What do you think?
Rate this book
Mevrou Smit se reëls vir goeie gedrag
Ou geraamtes en nuwe gevare. Mevrou Smit moet haar eie reëls neerlê om te oorleef … ’n Vloed spoel ’n dekades oue geraamte op die oewer van die rivier oop en Aronspoort is weer vasgevang in ’n blyspel van intriges. Mevrou Smit wil die raaisel oplos voor sy weer paaie kruis met daardie lastige Kaapse speurder. Intussen kry Hester die ystervark ’n maat en mevrou Smit se smeulende verhouding met dokter Tomas vat vlam. Maar dit is moeilik om op hartsake te konsentreer terwyl ’n moordenaar koelbloedig die verlede probeer toesmeer. Skuil daar meer agter oom Apie se dood? Wat weet tannie Annatjie en haar heldersiende niggie Hanna? Was die vars sterfte op die dorp werklik ’n ongeluk? En kan die verhouding tussen mevrou Smit en dokter Tomas tot iets lei wat haar uiteindelik op Aronspoort sal anker?
280 pages, Paperback
Published March 1, 2025
4 people are currently reading
16 people want to read
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 7 of 7 reviews
March 5, 2025
'n Heerlike leeservaring!
Mevrou Smit se stories bevat al die klassieke elemente van 'n cozy mystery, soos 'n gewone burger wat 'n moord ondersoek, 'n moord of moorde sonder dat te veel grusame detail gegee word, 'n klein dorpie met 'n klompie kleurvolle karakters, 'n goeie skeut humor. 'n Tikkie romanse doen ook nie kwaad nie.
Mevrou Smit kry dit reg dat die leser mal is oor haar, al is sy dwarsbedonnerd en aweregs met 'n donker verlede. Dis nie so maklik om 'n redelik onaangename karakter 'n oortuigende heldin te maak nie. Ek dink die skrywer kry dit reg omdat mevrou Smit met menslikheid en humor geteken word en ten spyte van haar befoeterdheid so totaal verlief kon raak.
Dit alles binne 'n Suid-Afrikaanse konteks, deurspek met kostelike Afrikaans.
En moenie vergeet van Hester die ystervark nie!
Mevrou Smit se stories bevat al die klassieke elemente van 'n cozy mystery, soos 'n gewone burger wat 'n moord ondersoek, 'n moord of moorde sonder dat te veel grusame detail gegee word, 'n klein dorpie met 'n klompie kleurvolle karakters, 'n goeie skeut humor. 'n Tikkie romanse doen ook nie kwaad nie.
Mevrou Smit kry dit reg dat die leser mal is oor haar, al is sy dwarsbedonnerd en aweregs met 'n donker verlede. Dis nie so maklik om 'n redelik onaangename karakter 'n oortuigende heldin te maak nie. Ek dink die skrywer kry dit reg omdat mevrou Smit met menslikheid en humor geteken word en ten spyte van haar befoeterdheid so totaal verlief kon raak.
Dit alles binne 'n Suid-Afrikaanse konteks, deurspek met kostelike Afrikaans.
En moenie vergeet van Hester die ystervark nie!
March 13, 2025
Mevrou Smit het Aronspoort toe gekom om vir haarself ’n nuwe lewe en identiteit te bewerk, nie om gewild te wees nie. “Daar is geen wag voor daai mond nie. Al die gedagtes wat in haar kop uitbroei, marsjeer soos mank soldate oor haar tong.” (p.16). Maar dit is juis daardie gedagtes wat al menige moord opgelos het, dit terwyl sy vir haarself streng reëls gestel het vir “goeie” gedrag en verbete daaraan werk om daarby te hou. Reëls soos om te oorleef en te luister na jou instinkte. “My derde reël is om nie my tyd te mors met retrospeksie nie” (p.78), verduidelik sy aan Dario wat in hierdie aflewering weer ’n hoopvolle draai kom maak. Die uitstekende skryfstyl van Elizabeth Wasserman verseker dat mevrou Smit konsekwent, sonder aansien des persoons, hou by haar reëls.
Ek moet bieg dat hierdie derde sage van mevrou Smit vir my ietwat stadig afgeskop het. Daar was nie juis dringendheid rondom die ontdekking van ’n dekade-oue menslike oorskot in die rivierbank nie. Maar wanneer daar ’n vars moord vermoed word, tel mevrou Smit se bloedhond instinkte spoed op. En die krisis na die einde toe is so spannend as wat ’n sogenaamde sagte krimi kan toelaat.
Ek sukkel deesdae toenemend met reekse. Ek vergeet die fynere detail van vorige boeke (ouderdom of té veel storielyne?) en dan sukkel my kop deurentyd om te onthou. Dus sou ek beslis beter gevaar het om die drie boeke agtereenvolgens te lees. Nuwe Mevrou Smit lesers wat nie noodwendig alles wil weet van haar vorige lewe en die voorafgaande avonture op Aronspoort nie, behoort suksesvol te kan volstaan met die intrige soos hier aangebied.
Mevrou Smit se reëls vir goeie gedrag is ’n produk van Penguin Fiksie. Dit is op Lapa Uitgewers se webwerf beskikbaar in gedrukte, sowel as e-boek formaat.
Ek moet bieg dat hierdie derde sage van mevrou Smit vir my ietwat stadig afgeskop het. Daar was nie juis dringendheid rondom die ontdekking van ’n dekade-oue menslike oorskot in die rivierbank nie. Maar wanneer daar ’n vars moord vermoed word, tel mevrou Smit se bloedhond instinkte spoed op. En die krisis na die einde toe is so spannend as wat ’n sogenaamde sagte krimi kan toelaat.
Ek sukkel deesdae toenemend met reekse. Ek vergeet die fynere detail van vorige boeke (ouderdom of té veel storielyne?) en dan sukkel my kop deurentyd om te onthou. Dus sou ek beslis beter gevaar het om die drie boeke agtereenvolgens te lees. Nuwe Mevrou Smit lesers wat nie noodwendig alles wil weet van haar vorige lewe en die voorafgaande avonture op Aronspoort nie, behoort suksesvol te kan volstaan met die intrige soos hier aangebied.
Mevrou Smit se reëls vir goeie gedrag is ’n produk van Penguin Fiksie. Dit is op Lapa Uitgewers se webwerf beskikbaar in gedrukte, sowel as e-boek formaat.
April 18, 2025
Oor die boek:
Wanneer ’n vloed ’n dekades-oue geraamte uitspoel, is Aronspoort weer ’n speelgrond vir intriges. Mevrou Smit—met haar feitelike manier van dinge hanteer—besluit om die waarheid te ontrafel voor haar pad weer kruis met die lastige Kaapse speurder. Intussen brand haar verhouding met dokter Tomas al hoe helderder, terwyl Hester die ystervark uiteindelik ’n maat kry. Maar ’n moordenaar lê op die loer en probeer verlede en hede uitvee—hoe diep loop die geheimenisse rondom oom Apie se dood en die vars sterfte op die dorp?
Wat het gewerk:
Die boek omarm die essensie van 'n knussie (cozy mystery) met 'n klein dorpie, ’n onkonvensionele speurder en 'n mengsel van humor en spanning.
Mevrou Smit self is ’n briljante karakter, hardkoppig en aweregs, maar haar menslikheid maak haar onweerstaanbaar.
Die Suid-Afrikaanse konteks is deurspek met kostelike Afrikaans en kulturele besonderhede, wat die verhaal eg en uniek laat voel.
Die roman balanseer misdaad, romanse en komedie, wat dit ’n ware plesier maak om te lees.
Wie gaan hierdie boek geniet?
Lesers wat hou van sagte krimi-verhale, vol intrige sonder grusame detail, gaan Mevrou Smit se avonture geniet. Aanhangers van kleurvolle karakters en dorpsdramas, of enigiemand wat hou van ’n slim, aweregse hoofkarakter met haar eie reëls, sal hierdie boek waardeer.
Algemene indruk:
Elizabeth Wasserman lewer weer ’n fyn verweefde, humoristiese en boeiende storie, propvol misterie en skerp karakterontwikkeling. Alhoewel die intrige stadig begin, versnel dit vinnig en eindig in ’n bevredigende klimaks. ’n Lekker leeservaring wat wys dat ’n speurverhaal nie net spanning hoef te bied nie—maar ook ’n klomp hart.
Moenie vergeet van Hester die ystervark nie! ’n Boek met diere-karakters, romanse en moord? Wat kan ’n leser meer wil hê?
Met dank aan Penguin Random House SA vir die geleentheid om hierdie boek te kon lees.
Wanneer ’n vloed ’n dekades-oue geraamte uitspoel, is Aronspoort weer ’n speelgrond vir intriges. Mevrou Smit—met haar feitelike manier van dinge hanteer—besluit om die waarheid te ontrafel voor haar pad weer kruis met die lastige Kaapse speurder. Intussen brand haar verhouding met dokter Tomas al hoe helderder, terwyl Hester die ystervark uiteindelik ’n maat kry. Maar ’n moordenaar lê op die loer en probeer verlede en hede uitvee—hoe diep loop die geheimenisse rondom oom Apie se dood en die vars sterfte op die dorp?
Wat het gewerk:
Die boek omarm die essensie van 'n knussie (cozy mystery) met 'n klein dorpie, ’n onkonvensionele speurder en 'n mengsel van humor en spanning.
Mevrou Smit self is ’n briljante karakter, hardkoppig en aweregs, maar haar menslikheid maak haar onweerstaanbaar.
Die Suid-Afrikaanse konteks is deurspek met kostelike Afrikaans en kulturele besonderhede, wat die verhaal eg en uniek laat voel.
Die roman balanseer misdaad, romanse en komedie, wat dit ’n ware plesier maak om te lees.
Wie gaan hierdie boek geniet?
Lesers wat hou van sagte krimi-verhale, vol intrige sonder grusame detail, gaan Mevrou Smit se avonture geniet. Aanhangers van kleurvolle karakters en dorpsdramas, of enigiemand wat hou van ’n slim, aweregse hoofkarakter met haar eie reëls, sal hierdie boek waardeer.
Algemene indruk:
Elizabeth Wasserman lewer weer ’n fyn verweefde, humoristiese en boeiende storie, propvol misterie en skerp karakterontwikkeling. Alhoewel die intrige stadig begin, versnel dit vinnig en eindig in ’n bevredigende klimaks. ’n Lekker leeservaring wat wys dat ’n speurverhaal nie net spanning hoef te bied nie—maar ook ’n klomp hart.
Moenie vergeet van Hester die ystervark nie! ’n Boek met diere-karakters, romanse en moord? Wat kan ’n leser meer wil hê?
Met dank aan Penguin Random House SA vir die geleentheid om hierdie boek te kon lees.
Read
May 1, 2025#MevrouSmitSeReëlsVirGoeieGedrag – Elizabeth Wasserman
#PenguinRandomHouse
Ai, Mevrou Smit – of mag ek jou nou maar Tessa noem? Ons ken mekaar immers al sedert jy twee jaar gelede in Aronspoort geland het – dit lyk my jy en die dood is boesemvriende. Ander mense s’n, genadiglik, (nog) nie jou eie nie. Asof ‘n onrustige spook in jou huis nie genoeg is nie, is daar nou nog boonop die geraamte onder by die rivier. Dekades oud of nie, jy moes mos nou weer betrokke raak.
Ons is nou al gewoond daaraan dat die gedagtes wat in jou kop uitbroei soos mank soldate oor jou tong marsjeer, maar jy het my nogal verras toe jy nie eers toelaat dat ‘n gas uit die hiernamaals jou oneerbiedig aanspreek nie. Jy het inderdaad jou eie reëls, dertien van hulle, al kan jy nie die Tien Gebooie opsê nie.
Dit was lekker om Hanna by jou te ontmoet, mense met die helm gebore kruis immers nie aldag jou pad nie. En jy is reg, sy is ‘n goeie storieverteller. Sy het die tragiese aand in die verre verlede vertel met die flair van ‘n Great Gatsby-partytjie – met boeremusiek. Dat jy haar toegelaat het om ‘n seance by jou huis te hou, het my wel onkant betrap. Die moontlikheid van ‘n dwaalgees wat die skokgranaat in jou soppot mag ontdek, sal enigeen koue rillings te gee.
Ek is trots op jou, Mevrou Smit. Jy is lank nie meer ‘n item in ‘n vertoonkas wat ‘n halwe bestaan voer nie. Tomas het jou nie net herinner dat jou verkoopsdatum verby mag wees, maar nie jou rakleeftyd nie, jy het ook besef hoe waardevol ouer mense vir die samelewing kan wees. Ek hou baie van wat jy gesê het, dat hulle meer is as die verrimpelde dop, want: “...hulle kom met ‘n hele leeftyd se stories en ervaring.” (205)
Mag jy en jou ystervark spoedig terugkeer, julle stories is nie klaar nie.
#uitdieperdsebek
#PenguinRandomHouse
Ai, Mevrou Smit – of mag ek jou nou maar Tessa noem? Ons ken mekaar immers al sedert jy twee jaar gelede in Aronspoort geland het – dit lyk my jy en die dood is boesemvriende. Ander mense s’n, genadiglik, (nog) nie jou eie nie. Asof ‘n onrustige spook in jou huis nie genoeg is nie, is daar nou nog boonop die geraamte onder by die rivier. Dekades oud of nie, jy moes mos nou weer betrokke raak.
Ons is nou al gewoond daaraan dat die gedagtes wat in jou kop uitbroei soos mank soldate oor jou tong marsjeer, maar jy het my nogal verras toe jy nie eers toelaat dat ‘n gas uit die hiernamaals jou oneerbiedig aanspreek nie. Jy het inderdaad jou eie reëls, dertien van hulle, al kan jy nie die Tien Gebooie opsê nie.
Dit was lekker om Hanna by jou te ontmoet, mense met die helm gebore kruis immers nie aldag jou pad nie. En jy is reg, sy is ‘n goeie storieverteller. Sy het die tragiese aand in die verre verlede vertel met die flair van ‘n Great Gatsby-partytjie – met boeremusiek. Dat jy haar toegelaat het om ‘n seance by jou huis te hou, het my wel onkant betrap. Die moontlikheid van ‘n dwaalgees wat die skokgranaat in jou soppot mag ontdek, sal enigeen koue rillings te gee.
Ek is trots op jou, Mevrou Smit. Jy is lank nie meer ‘n item in ‘n vertoonkas wat ‘n halwe bestaan voer nie. Tomas het jou nie net herinner dat jou verkoopsdatum verby mag wees, maar nie jou rakleeftyd nie, jy het ook besef hoe waardevol ouer mense vir die samelewing kan wees. Ek hou baie van wat jy gesê het, dat hulle meer is as die verrimpelde dop, want: “...hulle kom met ‘n hele leeftyd se stories en ervaring.” (205)
Mag jy en jou ystervark spoedig terugkeer, julle stories is nie klaar nie.
#uitdieperdsebek
April 19, 2025
Mevrou Smit se reëls vir goeie gedrag is die derde boek in die reeks sover en Elizabeth het weereens al my verwagtinge oortref! Ek kon nie die boek neersit nie en het dit binne 8 ure klaar gelees.
In die boek is daar nie een nie, maar twee moorde! Ek het behoorlik op die punt van my stoel gesit met die verwikkelinge regdeur. Net soos die eerste twee boeke, was daar nie een vervelige oomblik nie.
Mevrou Smit is sonder twyfel 'n unieke karakter, asook een van my gunsteling karakters sedert laasjaar. Ek is bly ons lees 'n bietjie meer van haar romantiese kant in boek 3. My hart was sommer seer elke keer wat sy vir Tomas gemis het, dit is nie iets wat sy sommer sal erken nie. Een van die hoogtepunte vir my was beslis waar Mevrou Smit haarself mooi maak en moeite doen vir haar en Tomas se afspraak.
Die karakter waarvan ek die minste hou is beslis nie 'n verrassing nie 😂. Liewe Hanna vat die prys sonder twyfel! Ek het sommer vanaf haar aankoms geweet die tannie is net slegte nuus met haar eend sambreel. As mevrou Smit 'n snaakse gevoel oor iemand kry, kan jy maar weet daar is iets "fishy" aan die gang😅.
Ek wil nie te veel verklap oor die boek nie, maar ek kan die hele reeks sterk aanbeveel vir lesers. Daar is aksie, misterie, romanse en natuurlik humor. Alles wat jy nodig het in een boek.
Elizabeth se skryfstyl trek jou in vanaf die eerste bladsy en jy is gewaarborg om 'n goeie tyd te hê!
Kry jou kopie vanaf jou naaste boekwinkel of meeste aanlyn winkels 📚
In die boek is daar nie een nie, maar twee moorde! Ek het behoorlik op die punt van my stoel gesit met die verwikkelinge regdeur. Net soos die eerste twee boeke, was daar nie een vervelige oomblik nie.
Mevrou Smit is sonder twyfel 'n unieke karakter, asook een van my gunsteling karakters sedert laasjaar. Ek is bly ons lees 'n bietjie meer van haar romantiese kant in boek 3. My hart was sommer seer elke keer wat sy vir Tomas gemis het, dit is nie iets wat sy sommer sal erken nie. Een van die hoogtepunte vir my was beslis waar Mevrou Smit haarself mooi maak en moeite doen vir haar en Tomas se afspraak.
Die karakter waarvan ek die minste hou is beslis nie 'n verrassing nie 😂. Liewe Hanna vat die prys sonder twyfel! Ek het sommer vanaf haar aankoms geweet die tannie is net slegte nuus met haar eend sambreel. As mevrou Smit 'n snaakse gevoel oor iemand kry, kan jy maar weet daar is iets "fishy" aan die gang😅.
Ek wil nie te veel verklap oor die boek nie, maar ek kan die hele reeks sterk aanbeveel vir lesers. Daar is aksie, misterie, romanse en natuurlik humor. Alles wat jy nodig het in een boek.
Elizabeth se skryfstyl trek jou in vanaf die eerste bladsy en jy is gewaarborg om 'n goeie tyd te hê!
Kry jou kopie vanaf jou naaste boekwinkel of meeste aanlyn winkels 📚
June 9, 2025
4.5 ⭐️
Uitstekend! Net te min Dr Tomas. Verwys asseblief na reël nommer 6
Uitstekend! Net te min Dr Tomas. Verwys asseblief na reël nommer 6
August 25, 2025
Mevrou Smit stel nie teleur nie. Boek 3 is my gunsteling een nog!
Displaying 1 - 7 of 7 reviews