تحت الأرض

by شريف ثابت

ما أفهمه وأصدقه هو أن علاقة الإنسان بجسده تنقطع لحظة مفارقة الروح له .. بعدها يصبح الجسد قطعة من الجماد لا تضر ولا تنفع - ولابطبع - لا تشعر .. ما هو نوع العذاب الذى يمكن إلحاقة بالجماد..؟ .. التكسير..؟ .. التقطيع..؟ .. الحرق..؟ ..السلخ..؟ .. العرب قالوا قديما " لايضر الشاه سلخها بعد ذبحها" .. وهو كلام يقبله العقل والمنطق خلافاً لكل ذلك الكلام الكثير على ألسنة العامّه عن حساب الملكين والثعبان الأقرع .. إلخ .. الله أكبر بكثير من كل هذه، وهو بالتأكيد قادر على محاسبتنا بشكل أرقى وأقرب إلى التصديق .. أليس كذلك ..؟ ..لا.. لست أبغى الدخول فى مناقشة دينية معك .. سؤالى لك فقط كان مدخلا للموضوع الذى أريد مفاتحتك فيه .. أعتقد يا (مروة) أنّ (مصطفى) فى هذه اللحظات يتعرض لعذاب ما فى قبره .. لدىّ ما يجعلنى متيقناً من هذا ..

Genres: Novels

158 pages, Paperback

First published December 1, 2010

Reviews

[Sara Emad · Rating 2 out of 5]

ميزة الرواية انها مركبة من أكتر من فكرة مشكلتها بقى انها كلها أفكار مقتبسة " اتهرست قبل كده "


الشخصيات كلها تيمة الشاب اللى اتعرض لانتهاك جنسي و هو مراهق و شاف أمه مع جوز أمه من ورا الباب لازم لازم يطلع شاذ و بما أنه غنى لازم يكون كاره للشخصيات اللى بتفكر في القضية الفلسطينية و عايشين الدور ده و يشوف أنهم متدينين سطحيين ، الشاب الفقير المكافح اللي يتدلى فاهه لما يشوف فيلا الغنى " يا بيه اللى بتطلبه ده عيب و حرام ".

الرواية مقتبسة من فيلم
Mulholland Drive
مع إضافة تفصيل صغير مقتبس من فيلم أحلام حقيقة مع التاتش بتاعة الكاتب.

أفضل حاجة في الرواية هى طريقة السرد ، التنقل من شخصية لأخرى من راوى لآخر ، ذكريات ، فلاش بك ، مقاطع من أغنية ، تلاحق الأحداث ، طريقة مميزة جدا ممتعة جدا.
نهاية الرواية فيها نوعا من العدالة ، بشكل عام رواية لا بأس بها أول مرة أقرأ للكاتب الى حد ما مشجعة على قراءة حاجة كمان له أعتقد أنين.

[حازم · Rating 4 out of 5]

هذه بالفعل هي الرواية التي تحبس أنفاسك من فرط الرعب والإثارة والتشويق.. أنا أحب شريف ثابت ككاتب، بعد روايته الرائعة "أنين"، ومجموعته البديعة "مزاج صباحي"، ها هو يبحر في تحت الأرض، ذلك العمل الذي يحمل طاقة سردية مميزة، وبه تلاحق بالأحداث مبهر، ويكسر به الكاتب كل القيود من جميع الأنواع، تتحدّث عن مراد، المصري الذي عاش أغلب عمره في الخليج، ويعود ليصطدم بأشخاص وحوادث. ستعرف ما هو "التليباثي"، وكيف جمع بين مراد ومصطفى. رواية تبدأها فتنهيها.
الكاتب أيضاً استخدم تقنية الفلاش باك بشكل سينمائي مميّز للغاية، غلب على معظم أعماله.
هذا الكاتب سيكون مستقبلاً روائياً عظيماً بحول الله..

[Ahmed Ali · Rating 3 out of 5]

يستغرق هذه المرة وقتا أطول ليستوعب تلك الحقيقة الرهيبة ، وهي أن هذه الأجساد المحيطة به هي جثث ، وأن اللفائف التي تغطي جسده هي كفنه ، وأن هذا المكان المظلم فاسد الهواء ما هو إلا قبره ..

[داليا رشوان · Rating 4 out of 5]

أولا
أحب أشيد بالأسلوب المُبدع في سير الرواية
و المشاهد المتقطعة
اللي خلتني أتوه في الأول
بس دفعتني أني اكمل

ثانيا
انا اعرف فعلا ان الشذوذ الجنسي منتشر في الخليج
في صمت
لذلك ماحسيتش انه بيبتذل
او بيجيب الموضوع لمجرد انه عايز يجيب حاجه جنسية وخلاص

ثالثا
عجبتني النهاية
و ادهشتني
انهم فعلا اتدفنوا في قبر واحد
فيها عدل انا ماستوعبتوش او ماجاش في دماغي

بس اكتر حاجه بهرتني
الحبكة و طريقة السرد
برافو حقيقي

[Mohamed Fouad Eissa · Rating 4 out of 5]

رواية حلوة .. أشخصها مرسومة كويس وخصوصا شخصية عماد
في بعض الاجزاء كنت مابعرفيش مين اللى بيتكلم بس مع التركيز قدرت اميز
قطع المشاهد بطريقة سينمائية حلو واسلوب مميز لشريف ثابت أتكرر في أنين
أحيك علي العمل الجميل

[Neno Emy · Rating 1 out of 5]

ايه الكلكعه دى !!

[Raneem · Rating 3 out of 5]

الكتاب كان ممتع لحد صفحة 70 مثلا بس بعد كده حسيت ان النهاية مش مظبوطة و كأنها متفبركة

[Youssry Effat · Rating 4 out of 5]

كان فين الحاجات الحلوة دى من زمان
بقالى فترة كبيرة اووى ممسكتش رواية كدة
و فضلت مكملها لاخر فى مرة واحدة
و دا مش عشان عدد صفحتها قليل
مسكت كذا رواية فى نفس متوسط عدد الصفح لكن اخدوه معايا ايام
الرواية حلوة جدا و الفكرة حلوة و جديدة و جرئية شوية
طبعا فى وجود بعض الالفاظ لكن مش دا العامل الاساسى
العامل الاساسى هو كان الربط بين الشخصين بدرجة غريبة
وازاى كانت من البداية ووصلت لفين
رغم جرئة الموضوع لكن بلورته مع اطار اخر من الابعاد النفسية هى
اللى شدت الواحد الى النهاية

[Ahmed El.Damarany · Rating 3 out of 5]

رواية بطعم التراب ، يكتنفها الموت ، وتحيط بها هالة من التيه.
يأخذك الكاتب في رحلة من التضارب الاجتماعي والمرض النفسي ويدور بك بين نظرة المجتمع للشذوذ ويغوص في تحليل الأشخاص الذين يعانون منه ونظرتهم للمجتمع مع تحليل للأشخاص المعرضين للتحرش في صغرهم وما آل بهم الوضع مع مرور الوقت والايام .
ويجمع بين ذلك وفكرة تلاقي الأرواح والتخاطب "التليباثي" بأسلوب سلس وبسيط بلغة قوية متمكنه وسرد يسحرك بوصفه وتحليله .

[Ahmed Khalil · Rating 3 out of 5]

روايه متوسطه مش فكره جديده لاكنها محبوكه مش ممله اسلوب سهل في المجمل عجبتني

[Esraa Adel · Rating 1 out of 5]

لا تنجح دوما تلك اللعبة : أن تقرأ لكاتب ما اعماله القديمة بعد ان تنبهر باعماله الحالية
هذا ما فعلته انا هذه المرة

وهناك احتمال ضعيف اني كنت قرأت تحت الارض وقت صدورها قبل اى شئ لشريف ثابت
كانت ستعجبني حينها او سأمنحها نجمات أكثر
ولكن للاسف فإن عقلي الان يقارنها بما قرأ لشريف اعماله الاخرى

فالمؤلف بعد كل كتاب ينهيه تتحسن قدرته كثيرا بل تتضاعف
لذا فكيف نقارن بين اعمالا اولى واعمالا حالية

لذا فقد ظلمنا من قبل القدر
انا ورواية تحت الارض

[Ingy · Rating 3 out of 5]

الرواية صغيرة لكنها جيدة جدا.. فيها الكثير من المفاجآت البعض منها مفاجئ فعلا والآخر ليس مفاجأ حقا ويمكن توقعه.. نهايتها مقبضة لكن اي نهاية ما كانت لتكون مناسبة ابدا.
اسلوب الكتابة جميل لكن الفصل الاخير اربكني اذ لم اكن قادرة على تمييز الشخصيات جيدا في الحوار والاحداث لكن الموضوع لم يشكل لي مشكلة حقيقية.

[Sarah Turky · Rating 5 out of 5]

I knew there was a reason why I was so obsessed with this guy! Sherif Thabet is unbelievably underrated, 3arfa eny 7astna sana kman 3shan a3rf awsal le ay 7aga tanya 2alefha. Eslob el ketab baseet gdan w de a7la 7aga feh, 3gbny fkrt eno ykarrar fel nos passages 3shan yrbotlak el a7das, wad7 eno mt2assar b Ahmed Khalid Tawfeq. I cant wait to read his next book!

[Aalaa Mahmoud · Rating 3 out of 5]

مش من هواة قراءة الروايات .. بس الرواية دي خلصتها تقريباً في ساعة ونص في فترة انتظار محستش بالوقت فيهم ولا بالناس اللي حواليا لغاية ماخلصتها .. من ناحية التشويق والإثارة ممتازة .. ومن ناحية تصوير المشاهد كأنك شايفها رائعة .. بس طريقة السرد المتقطعة- هي معروفة وقابلتها في روايات قبل كده- بس أنا مش بحبها ..

[محمد مختار · Rating 4 out of 5]

رواية أكثر من رائعة لابد وأن تقرأ
صغيرة الحجم تخلص في قاعدة واحدة
بتحكي عن واحد صديقه مات في حادث، وبيبدأ يستقبل رسايل من صديقه المتوفي، بيعتقد إن تم دفنه حي، وبيروح لخطيبت صديقه عشان تيجي معا يفتحه القبر بتاعه
وهنا هتبدأ كل حاجة
رواية تشويقية ونفسية من الدرجة الأولى، بتلعب على المفاجأة وماضي كل من الشخصيات

[سارة سمير · Rating 4 out of 5]

كتاب جميل واحداث تشد اوى مع تحفظى على بعض المشاهد فيه
كنت اتمنى اديله خمس نجوم
ولكن مع الاسف نص نجمه لبعض المشاهد به ونص اخر للنهايه الضعيفه
ياريت كانت النهايه اقوى من كدا علشان تتنساب مع باقى احداث الروايه الرائعه

[Abdelmonem esmail · Rating 4 out of 5]

الروايه دى بجد تحفه فى كل حاجه اسلوبها لغتها السهله فكرتها موضوعها طريقه عرض الفكره نفسها التفاصيل اللى فيها عجبتنى جدا وشدتنى من اول سطر لاخر سطر قرأتها كلها مره واحده من غير توقف تشويق بدون اسفاف او اصطناع فعلا احداث مقنعه ونهايه صادمه

[Amira · Rating 1 out of 5]

حاجه ضيعت وقتي في قرايتها
>_<

[Maged · Rating 3 out of 5]

الكتاب جيد في اوله وطريقته تجعلك تلاحق الكاتب وتلهث ورائه. ولكن نهايته لم تكن قويه واعتقد انها نهايه ليست ملائمه للكتاب

[Hosam Sakr · Rating 3 out of 5]

وجبة خفيفة ممتعة تأتى عليها فى جلسة واحدة كما حدث معى و لا أدرى هل هذا قدح أم مدح!! لكن الذى حدث انى أستمتعت بالرواية و الأحداث بلغة بسيطة ممتعة لا تعقيد فيها و لا تعالى و شخصيات بسيطة و حبكة جيدة..

[Batoul Farghaly · Rating 3 out of 5]

رواية لطيفة وجذابة وتشد بدون احساس بملل....تخلص في قعدة واحدة (+)

[Manal Shoaib · Rating 2 out of 5]

عجبني فكرة سرد الرواية من شخصيتين ..و الاحداث مترتبة بشكل سيناريو شوية .. بس ما عاجبنيش الشرح لمشكلة (مراد) مبالغ فيه

[Abozoba · Rating 1 out of 5]

مش حاسس بصراحة أن شريف ثابت يملك اي موهبة. هو مثابر جدا ولا يكف عن المحاولة. لكن بيطلع روايات بسرعة جدا ومفيش أى حاجة تشدك فى اي رواية. ماسخة لا حلوة ولا وحشة. مش عارف هو عاوز ايه بصراحة.

[Hend Hafez · Rating 5 out of 5]

Another amazing novel from the brilliant Sherif Thabet !!

[Mazin · Rating 4 out of 5]

أسلوب سرد ممتاز - لغة عربية سهلة و حلوة- فكرة جيدة و تكسر القالب المفروض على الروايات و على المجتمع - أنصح بقرائتها و بشدة

[Mohamad Mohamad · Rating 4 out of 5]

اسلوب الكاتب حلو جداً الروايه بشكل عام حلوة بس حكاية الشذوذ و التفاصيل اللي في الموضوع مقززه شويه وانا شايف انها لا تصلح للبنات والروايه ملهاش علاقه بالرعب خالص رعب مين يا ناس دي تفاهات .

[Ahmed A Man · Rating 2 out of 5]

طريقة السرد جيدة ولكن مأخذى الوحيد عليها: ان بها من الالفاظ ما يعاب ذكره.

[Osama Yosre · Rating 2 out of 5]

كتاب فكرته حلوه مع تحفظى على بعض المشاهد فيه حيث ان فكرة الشذوز لا تثير تعطفى بل تثير قرف داخلى لانها على غير فطرة الله