Kaal Noottandu

by Cherian Philip

396 pages, Paperback

Reviews

[Anjo Cheenath · Rating 4 out of 5]

ഐക്യ കേരളം രൂപമെടുത്ത 1957 മുതൽ 25 വർഷക്കാലത്തെ രാഷ്ട്രീയ ചരിത്രം. ഈ കാലയളവിൽ രൂപം കൊണ്ട 11 മന്ത്രിസഭകളെ പറ്റി വിശദമായി തന്നെ വിവരിക്കുന്നു. പ്രമുഖ രാഷ്ട്രീയ കക്ഷികൾ, വിവിധ കാലങ്ങളിലായി അവർ നേരിട്ട പ്രതിസന്ധികൾ, പിളർപ്പുകൾ, ദേശിയ രാഷ്ട്രീയം ചെലുത്തിയ സ്വാധീനം, എന്നിവയെല്ലാം വായിച്ചെടുക്കാം. രാഷ്ട്രീയത്തിന് പിന്നിൽ നടക്കുന്ന സാമുദായിക അടിയൊഴുക്കുകൾ ഈ പുസ്തകത്തിൽ കാര്യമായി വിവരിക്കാത്തത് ഒരു കുറവായി തോന്നി. സി എച്ച് മുഹമ്മദ് കോയ രാജി വച്ചതിനു ശേഷമുണ്ടായ സംഭവങ്ങൾ വിവരിക്കുന്ന 43ആം അധ്യായമാണ് ഏറ്റവും ഇഷ്ടപ്പെട്ടത്. അറുപതുകളിൽ വിദ്യാർത്ഥി സമരത്തിൻ്റെ ഔചിത്യം ചർച്ച ചെയ്ത കേരളത്തിൽ, എൺപതുകൾ ആകുമ്പോഴേക്കും അക്രമവിദ്യാർത്ഥി സമരങ്ങൾ ദൈനംദിന സംഭവമായി മാറുന്നതും, വർഗ്ഗീയ കക്ഷികളെ ഭരണത്തിൽ നിന്നും അകറ്റി നിർത്തിയിരുന്ന രാഷ്ട്രീയ കക്ഷികൾ തന്നെ അവരെ പരസ്യമായി ആലിംഗനം ചെയ്യുന്നതും ഈ കാൽ നൂറ്റാണ്ട് കാലയളവിൽ കാണാൻ കഴിയുന്ന ഏതാനും ചില മാറ്റങ്ങളാണ്. സംഘടനയും ഭരണനേതൃത്വവും തമ്മിലുള്ള സ്ഥിരമായ വടംവലിയിലൂടെ കോൺഗ്രസ്സിൻ്റെ സംഘടനാ സംവിധാനം ജീർണ്ണിച്ചതെങ്ങനെ എന്നും, ഭരണ സംവിധാണത്തിൽ ഇരിക്കുമ്പോൾ കമ്മ്യൂണിസ്റ്റ് കക്ഷികൾ തങ്ങളുടെ ആശയാടിത്തറ മറക്കുന്നതെങ്ങനെ എന്നതിൻ്റെയും തെളിഞ്ഞ ചിത്രം നൽകുന്നു. ലേഖകൻ്റെ പല കാലത്തുമുള്ള പ്രത്യക്ഷമായ രാഷ്ട്രീയ ചായ്വുകൾ പുസ്തകത്തിനെ സ്വാധീനിച്ചതായി തോന്നിയില്ല. രാഷ്ട്രീയ ചരിത്രം അറിയുവാൻ താല്പര്യമുള്ള എല്ലാവർക്കും പുസ്തകം നിർദ്ദേശിക്കുന്നു.

[Mani53]

A man who walked with the heavy weights of Kerala poltics he is the bedt choice for penning such a book.