آخر محاولة للزعل

by محمد جابر،السيد

الديوان يضم 32 قصيدة بالعاميّة المصرية ، في 3 أقسام ، تمثل كل منهم حالة خاصة بذاتها ، وجاء عنوانه "آخر محاولة للزعل" كمانشيت عام للحالة الشعرية، وعنوان جانبي للقصيدة الماستر التي تحمل نفس الإسم
الشاعر شاب مصري من مواليد محافظة الشرقية ، ينتمي لجيل التسعينات و درس الخدمة الإجتماعية. وكعادة أبناء جيله ظهرت موهبته في مرحلة مبكرة ، واختاره الشعر لعكس صوته الداخلي المميز.
فكما يصف نفسه على الغلاف الخارجي للديوان :

" حتى أنا
الواد الصغير
اللي يخطف م العنكبوت غزله الرقيق
مانيش بريء"

فهو يقدم نفسه كطفل عابث غير واصي على رأي القارئ أو خاضع لتصنيفه
وتدور أجواء القصائد في مشاهد حياتية قد تبدو معتادة لكنها محاكة بصنعة سريالية ، وتتركز على قواعد العبث والمونولوجات الداخلية ، التي تدور في نفس الشاعر وتنعكس على أصوات الموجودات من حوله.

آخر محاولة للزعل .. أولى محاولات الشاعر المنشورة ، ويصدر عن دار تشكيل للنشر والتوزيع ضمن ظهورها الأول في عالم النشر. ضمن هدفها لإظهار المواهب الشابة والأصوات الأدبية الواعدة. . وتصميم الغلاف للفنان أحمد فرج.

103 pages, Paperback

First published January 1, 2016

Reviews

[Zeinab · Rating 4 out of 5]

هذا الريفيو يحاول إلتزام الحيادية قدر الإمكان، لكن روابط الصداقة ومتابعة الأحلام وهي بتسنن وبتشب زي الأطفال الصغننة له حسابه.
يبقى الأفضل أحكي حدوتة "آخرر محاولة للزعل" من أولها
--------------
أول مشهد:
من 3 سنين جالي تليفون في الشغل من رقم ما اعرفوش، لاقيت بنوتة لطيفة بتقوللي انها ومجموعة صحاب عيزين يعملوا مفاجأة لصديق ليهم ، وطلبت مني أسجل قصيدة له.
في وسط ما بقرا حاجات كتير شبه بعضها كاتبها لمحت الشطر ده" مش بهتان من لون الدنيا لا بالعكس ده أنا متلون"
اوكيه
الصورة دي حلوة
https://soundcloud.com/zeinab-farahat...
------
الثاني:
"الغراب اللي مصاحبني
جاري في الشجرة اليمين
ابنه مات
الخبر فتفت ملامحه"

نعم عزيزي القارئ هو نفس الشخص، بس واضح إن سينا الأرض المباركة ليها أثر مايتمحيش
https://soundcloud.com/zeinab-farahat...
----------------
الثالث:
طيب
العزلة- القراءة- الصدمة
مثلث متساوي الأضلاع
وأحيانا بيبقى مثلث برمودا اللي بيمص حياة البني آدم، لكن بيطرد مواهبته عشان تواجه العالم ووراها ضل لإنسان مستخبي في ضل إبداعه.
. فالمفروض إنه بانكسار ضلع منهم يرجع الكائن لوضع الثبات، وده اللي محصلش هنا.
ف في يوم فاجئني "السيد محمد جابر" الشهير بماريو
بالمقطع ده
"ما كنتش أعرف إني بسكوتي نصبت فخ
وإني أغبى
من عصافير مدينة بنت ليل"

ومن اللحظة دي عرفت إني متحمسة للشغل على أول ديوان له ، وأنا مش خايفة ربنا يحاسبني على ذنب الشجر اللي اتقطع واتطبع من لحمه الكتاب.
ماريو صوته أصلي ومش صدى
والديوان ده أنا فخورة بإن إسمي موجود له إهداء فيه

لمزيد من التوضيح اسمع المزيج ده
https://soundcloud.com/zeinab-farahat...
ويجعلها آخر الأحزان