بنت أجندة

by شيماء الماريه

تكون الكتاب من 13 قصه قصيره ... من ضمنهم قصة الكتاب الرئيسيه وهى قصة( بنت اجنده)

وانا بنت اجنده فى نظر النظام السابق والمجلس الحالى ( والحدق يفهم ) , انفذ تعليمات خارجيه , الهدف منها تخريب البلاد لذلك قمت انا واصدقائى الاجندات ( الشعب يعنى ) بعمل ثوره , رفضنا فيها الفساد واسقطنا الظلم والأستعباد والسرقه وكل الاشياء التى كان يعلمها الجميع ( وكنا ساكتين عليها )

( بنت اجنده )

160 pages

First published January 1, 2011

About the author

كاتبه أدبيه من مواليد أغسطس .. تخرجت من كلية الأداب قسم الاعلام شعبة الصحافه .. عملت بالصحافه لفتره ثم قررت إحتراف الكتابه الإدبيه..
صدرت لها مجموعتها القصصيه الأولى فى اكتوبر 2011 ( بنت أجنده ) صدرت عن دار المصرى للنشر والتوزيع ..
ثم المجموعه القصصيه الثانيه ( فى بيتنا دكر ) 2014 والتى صدرت مع نفس الدار ..
و رواية مائده 31 هي اولي اعملها الروائيه

صفحه الكاتبه علي الفيس بوك :
https://www.facebook.com/sh.elmaria/

Reviews

[Lamis Usama · Rating 4 out of 5]

عن الاحساس الى حسته كل بنت كان نفسها تنزل التحرير ومنزلتش بس عشان هيا بنت .. عن كل الاحداث والاحاسيس الى حصلت فى الثوره .. عن الحزن والفرح والشجن واللخبطه .. عن " بنت اجنده "

عن كبريئها وقرارها وعن غباء نص الرجاله الى عايز تملك كل حاجه باديها .. عن " مكالمه تليفون "

عن السعاده والتفاصيل والنهايه الورديه فى " شاى بدون سكر "

عن خفه دم وجنان " سجاره بنى " ... انت عرفتنى ازااى ؟؟ مش اسامه فهمى الى معايا ... لا يا حبيبتى انا اسامه اخوكى .. وقعتك سوده

عن الندم والوجع " الهاتف الذى طلبته غير متاح للابد " ..عن االانانيه والناس الى فاكره انها ملكت حد لمجرد انه حب بجد .. فاكره انها يوم ما هترجع هتلاقى الباب مفتووح .. بس للاسف يا القدر هيقفله يا الشخص هو الى هيقفله باديه

عن امرأه كباقى نساء مجتمعى تعشق انتظارها لرجل لا ياتى ابداا ..احيانا اعتقد انها تنتظر لانها تعلم جيدا انه لن ياتى فتفضل الانتظار عن ان تتجاوزه # امرأه تعشق الانتظار "

عن الملايكه الى بتدخل حياتنا وتغير كل حاجه .. الى تحسسنا اننا لسه عايشين وان الحياه فيها حاجات كتير حلوه .. عن الاحلام البيسطه وعن الحاجات البسيطه الى مبيبقاش ليها طعم غير بوجود روح معينه جنبنا .. عن الحب والالم والفراق .. عن الدومع والمرض والمقاومه .. عن " المرأه التى جعلتنى كلما ارى القمر "

عن التفاهه والسذاجه والحرمان والخيال والواقع الى طبيعى نصتدم بيه فى " ربع ساعه حب "

عن تأنيب الضمير الى بنحسه ناحيه حد حسينا انوا بيحبنا .. عن خوفنا من .. كمان تدين تداان .. عن تعذبنا لنفسنا بحجه احنا نفسنا مش مقتنعين بيها بس مش قادرين نقنع نفسنا بغيرها ... عن " قلب مفتوح "

عن اغرب الحاجات الى بتأثر فينا .. عن الحب الى ممكن يبنى حاجات كتيير وممكن تانى يهدها فى ثوانى .. عن "الرجل الذى فقد قلبه "

عن الخيال وخفه الدم ...بابا انا بسمه ... بالنسبه لشكلى دا موضوع طويل ...
المهم انا مش موافقه على العريس الى انت مصمم تجوزهولى ... :D :D .. " بنت راجل "

اسوء الانفجارات واكثرها ضررا .. هى التى تحدث بداخلنا ولا يسمع عنها احد ...... عن الجنان وحاله الفانتازيا .. عن " البنات البنات الطف الكائناات "

وطبعا استمتعت جداا باسلوب الكاتبه وافكارها المجنونه وواقعيتها فى نفس الوقت :)

[Eman · Rating 5 out of 5]

قزقزت الكتاب :))

من النوع اللي الواحد يحب يعيش قصته بأجوائها الدافئة أكثر من مرة بيفكرني بدفا السبرتاية

علشان كده مش بخلصه مرة واحدة بيفضل معايا وقت طويل لحد ما أقول قرأته

وكمان أنا بحب أوي القزقزة اللي تكون اللباية قصدي القصة فيها مكلبظة :)

يعني فيها مشاعر أوي ومفاجأة ومليانة نكهة

وخصوصا قصة المرأة التي جعلتني أبكي كلما رأيت القمر "اسمها حاسة انه مستوحى من فيلم الليلة التي بكى فيها القمر لصباح " بس القصة روعة

حبيت الكاتبة وبتمنى أقرأ لها تاني

[Radwa · Rating 3 out of 5]

كتاب لطيف و خفيف .. خلصته في أقل من ساعتين.
الكتاب ينقسم لقسمين، قسم سياسي يتعلق بذكريات الكاتبة وقت ثورة 25 يناير، الجزء ده لو كنت قريته من سنة كنت هدي الكتاب خمس نجوم، لكن بما أني فقدت الأمل في مصر ككل، حسيت الكلام تقيل على قلبي شوية.

الجزء الثاني قصص مؤثرة، بيغلب عليها الطابع الرومانسي
عجبتني وكان ليها موود لطيف.

أرجع أقول تقييمي للكتب مرتبط بحالتي المزاجية وبالحالة اللي بيدخلني فيها الكتاب، لكن ككل الكتاب عجبني ومنتظرة كتابات تانية للكاتبة :)

وده يرجعني أني أتذكر أني قرأت قصة "مكالمة تليفون" على مدونة الكاتبة وعجبتي جداً، فده كان من أسباب سعادتي لما شفتها في الكتاب ده :)

[Ebthal Yusuf · Rating 4 out of 5]

حقيقي استمتعت جدا جدا مع الكتاب ده
كتاب شبابي خفيف والقصص بتحمل رومانسية حزينة كده عجبتني أوي
وبقول للكاتبة استمري أسلوبك جميل واحساسك عالي وكتابك حلو جدا

[Ahmed Abo Baker · Rating 4 out of 5]

أول ما جذبني في الكتاب هو ظهر الغلاف لما فيه من جرأة شديدة جعلتني أقتني الكتاب ..... أسلوب الكاتبة بسيط جدا وغير متكلف يستمتع به القارئ البسيط والمتعمق .... أكثر قصة عجبتني هي "الهاتف الذي طلبته غير متاح للأبد" .... أكثر موضوع شدني هو موضوع "بنت راجل" عجبتني الفكرة جدا وعجبني الجرأة في تناولها لكن لم ترضني
النهاية ... الكاتبة تتناول موضوعات جديدة لا يجرؤ أحد على تناولها سواء من الرجال أو النساء .... إن كان تقييمي عادلا فأعتبره كله لما تتميز به الكاتبة من جرأة

[Gamal soliman · Rating 5 out of 5]

لو كان هناك اكثر من خمس نجوم لاعطيت هذه الكاتبه 6 او 7 نجوم
اولا لان طريقه سردها للاحداث اخاذه
ثانيا هى كاتبه مغموره ولكنها فاقت كثيرون من المشاهير
ثالثا سانتظرها فى احداث ومواقف اخرى .. شكرا شيمو

[شيماء الماريه]

بنت اجنده
بقلم : شيماء الماريه
دار المصرى للنشر
تصميم الغلاف : كريم ادم

.. مقتطفات من الكتاب

يتكون الكتاب من 13 قصه قصيره ... من ضمنهم قصة الكتاب الرئيسيه وهى قصة( بنت اجنده)

وانا بنت اجنده فى نظر النظام السابق والمجلس الحالى ( والحدق يفهم ) , انفذ تعليمات خارجيه , الهدف منها تخريب البلاد لذلك قمت انا واصدقائى الاجندات ( الشعب يعنى ) بعمل ثوره , رفضنا فيها الفساد واسقطنا الظلم والأستعباد والسرقه وكل الاشياء التى كان يعلمها الجميع ( وكنا ساكتين عليها )

( بنت اجنده )

.......................................................

وبجراءه غير معتاده على الإطلاق فتحت اُولى ازرار البلوزه , فبانت سنتيميترات قليله اخرى من الجرح , وللمره الثانيه لم يستطع ان يدارى تعبيرات وجهه , فسألته بطريقه سافره:
- هل ترغب أن تراه باكمله؟
صُعق من جراءتى وقال فى تردد :
- هل هو كبير الى هذا الحد؟
امسكت بيده فجأه ووضعت اصابعه مكان الندبات الثلاثه من فوق البلوزه وقلت فى ألم :
- هنا ينتهى ....

( قلب مفتوح )

..................................................

تحسست الجزء العلوى من جسدى ذُهلت ( أين أشيائى ؟؟؟ ) ثم تحسست جزئى السفلى فى شبه صدمه ( وما هذه الاشياء الجديده ؟؟)

( بنت راجل )

[Engdody Ahm · Rating 4 out of 5]

مجموعة قصصية رائعة تحمل من كل بستان زهرة تضم كل اغلب المشاعر الانسانية من فرح و حزن و اثارة و جنون و حماسة
اكثر القصص التى شدتنى اليها
(الهاتف الذى طلبتة غير متاح للابد و المراة التى جعلتنى ابكى كلما ارى القمر
ماشاء الله اسلوب سلس و شيق و تعبير بكلمات بسيطة
منتظرة جديدك