ရူပနန္ဓီ၊ ရူပကလျာနီ

by ရွှေဥဒေါင်း

A Burmese Reimagination of She: A History of Adventure by H. Rider Haggard.

Paperback

Published August 1, 2007

About the author

မန္တလေးမြို့ဇာတိဖြစ်ပြီး အမည်ရင်းမှာ ဦးဖေသိန်းဖြစ်သည်။ ၁၉၀၈ တွင် ကာလကတ္တားတက္ကသိုလ် အသိအမှတ်ပြု ဝင်ခွင့် စာမေးပွဲကို အောင်မြင်ခဲ့သည်။ ကျောင်းဆရာ၊ သစ်တောစာရေး၊ တောလိုက်စာရေး၊ မဂ္ဂဇင်းအယ်ဒီတာ၊ သတင်းစာအယ်ဒီတာချုပ်အဖြစ် ကျင်လည်ခဲ့သည်။ ပင်ကိုရေး၊ အမှီးနှင့် ဘာသာပြန်ဝတ္ထုတိုရှည်များ၊ ဗုဒ္ဓဝါဒ၊ တွေးခေါ်မြော်မြင်ရေး၊ အတ္ထုပ္ပတ္တိစာအုပ်များ ရေးသားခဲ့သည်။ အထူးသဖြင့် စုံထောင်မောင်စံရှား အမှီးဝတ္ထုများ၊ တစ်သက်တာမှတ်တမ်းနှင့် အတွေးအခေါ်များ၊ ဒိဋ္ဌေဒိဋ္ဌမတ္တံ လက်တွေ့ကျင့်စဉ် စာအုပ်များမှာ ထင်ရှားသည်။ မြန်မာစာပေနယ်တွင် အမှီးဝတ္ထုပုံစံကို ထူးချွန်ပြောင်မြောက်စွာ တိုးချဲ့ဆန်းသစ်ခဲ့သည်။ ရရှိခဲ့သည့် စာပေဗိမာန်ဆုများမှာ မျှော်တလင့်လင့်ဖြင့် ၁၉၅၂ ခု ဘာသာပြန်ဆု၊ သွေးစုပ်မြေဖြင့် ၁၉၅၅ခု ဘာသာပြန်ဆု၊ တစ်သက်တာမှတ်တမ်းနှင့် အတွေးအခေါ်များဖြင့် ၁၉၆၁ ခု သုတပဒေသာဆုများ ရရှိခဲ့သည်။

Reviews

[Hein Thiha · Rating 4 out of 5]

ဈာန်ဝင်

[..]

Wonderful💖

[Pancy · Rating 4 out of 5]

အစက စောလမုန်သိုက်နဲ့ အိုင်ဗရီချိုင်း ကို စွဲလမ်းခဲ့ရတယ်။ နောက်တော့ ကိုးတန်းလောက်မှ ရူပနန္ဒီ ရူပကလျာဏီကို ဂျာနယ် တစ်ခုမှာ တစ်ပတ်တစ်ခါအပိုင်းလိုက် ဖတ်လိုက်ရတယ်။ အဲ့အခါမှ ရွှေဥဒေါင်းရဲ့ ဘာသာပြန်အရည်အချင်းတဲ့ မှီငြမ်းတဲ့ အိုင်ဒီယာကို နည်းနည်းခိုက်မိသွားတာ။ ဂျာနယ်က အပတ်အစဉ်ဆိုတော့ လွတ်ပြီး ရူပကလျာဏီရဲ့ ဇာတ်လမ်းကို အပြီးထိ မဖတ်လိုက်ရဘူး။ ဘာသာပြန်ထက် မှီငြမ်းတွေကို လက်ခံနိုင်တဲ့သူတွေတော့ ကြိုက်မှာပါ။ H. Rider Haggard ရဲ့ She ထဲက Ayesha ကို ရူပနန္ဒီ ဖြစ်အောင် ယုံအောင် ဖန်တီးပြီး စွန့်စားခန်းတွေကို အင်ဒီယာနာဂျုံးလို ခံစားရအောင် သရုပ်ဖော်သွားတာတွေအတွက် ဖတ်သင့်ပါတယ်။ သူ့ရဲ့ စာအရေးအသားကတော့ ရှေးရိုးဆန်တော့ အစတော့ အသားမကျနိုင်ပါဘူး။ စွန့်စားခန်းဘာသာပြန် မှီငြမ်းတွေ ကြိုက်သူတွေအတွက် သူ့အရေးအသားတွေ ကြိုက်သူတွေအတွက် စာအုပ်ကောင်းလို့ ညွှန်းချင်ပါတယ်။ ဘာသာပြန်ခြင်းအနုပညာရဲ့ ဥပမာကောင်းတစ်ခု။