What do you think?
Rate this book
Hoop? Vir seker!
ʼn Lewe deurspek met die trauma van verwerping, verpletterde drome, verlies van meer as een geliefde aan kanker, tienerselfdood, die alleen stryd met ʼn ongeneeslike siekte, prestasie gedrewenheid, professionele jaloesie en skyndood word later ʼn lewe van wondergenesing, wat lei na vergifnis, bevryding en ʼn unieke en passievolle derde kans op die lewe.
Die leser word genooi om nie net die skrywer se lewensreis mee te maak nie, maar ook dié van mense op haar pad wat soortgelyke omstandighede, emosies en ervarings beleef het en om saam na hoop te soek en dit te beleef.
Die leser word gekonfronteer met die ongenaakbaarheid van tyd en die noodsaaklikheid van vergifnis en vrymaking om sodoende te leef met passie en die sekerheid van ’n lewensdoel wat impak en ’n blywende verskil sal maak en dus ’n nalatenskap sal laat.
Die leser word genooi om nie net die skrywer se lewensreis mee te maak nie, maar ook dié van mense op haar pad wat soortgelyke omstandighede, emosies en ervarings beleef het en om saam na hoop te soek en dit te beleef.
Die leser word gekonfronteer met die ongenaakbaarheid van tyd en die noodsaaklikheid van vergifnis en vrymaking om sodoende te leef met passie en die sekerheid van ’n lewensdoel wat impak en ’n blywende verskil sal maak en dus ’n nalatenskap sal laat.
320 pages, Paperback
Published March 1, 2024
1 person is currently reading
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 of 1 review
May 8, 2024
#HoopVirSeker – Trudie Badenhorst
#Naledi
ʼn Vriend sê graag dat hy in sommige gevalle nie gekwalifiseerd is om kommentaar te lewer of raad te gee nie. Hy verwys nie na formele kwalifikasies nie, hy verwys na lewenservaring. Ingevolge sy obiter dictum kan hy hom derhalwe nie uitspreek oor iets wat hy nog nie self beleef het nie.
Indien hierdie maatstaf op die skrywer toegepas sou word, sal sy as gekwalifiseerd geag word vir verskeie intense ervarings: verwerping, verpletterde drome, verliese van geliefdes aan kanker, tienerselfdood, ongeneeslike, chroniese siektetoestande, skyndood, prestasiegedrewendheid, professionele jaloesie, en meer. Maar selfs indien die tradisionele toetse aangewend word, sal sy steeds kwalifiseer, sy is opgelei as onderwyseres met psigo-neurologiese leergestremdheid as spesialisgebied, en is ook ‘n NAP-breinprofielspesialis.
Die boek is in wese ‘n boodskap van hoop in situasies wat as hopeloos, en hooploos, geag word, aan die hand van haar eie, asook die van sewe-en-twintig anonieme bydraers, se persoonlike ervarings, teen ‘n Christelike agtergrond. Intertekstuele verwysings na publikasies wat in die bronnelys aangehaal word, asook kort gebede, is ook ingesluit.
Die ontstaansbron vir die boek is ‘n bevrydingsessie wat die skrywer op 23 November 2022 ondergaan het. Tydens hierdie sessie was sy met die herinneringe aan haar lewe tot op daardie punt gekonfronteer, en die weergee daarvan is in 2024 voltooi en vervat in hierdie publikasie, nadat sy, in navolging van Gideon van ouds, drie vlieswolle uitgesit het.
Die vertellings is grootliks chronologies. As jong kind leer sy byvoorbeeld dat haar swygsame pa stilte bo alles waardeer en dat sy “Ghmmff” verskeie betekenisse kan hê, dat kinders nie hou van nuwe kinders wat dalk te slim is nie, en dat sosiale uitsluiting ‘n pynlike manifestering van boeliegedrag is. Lewerkoekies en appelkose sou haar lewenslank herinner aan haar 12-jarige boetie se neem van sy eie lewe tydens haar matriekeindeksamen.
Die uitspraak “My hart is al daar, daarom is dit nie so moeilik vir my lyf om te volg nie” (226) word gelykgestel aan die mag van hoop: Solank daar geloof is in die dag van more, kan jy deur vandag kom.
Die uitgebreide weergawe van die titel sou wees: “Is daar hoop?” waarop die skrywer Antwoord: “Vir seker!”
⭐️⭐️⭐️⭐️ #Uitdieperdsebek
#Naledi
ʼn Vriend sê graag dat hy in sommige gevalle nie gekwalifiseerd is om kommentaar te lewer of raad te gee nie. Hy verwys nie na formele kwalifikasies nie, hy verwys na lewenservaring. Ingevolge sy obiter dictum kan hy hom derhalwe nie uitspreek oor iets wat hy nog nie self beleef het nie.
Indien hierdie maatstaf op die skrywer toegepas sou word, sal sy as gekwalifiseerd geag word vir verskeie intense ervarings: verwerping, verpletterde drome, verliese van geliefdes aan kanker, tienerselfdood, ongeneeslike, chroniese siektetoestande, skyndood, prestasiegedrewendheid, professionele jaloesie, en meer. Maar selfs indien die tradisionele toetse aangewend word, sal sy steeds kwalifiseer, sy is opgelei as onderwyseres met psigo-neurologiese leergestremdheid as spesialisgebied, en is ook ‘n NAP-breinprofielspesialis.
Die boek is in wese ‘n boodskap van hoop in situasies wat as hopeloos, en hooploos, geag word, aan die hand van haar eie, asook die van sewe-en-twintig anonieme bydraers, se persoonlike ervarings, teen ‘n Christelike agtergrond. Intertekstuele verwysings na publikasies wat in die bronnelys aangehaal word, asook kort gebede, is ook ingesluit.
Die ontstaansbron vir die boek is ‘n bevrydingsessie wat die skrywer op 23 November 2022 ondergaan het. Tydens hierdie sessie was sy met die herinneringe aan haar lewe tot op daardie punt gekonfronteer, en die weergee daarvan is in 2024 voltooi en vervat in hierdie publikasie, nadat sy, in navolging van Gideon van ouds, drie vlieswolle uitgesit het.
Die vertellings is grootliks chronologies. As jong kind leer sy byvoorbeeld dat haar swygsame pa stilte bo alles waardeer en dat sy “Ghmmff” verskeie betekenisse kan hê, dat kinders nie hou van nuwe kinders wat dalk te slim is nie, en dat sosiale uitsluiting ‘n pynlike manifestering van boeliegedrag is. Lewerkoekies en appelkose sou haar lewenslank herinner aan haar 12-jarige boetie se neem van sy eie lewe tydens haar matriekeindeksamen.
Die uitspraak “My hart is al daar, daarom is dit nie so moeilik vir my lyf om te volg nie” (226) word gelykgestel aan die mag van hoop: Solank daar geloof is in die dag van more, kan jy deur vandag kom.
Die uitgebreide weergawe van die titel sou wees: “Is daar hoop?” waarop die skrywer Antwoord: “Vir seker!”
⭐️⭐️⭐️⭐️ #Uitdieperdsebek
Displaying 1 of 1 review