العاشق

by هند سعد الدين

رحلت عني ، انا الذي اودعتها علي متن طائرة لن تعود .. اودعتها إلي المدينة المجهولة التي تزهق الأرواح .. وقفت اشاهدها تبكي ، تضعف ، ترجوني بعينيها من دون أن يرف لي جفن ، أنا آسف و حانق علي ضعفي !
شاهدت روحها و هي تسلب من اخمص قدميها و هي في حالة سكون ، حتي وصلت لقلبها ، شهقت و تشنجت مقاومة الموت ، أشرت لها بعيني بأنه حان خريف الفراق ، استسلمت حتي أغشي عليها فاقدة الروح ، و فاقدًا أنا خيبتي معها !
- " أعتقد أنه حان وقت النبؤة "

188 pages, Unknown Binding

Published January 1, 2017

Reviews

[محمد مسعد · Rating 4 out of 5]

رواية العاشق لهند سعدالدين
من الروايات اللى استمتعت بيها جداً خصوصاً إنها بتنتمى لأدب الرعب , عجبنى جداً أسلوب الرواية وفكرتها واللى إعتمدت على غن العاشق يكون " تركيبة " عجيبة مابين العالمين بخلاف كل الروايات اللى بتتكلم عن الجنى العاشق , هند لعبت على فكرة الإختيار وتحمل تبعاته وكإنها كانت عاوزة توصل رسالة بتقول فيها إن كل واحد فينا مسؤل عن إختياراته وإن المعرفة هى أول الطريق كمان فيه حاجات كتير مينفعش نتنازل عنها لأى سبب وإننا ممكن نعمل المستحيل علشانها .
الشخصيات تركيبة عجيبة سواء اللى فى عالم البشر أو اللى فى عالم الجن تجسيد للصراع المستمر مابين العالم ده وده , ليا تعليق على مزج الفصحى بالعامية فى الحوار وده كان المفروض تنتبه له خصوصاً إن الحوار بالعامية كان سهل لإنه حوار باللغة المستعملة يعنى هيكون قريب من القارئ الشاب كتير .
النهاية عجبتنى لإنها لعبت على فكرة النهاية المفتوحة واللى ممكن تسمحلها بإن يكون فيه جزء تانى للرواية وفى النهاية فعلاً إستمتعت برحلة خفيفة ومسلية وفى بعض الاوقات مضحكة مع رواية " العاشق " للصديقة والاخت هند سعدالدين "

[Mahmoud Said · Rating 3 out of 5]

رواية جيدة جدا
اسلوب الكتابة والسرد ممتاز
عنصر التشويق موجود لاخر صفحة
عن نفسي اجلت اخر 20 صفحة كذا يوم عشان متخلصش بسرعة..
الغلاف رائع ..
اعتقد اننا محتاجين شوية تركيز بس ع التفاصيل ..التفاصيل دايما مهمة ..
انا جريت فعلا ف بعض الاحداث .. وانا شايف ده ميزة ..خاصة لما تكون متوظفة صح ..
ف اشارة لاغنية اعتقد انها لعبد الوهاب مش عبد المطلب
مش هقول اننا بصدد ميلاد كاتبة جديدة .. لكن احنا بالفعل عندنا كاتبة واعدة ..

[Mahmoud Elbattal · Rating 5 out of 5]

رواية رائعة في مجملها من حيث الفكرة والموضوع وأن كانت أحداثها سريعة نوعا ما أو يمكن أنا اللي مكنتش عايزها تخلص وهي كبداية تنبأ بميلاد كاتبة شابة جديدة

[ريم فتحي · Rating 1 out of 5]

القصه مش وحشه بس الاسلب ضعيف ومحتاجه ترتيب افكار اكتر من كده وتكوين معلومات اكتر عن ما وراء الطبيعة وموضوع الجان والعفاريت وما تحت الارض ووصف المشهد بتفاصيل اكتر والاهتمام بالوصف..

[Ahmed Emad · Rating 5 out of 5]

الروايه ممتازه جدا من اول صفحه فيها يتقول انها روايه رائعه البدايه مشوقه والاحداث سريعه ومشوقه السرد سلسل و لغه الروايه رائعه جدا والنهايه كمان ممتازه روايه تنم عن ميلاد كاتبه ممتازه ليها مستقبل كبير ان شاء الله