'போய் வாருங்கள் நாகேஷ்' உங்கள் படங்களைப் பார்த்தோம். நடிப்பை வியந்தோம். உங்கள் வாழ்க்கை நெடுகிலும் நீங்கள் விடாமல் முயன்று வெற்றி பெற்றீர்கள். வெற்றியின் ஒரு புதிய சிகரமாய் விளங்கினீர்கள்.
எத்தனையோ துன்பங்கள், தோல்விகள், சோதனைகள் அடுக்கடுக்காய் பிரச்சனைகள். ஆபிரஹாம் லிங்கன் அழக்கூடாதே என்பதற்காக சிரித்தானாம்.
உங்கள் அத்தனை சோகங்களையும் ஒழித்து வைத்துக் கொண்டல்லவா நீங்கள் சிரித்திருக்கிறீர்கள். எங்களைச் சிரிக்க வைத்திருக்கிறீர்கள்.
உங்களைப் போலவே நாங்களும் திறமையை வளர்த்துக் கொள்வோம். கடுமையாய் உழைப்போம். விடாது முயன்று வெற்றி பெறுவோம்.
வாழ்க்கையை முழுமையாய் வாழ்ந்தவர் நீங்கள்! ஒரு ஒப்பற்ற கலைஞனாய் உங்களை நிரூபித்து விட்டீர்கள்! மனங்கள் உங்களை மறவாது, போய் வாருங்கள் நாகேஷ்!