Адам Клакоцкі і ягоныя цені

by Ігар Бабкоў

Аматараў інтэлектуальных гульняў і блуканняў па разнастайных кантэкстах еўрапейскай культуры і гісторыі, магчыма, не падвядуць і астатнія фабуляцыі аўтара. Вяха ў айчыннай інтэлектуальнай прозе, раман Ігара Бабкова “Адам Клакоцкі і ягоныя цені” зрабіўся першай беларускай кнігай не для ўсіх.

ebook

Published January 5, 2016

Reviews

[Vylivacha · Rating 4 out of 5]

Гэтая кніга не павінна была мне спадабацца, але пэўная струнка душы яе такі ўпадабала.
Пра што? Пра тое, што нашая ідэнтычнасць рухомая і зрэшты нямае розніцы што сон/фантазія, а што рэчаіснасць Усё рэлятыўна і расплыўчыта. Мы - сон адзін аднаго, рэчаіснасць - наш сон, а я - сон рэчаіснасці. Усё мае сваю прызму, аб’ектыўнасці не існуе, кожны з нас - чужая галюцынацыя, аб'ектыўнасць і ўніверсальнасць - апеляцыя да абжытага і знаёмага
Персанажы і месцы, варыянты рэчаіснасці (сны) у кнізе - архетыпы нашага калектыўнага беларускага бессвядомага. Таму тыя месцы і персанажы такія заблюрыныя, быццам бы знаёмыя, а быццам бы не. Як у сне.
Аўтар абірае сон як метад коўпінгу з ты што адбываецца навокал. Для яго няважна, што напраўду, а што не, бо праўды няма. Ёсць толькі сон.
Зрэшты, кніга настолькі абстрактная і гісторыі звязвае нешта настолькі няўлоўнае і метафізічнае, што выдаўцу прыйшлося дадаць тлумачальныя 10 старонак, каб апраўдаць аўтара. Нагадвае загадкавае меланхалічнае рэгі. Загадкава, але дакладна не раю. Чытаць - як прабірацца праз горы літар да ледзве чутнага сэнсу. Бахарэвіча лепш пачытайце

[Hanna Otchyk · Rating 4 out of 5]

Тэкст рухае межы беларускай літаратуры наперад. Мець яго — ўцеха. Але занадта шмат адсылак зьвяртаюцца да такіх абьектаў, што часьціня зваротаў да іх у сусьветный культуры пакінула на іх бліскучыя працертасьці, як на скульптурах, якія варта памацаць, каб загадаць жаданьне. Гэта замінае асалодзе й вымушае больш скэптычна ставіцца.