Alles Mooi Weer

by Karin Cronje

Tien jaar na die publikasie van Karin Cronjé se plofbare debuut, Vir 'n pers huis, verskyn haar tweede roman, Alles mooi weer.

Hilette Barend, professor, is in volle vaart. Sy is dringend op soek na Pearl Poplin, haar gevallestudie, wat in die niet verdwyn het. Al wat sy van haar het, is drie oefeningboeke waarin hawelose Pearl haar veelbewoë lewensverhaal ... those who was sorry showed they where sorry but I did not want simpity I wanted love but I did not love myself...

Dit word toenemend belangrik dat Pearl gevind moet word. Boonop maak min dinge deesdae heeltemal sin vir Hilette.

So begin 'n aangrypende psigologiese speurtog – indien iets ooit gebeur het – wat die onstellende gedagtegang van Cronjé se fragiele en gemarginaliseerde karakters blootlê en 'n skreiende blik werp op die samelewing wat hulle gevorm het. Daar is vetknop Klaus en sy onsinnige lewe; die stomme Mpggô en haar bedlêende gesnork. En Pearl. Wat haarself so voor die swyne werp.

Met haar kenmerkende sin vir galgehumor en patos ontbloot Cronjé die skrikwekkende motief van 'n lewe wat eendag nog potensiaal het en die volgende dag 'n voldonge feit is. Daarby skep sy met fantasie en 'n sweem surrealisme 'n gans nuwe erotiese woordeskat wat lig werp op dit wat so maklik verborge bly.

229 pages, Paperback

First published March 1, 2008

Reviews

[E · Rating 1 out of 5]

Het vreeslik gesukkel om hou vas te kry aan die skryfstyl en die storie. Het tot by bl. 40 geworstel en kon toe nie meer nie.