خلف الجدران

by محمود يوسف خواجه

أهلا بك معى فى رحلتى الغامضة .. أنا الآن فى بيتى .. وحيداً .. كنت أعيش فى بيت رائع كبير يوجد به الكبير والصغير .. دائما كنت أنظر لنفسى في المرآة وأنا خائف .. هل نظرت يوماً فى المرأة وأنت خائف من شكلك .. لازلت أسمع صوت الصالة .. صوت غريب يتملكك الرعب إن سمعته ترتجف وكأن زلازل ألمّ بك .. إذا أغلقت باب الغرفة ستسمع تلك الأصوات. .. أما إذا فتحت الباب .. فماذا سيحدث ؟؟

61 pages, ebook

First published February 8, 2014

About the author

محمود يوسف خواجة، وُلد عام (2001) فى محافظة البحيرة، له روايتين وثلاث قصص طويلة وأكثر من خمسة عشر قصة قصيرة،
الروايتين (6- اختلال) وقد حققت (6) المركز الأول فى الأكثر قراءة على موقع عصير الكتب.. واختلال سيتم صدورها فى معرض القاهرة الدولى للكتاب مع دار الرسم بالكلمات.

Reviews

[مصطفى درويش · Rating 1 out of 5]

لا أعتقد أنها تُصنف كرواية، لصغر حجمها.
جهد مشكور للكاتب على صغر سنه، ويجب أن يلتفت هنا للتقيميات والنصائح ولا يلفتف للمديح والإطراء.
يبدو أن الكاتب متأثر بالروايات الحديثة التي تفرط في الرعب وما إلى ذلك، وربما يكون قد أثر فيه بعض الأفلام الأجنبية في هذا الإطار.

الحوار ضعيف جدًا، وليس ثمة مشاعر لمستها. فلم يعبر الكاتب عنها بصورة جيدة.

أنصحه أن يقرأ كثيرًا كثيرًا، ولايعتبر نبيل فاروق (روائي) خاصة عند المقارنة بنجيب محفوظ !
إقرأ كثيرًافي أكثر من باب في الأدب. وإن كنتَ تحب ارواية فلا تترك نفسك أسيرًا لروائيين مصر هذاه الفترة التي كثر فيها الهراء !

لاتهتم بكثرة الأعمال والنتاج الأدبي، لكن ركز لأن يخرج منك ماهو مميز.
بالتوفيق في قادم الأعمال.وتحياتي.

[Mamdouh Ismail]

خلينا نتفق إن محمود موهبة جميلة ,, وإن شاء الله يكون *
كاتب ذا شأن الفترة الجاية خصوصًا إنه بدأ الطريق في سن
صغير ولسة قدامه فترة ياخود فيها خبرات

* خلف الجدران تجربة مسلية وخفيفة إذا أخذنا في الاعتابر
إن الكاتب عنده 13 سنة بس

* اقرأ أكثر يا صديقي ومنتظر أعمالك القادمة ويا ريت متستعجلش عليهم
عشان انت قدامك كتيير لسة ... بالتوفيق

[أحمد مسعد · Rating 3 out of 5]

أحم أحم
كله يبص هنا ده ريفيو لرواية " خلف الجدران "للمثابر والمجتهد محمود خواجه
=============================
نبتدى بالسالبيات ونبقى نحلى بالايجابيات
1-العمل لا يصنف كرواية لصغر حجمة ولكن يوضع تحت بند القصقوصة او القصة الطويلة
2-مازال أسلوب الكاتب يحتاج الى تطوير ولكنه يعتبر جيد جداً بالنسبة لسنة الصغيرة
3-الفكرة جيدة لكن حقيقتاً غير مبتكرة بالمرة ...أنا كتبت من سنة قصة بعنوان هواجس طفوله وكانت تقريباً نفس المستوى والفكرة قريبة من كده بس بعد سنة أكتشفت أن الفكرة مش مبتكرة وتحتاج للكثير لكى تستحق أن تكون رواية
4-فى بعض المشاهد كان الكاتب بيحسسك أنه أكبر من عمره بعشر سنين وفى مشاهد أخره كان يعود بقلمه الى 13 سنة
5-الاحداث كلها تدور حول شخص واحد وتقريباً فى مكان واحد
6-بصراحة النهاية رغم انى كنت مستنيها ورغم انها كانت غير متوقعة لكن حستها مش منطقيه و(قلشت منه) .
7- مش عارف بس حاسس هامان كانت ملعوبة اكتر ومترابطة أكتر.
8-أحياناً كان بينتقل بى من مكان لأخر دون سابق أنذار وده كان بيحسسنى شخصياً بتوهان فى بعض الاجزاء
___________________________
ألايجابيات
1-أعتبر العمل ده فى سن 13 عمل جبار ورائع
2-الرومانسية فى القصة كانت راقية جداً وحركتنى شخصياً
3-حسيت أن الى كاتب القصة دى ياسين او شخص فى عمر ياسين
4-عنصر التشويق عن الكاتب عالى جداً
5-قدر الكاتب يحرك الاحداث بشكل جيد وسلس ويصنع حبت (اندهاشات )فى القصة
6-أستمتعت جداً بالقصة وكنت بجرى مع البطل علشان اعرف السر وراء كل ده
7-خبرت الكاتب زادت وابتداء يوظف قصصه بشكل سليم ويقسمها صح كان بيقطع الفصل فى مناطق شيقة تخليك مجبر تقراءة الفصل الى بعده
8-الكاتب حاول يعمل نهاية مفتوحة وده كويس بس مع واحد شايف نهايات مفتوحة كتير محستش ان النهاية مفتوحة وحسيت انه فشل فى النهاية دى زاى نهايات الافلام الاجنبى لما الابطال فى الاخر بيقضى على كل الزومبى وفى اخر مشهد يظهر زومبى تانى ....
________________
فى المجمل أستمر امامك مستقبل كبير ....
فى أنتظار رواية 6 .... وأتمنى أنها تكون رواية كبيرة مش زاى كل مرة
لانى متحمس ليها جداً

صديقك
أحمد مسعد
القاهرة_25/4/2014

[إسراء فكري · Rating 3 out of 5]

طب مبدئياً أنا مكنتش عاوزة أكَتب الريفيو ده ، لسببين :
1- مُش عاوزة أكون سبب فـ أحباط الكاتب و هو لسّه قُدَّامُه مشوار
2- أنا شايفة إن الكاتب مُش بيستفاد بشكل كويس مـ نصايحنا (وجهة نظر)
أنا قرأت هامان و شوفت إنها كان ناقصها كتير علشان تبقي رواية كاملة ، و الكاتب لو كان فعلاً أشتغل ع نفسُه خلآل الفترة دي كان هيقدمـ عمل روائي أو قصصي جيد ، لأنُه مُؤهل لكده أصلاً
سلبيات خلف الجدران :
أول حاجة: ردود أفعال الشخوص تحسها من غير روح أو مُش ماشية مع اللِّي بيحصل
و التانية : ضعف مقاطع و يمكن بسبب السن ،و تالت حاجة: الفكرة مُش مُبتكرة ، رابع حاجة : ماشوفتش حبُكة :/
و في إيجابيات طبعاً :
1- مُشوقة
2- الأنتقال بين الأحداث بطريقة تجذبك ، و بيوقف الفصول في أحداث تخليك عاوز تعرف إيه اللِّي هيحصل بعدين
3-تجاوز للأخطاء اللِّي كانت فـ هامان .
4- ممكن حد لسّه بيقرأ فـ الأول يبدأ بيها هتحببُّه فـ القراية
أنا عارفة إنُه بالنسبة لسن الكاتب أنا كده مُفترية :3 ، بس هو خيالُه و أفكارُه بتقول إنه ممكن يعمل حاجة أحسن و ده اللِّي كُنت مستنياه ، أسلوبك أتطور ..
ربنا يوفقك !
معلش طوَّلت :))

[Shimaa Mohamed · Rating 3 out of 5]

اسلووبك جميل يا حودا ^_ ^
الترابط بين الاحداث كان فيه نوع من الهشاشة .. بس تمام ^_^
المشكلة عندي كانت في النهاية .. حسيت انها جت باستعجال منك وموضحتش حدودها بشكل يبروزها اكتر ^_^
لكن انا بجد مبسوطة بمستواك جدااا
وبلغتك الجميلة وقدرتك على المزج بين الفصحى والعامية بسلاسة
ربنا يوفقك ^_^

[Amany Shabaan · Rating 3 out of 5]

pdf
منكرش أنى خوفت شوية يعنى :)
كان حصل معايا موقف من شهرين؛
كان عندى محاضرة والدكتور كان بيتكلم عن الديانات القديمة وبعدين تطرق في الحوار عن السحر وبعدين ذكر أنه عنده كتب كتير في السحر وقال هبقا أجيبها تشوفوها، وبعدين في المحاضرة التانية فعلا لقيناه جايب الكتب ووزعها علينا :) كان من نصيبي كتاب قديم جدااااااااااا وأصفر
أخدت الكتاب وفتحته وأنا في البيت كان مكتبوب في طلاسم كده أول ما شوفتها قفلته ووضعته بعيد عن مكتبتبتى ومكنتش مرتاحه خالص للكتاب لحد ما جه معاد المحاضرة وأخدته رجعته تانى للدكتور

[Nodda · Rating 5 out of 5]

يا خواجــــــــة كل رواية اسلوبك بيتجدد ويتحسن يعني لما قريت هاماان وكنت منبهرة جداا وهي اكتر واحدة عجبتني :D
وبعدها المقبرة ودلوقتي خلف الجدرااااان .. وانا في مود الرواية بنسى سنــك خااالص اصلاااا

المهـــم بقاا بغض النظر عن الرواية واسلوبك وكل الكلام الحلو داا ^_^
الــ خمس نجوووم دووول عشــــــــان في الفصــل الثالث قلت انك رايـــــــح #محـــرم_بـــــــك
منطقتـــــــــــي ^_^ ^_^

بالتوفيــق يا محمــود ومستنيــة 6 بقااا ان شاء الله

[Sarah Hijazi · Rating 4 out of 5]

قصة طويلة مثيرة مرعبة مليئة بالمفاجئات
بالرغم من إنها لا تتعدى ال 35 صفحة لكن كقصة تعتبر بها تفاصيل ولكن تستحق تفاصيل أكثر للسرد وخاصة للشخصيات .. ممتعة واستمتعت بالمفاجئات (الصدمات) اللي تحملها والتي تحدث لياسين ..

وكل هذا عظيم بالنسبة لسن الكاتب بالطبع ..

ملحوظة : أه يمكن فيها حاجات ناقصة كتير واه مش ينفع نسميها رواية بس هي محبوكة على الفكرة اللي انت عايز توصلها .. ده غير إني بحب ال Track بتاع الرواية :)

ويالتوفيق دايماً وفي انتظار نزول رواية #6 :)

[Menna Fouad · Rating 2 out of 5]

طبعاً مع الاخذ ف الاعتبار بسن الكاتب سوف نجد انه صاحب اسلوب متميز وله مستقبل ف الكتابه وانا شايفه ان فى تحسن واضح و ملحوظ ف اسلوبه و متوقعه منه احسن و احسن ف الروايات الجايه ان شاء الله واى حد مش شايف ده يستنى الروايه الجديدة لمحمود و هيلاحظ ده بنفسه :) .. واخيراً بقى انا مش اديبه عشان اديك نصايح بس اسمع من اهل الخبرة و اشتغل ع نفسك اكتر و باذن الله هتوصل للهدف ;)

[Aya Mohiy El Deen · Rating 2 out of 5]

انا مكنتش اعرف انك 13 سنة بس, حسيتك اكبر من كدا
دي اول حاجة اقراهالك مشوقة في البداية بس الاحداث بتدور حول شخصية واحدة
مش واقعية و فيها احداث مش مترابطة
النهاية مش كويسة اتهرست 100 مرة قبل كدا
الاسلوب كويس و لو كتبت افكار تانية بطريقة احلي حتبقي حد كويس جدا
ربنا معاك =)

[toka shenishen · Rating 4 out of 5]

أنا في يوم يا هشاور عليك مفتخرة بيك وأقول صديقي الصغير
:D منتظرة منك المزيد وعلى دراية تامة بقدرتك على الإبداع ..

[Khaoula Guesmi · Rating 3 out of 5]

3 نجوم لأنني واثقة بأنك أقدر على أفضل من هذا

أنتظر لك رواية رائعة ولكن لا تكون قصيرة :)

[بيسان كنعان · Rating 4 out of 5]

هي مش رعب ولا خيال متلف لكنها نوع يحمل كمية صدمات ومفاجات متتالية عجبتني جدا لغتها سهلة الاسلوب جميل

[Bishoy Khalifa · Rating 4 out of 5]

تجربة ممتعة و مخيفة

[Esraa magdy · Rating 1 out of 5]

:D
معجبتنيش وقلبي كان حاسس ،
بس اكيد واخده فى اعتبارى ان الكاتب سنه صغير و لسه فى بداياته
فـ مش عيب ابداً انه يبدأ بحاجات بسيطة
وان شاء الله مع الوقت اكيد اسلوبه هيتغير كتير للأحسن

[بولا وجيه · Rating 5 out of 5]

رواية اكثر من رائعة :)

[Mohamed Fathy · Rating 3 out of 5]

الكتاب جمبل جدا بس كان ممكن يزود فيه تفاصيل اكتر من كده

[Roro elshiref · Rating 5 out of 5]

تحفة بجد روعة

[Eman · Rating 3 out of 5]

جميله جدا بجد بالنسبه لكاتب في السن الصغير دا ممتعه ومرعبه

[Mad Mido · Rating 5 out of 5]

بسم الله ما شاء الله يا حوده روايه جميله جدا وشدتنى اولا وربنا يوفقك وتكتب حاجات احسن كماااااااااان وانا جاهز للرحلة مرة اخرة :) :) :)

[Ebtesam El-gomhoury · Rating 4 out of 5]

الرواية حلوة واسلوب الكاتب حلو رغم صغر سنه واتنبأله بمستقبل كويس
فكرتني برواية نوستالجيا حلوة بردو

[Aya · Rating 4 out of 5]

الرواية المرة ديه جامده جدا و اللغة كمان فيها مظبوطة وسليمة جدا عن الرواية اللى فاتت " المقبرة " و ديه كانت تانى مرة اقرا حاجه ليك بعد " المقبرة " أحسنت و دايما ف تقدم و تحسن يااارب ^_^

[Mai Mourad · Rating 1 out of 5]

عموما الرواية كويسة بس انا حسيت انى تائهه الربط بين الاحداث كان ضائع شوية بس فكرة الرواية نفسها عجبتنى . اول مره اقراء لمحمود خواجة بس باذن الله مش هتكون اخر مره :)

[Nada Mostafa · Rating 2 out of 5]

مش عارف الصراحة هي حلوة ولا وحشة بس شغاله يعني ..هي بالنسبة لي حسيت لفترة انها مضيعة للوقت

[Einas salem · Rating 1 out of 5]

كنت متشوقة في الاول بس النهاية سيئة الصراحه ضيعت اعجابي بالقصة
الكاتب الصغير مشروع لكاتب كبير في المستقبل ان شاء الله
اسلوبك حلو والاحداث كانت مشوقة
بس محتاج افكار جديدة وتتطور من نفسك
لسه المشوار قدامك طويل بس ليك مستقبل كويس

[Nayera Mohamed]

[Omnia Mohyee · Rating 2 out of 5]

بعيدا عن اى حاجة.. انا معجبة جدا بخيال الكاتب !!
بالنسبة للكتابة هى احسن بكتير من هامان بس فكرة هامان احلى..
و اعتقد ان 6 هتكون حلوة جدا .. منتظراها :))

[Rania · Rating 2 out of 5]

ككاتب مبتدىء القصة لا بأس بها .. على ان تنمى موهبتك تلك وتعرف اين انت من كتابى الروايات العظماء واللذين يجذبون القارىء ..
جذبنى اسلوبك بعض الشىء ولكنى كنت انتظر الافضل ...

[Menna Ayman · Rating 2 out of 5]

هو فيه حاجة حلوة بس مش عارفة هى ايه الصراحة! يمكن عشان عدد صفحه قليل والأحداث تسلسلها سريع و مفيش ملل.. بس هو كتاب عادى جدآ و متهيألى الكاتب يعرف يكتب كتب أحسن من كده.