Breuk onder die Uile

Die Uile #3

by Cor Dirks

Die Uile is nie meer vyf nie maar vier ...

Toe Berrie du Toit vriende maak met Ernest Fouché, gebeur die onverwagse: Berrie breek weg van die eens hegte groep Kranskopse vriende wat hulleself die Uile noem. Hoekom is Berrie nou vriende met Ernest wat die skoolreëls oortree en so 'n bullebak eis teenoor Jorsie Neethling, die kleinste Uil? Kan daar tog iets goeds in Ernest steek? Met krieket kan Berrie en Philip Senekal, die leier van die Uile, nog saam speel sonder dat hulle regtig saam hoef te werk, Maar toe breek die rugbyseisoen aan en in die doodsnikke van die naelbytwedstryd teen Excelsior is dit moontlik nog net spanwerk tussen Berrie en Philip wat die telling in Kranskop se guns kan beklink ... Intussen maak die Uile 'n geheimsinnige ontdekking en Jorsie is vasbeslote om dié raaisel op te los.

Hardcover

First published July 1, 2011

About the author

Justus Cornelias Dirks beter bekend as Cor Dirks, is gebore op 28 Februarie 1911 op Volksrust en is oorlede op 15 Oktober 2000 in Johannesburg. Justus Cornelias Dirks beter bekend as Cor Dirks was 'n Afrikaanse skrywer van jeugboeke.

Cor Dirks was skrywer van 'n paar reekse gewilde boeke oor veral die Uile , Die Otters en Joof. Hy word veral onthou vir Die Uile waarmee hy derduisende kinders aan die lees gekry het. Besonder gewild was Wadda van die Woestyn, die verhaal van 'n baba wat deur Boesmans grootgemaak word en waarna daar verwysings in Die Uile in die Kalahari is. Verder het die vader van die Uile-reeks, op ‘n rype 79-jarige ouderdom die laaste Uile-boek, Die Uile vlieg weer, geskryf.

Benewens skrywer was Cor Dirks, soos baie van sy tydgenote, ook vir baie jare hoof van die Hoërskool Linden op Johannesburg. Hy was getroud met Elsje Christina van Niekerk "Ella" . Ella was gebore 1 Oktober 1913 op die Fergusonmyn, Krugersdorp distrik. Cor en Ella het mekaar ontmoet op Lourenço Marques. Hulle het 2 kinders gehad - Justus *1943 en Elsje *1946.

Cor Dirks is oorlede as gevolg van foutiewe toediening van narkose vir 'n heupoperasie wat hy in Augustus 2000 in Johannesburg ondergaan het en waarvan hy nooit werklik herstel het nie.