ഷെൽട്ടർ

by സാറ ജോസഫ്

വന്‍‌കിട പദ്ധതികള്‍ക്കു പകരം ചെറുകിട പദ്ധതികളാണ് വികസനത്താല്‍ മുരടിച്ചുപോയ ഈ നാടിന് അനിവാര്യമെന്ന് ബോധ്യപ്പെടുത്തുന്ന കൃതിയാണ് ഷെല്‍ട്ടര്‍. സോനു എന്ന ആറാക്ലാസ്സുകാരനും പത്താംക്ലാസ്സ് കടക്കാത്ത അപ്പ്വേട്ടൻ എന്ന നാടൻ ശാസ്ത്രജ്ഞനും രേണു പവർ എന്ന പവർ ജെനരേറ്ററും പിന്നെ അവരുടെ ഷെൽട്ടറും.

67 pages

Published October 1, 2009

Reviews

[Soya · Rating 4 out of 5]

പുസ്തകം: ഷെൽട്ടർ
രചന: സാറാ ജോസഫ്
പ്രസാധനം: എച്ച് & സി ബുക്സ്
പേജ് :67,വില :70

ഒരു ചെറിയ നോവൽ ആണെങ്കിലും, പ്രകൃതിയെ സംരക്ഷിക്കുന്നതിന്റെ  ആവശ്യകതയും, അതിന് ശ്രമിക്കുമ്പോൾ ഉണ്ടാവുന്ന തടസ്സങ്ങളും വ്യക്തമായി എഴുതി ചേർത്തിരിക്കുന്നു.ആണവകരാറും അണക്കെട്ട് നിർമ്മാണവും പ്രകൃതിയുടെ സന്തുലനാവസ്ഥയെ ബാധിക്കുന്നതിനെ പറ്റിയും പറയുന്നു.

അപ്പേട്ടനും അയൽവാസിയായ കുട്ടി സോനുവും തമ്മിലുള്ള അടുപ്പവും, അണക്കെട്ട് നിർമ്മാണം തടയാൻ അപ്പേട്ടൻ natural ആയുള്ള സൊല്യൂഷൻ രേണു പവർ നിർമ്മിക്കുന്നതും ആണ് കഥ. രേണു പവർ സമ്പദ്ഘടനയെ ബാധിക്കുമെന്നും പറഞ്ഞു, അത് തടയാൻ ആഗോള കമ്പനികൾ ശ്രമിക്കുന്നതും...അപ്പേട്ടൻ തന്റെ പദ്ധതി നാട്ടിൽ തന്നെ ഉപേക്ഷിച്ചു, ഖത്തറിൽ വീണ്ടും ഒരു ഷെയ്ഖ്ന്  പടിവാതിൽ നിർമ്മിക്കാനുള്ള കരാറുമായി നെടുമ്പാശ്ശേരിയിലേക്ക് പോകുന്നതോടെ നോവൽ അവസാനിക്കുന്നു.

സാറാ ജോസഫ് പ്രകൃതിയെ സംരക്ഷിക്കുന്നതിനെ പറ്റിയുള്ള പുസ്തകങ്ങൾ ഒരുപാട് എഴുതിയിട്ടുള്ള വ്യക്തിയാണ്. ആതി എന്ന നോവൽ വായിച്ചപ്പോൾ തന്നെ ജലത്തിന്റെ മൂല്യം മനസ്സിലായതാണ്. സാറാ ജോസഫ്നെ പോലെ സാമൂഹ്യ സേവനപ്രവർത്തനങ്ങളിൽ വ്യാപൃതരായ വ്യക്തികളെ ശ്രദ്ധിക്കാറുണ്ട്, animal help volunteers, spiritual persons, women support groups.... അങ്ങനെ ഒരുപാട്. അവരൊക്കെ മറ്റുള്ളവർക്ക് നന്മ ചെയ്തു, അതിൽ നിന്ന് സന്തോഷം കണ്ടെത്തുന്ന വ്യക്തികളാണ്. ലോകത്തിൽ ഒരു ചെറിയ പ്രകാശം പരത്തി കടന്നുപോകുന്നവർ 🌅🔥