تعاويذ

by Nabil Abd El Hamed

هناك بُعد لا يمكن إدراكه فينا إلا مِنّا ، إدراكٌ فردي يصل إليه كلٌ مِنّا على حده . هناك من يُدركه مبكراً و هناك من يدركه متأخراً و هناك من لا يدركه أبداً . هذا البُعد هو هويتك الحقيقية التي لن تستطيع حتى أن تنكرها بينك و بين نفسك ، فإن تقبلتها فهنيئاً لك أنت .. و إن لم تفعل فعليك بأن تستعد لدوائر الشقاء في الدنيا . ستظل تبحث عن هويتك داخلك ، وبين جنباتك ، و في دفاترك القديمه ، بل ستبحث عنها في خطاياك أيضاً ، و ستتلوا تعاويذك الخاصه سراً ، فلكل منا تعاويذه التي يتمتم بها ليفتح داخله أبواباً تراكمت عليها أتربة الزمن و علامات الناس ...

من مُقدمة الديوان

للحصول علي الكتاب من هنا
http://www.insanedu.com/2016/01/pdf_2...

160 pages, Paperback

First published December 1, 2015

About the author

نبيل عبد الحميد

مهندس مدني - المنصورة


له ثلاثة ديوان بالعاميّة
1- قانون الدنيا الساخر - يناير 2014
2- أهرام الجمعة - يناير 2015
3- تعاويذ ( النفس . و الناس . و الهوى) - يناير 2016

Reviews

[Ahmed Ibrahim · Rating 2 out of 5]

مش عارف إيه اللي خلاني أحط أمل كبير عليه؟! في الفترة الأخيرة سمعت كلام كتير عليه بإنه شاعر كويس، وده اللي أنا مشوفتهوش هنا الحقيقة.. يمكن يكون أكذوبة زي محمد إبراهيم وعمرو حسن، ويمكن يكون الديوان هو اللي مستواه قليل فقط.
وللحق بحب أقول إن نبيل أحسن من الاتنين اللي ذكرتهم فوق، مش أوي، بس أحسن.. الديوان يقترب من السيئ، أكتر ما عجبني فيه كان الغلاف وبضع قصائد متفرقة.

[Kamal · Rating 3 out of 5]

بما إن ما في الجيب
ما يجيبش كام ذِكرى
أنا هشتريني اليوم
وأبقى أشتريك بُكرة

أنا جيت آخُد فكرة

[Moustafa Mounir · Rating 5 out of 5]

الديوان عالمي ... أنا فعلا هسمع كلام الشاعر و هعمل لنفسي تعاويذ ... ياريت بس إللي بيكتبه كلمتين جنب بعض و يقولوا على نفسهم "شعراء" يحاولوا يقتنوا الديوان ده و يتعلموا ... حاجة فخيمة بعيدة كل البعد عن "المحن و القهوة و الشتاء و السهر و القمر " ... ١٢ ألف نجمة من ٥ ...

[محمود زنون · Rating 5 out of 5]

نبيل عبد الحميدمش هبالغ لو قولت انه أثر في الشعر العامي المصري وأضاف للعاميه المصريه أسلوب مميز خاص بيه
من جديد نبيل بيأكد انه موجود وانه بئر لا ينضب من خلال تعاويذ
ديوان قصايده بالكامل دخلت قلبي .. مفيش قصيده الا وهتستوقف شخص ما عندها عشان يقراها تاني وتالت ورابع ..من خلال القصايد دي بعتقد ان نبيل قدر يوصل لأبعاد نفوسنا , مناطق مكناش بنقدر نعبر عنها هو وصلها وقدر يصيغها بأسلوب شاعري وفنفس الوقت مضمونه لا يخلو من الافكار والتساؤلات
بنصح محبي الشعر الل محتاج شعر يوصل لقلبه وعقله يقرا تعاويذ

[إيمان · Rating 4 out of 5]

ديوان مختلف بكل المقاييس بداية من الغلاف مارا بالمواضيع و اسلوب الطرح و حتى الكلمات ...
استمتعت بقراءة حالة شعرية مميزة للشاعر نبيل عبد الحميد و سأعمل بنصيحته فى صناعة تعاويذى الخاصة ...
القصائد التى تركت بداخلى اثر كانت :
دستور
بين السطور
جيم اوفر
المسألة
كلام فى سرك
اشياء مكسورة
عادى
ريكورد
حجاب
مش كفاية
حكاوى وشوش
لسه السؤال مطروح " 2 "
افيش
جى تانى
نحاول

[Nada Khaled · Rating 3 out of 5]

نبيل عبد الحميد أفضل شعراء العامية بالنسبة لى 💜

[Ahmed Emad · Rating 5 out of 5]

ما قبل الريفيو : -
يقول( أدموند بيرك ) : "القراءة بلا تفكّر كالأكل بلا هضم".

الريفيو :-
فلسفة ( نبيل عبد الحميد) في الكتابة فريدة - جدا - من نوعها ...
لا يكفي أن تقرأ فقط ... بل عليك أن تتفكر - أكثرمن مرة - حتي تصل لقمة المتعه.
كلمات ( نبيل ) تحمل أثقل من وزن الصفحات بكثير ....

أما بعد : -
شكرا .. شكرا .. شكرا للرائع الجميل ( نبيل عبد الحميد )
أنصح به بشدة

[Mohamed Karem · Rating 3 out of 5]

بصراحه انا كنت متوقع ديوان اجمد من كدا لك ان تتخيل انك سبب انى اجى من دمياط علشان اروح معرض الكتاب علشان اشتري ديوانك
كنت منتظر حاجه جامده عن كدا لانى شايف فيك شاعر كبير يعرف ينتقى الفاظه وكلامه ربنا يوفقك ف اللى جاى

[Hager Moharram · Rating 1 out of 5]

:(
Not what i have expected at all

[Sameh arafa · Rating 4 out of 5]

حلو جدا و مجدد في الاسلوب و لازم يتقري كذا مرة =D

[Youssry Effat · Rating 3 out of 5]

اهم ما يميز الديوان و يجعله مختلف عن اغلب الدواوين التى قرأتها
هى فكرة الرسومات الداخلية و التعبيير عن كل قصيدة برسمة ما
احنا قدام مجموعة متنوعة من القصائد فى اكتر من موضوع و اتجاه
بداية من الكلام عن النفس و ما تحويه من لغبطة و عدم اتزان و عن مجاهدة النفس
و تعاويذ الناس باختلافهم و طبيعيتهم و نقل اكتر من صوره لحياه الناس و الروابط اللى بتربطهم ببعض
و تعاويذ الهوى و اللى هى بتتكلم عن العلاقات بين الاحباء
و بنشوف مشاهد من اللقا و الاشتياق و الغزل و الحب

ديوان متميز ..قدر الشاعر الدخول جوه نواقص و مشاكل و نفسيات الناس
والتعبيير عنها بشكل شعرى متمكن

وقريب هيكون فى مراجعة عن الديوان على اليوتيوب
https://www.youtube.com/bookaffe

[Ola Mostafa · Rating 4 out of 5]

أنا كل مره بلاقى نفسى فى اللى بتكتبه ، شكرا على أسلوبك المميز والمختلف والأفكار القريبة من القلب والكلام اللى بيونسّ 💓

[Mahmoud Elmoustapha · Rating 5 out of 5]

يستحق 100 نجمة.. مش 5 بس
ديوان أكثر من رائع، وأفضل بكثير من الديوانين السابقين
نبيل عبد الحميد عنده مهارة التلاعب بالكلمات والسجع بشكل مبهر وبصور شعرية في منتهي الجمال، بالإضافة انه بيمتلك فلسفة خاصة وطابع له يميزه عن غيره
استمتعت جدا جدا جدا

[Amir mogy · Rating 2 out of 5]

الديوان مش بالقوه اللى توقعتها .... مشكلة نبيل عبد الحميد فى قفلة القصيدة ودا مش ف كل القصايد طبعا ....القفلة بتكون ضعيفة ومفاجئة فتحس ان القصيدة خلصت بسرعة بدون ماتكون الفكرة كاملة ...تانى مشكلة ف بعض القصايد بردة ف غموضها واسلوب الغموض بيتبعه البعض عشان يسهل عليهم فى وزن القصيدة واسراء المقيدم تعتبر اكتر واحده بتتبع الاسلوب دا لكنها شاطرة فيه جدا .....دا بخصوص الديوان ..اما بخصوص الشعراء الشبان اللى موجودين الايام دى عيبهم الاكبر ف الاستعجال كل سنة عاوزين يكون ليهم ديوان ف المعرض ومش مهم مضمون الديوان .....يبقى مصطفى ابراهيم انضجهم واكثرهم موهبه ولذلك مبنسمعش عنه كتير ومش متواجد بشكل مبالغ فيه زى عمرو حسن ومحمد ابراهيم وغيرهم من شعراء الايام دى ....على العموم نبيل عبد الحميد شاعر موهوب فعلا وهيتقل اكتر مع الايام وهيكون افضل من كدا

[Nour Hamdi · Rating 3 out of 5]

الديوان مكنش بالقوة اللي توقعتها ، مش بحب الشعر العامي بس بحب أسلوب نبيل عبد الحميد جدا اللي فعلا أضاف للشعر العامي جديد الأسلوب ،والقفلة المميزة .. تنوعت القصائد بين ممتازة وعادية وأخري غامضة! الديوان مكنش ماشي علي نفس الريتم تذبذب بين المُبهر والمُبهم ،اكتر تلاتة عجبوني تراك فاضي وجيم اوفر وع الطبلية .. نبيل عبد الحميد موهوب جدا ولما هيشتغل علي نفسه هيطلع حاجة احسن كتير ، في انتظار القادم ^^

[DỘn Mando · Rating 3 out of 5]

ديوان جميل ماركة نبيل عبد الحميد .. الاسلوب السهل البسيط العميق اللي مليان تشبيهات جميلة و مختلفة و معبره جدا
ديوان تسرح معاه و هتستمتع وانت بتقراه لكن بالنسبالي ديوان اهرام الجمعة كان اقوى من تعاويذ بمراحل
عجبني اكتر جزء " تعاويذ الهوى " .
بالتوفيق دايما يا مبدع و الديوان الجاي يكون اقوى و هفضل اقرالك دايما لأنك " مختلف " .

[Ahmed Abo Baker · Rating 3 out of 5]

مش مبسوط من الديوان ده زي باقي دواوين مولانا الديوان فيه حاجات كويسة بس حسيت انه ممل وفي حاجات مكنتش فاهمها وفي قصايد مكررة من دواوين قبل كده للاسف كنت متعشم في الديوان ومستنيه بفارغ الصبر بس مطلعش زي فيلم العمر ولا قانون الدنيا الساخر ولا الديوان العظيم أهرام الجمعة باختصار الديوان مش مفهوم أو يمكن أكبر من مستوايا العقلي وانا اللي مفهمتوش بس اكتر قصيدة عجبتني قصيدة ماريو والوحش

[زين العابدين محمد · Rating 3 out of 5]

مش عارف ايه حصل ،، كنت منتظر الديوان بفارغ الصبر ومتشوق جداً
اول مره نبيل ميرغمنيش اني ابقي راضي عن العمل ككل ، مولانا دايماً مُبدع ... بس مظنش إن تعاويذ هتكون اقوى اعماله
واخيراً يمكن اكون متذوقوش العمل بشكل جيد .. لكن يظل نبيل عبد الحميد قامه شعريه كبيره في وجهة نظري

[Islam Fahmy · Rating 4 out of 5]

لغة خفيفة وعميقة، مواضيع مختلفة غير تقليدية، ريحه الغربة والحنين للذكريات واضح اوي، حالات شجن كتيرة وجميلة وموجعة عندما يلزم ..
ديوان جميل جداً .. تحياتي للشاعر الجميل نبيل عبد الحميد، وفي انتظار المزيد من هذا قطعاً :)

[Ebrahim Elazomy · Rating 5 out of 5]

مش قصدى اقولك متجييش
انا خايف بس على شعورك
لو صدفت جيت ملاقتنيش
على الصورة الى انت رسمهالى
الأحسن نبعد دلوقتى
وقابلنى فى احسن احوالى
فى الوقت الحالى
ياريت نبقى على قد سلامتك و تعيش

[Mayada · Rating 3 out of 5]

حلو اوى

[بقيت حاوي · Rating 5 out of 5]

كنت متوقع ان الديوان ده هيكون حلو بس مش للدرجادي ..
وهم يا مولانا <3

[عبد الله عماد الدين · Rating 3 out of 5]

ميزة نبيل عبدالحميد إنه بيناقش الأفكار بطريقة مختلفة .. بيعجبني أسلوبه .. و فيه حاجات في الديوان لمستني .. لكن الحقيقة كنت مستني ديوان أقوى من كده .. الجاي إن شاء الله يبقى أقوى :))

[Sherief Tarram · Rating 4 out of 5]

أصابَتْنِي تَعَاوِيذَك ..

[Hamza El-Kady · Rating 3 out of 5]

متوسط المستوي نصف القصائد جيد و النصف الاخر كماله عدد
عجبني في الديوان الافكار الجديده و المتنوعه و تصميم الديوان الداخلي و الخارجي
3 نجوم مستحقه
نهايه الريفيو و نهايه لعام 2016

[Ahmed Saleh · Rating 2 out of 5]

نبيل عبدالحميد شاعر سلس وخفيف وليه حجات جميلة لكن الديوان ده أقل بكتير من " أهرام الجمعة "
يؤسفني اني اقول اني استمتعت بالغلاف والتنسيق والرسوم الداخلي اللي خدمت ع الديوان
اكتر ماستمتعت بالديوان نفسه اللي حسيت فيه بتكرار للتجربة ..

[Ahmed Ragab · Rating 2 out of 5]

نجمة لأول قصيدة 'دستور' + نجمة تانية لشرف المحاولة.

[Mohamed Lethy · Rating 3 out of 5]

شكرا علي تعاويذك ياعم نبيل

[Youmnaa]

انا سطر ملخبط رتبني.

[منةُ الله · Rating 4 out of 5]

إنك تمسك إيد الناس وتحطها على مشاكلهم ونواقصهم وأوجاعهم ومبهجاتهم بمحض إرادتهم دي منحة عظيمة وربنا!
ونبيل متمكن من كدة، الديوان ده زي ال قبله استحوذوا على قلبي وهاستمر في العمل بنصيحة الكاتب وأضعهم قرب متناول يدي.


الجزء الأول أسرني الحقيقة خاصة قصايد: رفايع، الرهان، الحيطة، المفتاح، كان عندي حاجات، كلام في سرك، وتراك فاضي دي عظيمة جدا بقى. ال هو معتش فاضل حاجة مش حلوة تقريبا! :D


الجزء التاني في حاجات ما عجبتنيش بس بيعبر عن الناس وواخد الصورة من برة بإتقان حقيقي.
حبيت منه: فاصل متواصل، سطوح، لسة السؤال مطروح، وصول، وأفيش.


جزء الهوى مفيهوش حاجة علقت معايا.
التعويذة الأخيرة جبارة يعني. :D


وطبعا لا بد من ذكر إعجابي برسومات هبة عيسى. حقيقي أعطت نكهة للقصايد وخليتني أقف عندها فترة أطول.


طول الديوان وأنا باتخيل "عمدان النور" بيغنوا حاجة منه! :D