كدا بالطو

by عزت صبري

208 pages, Paperback

Published January 1, 2017

Reviews

[MeRaZ · Rating 1 out of 5]

التنمر مش مكانه الكتب !!

[Hager Mohamed · Rating 3 out of 5]

تانى كتاب للصديق العزيز جدًا عِزت صبرى وتجربه كوميديه من الطراز الأول ، أنا كان نفسى جدًا تقييمى يوصل لـ ٥ نجوم بس أعتقد لو عملت كدا علشان إنت صديقى هبقى مُنافقه ودى هتبقى مُجامله سخيفه ، زائد إن فيه ناس هتعتمد على كلامى دا فماينفعش أضللهم ، بس بردو دا مايمنعش إنك هتفضل بالنسبالى من أحسن الكُتاب الشباب اللى بقرألهم حاليًا

الكتاب خلصته فى ساعه ونص تقريبًا ، ومقدرتش أبطل ضحك على مواقفك الساخره لما بطنى وجعتنى ، الكتاب لطيف جدًا ولغته سهله مش معقده وزى ما عِزت قال إن مفيش فيه أى معلومات مُفيده ، فاللى مُتوقع كدا مايقرأش الكتاب أحسن ، فى الكتاب بيحكى ما بين مواقفه فى المُستشفى وميس بطه وعلاقاته بالجيران وعمو أبو سيد وطنط أم سيد وأصدقائه ، شويه مواقف نتاج تجارب شخصيه بيسردها لينا بشكل كوميدى كالعاده وكُل دا موثق بمجموعه كاريكاتيرات ، أتمنى الكتاب التالت يبقى أفضل مما قبله وأتمنالك التوفيق دايمًا يا زيزو :))

[عُلا سيف · Rating 1 out of 5]

فاكر نفسه ظريف وكوميدي لكنه متنمر على معاناة وآلام المرضى في الطواريء بأوصاف عجيبة زي تخينة ومعفن وفخادها وباطها وريحتها وكلام عجيب كدا.. بطبعي عندي مثابرة أخلص ٩٩٪ من الكتب ال ببدأ فيها لكن دا فيه سخافة وتنمر مبالغ فيها لا أتحملها.. نجمة واحدة كتير عليه، المفروض نقابة الأطباء تحاسبه على دا

[Marwa Karim · Rating 1 out of 5]

يا نهار ابيض علي كمية السخافة والاستظراف والتنمر والتريقة علي خلق الله ..دي مادة خام للتنمر مش كتاب ..اقسم بالله لو الكاتب قدامي حضربة بالكتاب في
….وشة ..خسارة الورق اللي اتطبع فية ..اسخف كتاب قريتة في حياتي..يخربيت اللي نصحك بالكتابة خليك في الطب احسنلك وربنا يستر ومتكونش في الطب زي الكتابة

[Rania Kamal · Rating 5 out of 5]

كتاب رائع وساخر ويجسد نماذج مصرية موجوده حوالينا من خلال عيون دكتور الطوارئ في مستشفي... المواقف كلها ساخرة وجميلة والكتاب ييفصلنل عن الواقع ولو لعدة ساعات ... شكرا ل عزت الكاتب الجميل الناضج اللي نقلنا المرواقف دي وحط ابتسامة وضحكة علي قلوبنا ووشوشنا❤️

[Amr Elshamy · Rating 1 out of 5]

كتاب خفيف ومسلي لكن مليان كمية تنمر وتريقة علي خلق ربنا غير طبيعية. مش شايف اي مبرر ان ديه تكون مادة للسخرية او الاستظراف

[محمد عامر · Rating 3 out of 5]

كتاب كان ممكن يطلع احسن من كدا والجزء الثاني من الكتاب عجبني عن الاول

[كيرلس عاطف · Rating 1 out of 5]

الكتاب عبارة عن تكرار لكام كلمة زي بيبي، فخاد، باط، ريحة معفنة، تخين

[Ahmed khoudair · Rating 3 out of 5]

كتاب خفيف

[Mohab Hariry · Rating 2 out of 5]

للأسف كتاب سخيف بشكل عام خصوصا جزءه الأول المتعلق بالمستشفيات الملئ بالتريقة علي الناس فقط..
الجزء التاني فيه بعض الفصول الخفيفة المقبولة