Историјата на луѓето кои умреа од страв

by Ермис Лафазановски

Во Друштвото на писателите на Македонија денеска ќе биде промовиран новиот, шести роман на Ермис Лафазановски „Историјата на луѓето кои умреа од страв“, објавен од „Магор“. Дејството се случува во седумдесеттите години во Скопје и е поврзано со секојдневниот живот на неколкумина странци, кои се привремено сместени во една распадната барака на периферија на градот. Тие се, главно, емигранти и политички бегалци, кои чекаат да биде решен нивниот статус и да го продолжат својот пат. Романот изобилува со интересни ликови чии меѓусебни односи градат една колку веројатна, толку и неверојатна слика за духот на времето, во кое ликовите ги доживуваат најголемите премрежиња, но и ситни радости. Антропологијата на стравот, манипулативните стратегии што го користат стравот како секојдневно оружје за затапување на сетилата за објективност е една од клучните теми што преовладуваат во овој роман.

209 pages, Hardcover

First published January 1, 2012

About the author

Ермис Лафазановски е роден на 8 декември, 1961 година во, Клуж, Романија. Тој е доктор по филолошки науки и работи во Институтот за фолклор „Марко Цепенков“ во Скопје. Член е на Друштвото на писателите на Македонија од 1994 година. На 17 декември, 2014 година, Лафазановски бил избран за претседател на македонскиот ПЕН-центар.

Лафазановски има дадено значаен придонес во современата македонска проза. Поради иновативниот пристап во раскажувањето, тој е добитник на неколку книжевни признанија, како што се: наградата „Стале Попов“ на ДПМ и наградата „Прозни мајстори“ која ја доделува фондацијата „Македонија презент“. Неговиот книжевен опус се состои од повеќе романи, збирки раскази и научни студии.

Половина божилак (раскази, 1992)
Традиција, нарација, литература (монографија, 1996)
Благородник (роман, 1997)
Кога во Скопје ги беа измислиле чадорите (раскази, 1999)
Македонските космогониски легенди (студија, 2000)
Текст и менталитет (зборник, 2000)
Опишувач (роман, 2001)
Анрополошки дијалози (студија, 2002)
Роман за Оружјето (роман, 2003)
Храпешко (роман, 2007)
Недела (роман, 2010)
Историја на луѓето кои умреа од страв (роман, 2012)
Туја (раскази, 2018)