Дзве новыя аповесці Камілы Цень. Прыгоды кантралёркі грамадскага транспарту Зінаіды Юр'еўны працягваюцца!
Яшчэ больш вандровак па каларытных мясцінах Мінска: гэтым разам галоўныя месцы падзей — парк 50-годдзя Кастрычніка і інтэрнаты ля метро Магілёўская. Яшчэ больш загадак, з якімі можа даць рады толькі непаўторны дуэт Юр'еўны і Гаркавага. Не горш за Холмса і Уотсана!
нават калі некаторыя павароты сюжэту і нейкія дэталі выглядаюць не ідэальна - серыял пра Зінаіду Юр'еўну адназначна ў маім топе за гэты год. падаецца, за апошні час гэта ледзь не адзіная аўтарка, кніжкі якой я адчуваю як максімальна блізкія, свае.
"- Радавацца нада. Што будзе ў сталіцы яшчэ адзін спарціўны аб'ект. Для народа. Для дзяцей і ўнукаў. - Дзе тыя дзеці, што твой, што мой" Ах, Зінаіда Юр'еўна і рассмяшыць, і расчуліць, і раззлуе, і дакладна заінтрыгуе сваімі прыгодамі. І цудоўныя Ангарская і парк 50-я як галоўная мясціны 😍😍
Самы чаканы працяг цыклу ў 2025 годзе не Оніксавы шторм, а Наступны прыпынак - смерць. Не расчараваў! Намагалася расцянуць на падолей, але не атрымалася. Тэрмінова трэба працяг
Дзве новыя аповесці пра прыгоды непаўторнай Зінаіды Юр’еўны для тых, хто сумаваў без яе ❤️
А для тых, хто не ведае: Зінаіда Юр’еўна — кантралёрка грамадскага транспарту, якая распутвае сапраўдныя дэтэктыўныя гісторыі, бо вельмі добра разумее людзей і ёй «большэ ўсіх нада».
Як заўсёды каларытна, пазнавальна і з эвалюцыяй гераіні. Нібыта наша Зінаіда Юр’еўна больш рэфлексуе, больш спыняецца і задумваецца… але гэта не паўплывала ні на гумар, ні на дынаміку аповеду.
Кожная аповесць з кнігі захоплівае і трымае да апошняга. Хочацца бясконца сачыць за тым, як Зінаіда Юр'еўна разблытвае клубок таямніц. Гэта кніга мне яшчэ больш спадабалася, чым першая.