‫إنهم حقًا رجال شرفاء‬

by ابتسام شوقي

تعيش أم علياء ذات السبعين عامًا أيامها الرتيبة الهادئة في شقة أرضي في حي قديم من أحياء الإسكندرية الشعبية، وعندما تزورها حفيدتها ذات صباح لتدعوها إلى حفل زفافها، ينفتح صندوق أسرار لا يتوقعها أحد، ونكتشف أن أم علياء امرأة غير عادية.
رواية ممتعة عن علاقات الرجال بالنساء، وعلاقات البنات بأمهاتهن، وتضامن النساء معًا.
رواية تتناول أمورًا مؤلمة، ولكن بحس ساخر، اجتمعا معًا بأسلوب ابتسام شوقي المميز.

عن المؤلفة
ابتسام شوقي، من مواليد الإسكندرية، ولا تزال تقيم في أحد أحيائها القديمة. درست السياحة والفندقة، وهي أم لثلاثة أبناء وعشر قطط. بدأت الكتابة رغبة في المشاركة، وعُرفت بين القراء باسم «إسماعيل بيه»؛ نسبة إلى اسم صفحتها على الفيسبوك.

110 pages, Kindle Edition

First published January 25, 2025

Reviews

[ميرنا المهدي · Rating 4 out of 5]

الرواية دي لو تحولت إلى فيلم هيبقى علامة فارقة في السينما وهياخد جوايز كتير والرواية نفسها تستحق جوائز أدبية.
بقالي كتير ما تأثرتش بقضية عمل أدبي كده.
ملحوظة: القضية اللي بتناقشها الرواية غير مناسبة لبعض الفئات العمرية.

[Amr · Rating 4 out of 5]

طول ما انا بقرا الاغنية في بالي اغنية واحدة بس :

يا مرايتي شو ضيعت شو لقيت
وشو باقي فرص
يا مرايتي قلبي تعب عن جد
من كل القصص
يا مرايتي يا اللي بتعرفي حكايتي
مقهورة من غدر البشر
مهمومة قاتلني الضجر
في جروح عم تترك أثر
ترسم طريق نهايتي

تبدا الرواية ب الجدة الحزينة الجالسه في منزل قديم بمفردها المنزل خالي من السكان وخالي من الروح فقط مليء بالقصص ، في يوم مفاجئ تتفاجأ الجدة ب ضيف يطرق باب منزلها وتعرف انها حفيدتها التي لم تراها من قبل ،بعد ان تركتها بنتها وهيا في سن المراهقه بسبب حادثه غامضة ، تقطع الاخبار بين الام وابنتها وتعيش الام وحيدة بذنب لم تقترفة بمفردها بل ارتكبوا المجتمع بحقها ، تدخل الحفيدة وتدعو الجدة الي الفرح ولكن تاخذ الامور مسار مختلف من الاحداث وتنقلب الي جلسة اعترافات وكشف عن ماضي غامض للبيت وللجدة.
الرواية جريئة جدا وحزينة جدا جدا كان في صفح ببقي خلاص هعيط فيها حبيت جدا الوصف وطريقه السرد والحوار (العامية) شوفت ان فعلا القصه لازم تبقي ب العامية وده مقللش من الرواية خالص بالعكس حسيت ان فعلا ده الصح ( معجبنيش ان في نقاشات كنت بحس انها متاخده من كتب مش اتنين قاعدين بيتكلموا لا تحس الكلام محطوط لهدف واضح وده خرجنا من إطار الكلام) في المجمل رواية جيدة ناقشات الكثير من قضايا المرأة في الاحياء الفقيره ب طريقه جريئة لا تناسب الكثير من جراتها.
الرواية مفيهاش رجال شرفاء حرفيا كلهم ولاد ستين في سبعين (كان نفسي الكاتبة تهدا علي الرجالة شويه مش كلنا كده والله)

[Amr Amer · Rating 3 out of 5]

مؤسف جدا ان كتاب زي ده كان ممكن يكون عظيم بس يروح في الحتة دي
بما اني لسه مخلص الكتاب وعندي مشاعر مختلطة هحاول اكون منظم
الحاجات اللي عجبتني:
جرأة الكتاب
-يا الله ايه الكتاب الجرئ ده هذا هو ذوقي
حبيت ان الكتاب مكتفاش بمناقشة التحرش اللي بيحصل غصب عن الست ولكنه كمان ناقش رغبات الست الجنسية
وعلاقة الرجالة والستات ببعض وبالجنس
-اسلوب السرد كان مشوق جدا
ومفيهوش ملل
رغم اننا كل شوية بننتقل من حتة لحتة مختلفة
بس دايما كنت ببقى متشوق ومش بزهق
-شخصية ام علياء اتكونت كويس الى حد ما
مقدرش انكر اني ساعات مكنتش بفهم تصرفاتها بس في المجمل كانت شخصية متصممة كويس

حاجات معجبتنيش:
ان الرواية احيانا كانت بتتجرد من كونها رواية وبتلعب دور الكتاب
افكار بتتزرع في شكل كتاب مش قصة
حتى صديقة ليا قرأت الكتاب قالتلي انه فكرها بكتاب المرأة والجنس لنوال السعداوي
وده لأن الكتاب كان بيتخلله فقرات مجردة من كل ما هو متعلق بالسرد الروائي
وبتكون أشبه بقطع من مقالات.

-حاسس ان كان في فجوات منطقية ومصادفات كتير
خصوصا في الجزء الخاص ببيت الحريم قرب النهاية
-وحاسس ان الشخصيات اغلبها مترسمش صح
زي شخصية مارية وعلياء اللي حسيت ان رغم المحاولة في انهم يكونوا شخصيات عميقة
انتهى بيهم الحال كشخصيّات سطحية برضو
ويمكن الاهتمام برسمهم بناءا على كتب علم النفس
اداهم طابع انهم شخصيات مش حقيقية
شخصيات بلا روح
شخصيات اترسموا عشان يدوا تفصيلة معينة للرواية
ولكني محسيتش انهم عايشين

-اخر حاجة ضايقتني هي الفصل اللي قبل الاخير في الرواية
ايه كل المثالية والدنيا الوردية دي
رواية زي دي بتناقش مواضيع حقيقية وصادمة
كان الافضل تنتهي نهاية واقعية صادمة بدون مصادفات بتؤدي لنهاية سعيدة
عشان الدنيا اللي احنا عايشينها دي مش دايما بتكفل للانسان نهاية سعيدة

في المجمل عجبني اسلوب الكاتبة
ومنتظر اعمالها الجاية واتمنى انها تتطور اكتر
عشان رغم مشاكل الكتاب الا اني حبيته فعلا

[Shrouk Mohamed · Rating 5 out of 5]

دي اكتر رواية من غير مبالغه كنت متحمسة ليها حقيقي كل حاجة فيها عجبتني وممكن نتخطي شويه من النهاية لاني كان نفسي تكون منطقية اكتر علشان تواكب مع الاحداث بس في المجمل السرد تحفه مفيش وقت للملل فيه نهائي الكتاب بجد متقدرش تسيبه من ايدك الرواية حقيقي صعبه واكتر حاجه توجع انها واقعية وحقيقة اوي رواية مفيهاش رجل شريف ولا بيفهم الرواية جريئة ومش اي حد هيتقبل ده بس حقيقي ناقشت حاجات كتير بجد نفسي كل ست تعرف قيمتها وانت طولها عمرها هتفضل احسن حد انا بجد حاسه اني مشاعري متلغبطة بس انا بجد متلغبطة حقيقي تستاهل 5/5 من غير كلام

[Ahmed Rabie · Rating 3 out of 5]

رواية +18 جريئة جدآ جدآ انا معاك انها بتناقش قضية مهمه و كل حاجه بس مكنش في داعي لوصف المشاهد بالجراأة دي و انا مش منحاز والله بس استاذه ابتسام طلعت كل الرجاله في الرواية مش شريفه وبس دول كانو ناس زباله لابعد الحدود كان في مبااغه واضحه في وصف مدا سوء الرجاله في الرواية ذاد عن حد القبول بالنسبة ليا من اول الاب للاخ للجار لابن الجار مكنش في راجل عدل واحد !!!
(بالراحه شوية عالرجاله يا استاذه ابتسام)

[Somaia Hamdy · Rating 1 out of 5]

مبحبش النوع ده الروايات
كلام صريح و+18
معنديش مشكلة نتكلم في موضوع مهم زي ده بس مش بالطريقة دي

[Hager Moharram · Rating 5 out of 5]

The writing is beautiful and the topic is strong and intense
And not to spoil it for anyone I won’t say anymore
But it is sensitive topic handled beautifully

[ياسمين Thabet · Rating 5 out of 5]

عنوان متهكم علي الرجال وغلاف لاحمد فرج الفنان الذي كان مناسب للرواية جدا ثم ابتسام بقي وهي داخلة بتقلها
اتقد ده اقرب عمل لشخصية ابتسام فانا متابعاها من زمان وباقرا كل ما تكتبه من اراء صادمة وارى شخصيتها العنيدة التي لا تغير رايها ابدا وهذا ما اعجبني في الرواية الرواية كلها ابتسام خصوصا في شخصية البطلة ام علياء وذكاءها وشجاعتها ووقوفها المستميت مع اي ست تعرفها قلت في بالي هذه ابتسام بشخصها حتي طريقة البطلة في التهرب من الاسئلة كان نفس طريقة ابتسام وكرهها للاسئلة الشخصية
كنت اتسءل ما الفرق بين الرواية الادبية الصرفة والرواية الممتعةة خصوصا اني قرات اكثر من رواية فازت بجائزة ادبية ولم استمتع بها ولم افهم ما الفرق حتي قرات رواية ابتسام فهي تجيبك علي سؤال ماهي الرواية الممتعة بغض النظر عن اي شئ اخر فاللغة بسيطة جدا وسهلة التشبيهات تكاد تكون غير موجودة الحوار كله بالعامية ومع ذلك الرواية امتعتني متعة رهيبة وانهيتها في يومين لاني كنت مشغولة لكنها في الواقع تنتهي في جلسة واحدة

وقوف النساء مع بعضهن ودمعهم لمجرد انهن نساء هذا هو العالم الذي احلم به اعترف اني بكيت حين رايت ام علياءوهي تدافع عن حفيدتها وتمنيت لو اني قابلت اي انثي وقفت الي جانبي بهذا الشكل البطولي لمجرد اننا نسوة مثل بعضنا ونتعاطف مع بعضناا فقهرنا واحد وظلمنا واحد ومايصيب واحدة منا سيصيب الاخرى بالضرورة ولكن للاسف فما اراه من المجتمع ان المراة تحارب اكثر مراة مثلها من اجل رجل وهذا ما يؤلم قلبي جدا
كنت اتمني يا ابتسام لو اني عشت في مثل هذا الببيت مع جارة مثل ام علياء لكنت جعلتها اقرب انسانة لي حتي لو طال سمعتي ما طالها ماكان ليهمني لان فيها حنان ومساندة ودعم لم اجده في احد وكنت احلم به منذ زمن بعيد

اطربني جدا طريقة الانتقام من الرجال واحببت ارتباط بداية الرواية بنهايتها فيما يتعلق بمسالة دخول الغاز الطبيعي حبكة رائعة من الكاتبة اعجبني ايضا اعتراف البطلة بحقيقة لا تعترف بها اي مخلوقة علي وجه الارض وهي انها لم تستطع ان تحب ابنتها وانا امي لم تحبني قط ولم تعترف بهذا لنفسها قبل ان تعترف لي
بصراحة لم ارى نفسي في شخصية واحدة رايت نفسي في كل الشخصيات واعجبني جدا ان لا يوجد امرأة باسمها او رجل باسمه بل تشير لهم الكاتبة بانهم ام واب لاسم فتاة وهي ابنتهم وجميعهم اباء لبنات ولم يذكر اسم رجل واحد في الرواية وهي رمزية احببتها جدا في الرواية اعتقد ايضا اننا بعد كل تلك المعاناة كنا بحاجة لبصيص امل ونهاية سعيدة وهذا ما لم اتفق مع الناس فيه فانا كنت انتظر نهاية سعيدة حتي لو ان كل البوادر تشي بعكس ذلك لكني كنت بحاجتها بعد هذه الوجبة الدسمة من القهر والذل

لم اتوقع ان تكتب ابتسام بهذه الروعة فلقد تفوقت علي نفسها وانا فعلا اسال نفسي يا ابتسام كيف ستكتبين رواية تفوق تلك فانها من اروع ما قرات ولكن اعرف ان في جعبتك الكثير
ساقرا لك دائما يا صوت النساء

[Sarah saied · Rating 4 out of 5]

( كلما كبرت سنك أصبحت صدمتك فيمن تحب كبيرة، وكلما كبرت أدركت أن من تحبهم وتراهم قدوة هم في الأصل بشر خطاؤون ضعفاء ، ولهذا السبب تحديدا تقبلوك بنزقك وغضبك وأخطائك. كلما كبرت ستعرف أنك أحببت من أحببتهم واتخذتهم قدوة، لأنهم مروا بما مررت أنت به، ضعفوا مثلما ضعفت، الفرق فقط أنهم تجاوزوه. تقف أنت فيه عاجزا، تتلمس المساعدة، تنظر إليهم كقدوة، لتعرف بعدها أنهم كانوا في مكانك يوما ما، ثم عبروا مثلما ستعبر أنت أيضا. )


ما الذي يجعل أي عمل أدبي عظيم أو مدهش بالنسبة لقارئه؟
أهو المتعة التي يقدمها، أم مدى صعوبته ودسامته، أو مدى الاستفادة التي يمنحها لقارئه؟!

تعددت الأسباب بتعدد كل الكتب وكل القراء.

شخصيا.. عظمة أي عمل أدبي تكمن بالنسبة لي بمدى قدرته على المكاشفة، مدى قدرته على أن يكون حقيقيا فيلامس بداخلي شيئا ما ويكشفه لي.

عظمة أي عمل أدبي هو مدى قدرته على أن يجعلني جزءا منه مهما بلغت قسوة شخصياته أو جموحهم أو حتى هشاشتهم.

وهذا هو الأدب العظيم من وجهة نظري، الأدب الذي يمنح قارئه بهجة اكتشاف جزء خفي من نفسه، وهو يعيش ويتنفس مع شخصيات نسى لوهلة أنها مجرد خيال من نسيج مؤلفه، أو هذا ما يدّعيه جميع المؤلفين.!

حسنا.. هذه رواية تنتمي لهذا الأدب العظيم.❤️📝

[Heidi Amar · Rating 4 out of 5]

المراجعة كاملة بالتفصيل وتأملات في حال المرأة ونظرة الرجل المصري لها

https://youtu.be/2UmlKIXfzXY?si=twIwK...

[zahraa esmaile · Rating 4 out of 5]

#رفقاء٢٠٢٥
#إنهم_حقا_رجال_شرفاء
اول ريفيو مرئي السنة دي، رواية الغالية ابتسام شوقي Ebtesam Showky والصادرة عن Al-Karma Publishers دار الكرمة ف معرض القاهرة ٢٠٢٥
رواية عجبتني جدا...مكنتش اقدر اكتب عنها
لينك الريفيو على صفحتي الشخصية
https://www.facebook.com/share/v/18wc...
#قراءات_حرة
#قراءات_فبراير
1/10

[Jeyo · Rating 4 out of 5]

4/5

الرواية مفهاش اي راجل شريف حرفيا كلهم ولاد ستين في سبعين..

الرواية جريئه والمواضيع الي فيها جريئه جدًا بس انبهرت بجد، أن اخيرًا بقي في ناس بتتكلم وبنتاقش المواضيع بدون خوف من المجتمع اخيرًا حد وجهه الضوء للمواضيع دي تحديدًا..
بجد الكاتبة ابدعت حقيقي، والسرد جميل مش ممل نهائي مفيش اي ملل ولا تفاصيل كتيرة لدرجه انك تمل وحجموا صغير يخلص في قعدة واحده فا تحفة 💖

لكن النهايه؟ حسيتها مش منطقية فكرة الموضوع نفسوا كبيرة وواقعية لو النهاية كانت واقعية مش سعيدة كانت اظن هتبقي افضل مع الأحداث.

[kalghafli · Rating 3 out of 5]

عندما تجتمع السخرية بالألم

“إنهم حقًا رجال شرفاء”

رواية جريئة تحمل صوتًا أنثويًا غاضبًا وموجوعًا،
أسلوب صريح وواقعي،
لكنه يميل إلى التركيز على الجانب السلبي من العلاقات،

نبرة تحامل واضحة افقدت الرواية شيئًا من توازنها الإنساني

مع ذلك، يبقى فيها الكثير من الجرأة التي تستحق التقدير

[Khalid Reads · Rating 4 out of 5]

دي افشخ روايه قريتها في حياتي مش عارف اكتب ريفيو انا بعيط حاليا😭
تعديل : غيرت التقييم عشان معنديش شخصيه وبتأثر بآراء الناس

[Waled · Rating 4 out of 5]

معرفتى الوثيقة بالكاتبة ( ابتسام شوقى ) وتقديرى العميق
لقلمها وفكرها هو ماجعلنى أثق فى تميز هذا العمل
ما جعله ضمن اقتناءاتى المحدودة التى استطعت
تأمينها من معرض القاهرة الدولى للكتاب الذى
أقيم مطلع 2025.
إلا إنى حين بدأت قراءة "إنهم حقاً رجال شرفاء" لم أتوقع أن تأخذني الرواية إلى هذا العمق من المشاعر والدهشة. في البداية، بدت لي الحكاية بسيطة: امرأة مسنّة تعيش وحدها منذ سنوات، إلى أن تزورها حفيدتها تدعوها لحضور حفل زفافها لكن شيئاً فشيئاً بدأت أكتشف أن وراء هذا الهدوء الظاهري، حياة كاملة لم يكن أحد يتخيلها.

أم علياء"، تلك العجوز ذات السبعين عاماً، لم تكن مجرد جدة تقليدية، بل منذ أن كانت شابة صغيرة تحمل في داخلها صراخاً لم يسمعه أحد ورغبات لم يُسمح لها حتى بالاعتراف بها. الرواية كشفت لي وجهاً آخر للمرأة، للزوجة، وللأم وأثارت داخلي تساؤلات كثيرة عن علاقة الرجال بالأناث، عن القوالب الجاهزة التي نُحاصر فيها النساء، خاصة حين يتعلق الأمر بالرغبة أو الخطيئة أو رغباتها الجنسية المكبوتة.

برعت الكاتبة في بناء شخصية أم علياء، مُظهرةً لنا طبقاتٍ مُتعددةً من شخصيتها، كشفت عن أسرارٍ خفية لم تكن مُتوقعة. قدمت لنا الرواية صورةً واقعيةً، بل وصادمةً في أحيان كثيرة، لم تعبأ الكاتبة بالجوانب المحرجة لمحتوى العمل، بل إنها استلذت صدمة القارىء بخوضها فى مناطق
تعد من " التابوهات ” المحظورة بل وحتى غير مسموح
بالأقتراب من تناولها خاصة فى المجتمعات
الشرقية ( المحافظة بطبيعتها)!

استمرت الكاتبة بجرأتها الفائقة في اقتحام المواضيع الحساسة. وعلى غرار العمل الدرامى الذى أثار جدلا واسعا
وحقق نجاحا جماهيريا كبيرا ألا وهو ” لام شمسية “
تغلغلت الرواية بداخل موضوعاتٍ حساسةً وقضايا شائكة
كالعلاقات الجنسية خارج إطار الزواج والرغبات المُكبوتة لدى المرأة، وكيف يراها الرجل، والعلاقات المُعقدة بين الأمهات وبناتهن. تُطرح الكاتبة هذه المواضيع بأسلوبٍ مُباشرٍ دون مُحاولةٍ لتجميلها أو التخفيف من حدتها.
مما يضع العمل مثار جدلاً واسعاً، نظراً لجرأته في تناول هذه القضايا، لكنه في الوقت نفسه يعد عملًا أدبيًا مُهمًا، ساهم في فتح حوارٍا لا مفر منه حولها .

أما على صعيد انطباعى الشخصى ورؤيتى الخاصة للعمل لم أتفهم المنطق الملتوى لبطلة الرواية، هى صحيح
ظلمت فى نظرة الزوج ومعاملته الدونية لها
وتأذت من عدم تفهمه لرغباتها النسائية كزوجة
صحيح أنها تألمت من كلام الناس وخوضهم فى عرضها بدون وجه حق، انما كل هذا من وجهة نظرى لا يبرر الجرائم
المخزية التى فعلتها كرد فعل، فقط من منطلق
( الناس اتهمتنى بالباطل وشايفنى كيت وكيت، طيب انا هاتحول لكده فعلا )!
وهو ما يعد فى رأيى عذرا أقبح من الذنب.

فى النهاية، اتفقنا أو اختلفنا وأيا كان تحفظنا حول الجرأة
الفاضحة لمحتوى الرواية، "إنهم حقاً رجال شرفاء" رحلة قوية ومهمة إلى المجهول في داخل المرأة كما أنها تعكس
طبيعة التفكير فى جسدها والتعبير عن رغباتها الدفينة.

_ ملاحظات جانبية على هامش الرواية _ ---------------------------------------------
1) لن أجادل فى نظرة العمل للرجال باعتبارهم إما قاهرين
للمرأة أو ذئاب بشرية تتربص بها ولا هم لهم سوى اشباع شهواتهم فى جسدها، لأن الواقع المؤسف الذى نعيشه أثبت
بما لا يدع مجالا للشك أن هناك أناسا ليسوا فقط عارا
على الأنتماء لجنس الرجولة وانما عار على البشرية كلها.
لكن، ألا يوجد على سطح هذا الكوكب قط نموذج رجولى
يحتذى به كان يستحق من أ.ابتسام توظيفه فى الأحداث
ولو حتى على سبيل. ( صوابعك مش زى بعضها )؟!

2) شخصية ” علياء “ إبنة البطلة كانت من الأهمية بمكان أن تفردلها الكاتبة مساحة أكبر بل أرى أنه كان يجب أن
يكون لها صوتا سرديا منفصلا نعرف من خلاله عن شخصيتها وتروى لنا ماشعرت به، بصرف النظر عن المواجهة النارية
التى حدثت بينها والأم.

3) عجبتنى شخصية (ماريه ) الحفيدة، عجبنى اللمحات
اللطيفة التى اضفتها الكاتبة على العلاقة بين الجدة وحفيدتها
وكأنها نسمات أرادت بها التخفيف من وطأة ما نقرأه.

[Samah Abass · Rating 5 out of 5]

رواية ممتعة ومؤلمة بشدة بتصور حال سيدات كتير ويمكن أكتر من 90% من سيدات مصر سيدات مقهورة مش من أزواجهن فقط بل من كل راجل في حياتهن وحتى من أمهاتهن حقيقي على قدر جرأة الرواية والمواضيع المطروحة فيها التى تخص المرأة على قدر الآلم والوجع والقهر اللى شعُرت بيه وأنا بقرأها
اسم الكاتبة أول مرة أعرفه من الرواية لكن أكيد هبحث عن باقى أعمالها ولازم أتعرف عليها وعلى أفكارها أكتر

[Donia Yahia · Rating 4 out of 5]

رواية صادمة.. صدمتها الأعنف في واقعيتها.. في معرفتي الكاملة كامرأة تعيش في عالم النساء.. تسمع شكواهن.. ترى ما يفعله الرجال بهن.. وتخاف من كونها تعيش هذا العالم حقا.. معرفتي أن كل هذا الخيال لم ينبثق الا من واقع قد يكون أكثر عنفا.

[Hasan Del Rey · Rating 4 out of 5]

دليل جدتي لقتل الأوغاد Vol 2

[Jessie Mohamed · Rating 3 out of 5]

اسم الرواية: إنهم حقًا رجال شرفاء
اسم الكاتب: ابتسام شوقي
عدد الصفحات: ١٧١

هل حقًا كل الرجال شرفاء كما نسمع، والنساء إن أُخطئت تصبح عاهرة !؟
لماذا عندما تصبح المرأة جريئة مع زوجها تصبح عاهرة ومُجربة؟ لماذا نقول على النساء ما لا نقوله للرجل ؟!
هل الحرام يقتصر على المرأة فقط ؟

سيدة مسنة تبلغ سبعين عامًا، لا اعرف هل أقول ظلم، أم عدل على ما فعلته ام احتقرها كونها جعلت كلام الجميع صحيح، لأنها كما يقال " مادام بيقولوا كذا ومصدقينه، يبقى أثبته أنا بالفعل "

هذه السيدة كانت جالسة في بيتها وحيدة بعدما مات زوجها، وهربت إبنتها من المنزل أو كما يقال تركت المنزل..
فجاءة رن جرس الباب، فوجدت فتاة شابة تُخبرها أنها حفيدتها، صُدمت المرأة حيث هذه الفتاة تشبها جدًا وكأنها هي وصغيرة في السن !

عندما دخلت سألتها جدتها لماذا أتيت؟
أخبرتها إنها أتيت لتحضر زفافها ولكن الجدة لم تصدق، بل شعرت ان هناك سر آخر وراء هذه الفتاة ؟

ومن هنا تبدأ قصة روايتنا، وقصة الجدة حيث ستأخذنا فلاش باك عن قصة بيت الحريم، وقصتها الشخصية.

تقييمي:٣/٥

[MR · Rating 5 out of 5]

من أمتع ما قرأت الفترة دى ،، حبيتها جدا جدا
مبدئيا هى رواية جريئة جدا ،، لكن احنا حقيقي ف حاجة ماسة الي مثل هذه الجرأة ف تناول قضايا المرأة والتعبير عن مشاعرها خصوصا في القضايا الحساسة بل والشائكة

الرواية دى اهداء الي كل سيدة احست بالقهر و الخذلان من رجل حياتها

أنا بعتبرها طبطة علي كتف اى بنت او امرأة تعانى فى صمت ،
مجرد ماتقرى السطور هاتحسي ان في حد حاسس بيكى قوى قوى
داخل جواكى وجوة مشاعرك بعمقك و بيوصفها بالظبط و يطبطب عليكى ويقولك ماتزعليش. انتى مش لوحدك
احنا الحقيقة كتيييير

نعيش وسط مجتمع ذكوري يفرض سيطرته بالطريقة التى يرى
و يرتعب من قول " لا "
ظللنا نحارب سطوة الرجل الذى كان من المفترض ان يكون الملجأ و السند و الأمان بحنوه و عطفه وساعتها كان هيملك الدنيا طول حياته ،،
لكنهم اجهل علي رأى أ.ابتسام و خلقهم ضيق

أ.ابتسام اسعدتيني جدا جدا جدا بروايتك دى
حقيقي حسيت بقمة المتعة

وفي اقتباسات كتير ظللت عليها فى نسختى
لا تسع الصفحات ان اكتبها كلها هنا
اعجبنى جدا افتتاحية الفصول أضافت للروايه قيمة فوق قيمة ،
خلتنى طول ما أنا بقرإ بقول " الله " عظمة عظمة عظمة

اعرف ان الكثير لم يحب النهاية لأنها تبدو غير منطقية
وحالمة
لكنها اعجبتنى واعطتنى أمل

الناس بتوع ان فيها مشاهد اباحيه ،، خالص ،،
لم اجد اى مشهد خادش او لفظ واحد اباحى خارج ينفرنى او يقززنى،
بالعكس الكاتبة تناولت الموضوع بمنتهى حساسية و رقة النساء
الروايه كانت ممتعة و شيقة والصفحات كانت بتجرى خلصتها ف كام ساعة

م الأخر أنا متأكدة ان اللي مش هايعجبه الكتاب دا أكيد راجل
لانه ماتعودوش ان حد يصدمهم و يعارضهم

اماً بق الناس بتوع الفاصلة و علامات التعجب ،،
مش هاقولهم غير كلمة واحدة " امشي دلوقتي بالسلامة انت يافرج "

اول مرة والأكيد مش آخر مرة لابتسام شوقي
لك منى كل تحيه و تقدير

[Dina mohamed ahmed · Rating 4 out of 5]

فلتحيا أم علياء
حقيقي ابتسام في الرواية دي اتطورت ونضجت جدًا
النهاية معجبتنيش خالص وهي دي سبب النجمة اللي نقصت كنا محتاجين نهاية صادمة

[The blue sticky note🌧️ · Rating 5 out of 5]

مش سهل ادي كتاب خمس نجوم لكن الكتاب ده استحقهم بجدارة..من اول جراءة الموضوع المتناول في رواية وطريقة سرده وقد ايه هي وصفة احساس كل ست اتجاه الموضوع المطروح في الرواية لان كل ست فينا اتعرضت لموقف يخص نفس الموضوع او سمعت عن حد اتعرضله او حتي سمعتها في قعدات حكاوي العيلة..الكتب او النصوص اللي بتكلم عن ان المرأه انسان وله رغبة جنسية وجسدية زي الرجل بظبط قلبله اوي في مجتمعنا العربي..غير كده عجبني اوي حميمة العلاقه بين ام علياء وحفيدتها ماريا الكاتبه قدرة توصف مدي بساطه علاقه الاحفاد بالجدود دايما بيت الجدة هو الملجأ الاخبر لاحفادها لما يحبو يهربو من الدنيا عالاقل انا…وفعلا عمر ما حد فينا لاحظ شقوق الحيطان او بهدلة القماش او الدهان في بيت جدوده بظبط زي ماريا كلنا كنا بنروح البيت هناك نهرب ونقعد معاهم ونسمع حكاويهم حتي الاكل اللي اتذكر في الراوية البطاطس والمكرونه بالصلصه وعصير الجوافة وشاي بلبن وجبنه كلها اكلات كنا بناكلها لما بنروح عند تيته بعد المدرسه او الجامعه

[Khalid Reads · Rating 5 out of 5]

دي افشخ روايه قريتها أنا مش عارف اكتب ريفيو بعيط حاليا.

[Lely Mohamed · Rating 4 out of 5]

ليه؟؟ ايههه النهايههه دييييييي ليهههههههه بكره بنت ماريه بكرهها هي وعلياء بجد

كوني انسان مبيفرقش معاه "المصطلحات" معنى اصح "الفاظ" ف الكتاب كويس نوعا ما ، الالفاظ فيه كتيره زياده عن اللزوم .

طنط ام علياء كانت ممكن تعمل كل حاجه بس مكانش تعمل الي عملته ، فاهمه الدوافع لكن معجبنيش موقفها مع ابو رباب (الله يجحمه مكان ما راح)، راجل ماشي بشهوته وقالك مبسيبش فرض ولا بسوي وهو ولا بيفرق معاه ربنا اصلا حسبي الله بس .

ابو علياء نفسه راجل غبي وتفكيره سطحي واكيد عنده عقده مستحيل يبقل تفكيره طبيعي ودا عمره ما كان حب اصلا!

علياء ملهاش حق تكره مامتها مهما كان الي عملته ، مامتها مكرهتهاش اصلا عشان تقول كد ولا كان ليها الحق تسيبها وتمشي!!

ماريه، غلطتي ف الاول ..انا فاهمه سببك عمتا مش هحاسبك على غلطك دا ، بس احنا مبنختارش بالعشوائيه دي؟؟! ربنا ميزك بالعقل ابقي فكري ، شكرا انك مكنتيش سطحيه زي الباقي وحقيقي حقيقي محترمه بس ياريت كنتي تربي بنتك عشان هي كانت محتاجه علقه تربيها بدل ما تحكم على البشر والله .

عمو صاحب البقاله ، زيك زيهم مفيش فرق انت كمان ماشي بشهوتك وعاملي فيها حنين وشايف انك تحفه ومفيش من اهلك اتنين وانت زيك زي الباقي ما شاء الله مفيش ايتها اختلاف.

حقيقي متمناش اقابل اي راجل من دول ودول عبئ على الرجاله حقيقي

تقيمي 4ونص لان مش طبيعي كد ابقى متعاطفه مع الانسان رغم اخطائه وحقيقي معرفتش اجلد باقي الرجاله زي الناس بس يلا انجلدو لوحدهم .

[Shaza Eltokhy · Rating 3 out of 5]

اب صغير ممكن يخلص في قعدة واحدة.
اللي عجبني فيه إنه جرئ وناقش نقطة محدش كتير بيتكلم عنها، زي التحرش من الأهل أو الأقارب، ودي نقطة صعبة ومش أي حد يقدر يوصلها بالشكل ده، وده يُحسب للكاتبة.
وكانت قادرة توصل لمشاعرك فعلًا، بس مكنش ضروري الوصف الصريح بالشكل ده، لأن فيه تفاصيل حسيتها زيادة عن اللزوم ومكانها مش جوه كتاب.

للأسف، كان فيه حاجات مكانش ينفع تتقال خالص، وجودها أثّر على تقييمي، وبصراحة، عدم وجودها مكنش هيأثر على القصة في أي حاجة.
كمان كان فيه تحيّز واضح جدًا ناحية الستات، وكأن أي تصرف غلط بنعمله مبرره إن الرجالة السبب، ومن غير ما نشوف عقاب حقيقي على الغلطات اللي اتعملت.

هو كتاب خفيف ممكن يتاخد بعد كتاب تقيل، أو وقت الـ reading block، بس مش شايفاه كتاب أقرأه للاستمتاع، لأنه فيه حاجات تضيّق أكتر ما تخليني مندمجة.
الكتاب كان محتاج تعديلات بسيطة جدًا، كانت كفيلة تنقله لمستوى تاني خالص، ويمكن حتى تخليه من أفضل الكتب اللي قرأتها.
وعشان كده فعلًا مش عارفة هل هو كتاب أقدر أرشحه لحد، ولا لأ.

[Wafaa Emad · Rating 5 out of 5]

رواية جرائتها في حكمتها بجد🩷🩷
الرواية بتتكلم عن ام علياء اللي اتعرضت لظلم كبير من أول ما اتولدت حتى مماتها.
بتتكلم عن أن ازاي الست قادرة بكلمة واحدة تتغير وبنظرة تلين وبنظرة تانية تقسى وتبيع.
ام علياء سيدة عجوزة في حي شعبي اسكندراني اتعرفت انها من سكان عمارة الحريم ومع تفاصيل الرواية هنعرف بالظبط ليه اتسمت بعمارة الحريم.
الرواية بجد بتحمل كمية مشاعر رهيبة وتقيلة لكن مهمة جدًا تكون في أفق كل بني آدم عشان يتعلم قدام ازاي يفهم نفسه عشان يفهم اللي حواليه.
إبتسام بجد أبدعت كالعادة بالعمل الجميل ده وحقيقي عمل فوق مستوى التقييم.
اللغة والحبكة والسرد مناسبين جدًا مع بعض، مفيش إطالة ولا لغة صعبة الفهم ولا حتى حشو كلام فالنص كله مناسب مع كله. 🩷🩷
الغلاف هايل بجد كل تفصيلة فيه ليها معنى كبير بين سطور الرواية🩷🩷🩷

[Reader Shahd · Rating 4 out of 5]

الرواية حقيقي بتناقش قضايا كتير مهمة وبتحصل واتبسطت وانا بقرأها حقيقي
عمتا محستش بملل خالص وانا بقرأها والانتقالات ما بين الفصول كانت سلسة واللغة بسيطة وحقيقي عندها جرأه في اختيار القضايا اللي بتتكلم عليها ومش مجرد كلام سطحي يخلي القارئ مش متاثر وهو بيقرأ وحاساها تنفع فيلم واقعي يعمل صدمة للمجتمع كده وحقيقي انا حبيت النهاية لانها حقيقة مش مجرد يلا نعمل نهاية سعيدة نرضي بيها القارئ وخلاص لا النهاية من وجه نظري الي حد كبير واقعيه لولا اني شايفه انها ممكن تكون اوقع كمان
بس عندي كام point عايزه اتكلم فيهم
اولا : ان الرواية فيها مشاهد فيها وصف زيادة شوية في وقت انا مش محتاجة الشرح الزايد ده اوي في المشهد ده
ثانيا : علي قد ما القضايا دي بتحصل كتير بس الرواية مش مناسبة لجميع الفئات العمرية او الفكرية فحاسه انه كان لازم تنوية علي
حاجة زي كده

[Lilo · Rating 4 out of 5]

الرواية جايبه الجانب المظلم للحياة البنت في مصر مع الجهل الي لسه منتشر للاسف
مشاعر الرواية خارجه من كل بيت مصري بطريقه صح صح و للاسف هي فعلا بتوصف الجواز في مصر مع عقول الرجالة الجهلة هيكون شكله ازاي
الرواية بالنسبالي +١٨ و مش مناسبه للكل للأحداث الي حصلت بس افكار الرواية صح الصح و لازم كله يقرأها عشان يشوف شكل الجواز براجل ذكوري جاهل هيكون نتيجته ايه
عايزة اوزعه علي كل بنت عشان متقبلش تفهم و متقبلش بحاجه هي مش عايزاها عشان اي حد بجد
وأنها لازم يتعامل معاها ك إنسان كامل من احترام من تقدير و تكون متشافه و رغباتها مسموعه كفايه تعامل مع المرأة كأنها غرض من أغراض الرجالة
واهم حاجه أنها تتعامل كده مع نفسها الاول و تدي نفسها كل حقوقها و رغباتها و عايشه حياتها لنفسها و تظهر نفسها ك إنسان متكامل لوحده مش مجرد ظل للراجل أو محتاج راجل عشان تكمل

[Omnia Tarek · Rating 5 out of 5]

بعيدًا عن النهاية، لأنها كانت ممكن تكون منطقية أكتر من كده، لكن الرواية دي من أكثر الروايات الجريئة والجميلة اللي قرأتها.
لغتها سهلة وبسيطة، لكن بتدي معنى عميق. السرد في السهل الممتنع، وطريقة الفلاش باك والحكي كانت كأنها بتحصل قدامي.
الصدمات اللي في الرواية – واللي للأسف واقعية وبتحصل – كانت موجعة جدًا. الألم في الرواية صادق لأنه للأسف من الواقع مش مم مخض خيال الكاتبة
رواية ممتعة أوي، مقدرتش أسيبها غير لما خلصتها.
رواية شرحت الست من جوا، جروحها ومشاعرها ،هشاشتها، صراعتها الداخلية،والمشاعر اللي أوقات كتير بتكون متلخبطة ومتناقضة كأن جوا كل ست بركان بيغلي من القهر اللي حست بيه
مشاعري متلغبطة، بس على قد ما الرواية صغيرة، إلا إن تأثيرها مش صغير أبدًا.

[Aswany · Rating 4 out of 5]

3.75/5
الرواية حلوة اوي و بتناقش قضية مهمة جداً و جريئة اوي اوي.

هل فعلاً ممكن ست عندها ٧٠ حياتها تبدأ في سن السبعين ؟

القصة كلها لما ام علياء ( بطلة الرواية ) بتشوف حفيدتها ( مارية ) و من هنا بتبتدي احداث الرواية.

ليه الرجالة بيبغضوا الستات و شايفيين انها آلة لتفريغ الشهوة و ان هي كائن نجس لا يستحق الاحترام ولا التقدير ؟

و ليه ممكن اب يتضايق انه عنده بنتين ؟ و البنتين دوال امهم بتحرص انها تعملهم بس الاب نفسة مش راضي ؟

و ايه قصة ام علياء اصلاً ؟

رواية بجد حلوة اوي اوي اوي بس في نفس الوقت جريئة جرئة مرعبة.

خلصتها في يومين و بجد استمتعت بيها جداً.