Henry Holland twieled il-Furjana fil-11 ta' Ġunju, 1957. Studja l-Liċeo tal-Ħamrun u kompla l-Università fejn iggradwa fl-Ingliż fl-1978. Għal dawn l-aħħar sittax-il sena għallem l-istess suġġett fi skejjel governattivi sekondarji u postsekondarji. L-ewwel xogħlijiet tiegħu dehru fl-antoloġija 'Nisġa' fl-1982. Preżentament qiegħed jaħdem fuq sensiela ta' stejjer qosra bil-Malti li beħsiebu joħroġ fil-futur qarib.