Жахангүшейн замаар

by Ц.Санчир

Монголчууд дэлхийн гурван өнгө арьсны эртний бөгөөд олонхийг нь бүрдүүлсэн үндэстний хувьд монголжуу (монголоид) гэж шинжлэх ухаанд тодорхойлогдож нийтээр хүлээн зөвшөөрөгдсөн үндэстэн билээ.Монголчууд дэлхийн таван тивийг гурвантаа эзэгнэсэн бөгөөд наад захын тооцоогоор дөчин мянган жилийн тэртээд хойт, урд Америк хүртэл нүүдэллэж эзгүй нутгийг эзэнтэй болгосон. Дараа нь Хүннү гэгдсэн Хүн улсын үед гурван тив буюу Ази, Африк, Европ

тивд улсаа байгуулж байсан. Дараа нь Чингис Хагааны их эзэнт гүрнийг байгуулж мөн л нөгөөх хүннүгийн эзэгнэж асан газар нутгийн хэмжээнд дөч гаруй улсыг нэгтгэн захирч бараг дөрвөн зуугаад жилийг туулсан. (Их Могол улс хамгийн сүүлд Английн эзэмшилд орсон хүртэл). Ийм л өргөн хүрээтэй, олон давталттайгаар тархан суурьшсаны дараа дэлхийн бараг бүх тивд монгол угсаатан аж төрөх болсон.

234 pages, Paperback

First published January 1, 2012

Reviews

[Zolbayar · Rating 3 out of 5]

Манайхан цагтаа өмнө зүгт Индонезийн Суматра арал, баруун зүгт Сири, Египет хүртэл тулалдаж явсан агуу үндэстэн. Хотын төвөөс Тэрэлж хүртэл алхаад үзвэл, 50 -хан жилийн өмнө Архангайн зарим сумдаас хот хүртэл 2 өдөр машинаар явж ирдэг байсныг бодоод үзвэл бидний дээдсийн бүтээсэн түүх гайхамшиг юм аа.

Чингис хаан болон түүний үр сад нарыг "Ертөнцийг байлдан дагуулагчид" буюу "Жахангүшей" гэж нэрлэдэг байжээ. Тэдний байлдан дагуулсан улс орнуудад хоцорсон Монголчуудын үр удам, бүтээн байгуулалтыг маш их эрсдэл гарган явж сурвалжилжээ. Даанч энэ номондоо их товчхон оруулсан шиг байна.

Хамгийн сүүлд нь "Мөхөж буй үндэстэн өнгөрсөн түүхээрээ амьдардаг" гэх үгийг эсрэгцүүлж баахан юм бичсэн нь их л жигтэй болж. Уг нь таалагдаж эхэлж байсан сан...

[Frank · Rating 5 out of 5]

Монгол үндэстний түүх бол агуу. Дэлхийн хоёр тивийг бүхэлд нь дамнан 40 гаран улсыг эгнээндээ нэгтгэсэн их эзэнт гүрнийг байгуулсан улс биднээс өөр одоогоор байхгүй билээ. Хамгийн чухал нь түүхээ мэдэх, түүхэн газар, түүхэн ард түмэн, үндэстэнг мэдэх, ёс заншил, соёл өв уламжлалаа сурахад энэ ном гарцаагүй үнэт судалгааны бүтээл болжээ. Зохиолчын үгийн баялаг, өгүүлэх хэлбэр хийгээд судалсан, сурсан мэдсэн нь арвин ажээ. Зорьж авч, цаг гарган унших хэрэгтэй бүтээлд тооцно!