Гутаркі з Антонам Шукелойцем

by Зянон Пазьняк

На працягу 2001—2003 гадоў Зянон Пазьняк вёў гутаркі з Шукелойцем, запісаныя ў форме ўспамінаў і разваг. Гэтыя запісы гутарак і склалі кніжку пра Антона Шукелойця, пра падзеі ў ягоным жыцьці, здарэньні, сьведкам якіх ён быў і пра якія распавёў у нясьпешнай гаворцы.

Шукелойць разважае пра падзеі 1930—1940-х гадоў, якія гэтак перакручаныя, сфальшаваныя і замоўчаныя. Ён быў назіральнікам і непасрэдным удзельнікам палітычных плыняў і падзеяў нядаўняй беларускай гісторыі. А гэта – перадваенная Вільня і яе ўнівэрсытэт, “Першыя саветы” (1939—1941) у Заходняй Беларусі, Менск пад нямецкай акупацыяй, дарога ў чужыну.

Многія сьведчаньні Шукелойця проста сэнсацыйныя ды прымушаюць задумацца пра праблему выбару нацыянальных дзеячоў ва ўмовах пэрманентнай акупацыі іхнай краіны рознымі таталітарнымі рэжымамі. Што лепей – ухіляцца ад усялякага супрацоўніцтва з гэтымі сіламі ці спрабаваць у такіх неспрыяльных варунках нешта рабіць дзеля сваёй Радзімы? Гэта пытаньне непазьбежна нараджаецца пры чытаньні кнігі.

149 pages, Paperback

Published January 1, 203

About the author

Зянон Станіслававіч Пазьняк (нарадзіўся 24 красавіка 1944 году, в. Суботнікі Іўеўскага раёну, цяпер Беларусь) — беларускі палітык і грамадзкі дзяяч, адзін з заснавальнікаў Беларускага Народнага Фронту «Адраджэньне» і Мартыралёгу Беларусі, старшыня Кансэрватыўна-Хрысьціянскай Партыі — БНФ, археоляг, мастацтвазнавец, празаік, паэт. Кандыдат мастацтвазнаўства (1981). Аўтар амаль сотні навуковых, палітычных і культураляґічных артыкулаў, выдаў звыш за дзясятак кніг і брашур.

Reviews

[Paul · Rating 4 out of 5]

Звыкла бачыць Зянона "на трыбуне": прамоўцам, экспертам, лектарам, а тут аўтар выступае ў іншай ролі - інтэрв'юера. Думаецца, у гэтым жанры спадар Зянон мог бы сапраўды зрабіць яшчэ больш карыснага, каб займаўся гэтым стала. І госьці, у яго век, былі сапраўдныя "селебрыці" - беларускія пісьменнікі, паэты, дзеячы, якія яшчэ жылі ў 80-ых ці 90-ых. Такіх Мікіта Мелказёраў ужо пры ўсім жаданьні не запросіць, а пачуць іх думкі было б вельмі каштоўна.

Гэта кніга дакладна будзе дарэчы ўсім, хто цікавіцца гісторыяй нашай эміграцыі, варункам беларускага жыцця і ў Заходняй Беларусі да Другой сусветнай, і потым, у Менску, у часы самой вайны. Добра, што гэтыя ўспаміны атрымалася сабраць, захаваць і выдаць асобнай кнігай.