محجبة ... Oops

by رشا أبو السعود

174 pages, Paperback

First published January 1, 2011

About the author

https://www.facebook.com/RashaAboElso...

Reviews

[مصطفي سليمان · Rating 3 out of 5]

انا ما اخدتش بالي من الاسم غير لما كنت بدور علشان احط البيانات
:)
فهي ابنة الموسيقار
حسن ابو السعود

ما علينا

الكتاب عبارة عن سلسلة تدوينات
فضفضة جديدة
انتقلت من البلوج للورق

من فتاة طائشة عايشه حياتها
للحجاب
للنقاب
ثم
للحجاب مرة اخيرة

من زواج لطلاق

ثم قاب قوسين او ادني لزواج ثم فشل

الكتاب سهل والتدوينات دمها خفيف وسهل قوي
بعيدا عن الحلال والحرام
وفرضية الحجاب او النقاب من عدمه
عجبني المنطق اللي انا مصدق فيه
اللي عاوز يعمل اي شئ
يعمله بس يكون مقتنع من جوه لبره
مش العكس
وان الدينا مالهاش وش واحد بس

دا ملخص الكتاب بالنسبة ليا

يعيب عليه انها ف كتير من المواقف المهمة
كانت مقتصرة عن قصد
او عن غير قصد سواء
بالاقتضاب ف الكلام
او كدا

غير كدا ذكرت تفاصيل وقالت هتقول ليه
بعدين ولا الهوا نسيت
اعتقد ان الموضوع كان محتاج يتقراء
مرة تانيه كويسه ويتضاف حبة رتوش
وحاجات لان فيه فرق بالنسبة عليا
لما هو الكتروني و ما هو ورقي

عجبني فكرة
تناولها للحجاب والنقاب
لانها مجربة
من غير كلام مقعر من نوعية الاحكام الدينية والجو المريب دا
باب جديد اتفتح اعتقد
ومش هيتقفل قريب
بل ع العكس هيزيد

رحلة طويليه من التغييرات شهدتها السيدة الكريمة
اعتقد انها شافت حاجات كتير صعبه
ومرت بتجارب سخيفة كتيرة قوي
بس اسلوبها سهل
وبسيط قوي

:)

[Sherin Khamis · Rating 2 out of 5]

لا بأس بها فضفضة رشا أبو السعود وان كانت أصابتني بالملل في بعض الفصول خاصة التي كانت تتحدث فيها عن بداية تدينها وتلك المرحلة المشهورة التي يمر بها الجميع في بداية الحجاب فترة حضور دروس الدين في الجامع والامتناع عن الاستماع للأغاني والانخراط في الأعمال الخيرية وحب الكل في الله الفترة التي عبرت عنها جيدا عندما قالت انها عاشت دور الأم تيريزا....رغم صدق مشاعرها الملموس وخفة دمها الا انني شعرت أن الحجاب سبب لها عقدة أكبر من اللازم هو أصلا بقي فيه أكتر من المحجبات ممكن الاضطهاد كان في فترة التسعينات وكده ماشي لكن دلوقت أصلا بقي التمميز ضد اللي مش محجبات مش العكس وفيما يخص الشغل وعن تجربة مصر مافيهاش شغل أصلا مش مفيش شغل للمحجبات بس..فموضوع الاضطهاد ده كمحجبة مش لامساه خالص بل بالعكس ده مرة اترفضت في مقابلة شغل عشان ماكنتش محجبة وقتها والمدير كان سلفي ويفضل اللي تشتغل معاه تبقي محجبة..عموما الكتاب خفيف خلصته في ساعتين ينفع تقراه في القطر أو وانت مستني عند الدكتور

[Ebthal Yusuf · Rating 2 out of 5]

كتاب ظريف والكاتبة دمها خفيف أوي
هوا أقرب للمدونات يعني هيا مش قصدها تعمل كتاب بجد
أنا كنت فاكراه قصص قصيرة صراحة
قصتها مع الحجاب
ورحلة اكتشاف نفسها اللي كلنا محتاجينها
وتمييزها بين الحاجة اللي بتعملها عشان نفسها والحاجة اللي عشان ربنا والحاجة اللي عشان الناس
فيه جو من التسامح كده مغرق الكتاب
انك متحكمش علي حد لانك متعرفش ظروف حد
ملكش دعوة بالناس وركز في نفسك ومشاكلك

هيا فضفضة علمتني شوية حاجات
وحسيت اني قريبة من الكاتبة وبحبها

[علا عنان · Rating 4 out of 5]

كنت أتمنى لو كان الكتاب أكبر, ما كنتش عايزة اخلص قراءة , اسلوب ممتع رشيق خفيف الدم , وبتحكي فيه رشا عن رحلتها الشخصية عبر الحياة وعلاقتها بالحجاب والنقاب ونظرتها للحياة ونظرة الآخرين ليها
بعد قراءة الكتاب حسيت اني اقتربت من شخصية رشا بشكل إنساني بسيط كأنها فرد من أفراد أسرتي, أو صديقة أعرفها من سنين :)

[Sara Aly · Rating 3 out of 5]

من الكتب اللى تقراها وتتبسط إنك قريتها .. ورغم أن الكتاب فى أغلبه بيدور حول فكرة تقبل الاخر والتدين والتطرف إلا انه خالى من الوعظ والحشو ..أسلوبه بسيط وخلانى أفكر فى حاجات كتير بعد ما خلصت قرايته.

[Rasha · Rating 5 out of 5]

الكتاب جميل و أحلى ما فيه إن التجربة صادقة جدا و غير منحازة.أنا لما جبت الكتاب ما كنتش عارفة هل هى مع الحجاب و لا ضده،لكن اتبسطت و أنا باقراه إنها محبة للحجاب و فى نفس الوقت غير كارهة لغير المحجبات لأن هى كانت منهم لفترة طويلة ده غير إن كتيير من قرايبها غير محجبات.‏ طبعا الظروف اللى مرت بيها صعبة و هى دى اللي خلتها تتقلب من نقاب لحجاب...شخصية رشا تبدو مرحة و هى بتحكى قبل الظروف اللى مرت بيها و ده خلا الكتاب ممتع فى قرايته...و احترمت إنها مش عايزة تخوض فى تفاصيل الزواج السابق أو المقلب اللى اتعرضتله فى العمل

[Yasmina A-Saleh · Rating 3 out of 5]

الواقعية و الحكم بصرف النظر عن الدين منصفين لأبعد حد
مشكلة الحجاب و الحالة اللى بتتكون جوا البنت من أول ما تلبسه لحد ما تتعرض لمواقف تهينه أو تستهجنه أو تحترمه بزيادة عن الحد و تحمسها للنقاب حالة فعلاً كانت محتاجة تتناقش
عجبنى الفكرة من بدايتها بالتدريج
بغض النظر عن السرد حد الملل بس التوضيح فى بعض الأحيان كان مطلوب
عجبنى جداً تحليل " هايلة بس للأسف محجبة " و "لايأكل الذئب من الشاه إلا القاصية "
ملحوظة: العربى محتاج تنمية شديدة أنا أول مرة أشوف كلمة " ألبسيط " بتتكتب كده ! و حاجات كتير تانية .. :)

[Randa Aburamadan · Rating 3 out of 5]

كتاب دمه خفيف..
من اول ما خدته من رشا وانا متحمسة اقراه ..القصص اللى فيه تخش القلب عشان الاسلوب البسيط والسهل اللي مكتوبة بيه، واللي بتتكلم فيها عن حاجات صغيرة بتعدي علينا من غير ما نلاحظها
أتمنى انكم تستمعتوا بالكتاب زي منا استمتعت بقرائته

[Huda Anan · Rating 5 out of 5]

الكتاب رائع بمعنى الكلمة استمتعت بالتغلغل في داخل اعماق بطلة القصة و الحوارات بينها و بين نفسها كتاب يصور واقع الصراع داخل الانسان في شتى الخيارات في الحياه و التفكير في موضوع الحجاب ليس كعادة مجتمعية مفروضة بل عبادة واجبة و لها قواعد و شروط

[Mohamed Shaaban · Rating 3 out of 5]

إسلوب رشا بسيط ومسلي وبيوصل للقاريء. الرسالة إللي في الكتاب كان لازمها الإسلوب ده عشان توصل للبسطاء - إللي عارفين إنهم بسطاء، وإللي بيدعوا إنهم مش بسطاء

[Menna Ali · Rating 3 out of 5]

لمسني. .يمكن عشان محجبة بس معاناتي بالنسبة لمعاناتها ولا حاجة يمكن عشان الشعب المصري اعتقاده اختلف للأحسن و دي حاجة كويسة بس لسة برضو الناس فيها حبة كلاكيع

[Shimaa (Hamssa) · Rating 5 out of 5]

لفترة اعتقدت ان الكتاب ساخر وهزلي وتافه بس قريته
الكتاب بشكل كبير بيعرض مش بس فكرة الحجاب واللبس عموما لكنه بيعرض عقليه مجتمع اتعود يصدر الاحكام علي الكل .. ع اللي لابسه بنطلون او عبايه او واسع او ضيق بحجاب او من غير او نقاب او خمار
فعلا شغل كتير يشترط حسن المظهر والجمال مع اني مش فاهمة ايه علاقه الجمال بالشعر والماكياج مع ان محجبات كتير وحلوين وشيك وتعاملهم كويس وخبرة كويسه وغير محجبات ودماغهم فاضيه وتعاملهم زفت ودا طبعا مش قاعدة بس كلنا فينا الحلو والوحش
للاسف الكتاب بيعرض عقليه ذكوريه ومجتمعيه من ناس بتدَّعي التحرر وهي تفكيرها طبقي عنصري
احب احييكي واهنيكي ع الكتاب دا لانك وبكل حياديه وضحتي للناس ان الشكل واللبس حاجه والشخصيه حاجه تاني خالص

*ملحوظة انا معرفش انك ابنه حسن ابو السعود الا من الريفيوهات هنا