Un nicho para Marylin

Frank Soutelo #1

by Miguel Anxo Fernández

Frank Soutelo, detective privado californiano de pais galegos, encárgase de investigar a desaparición do cadáver de Marilyn Monroe, co que está relacionada unha rede de necrofilia de "alto nivel". Miguel Anxo Fernández acerta cos seus diálogos faiscantes, coa ironía e cun tratamento novo e orixinal do mítico mundo do cinema.

144 pages, Paperback

First published January 1, 2003

About the author

O Carballiño, 1955. Doutor en Comunicación audiovisual, investigador e teórico cinematográfico, está vencellado desde finais dos anos setenta ao desenvolvemento do audiovisual galego, labor polo que se lle concedeu o Premio de Honra Fernando Rey no 2001. En 2012 recibiu o Premio da Cultura Galega polo seu labor a prol da creación audiovisual. Profesor de Comunicación Audiovisual na Universidade de Vigo, exerce a crítica diaria de cinema e televisión en La Voz de Galicia, ademais de colaborar no Diario Cultural (Radio Galega) e en Planeta Cine (TVG). Entre a súa obra especializada destacan Carlos Velo. Cine e exilio (1996), As imaxes de Carlos Velo (2001, Premio Sempre en Galiza), Las imágenes de Carlos Velo (UNAM, México, 2007), A Bela Otero, pioneira do cine (2002, Premio Chano Piñeiro), Rodado en Galicia (2005) e Os amigos de Chano Piñeiro (2007, ed.). No eido da ficción publicou en Galaxia O sabre do francés (2002) e Capitol, última sesión (2004), ademáis da triloxía sobre o detective Frank Soutelo, formada por Un nicho para Marilyn (2002, Premio García Barros), Luar no inferno (2006); Tres disparos e dous friames (2008), Lume de cobiza (2011), Bícame Frank (2013), O espido de Gina (2014), Un dente sen cadáver (2016) e Blues para Moraima, Premio Blanco Amor 2016.

Reviews

[Meriyou · Rating 4 out of 5]

¿Que que penso? Que vou ler todas as aventuras de Frank Soutelo.

[Manuel Campo Leirós · Rating 3 out of 5]

Resultoume una historia bastante orixinal, curta é directa, sen recheo nin broza.

O maior problema que ye vexo é que quizáis, precisamente por ser tan curta, marchas dela cunha sensación de non chegar a comprender a ningún dos personaxes completamente, nin sequera do protagonista, pois non tiveches tempo de empatizar nin de entender exactamente porqué se comporta así o fai certas cousas. Para o meu gusto o desenlace é un pouco precipitado de máis e creo que non lle viría mal algún xiriño de trama máis potente para sorprender.

Igualmente quédame outras 7 obras en compañía de Frank por diante, cas que eu polo menos penso continuar.

[Tania · Rating 4 out of 5]

Un libro gracioso e trepidante a partes iguais. A historia está moi ben desenvolvida e a forma de narrar do autor é xenial.

Gustoume moito, o único defecto da novela é que se fai curta.

Perfecto para os descansos despois de lecturas densas, lese nun momento e non decepciona.