ليلى

by شروق عبدالقادر على

أعرف أنك تجلسين أمامى الآن .... أكاد أقسم على ذلك ... ليلى هل هذه حقيقة أم أن عقلى أصابه لوثة ما وأصبحت من المجاذيب؟؟؟ ...هل سأهيم على وجهى قريبا فى الصحراء ... أطارد كل غزالة لها نفس عيناكى ... كما فعل قيس جدى الأكبرفى العشق ... وكأن مصير كل من يعشق فتاة اسمها ليلى أن يصبح قيسا ....فمع كل ليلى تولد ينبت مجنون جديد ...

شروق عبد القادر من مواليد المنصوره تخرجت في كلية الاداب قسم اللغة العربية وحصلت على العديد من الجوائز في التمثيل المسرحي. . صدرت لها الكترونيا مجموعة قصصية بعنوان عارية تجري

320 pages, ebook

Published January 1, 2016

About the author

شروق عبد القادر على تخرجت فى كلية الاداب قسم اللغة العربية جامعة المنصورة لها مجموعة قصصية نشرت الكترونيا بعنوان عارية
تجرى وأولى إصدارتها الورقية رواية ليلى وأصدرت مؤخراً رواية زرقاء والتي استوحت فكرتها من الأسطورة العربية القديمة زرقاء اليمامة

Reviews

[ريحانة · Rating 3 out of 5]

"في داخل كل أنثى عربية مهما كانت حرة تسكن جارية صغيرة.. ترفض أن تطلع عليها أحدا سوى من يراها قلبها هارون الرشيد، تختار بإرادته أن تكون جارية لمن تريد، لكن تكره أن يستعبدها أحد."
رواية "ليلى" لشروق عبد القادر - التي من المفترض أن تدور أحداثها في مصر- تبدأ بداية مختلفة جدًا، فالبطلة هنا مغنية ذات شعر أجعد وشفتين غليظتين، تنتحر في أول فصل ل " ترفرف روحها حول من تحب للأبد" الرواية تدور بصورة أساسية عن أحباب ليلى، الأحداث مليئة بقصص حب حزينة، عادية في السرد كما اللغة، الأساليب متداولة، لم أجد فيها اقتباسات تقريبًا، لكن أسَرَتني في الرواية المشاعر الصادقة التي تتقطر من صفحاتها الأولى، ونادرًا ما نجد رواية كهذه، لكن سريعًا ما يضيع ذلك في ظل تكرار الأحداث من وجوه نظر مختلفة، والإطالة المملة في وصف المشاعر دون أدنى وصف آخر.
فكرة هذه الرواية هي نقد المجتمع "العقيم" الذي يتعامل مع الحب بصورة خاطئة، نعم، هو مجتمع معقد وجاهل، لكن هذا المجتمع مطبوع بأخلاقيات دينية لن تبيح العلاقات الغرامية، هل قادها غضبها على المجتمع لأن تكتب على لسان يحيى الصغير "لا أحب الله يا أمي" ؟ أيضا افتقدتُ أي قدوة في الرواية، لن أجد فتاة واحدة محجبة، طاهر يتحكم في شهواته، لذلك هو طاهر جدا، هو فقط يرسم نساء عرايا، البطلة انتحرت واعتبرَته شيئًا إيجابيًا .
هل حقًا السكينة والرحمة منبعهما الأساسي هو الحب" فقط؟ شبهت الغناء بالذكر والصلاة، المطر بإله الرزق، اللغة العربية بالحقيرة وسبّت وضاعتها، لماذا قالت عن مقابر المسلمين أنها مقابر مجازًا؟ تساءلَت: "أي قيود تلك التي تمنع عاشقًا [..] أن يضم معشوقته إلى صدره؟" ماذا عن تقوى الله؟
الأسماء منتقاة بعناية، ولا أقول ذلك لأن اسمي (صفية) واسم أخي (عيسى) واسم ابن عمي (طاهر) ذكر فيها، ولا لأنني أحب اسم ليلى أصلًا لدرجة أنني قررت تسمية ابنتي به منذ كنتُ في الإعدادية، كما أنه أعجبني جدا عناية اقتباس أبيات شعر من" مجنون ليلى".
بقدر ما كان الإهداء رائعًا، كانت النهاية طفولية.

[Tãsŋêm · Rating 3 out of 5]

مش عارفه ابدء منين بصراحه الرواية خفيفه اخدت منى ساعتين ونص ل 3 ساعات تقريبا
مكنتش قرئت لسه عن الكاتبة قبل ما ابدء الرواية بس فى حتت امير لما كان قاعد فى الفندق وفريده شافت خيانته بعنها حسيت انه قاعد فى فندق مرشال وفريدة واقفة عن اخر السلم وصحبتها حوليها , لما ديما كانت تكتب انها نازلة تتمشي فى مدينتها كنت بحسها تقصد المنصورة
وفى الاخر طلعت الكاتبه فعلا من المنصورة
بالنسبة للرواية
طريقة السرد جميلة جدا واللغه عجبتنى انها مش عامية فخلتني اكون مستمتعه وانا بقرء باساليب اللغه المستخدمه, ولكن كمية الانانية والخيانه غير طبيعيه وكميه السذاجه والتسمح غبيه بطريقة تقرف وتموع النفس
اولا ليلى ويحي : انا مش متخيلة واحده تنهي حياتها علشان واحد بيجرحها وبيهنها وبيخونها وفى الاخر تقولك علشان روحها تكون حولية وتلهمه !! الى هو بجد دا فين دا ان شاء الله
صفية وطاهر : هنا بقا ظهرت التضحيه من قبل الراجل الى هو الراجل عملها كل حاجه اى بنت تحلم بيها وفى الاخر راحت تقله مش عيزاك ومبررها انها عيزاه يجري وراها وتروح تتجوز وتخلف وترجعله وكله يبقا اشطه
امير وفريده : لو امير دا كان رجل قتلته وفريده دي ضربتها بالقلم علشان تفوق , الراجل الخاين عمره ما بيتعدل فيفضل يخون ويطلب السماح وهتفضلى انتى تتعذبي
فريده وطاهر : مثال راقى فى الانفصال
ليلى وامير : بحب النوع دا من الصداقة جدا
دا مجرد رئى فى كوتيشن كتيرة اخدتها من الرواية حقيقى عجبتني زى مثلا البرجراف التانى والى بعده فى صفحت 246 عجبني جدا وغيره كتير
احيكي وبالتوفيق فى القادم

[Jaylan ElshaǮrawy · Rating 1 out of 5]

بالتاكيد رايي مش هايعجب حضرتك
لكن حقيقي الروايه من اردأ ما قرات و بعتذر ع رايي اللي ممكن يكون مجحف او جامد
الروايه مافهمتش المغزي منها اكتر من ان فيها كميه رجاله من اندل ما شوفت
و كميه قهر و نكد و اهات و تعذيب
و اسباب واهيه جدا لبعض الشخصيات ف انهم يسيبوا بعض زي مثلا صفيه و طاهر
صحيت من النوم مزاجها قالها انها تسيبه بعد كميه الحب دي عشان يتمسك بيها
لا بجد ؟؟ فعلا ؟؟
و بعدين كل الشخصيات بلا استثناء محدش فيهم حب بجد الحب الحقيقي ما بيبقاش ده رد الفعل فيه نهائي
ايه كميه الانانيه و الخيانه و الجبن اللي مالوش اي مبرر من ابطال الروايه دي و المفروض انهم بيحبوا حب حقيقي بقالهم سنين
ده غير كميه التشبيهات اللي ككاتبه ما بتكتفيش مثلا بمثال واحد لكن لازم تحطي حوالي 4 او 5 امثله
كميه توصيف و تشبيهات لدرجه الملل فعلا
و اكتر الاجزاء فعلا اللي حرقت دمي تجميلك لكل ما نهي ربنا عنه باطار ديني
زي انها دخلت تصلي و تدعي ربنا قبل ما تنتحر
ده ازاي يعني ؟؟
القصه بالنسبه ليا اعرف انها فاشله لما اقلب بالصفحات و الاقي اني مافاتنيش حاجه
ملاقيتش استفاده فعلا من الكتاب اكتر من اني اتضايقت اني ضيعت وقت و فلوس فيه

[Yomy · Rating 5 out of 5]

ليلى
روايه اكثر من رائعه مش متخيله انها اول روايه لكاتبه شابه وتطلع بالشكل ده وتكون بالجمال ده
روايه هتلمسك وهتلمس جزء فيك لانها مفعمه بالاحاسيس والمشاعر..رقى فى اللغه والتعبيرابهرنى..
وده نقدى البسيط جدا ليها وان كنت مش هوفيها حقها
اولا اللغه
لغه عربيه فصحى جميله بتعبيراتها الخلابه..شئ مفتقدينه فى وقتنا ده بسبب كثره الروايات اللى بتكتب بالعاميه
فبالتالى بتحس بالاختلاف والرقى بدون اسفاف او الفاظ خارجه زى اغلب روايات وقتنا ده وطبعا كلكم عارفينها
ثانيا الاحداث
تنقل سهل بين الاحداث بيخليك متشوق لمعرفه اللى هيحصل يعد كده.الكاتبه فى البدايه بتصدمك بوفاه ليلى
لكن بعدها بتعرضلك تاثيرها فى بقيه ابطال الروايه ودورها المحورى فى حياتهم ةتاثيرها عليهم حتى بعد وفاتها
ثالثا الشخصيات
الشخصيات هنا كلها مختلفه عن بعضها بس بيجمعها نقطه ضعفهم اللى هى الحب اللى هو نقطه ضعفنا كلنا فلازم هتلاقى نفسك فى حد فيهم

رابعا وده اهم شى من وجهه نظرى وهو عرض الكاتبه لمشاكل المراه فى مجتمعااتنا العربيه بمنتهى الدقه وبطريقه رائعه من خلال الاحداث
روايه امتعتنى لكاتبه جميله

[Sherehan Mohmed · Rating 3 out of 5]

الروايه: #ليلى
الكاتبة: شروق عبدالقادر

"فعلى الراجل أن لا يستعدى أمراءة .. أحبته الي بعد السماء
فأنتقمها سيكون قدر محبتها"

في أطار رومانسي بحت تجمع الكاتبة بين مجموعه من الاصدقاء منهم من مات ومنهم من رحل ومنهم من افترق ويفتك بهم الفراق والشوق والعذاب والآلام الي تأتي ليلى لتجمع شملهم في النهاية .. ولكن تترك لنا النهايه مفتوحه هل يختار يحيي البقاء معاها أو يعود لحياته مره أخري ؟!

**الروايه تنقصها الحبكه الدراميه وترابط الأحداث ولكن اسلوب الكتابه شيق ومليء بالكلمات المتنسقه والتعبير الجيد
تستحق ⭐⭐⭐

[شروق على · Rating 5 out of 5]

شعور مختلف تماما أن تقرأ كلماتك وأفكارك التى ظللت تدونها لأشهر طويلة منقوشة على أوراق كتاب تحمله بين يديك الأن .. وكأننى أحمل جزءا من روحى بين يديى ... أتذكر كل كلمة متى كتبتها وكيف كتبتها وأين والسبب ورائها وماذا حدث لى اثناء كتابتها ... أتذكر كل شىء ... أشكر كل اصدقائى وعائلتى ومصدر إلهامى لتشجيعهم وايمانهم بى ... واشكر دار لمحة ودار مترو لتبنيهم روايتى وتحمل مسئولية نشرها ... أتمنى أن تصل ألى الكثيرين ... وأتمنى أن تنل إعجاب من يقرأها

[Aya Abdelhady · Rating 5 out of 5]

تستحق اكتر من خمس نجوم....

[Riheb ELbadry · Rating 5 out of 5]

بداية حماسى انى اقرا الرواية كانت مجرد quotes

حسستنى انى هلاقى أحاسيس مختلفة بين صفحاتها

تحرر الروح والحرية

اللى لقيتها ليلى فى خروجها من جسدها ...ولقيتها صفية فى تمردها ووجودها مع طاهر

ولقيتها فريدة فكونها فريدة فى حبها و قدرتها على ��لمسامحة

أسلوب أدبى مميز جدااا ....وتشبيهات تاخدك لعالم تانى

من الحاجات الحلوة اللى قريتها فعلا

شابوه شروق عبد القادر

[Aliaa Elwasila · Rating 3 out of 5]

عن بساطة المشاعر وتعقيد العلاقات ، الحياة ليست ضد احد كل ما في الامر اننا عاطفيون والحياة عقلانية

[إنجي مطاوع · Rating 4 out of 5]

#ليلى

#شروق_عبدالقادر

رواية بتسحبك من الواقع للواقع تاني بطريقة هادية وجميلة
مجموعه من قصص الحب بتناقشها الكاتبة بطرق مختلفة وبتعالج كل قصة منها باسلوب مختلف وكلهم من واقع الحياة
صحيح مش متفقة معاها في بداية القصة واختيار ليلى في تكملة باقي الحياة بالطريقة دي
لكنه لم يمنع من اني اكمل الرواية واستمتع بيها كمان
لغة حلوة سلسلة وجميلة معبرة
شخصيات مختلفة بتخليك تعيش جواها ومعاهم بكل تفاصيلهم وحكاياتهم ومشاكلهم
احزانهم وافراحهم
تحاول تحل ازماتهم وتدور على مخرج معاهم
تعيط معاهم وتفرح معاهم
مش شايفة ان البطل يستحق كل اللي ليلى عملته عشانه هو ندل من الاول وعارف انه هيستندل معاها وكمل
ولما حبيته صدمها ومع ذلك فضلت معاه للاخر
مكدبش عليكي خد مني شتيمة السنين يعني كذاب ووصولي وعادي كده بس يلا اهو عمل شوية اكشن حلوين في الاخر
امير كمان عامل فيها كازنوفا :)
لولا اني عارفة ان في بنات واطية كده وفي رجالة كده كنت قولت انتي جايبة القصص دي تنكدي علينا
بس حلو انك كمان جبتي قصص بتبين الناحية الجميلة في الحياة مش كله كئيب ولا كله تفاؤل وبس
من الاخر عجبتني وبتمنالك كل توفيق ونجاح
اه صحيح الدار طابعه الرواية بشكل روووووووووعة

#انجي_مطاوع

[Ahmed Galal · Rating 3 out of 5]

لقد فضلت ليلي علي الناس مثلما علي ألف شهر فضلت ليلة القدر
ليست المرة الأولى التى أقرأ فيها هذه الرواية ولكنى تذكرتها واحببت أن أبدأ بها لعلها تكون بداية لعودتي للقراءة بعد انقطاع طويل ... الرواية تجسد قصص واقعية لحالات كثيرة منتشرة فى مجتمعنا على الرغم من كم الآسى فالرواية إلا ان الكاتبة لم تختلق شيئا من الخيال بل هوا واقعنا الذي صاغته الكاتبة باسلوب شيق وان كنا نبحث عن البهجة فالكتب والروايات فلعلنا ندركها فى انفسنا أولا لتصبح واقعا بعد ذلك وليس مجرد خيال .. اسلوب الرواية سهل وممتع وقد استخدمت الكاتبة اللغة العربية الفصحى باتقان وابتعدت عن التعقيدات .. ملاحظتى عن الرواية هي التطويل فى بعض المواقع والتكرار أحيانا الا أنه لا ينقص من قيمة الرواية كعمل يستحق الاقتناء والقراءة

[Abdallah Hammam · Rating 4 out of 5]

" كتبت هذه الرواية بروحي و أتمني أن تقرأها بروحك كذلك " .
كانت هذه كلمات الكاتبة و هذا ما أحسسته عند قرائتي "ليلي".
كلمات عذبة سهلة تغوص بك في أعماق الرواية و شخصياتها و كانت لغة عربية فصحي اضفت علي الكلمات عظمة و جلال.
و علي الرغم من انقطاعي عن القراءة لفترة إلا إنني لم أجد صعوبة في تذكر الشخصيات و الأحداث عند معاودتي لإستكمال رحلتي الممتعة داخل الرواية و التي كانت مثيرة في اجزائها الأخيرة جعلتني التهم اوراقها لمعرفة ما ستؤول إليها سطورها الأخيرة.

[Ahmed Taha · Rating 4 out of 5]

انتهت اليوم من رواية #ليلي الروايه رائعه بكل المقاييس عجبني فكرة موت البطله قبل الروايه ما تبتدي عجبني فكرة اكتر من بطل للروايه يمكن هي مش رواية تقيله ولكن رواية جيده جدا لكاتبه اول مره اقرالها عجبني قصة صفيه وطاهر جدا أفضل جز ء عجبني الشئ الوحيد اللي ديقني ولكن مش قوي الوصف الكتير لنفس الشئ مره واتنين وتلاته لكن في النهاية انا قدام رواية جيده لكاتبه جيده

[Silelnce Idea]

الروايه شكلها حلو وكويسة
بس المشكلة ان الصورة المستخدمة للغلاف منزلينها من النت ودي اكبر
مشكلة

[Hala Nabil · Rating 5 out of 5]

لقد فضلت ليلي علي الناس مثلما علي ألف شهر فضلت ليلة القدر <3