شهوة الشر

by محمود عبدالحليم

أريد منك شيئين، ولك حق الاختيار فيما بينهما، إما أن تعلن للملأ أنك أكثر حقارة من أعتى مجرم قد حققت معه، منذ تعيينك معاون للنيابة وحتى وصولك لمدير النيابة الجزئية، وتذكر صراحة كل تفصيلة فعلتها في ماضيك القذر..
أو الاختيار الثاني، الذهب، ونصف رصيد حسابك البنكي إياه..
أرجو أن يكون ذكاؤك في نفس مستوى قدرتك الرهيبة في طمس الحقائق والأدلة..
يا سيادة وكيل النيابة..
"شهوة الشر، هل هي صراع بين عالمين، أم صراع داخل النفس، من أجل البقاء؟!"
غموض، جريمة، دراما، خيال علمي

Hardcover

First published January 26, 2017

Reviews

[Osama Yosre · Rating 2 out of 5]

شهوة الشر - محمود عبدالحليم
رواية تنتمى الى فئة الخيال العلمى ... فكرة الروايه حلوه وهى ان الانسان له قرناء له فى اكوان موازيه وعندما يفعل احد الافراء شى مختلف عن باقى الاقران يوثر عن وجود الباقى فى باقى الاكوان
اسلوب الكاتب الغير مرتب لخبطنى جدا والذى شرحه باخر فصل باسلوب علمى لم يصل الى القارى البسيط بسهوله
قصه مرهقه بسبب عدم التسلسل الطبيعى للاحداث واسلوب التقيطع بتاع الكاتب
الغلاف والعنوان عجبنى وده سبب شرائى للروايه

[ياسمينا سامى · Rating 3 out of 5]

اولا انا مبسوطة ان بقه فى افكار جديدة فى مجال الفانتازيا والغرائبية
الفكرة رائعة وجديدة ومدهشة فى حد ذاتها ونسج الشخصيات وتفاصيلهم حلو لكن تركيب الرواية هو اللى اربكنى وكان صعب
متفهمة ان الكاتب كان قاصد يبعتر الاحداث زى قطع البازل الصغيرة وعلى القارىء تجميعها من الفصول وفهم الحكاية لكن كتر الاحداث الغرائبية اللى بتحصل والمقتطفات خلى تجميعها مرهق جدا واظن انها بس كانت محتاجة تتقلل حبه اومحتاجة مننا قراءة اكثر من مرة .. كمان لفت نظرى المقاطعات فى الجمل الحوارية ..طول الوقت الابطال بيقاطعوا بعض وبيقطعوا جملتهم ده سبب لى عدم راحة بشكل ما فى القراءة ... الجزأ العلمى الخاص بالفيزياء كان ممتع فى الشرح يعنى انا فهمت من شرح عماد ايه اللى بيحصل لكن الاقتباسات كانت صعبة فعلا عليا وقرأتها اكتر من مرة وف الاخر كان فهمى قليل برضو.
الرواية فكرتها جديدة وفيها مجهود حلو قوى من الكاتب وحسيت ان فيها فلسفات كتير ممكن نفكر فيها زى فلسفة الانسان مسير ام مخير .. زى فلسفة هل الانسان بيفكر فى شكل حياته من خلال متطلبات الناس مش متطلباته هو ؟ وتوقفت كتير عند الحب فى حياة البطل اللى كان بيحوله كل مرة لوجهة معينة زى الدفة .. .
اخيرا عناوين الاقسام .. واختيار اللوحات .. والموسيقى
كان هايل

رواية فيها مجهود عظيم حتى لو اختلفنا مع الكاتب فى شكل التركيب لكن تظل فكرتها جديدة وشحذت كل طاقات عقلى من اجل ادراك اسرارها .

[دينا ممدوح · Rating 4 out of 5]

الرواية من البداية ماشية على خط التشويق والمغامرة شوية
وكنت مستغربة لأني توقعت نوعية كتابة محمود عبد الحليم مختلفة عن كدة
وكنت بستغرب جُمل معينة كانت بتتكرر أكتر من مرة وبقول ايه الفايدة
لما بدأ يتكلم في الفيزياء حسيت أني هضايق عشان أنا بكره الفيزياء جدًا الحقيقة
بس بعد شوية بدأ يظبط الموضوع ويفهمنا في أيه
أنا بس حسيت الجزء الأخير أتعمل بسرعة
ووجود هتان مكانش ليه معنى ولو اتشال الجزء ده بيتهيألي ماكنش الموضوع هيفرق
بس أنا عجبتني فكرة الرواية وطريقة تناولها كمان وأنه دخل أكتر من جو عام للرواية دي خلتني ماحسش بالملل وأنا بقرأها