني بواحد صاحبنا وإحنا صغيرين كان بيحكيلنا عن مغامراته مع طائر الروخ، وكنا بنسمعه، وعاملين إننا مصدقينه، وعايزينه يكمل الحكاية، رغم إنه كلام ما لوش علاقة بالمنطق، ولا حبكة الرواية المعروفة، بس أسلوب الحكي أحيانًا بيفرق.

لكن عندي تحفظ مهم جدًا على الكتاب، وهو إن وإنت بتقرأه لازم تاخد بالك عشان تعرف تفرق بين الحكاية وبين الحقيقة التاريخية. ومش عشان مجرد إنها حكاية موجودة في مصدر قديم يبقى ده معناه إنها حصلت فعلًا. ولكن ده معناه إن الحكاية كانت موجودة ومتداولة بين الناس.

أما ترجمة رشا ماجد، فشايف إنها ترجمة جيدة جدًا، خصوصًا إن التحدي هنا مش مجرد نقل الكلام من لغة للغة، لكن نقل روح حكايات شعبية قديمة من كتاب أصله من القرن التاسع عشر إلى القارئ المصري المعاصر من غير ما تفقد الحكايات طبيعتها.

ويمكن إنك لما بتبدأ تقرأ الكتاب علشان تعرف شوية حكايات قديمة، لكنك بتخلصه وإنت بتفكر في حاجة أكبر: إحنا مش بس بنورث عن أجدادنا البيوت واللغة والعادات، إحنا كمان بنورث خوفهم وأحلامهم وحكاياتهم، ويمكن عشان كده الحكاية اللي اتقالت من مئات السنين ولسه بتتقال النهارده، حتى لو كانت خرافة؛ لأن الحكايات اللي ما حصلتش ممكن تكون أحيانًا أصدق من كتب كتير في وصف الناس اللي عاشوا زمان؛ فهي مش بتحكي لنا بس إيه اللي حصل، لكنها بتحكي لنا إيه اللي كان الناس بيخافوا منه، وبيحلموا بيه، وبيتمنوه.

#مجرد_رأيي_في_كتاب_قريته
#محمد_عبد_الحميد

[حنين عِشرَة · Rating 1 out of 5]

مخيب للآمال لأقصى درجة!

المقدمة كانت مبشرّة بكتاب يعطي فكرة عن طبيعة المجتمع المصري وثقافته وحياته الاجتماعية، ثم؟ ولا أي حاجة، مجرد سرد قصصي فارغ، بلا تعليق ولا تأصيل ولا نبذة ولو بسيطة عن كل قصة: دلالتها، علاقتها بطبيعة المجتمع وقتها، خلفيتها الثقافية.. أشياء كانت كفيلة بتحويل الكتاب لدراسة أنثروبولوجية مبهرة عن المجتمع المصري القديم، لكن انتهى الحال بكتاب قصصي ساذج، كنت بسأل نفسي وأنا بقرأه: هو أنا بضيع وقتي دلوقتي في إيه بالظبط؟ ده حتى طبيعة القصص مش هتسمح لي أقصّها على أطفالي يوما ما

محبطة جدًا

[Yousef Sharaf · Rating 3 out of 5]

في كام قصة من كتر سذاجتها بتضحك وقصص من كتر خيالها بتنبهر، الكتاب في المُجمل لطيف.