Helga Ingimundardóttir

Ískisur er skemmtiþáttur um bókmenntir og dýralíf. Vinkonurnar Birna, Helga og Kristín ræða vikulega um einn kafla úr erótíska og sýrða bókabálknum Ísfólkið. Í lok hvers þáttar kynnir Helga okkur fyrir sinni helstu dægradvöl með innslaginu Net-kisa v

Ískisur er skemmtiþáttur um bókmenntir og dýralíf. Vinkonurnar Birna, Helga og Kristín ræða vikulega um einn kafla úr erótíska og sýrða bókabálknum Ísfólkið. Í lok hvers þáttar kynnir Helga okkur fyrir sinni helstu dægradvöl með innslaginu Net-kisa vikunnar. Facebook síða Ískisa má finna hér og þær eru á twitter undir @iskisur.

Í formála Ískisa skyggnumst við inn í hugarheim meistaranna sem standa á bakvið Ískisur og reynum að skilja hvers vegna í ósköpunum þær ákváðu að blanda saman Ísfólkinu og köttum. Kynnumst aðeins meistararithöfundinum Margit Sandemo og förum snögglega yfir æviskeið hennar. Komumst einnig að því hversu oft er hægt að láta smella í kúlupenna á 20 minútum. Verið velboðin í hinn spennand heimi ÍSKISA!

Í fyrsta kafla kynnumst við söguhetjunni Silju, útberanum Charlotte, útburðinum Degi eða Líf, munaðarlausu Sunnu og leyndardómsfulla, dýrslega manninum. Nær Silja að ylja sér á líkbrennunni? Mun útburðurinn sætta sig við skemmri skírn eða mun hann ganga eftir Silju? Fór Silja á bar eða torg? Allt þetta og mun meira í þessum fyrsta spennandi þætti af ÍSKISUM!

Í öðrum kafla bregður Silja á leik sem aðalskonan Cecile og hættir eigin lífi (og lífi barnanna sem hún fann fyrr um kvöldið) til þess að bjarga átakanlega fallegum manni. Kæfir hún Dag/Líf við að káfa á fallega manninum? Hvort heitir Dagur Dagur eða heitir Líf Líf? Hver er dýrslegi maðurinn? Er betra að deyja en að vera bjargað af stelpukjána? Þegar stórt er spurt! Misstu ekki af öðrum þætti ÍSKISA!

Áríðandi tilkynning: Við höfum fengið ýmsar kenningar um af hverju hljóðið hjá Birnu er svona slæmt. Er hún bak við gler í fangelsi eða á Florida með Ingva Hrafni? Það skiptir ekki máli lengur! Því hún verður í hágæðum héðan í frá.

Þriðji kafli byrjar á ruglingslegu endurliti þar sem Silja rifjar upp samtal við næturgesti um vessa, fræga fólkið og fatastíla. Við kynnumst ekki fólkinu á bænum, fáum lítið að vita um Ísfólkið og enn minna um hinn leyndardómsfulla Dýra Álfsson. Við fáum hins vegar krassandi lýsingu á draumi um dímona og hófdýr. Loksins gerist það sem við höfum öll beðið eftir… Silja verður kona! Vertu með í þessu háskerpu innslagi frá ÍSKISUM!

Í fjórða kafla fáum við að vita að Silja er heit og hún veit það. Er Silja listamaður eða fór hún í trans? Hvað er á bakvið jómfrúna? Hversu lostafull getur loppa verið? Er Silja með blæti fyrir flaueli? Í þættinum er einnig tilhneiging Helgu til húðhvíttunar rædd ásamt tilfinningaríkrar einræðu um muninn á að teikna og mála og hvernig rjómi getur bjargað mannslífum. Hlustið á þennan geysispennandi þátt ÍSKISA þar sem smáatriðin skipta VÍST máli!

Í 5. kafla fáum við að kynnast hversdagslegri hlið Silju sem bæði upplifir mömmviskubit og uppgjöf gagnvartheimilisverkum. Hafði Silja áhrif á kirtlatísku munka til frambúðar? Hvernig nær Helga (sem er með Ph.D. ef það hefur farið fram hjá einhverjum) að tengja stærðfræði, litaval og Ísfólkið? Munu aðferðir Benedikts til að koma í veg fyrir að Silja pipri virka? Er Hemingur sæti allur þar sem hann er séður? Hvernig brjóst eru best til að kveikja í uppþornuðum vessum? Einnig ræða stelpurnar hvernig sé best að kaupa hjálpartæki ástarlífsins í kjörbúð. Þetta og meira í ÍSKISUM!

Í 6. kafla reynir Benedikt markvisst að koma í veg fyrir að Silja pipri og stelpurnar ákveða að tileinka sér aðferðir Benedikts til þess að koma Helgu út. Silja strippar við ímyndaða tóna Herb Alpert til að bjarga sér úr háska. Dýrslegi maðurinn býður upp á botnlaust tjald úr loðfeldi og við komumst að því að Kristín býr í Rimmahverfinu af ástæðu.
Hverju stal Hemingur? Hvernig veinaði Silja þegar hún áttaði sig á þjófnaðinum? Hver endaði á að bjarga degi Dags?
Allt þetta OG lesbísk hughrif Kristínar í nýjasta þætti ÍSKISA.

Í 7. kafla fær Silja væniskast og skríður undir feld.
Er Þengill lífs eða liðinn? Nær Helga að fullvissa stelpurnar um að Ískisur eigi fleiri en einn aðdáanda? Hvert er samband Þengils og Hemings? Hverju rugla stelpukjánar iðulega saman við ást? Eru bara eintómir froskar á Tinder? Er það rétt hjá Silju að akfeitar konur séu alltaf fýldar? Mun Abelóna bjarga jólunum?
En stærsta spurninginn sem er enn ósvarað… hvað ætlar Helga að nefna ketti númer þrjú og fjögur?
Hlustið á þátt ÍSKISA – en varúð – það gæti kostað ykkur lífið.

Í 8. kafla fáum við að kynnast sögu Ísfólksins sem fer misvel í stelpurnar. Helga og Kristín ræða brostna rappdrauma Helgu (enn einu sinni) á meðan Birna ranghvolfir augunum.
Getur lítið fólk verið myndarlegt? Hver er rétta leiðin til að biðja til Guðs? Hversu kynþokkafullir eru þríhyrningslaga menn? Er Reyðarfjörður Útgarðsfjall Íslands? Er rétt að gráta skírlífi annarra? Geta allir seiðspottar kallað á djöfulinn? Er Þengill bara einmana skepna sem þráir að eignast vin? Hvenær er tímabært að ræða um „hitt“ við foreldra sína? Hversu kósý er að fæða þríhyrningslaga barn?
Kisa segir: Hlustaðu á ÍSKISUR! Þær eru mjábærar!

Í 9. kafla lesum við um tvöfalda skírn, útlegð og smádjöflatalningar.
Hvernig er best að telja smádjöfla? Hvað laðar smádjöfla að óskírðum börnum? Er eðlilegt að ofhugsa um bölvun barns þíns? Hvernig hlær andsett barn? Má Helga dissa nágranna sína í Garðabænum? Ef svín borðar svín er það mannát…eða kannski svínsát? Hversu þurr er kattarsleikur? Af hverju má Helga ekki drekka og hlaðvarpa?
EN ALLAVEGANNA—ÍSKISUR—þar sem heimsins vandamál eru rædd og leyst!

Stelpurnar lesa áfram Álagafjötra og fylgja Silju, Sunnu og Degi upp í dal Ísfólksins eftir að hafa komist að því að mamma Dags, Charlotte, er ljót og veit það.
Helga sér tvíræðnar tengingar í öllum setningum og Kristín gerir allt mjög óþægilegt með því að tala vandræðalega lengi um losun úrgangs. En hver er þessi Lommi sem stelpurnar eru alltaf að tala um? Hvernig heldur maður í karlinn sinn? Við hvað fá stelpurnar feminískan kjánahroll? Hvaða barni eða heimilistæki myndi Birna bjarga úr alelda húsi? Fara kettir í þríhyrninga? Eru kettir kannski bara litlir mafíósar sem vilja ekki að það sé læðst aftan að þeim? Getur Helga endað þátt án þess að vera spiluð út?
ÍSKISUR—þátturinn sem allir og amma þeirra eru að tala um!

Í 11. kafla tekur hversdagslegt líf meðal Ísfólksins við Silju með bossasárum og rykugum hornum.
Helga vill koma á framfæri að það er til fólk sem vill hana.
En mega doktorar vera á Tinder? Hvernig fór „sexting“ fram á 15. öld? Kristín veltir sér enn aftur upp úr innanhúsarkitektúr í bókinni. Hver eru bestu skilyrðin fyrir hugboð? Er fallegt að leyfa vanvitum að vera memm ef þeir eru hlekkjaðir? Ritskoðar Birna söguna um hvernig hún hitti manninn sinn?
Helga veinar aftur — í þetta skipti lágt og unaðslega. ÍSKISUR — og síðan hófust morðin!

ÍSKISUR vilja vara við að í þessum kafla bókarinnar verður aðalsögupersónan fyrir kynferðisofbeldi sem rætt er um í þessum þætti.

12. kafli er bæði hnúskóttur og viðburðarríkur. Silja fer í heimsókn til versta Ísfólksins og sýnir að hún er ekkert lamb að leika við.
Helga og Kristín ræða um bjór en fara ítrekað með rangt mál. Birna og Helga eru ekki sammála um hvort hótelrúm eigi að vera reyrt eða laust. En hefurðu séð tólið? Hversu svakaleg er saga Kristínar sem þurfti að mjálma út? Hvernig er hægt að þrýsta sér að einhverjum svo það verði misskilið? Eru 1 + 1 = 3 ?
En eitt er víst: Ást er að taka aldrei út á ögurstundu!

Í næstsíðasta kafla Álagafjötra kemur Helga óundirbúin til leiks og í ljós kemur að Birna þarf að taka sig á.
Hvenær er viðeigandi að humma meðal manna? Er Helga farin að ímynda sér ketti í daglegu lífi? Kristín móðgast fyrir hönd Þengils. Þengill skammast sín fyrir draslið heima hjá sér. Hversu skítugur var Þengill? Loðnar bringur, hot or not?
Hver er munurinn á standardi á milli korterí 3, korterí 5 og korterí 7 gæja?
Er autt rúm betra en illa skipað? Er betra að þegja en að koma með lélega teningu? Mun Helga stofna nýtt hlaðvarp til að ræða tengda hluti Ísfólksins?

Nú er komið að lokakafla Álagafjötra þar sem Þengill og Silja lifa 101 hipstera lífi í dal Ísfólksins.
Helgu sárnar vegna þess að Kristín leyfir henni ekki að vera með í „rómantískum“ jólahefðum.
Hvernig opnar maður faðm sinn allan? Er skautbúningurinn kynþokkafyllsti þjóðbúningurinn? Hversu róandi er að grípa í andlit maka síns á nóttunni? Stelpurnar komast að því að fólk giftir sig ýmist til að losna undan erfiðisvinnu vegna erfðafræði eða rúmfræði. Hver er refsing óperulaga kvenna? Eiga allar konur að eiga mynd af sér með lostafullum loppum?
Bókinn endar svo á að viðbjóðlegasta manneskja veraldar bjargar lífi Líf Hönnu og Silju.
ÍSKISUR — góðar með pressuðu covfefe!

Í þættinum fara stelpurnar yfir Álagafjötra í heild sinni. Hvernig á saga Ísfólksins við árið 2017?
Hver er heimska hænan í hópnum?
Er Silja kvenskörungur sem beitir klækjabrögðum eða vitlaus stelpukjáni?
Helga spyr sig hvort fólk hafi sofið nakið í fornöld árið 1980. Hver er sannspá um afdrif Silju og Þengils í næstu bók Ísfólksins Nornaveiðum?
Hvernig bókaseríu hefði Perneski kisinn hennar Birnu, Hera, skrifað… ef kettir væru skrifandi?! ÍSKISUR — þar sem þríhyrningslaga menn fá uppreist æru.

Ískisur er skemmtiþáttur um bókmenntir og dýralíf. Vinkonurnar Birna, Helga og Kristín ræða vikulega um tvo kafla úr erótíska og sýrða bókabálknum Ísfólkið. Þátturinn endar loks með innslaginu Net-kisa vikunnar. ÍSKISUR eru bæði á facebook og twitter

Ískisur er skemmtiþáttur um bókmenntir og dýralíf. Vinkonurnar Birna, Helga og Kristín ræða vikulega um tvo kafla úr erótíska og sýrða bókabálknum Ísfólkið. Þátturinn endar loks með innslaginu Net-kisa vikunnar. ÍSKISUR eru bæði á facebook og twitter, lítið við!

Ískisur koma saman eftir langt frí en það er galli á gjöf Njarðar. Birna er fjarri góðu gamni því hún er upptekin við að sanna fyrir Reyðfirðingum að hún er ekki bara einskis virði AKP. Stelpurnar ræða þorramat, kartöflur og hollenska kvikmyndagerð og bera saman hollensku hreimana sína. Má hópur panta sama matinn á veitingastöðum erlendis? Hvernig sér maður það á svipbrigðum konu að hún viti að maður sé samkynhneigður? Hversu langt tafl er of langt tafl? Kunna konur mannganginn? Mega konur vinna menn í skák? Á að geyma gervilimi inni í papriku inni í ísskáp? Eru gervilimir betri kaldir?

Öryggisorð þáttarins er hámarkssársauki. Stelpurnar ræða um raðgreiningar í raðhúsum. Helga montar sig af yfirburða þýskunni sinni og Ískisur missa sífellt fleiri og fleiri hlustendur með hverju orði. Er Alexander Palladín vinur hans Hans eða bara skotinn í honum Hans. Hvort er betra að týna ærunni eða lífinu? Má slötsheima beljur? Hvenær má nota greini á bæjarheitum? Hvenær varð Helga bitur? Af hverju vildi Birna kaupa sér rað-hús? Hver er Hans the loser guy??

Busy Bernie er fjarri góðu gamni og þar af leiðandi eru stelpurnar án allrar ritskoðunar. Helga gefur þýskuna upp á bátinn og reynir við nýtt tungumál, með svipuðum árangri. Er hægt að hlusta á Ískisur á tvöföldum hraða? Nær Kristín að loka öskurkeðjunni? Hver bræðranna er með illa arfinn? Hversu langrækinn er Brandur? Kemur þybbna stelpan (sem á víst nafn) aftur til sögu hjá Ísfólkinu? Og ef svo verður, mun hún fylla uppí kinnarnar sínar með andliti? Eða verður hún bara velbökuð lítil hveitibolla um aldur og ævi?

Kristín felur skömm sína þegar hún les klámbókmenntir á læknavaktinni. Birna kemur ólæs og fer í þetta ferðalag með hlustendum. Þráðbeinar tengingar fara gjörsamlega framhjá Helgu, því hún er of klár fyrir meðalmennskubrandara stelpnanna. Fór Helga í kirkjukór til að finna sinn Þengil? Af hverju má SíSí ekki bara bíða út í vegkanti eftir vagninum? Af hverju varð Alexander eins og hann varð? Mun Sísí geta snúið honum núna?

Stelpurnar ræða um stóru málin, kaffi, umhverfisvitund og fjarheilun. Jesúsína finnur upp hjólastólinn á einum degi. Af hverju fengum við ekki Fjósafjör með Jesper? Getur maður borðað föt? Hversu gott er „gott faðmlag“? Hvor kom á undan Þorri eða Geiri? Er SKAM af sama kalíber og Hannah Montana? Voru kallar meira í umönnunarstörfum á 19. öld? Tekst JeSíSí að snúa Alla?

Í þættingum játar Helga hún syngur klámvísur í guðshúsum. Við komumst að því hver stelpnanna er týpan sem öskrar á börn úti að leika. Er hægt að öskra fallega á börn? Getur Margit fríað sig ábyrgð ef lesendur taka upp á að framkvæma skurðaðgerðir samkvæmt læknisvísindum Ísfólksins? Er hægt að vera loðmæltur án frygðar?