تبادل الكتب بالقاهرة discussion

68 views
اقتراح لقاء تبادل جماعي

Comments Showing 1-50 of 59 (59 new)    post a comment »
« previous 1

message 1: by Hossam (new)

Hossam (hossamsadik) | 20 comments أيه رأيكم نعمل لقاء موسع للتبادل بين الأعضاء، زي ماحصل في اول مرة بين مينا وأيمن ومختار؟ بس المره دي العدد هايبقي أكبر وتبقي فرصة جيدة للتعارف وتبادل الكتب اللى اتفقنا على تبادلها؟


message 2: by Yehia (new)

Yehia Elboshy | 24 comments فكرة جيده جدا وانا موافق


message 3: by مينا (new)

مينا ساهر (minasaher) | 72 comments Mod
و أنا معكم .. هو أنا كنت بأحاول أن أفكر في مقترح أننا نعمل لقاء جماعي في معرض الكتاب القادم ..
أنا موافق إن كانت هناك لقاءات قريبه .. أنا معاكم برضه


message 4: by Tasneem (new)

Tasneem للأسف مش هقدر قبل معرض الكتاب, لإنشغالي بالامتحانات.

أنا حتى مش هنزل القاهرة قبل معرض الكتاب


message 5: by [deleted user] (new)

ممكن نخليها ان شاء الله فى معرض الكتاب


message 6: by عاطف (new)

عاطف عثمان (atef_othman) المعرض فرصة جيدة للقاء، لكن يا حبذا لو كان تبادل الكتب يتم خارج المعرض: يعني أنا مش عايز أروح المعرض شايل شنطة كتب، وأستلم شنطة كتب بمبادلتها، وأشتري شنطة كتب ثالثة :))
لذلك أقترح أن يكون لقاء التبادل خلال هذه الأيام ولا مانع من أن نلتقي في المعرض "لكن دون مزيد من الكتب المقصود تبادلها". شكرا :)


message 7: by Hossam (new)

Hossam (hossamsadik) | 20 comments خلاص احنا ممكن نعد مقابلتين واحده قبل المعرض والتانيه أثناء المعرض، وكل واحد يختار اللي تناسب ظروفه.

لو موافقين عاوزين نبدأ نقترح معاد ومكان للقاء ما قبل المعرض!


message 8: by عاطف (new)

عاطف عثمان (atef_othman) تمام.
بالنسبة للقاء قبل المعرض، إيه رأيكم في الجمعة أو السبت أو أي يوم يكون فيه ماتش للأهلي عشان الشوارع تبقى رايقة :))
مثلا الأهلي هيلعب مع الزمالك يوم 30 ديسمبر - الخميس - فإيه رأيكم في وقت الماتش نكون احنا في الشارع؟


message 9: by Hind (new)

Hind Maamoun | 113 comments انتوا اتفقتوا على الميعاد ولا لسه يا جماعه وانا مع اقتراح قبل معرض الكتاب...بس المره ددى مكان كويس دا بعد اذن الساده هيبقى معاكوا بنات:))))


message 10: by Tasneem (new)

Tasneem مع إني شايفة البورصة مناسبة أوي

:)


message 11: by Hossam (new)

Hossam (hossamsadik) | 20 comments موضوع موعد الماتش ده صعب يا مختار .. كده غالباً المقابلة هاتخس نص العدد -أنا منهم :D-
ياتري الجمعة اللى بعد القادم مناسب 31\12؟

بالنسبة للمكان أظن أن وسط البلد هايبقي مناسب للكل، وممكن الزميلات يسموا المكان اللي يناسبهم على أساس أن اغلب الشباب مش هاتفرق معاهم .


message 12: by مينا (new)

مينا ساهر (minasaher) | 72 comments Mod
مع كلامك يا حسام قلبا و قالبا ..
هو ممكن الزميلات يحددوا المكان و الزمان برضه يا حسام

تسنيم هي البورصة دي فين لأحسن انا بقالي 100 سنه و الناس عمالة تقول بورصه بورصه ؟؟؟


message 13: by Hind (new)

Hind Maamoun | 113 comments والله انا مش عارفاها برضه يا تسنيم:)

وانا يناسبنى الجمعه والسبت...

اما بالنسبه للمكان فانا مش عارفه مكان كويس غير اننا ممكن نتقابل فى كافيه كونيست قدام مكتبة سمير وعلى بشارع شريف...ولو فيه اى اقتراح تانى ممكن تقولوه...


message 14: by Tasneem (new)

Tasneem هو أنا في كل الأحوال مش هكون في اللقاء ده عشان امتحاناتي و لأني واخدة أجازة من شغلي في مركز البحوث لغاية ما أخلص امتحاناتي, يعني مش هنزل القاهرة خالص دلوقتي


البورصة قريبة أوي من محطة مترو محمد نجيب يا مينا و يا هند

و مكان مناسب للكل , مفيهاش يعني ما يضير الفتيات, و أنا محجبة و مش مدخنة

:D


message 15: by عاطف (new)

عاطف عثمان (atef_othman) ممكن كافيتريا المجلس الأعلى للثقافة داخل الأوبرا يعني.. أسهل مواصلة للمكان هي مترو الأنفاق، محطة الأوبرا.
هو مكان مفتوح والتدخين مش كتير وعلى الأقل مفيش فيه شيشة، ومناسب لكل الأعمار وجميع الكائنات.
ده اقتراح، ومفيش عندي مانع من أي كافيه في وسط البلد: سيلانترو، بينوس، كونيست أو حتى مقهى عم فتحي :))

بالنسبة للزمان، الجمعة والسبت البلد بتبقى كويسة. الجمعة 31 ديسمبر إشطة، وحتى نبقى نتناقش في اللي حصل في الماتش يا حسام :))


message 16: by Hind (new)

Hind Maamoun | 113 comments تمام قوى انا برضه كنت عايزه اقول الاوبرا...انا معاك فى اختيار الاوبر جدآ...ويوم الجمعه كويس قوى


message 17: by Ayman (new)

Ayman Zaaqoq (drayman77) | 55 comments Hind wrote: "تمام قوى انا برضه كنت عايزه اقول الاوبرا...انا معاك فى اختيار الاوبر جدآ...ويوم الجمعه كويس قوى"

معلش ياشباب..أخوكو نوبتجي الجمعة 31/12..ممكن المقابلة تبقى السبت 1/1..الا اذا حبيتو تشرفوني في النوبتجية

:)


message 18: by عاطف (new)

عاطف عثمان (atef_othman) وإيه المشاريب اللي ممكن تقدمها لنا غير الجلوكوز؟ :))

السبت حلو باردو، أول يوم في السنة ويبقى فأل كويس :)


message 19: by Lastoadri (new)

Lastoadri السبت 1 يناير في واحدة من المقاهي اللي امام الجامعة الأمريكية.. سيلانترو أو كوستا؟.. ممكن أجي قوي ساعتها
:D


message 20: by مينا (new)

مينا ساهر (minasaher) | 72 comments Mod
لا يا مختار، د.ايمن هايقدملنا كوكتيل
toxins ناكل صوابعنا وراها :))


message 21: by مينا (last edited Dec 23, 2010 04:16AM) (new)

مينا ساهر (minasaher) | 72 comments Mod
بصوا يا جماعه أنا عملت اقتراع أهو عشان نتفق على الميعاد و المكان بناءا على الإقتراحات التي وضعت هنا في الموضوع .. فلنصوت و بناءا على الأغلبيه، سيكون المكان و الزمان و أيضا ليكون لدينا قاعدة واضحه للحديث و النقاش ..
http://www.goodreads.com/poll/list/40...
أنا قلت يعني خطوة جدية ..


message 22: by عاطف (new)

عاطف عثمان (atef_othman) إيمان@
طيب ما هو المجلس الأعلى للثقافة مش بعيد - محطة مترو الأوبرا، قصدي لو الشباب اتفقوا على المجلس يبقى سهل باردو لك. وبالمرة تعرفي منفذين البيع هناك اللي بيبيعوا كتب المجلس والمشروع القومي والمركز القومي للترجمة.

----
مينا@
مش عارف في الوقت ده الواحد ممكن يبقى موقفه إيه من التراث الشعبي اللي بيقول: جُد بالموجود :))


message 23: by Lastoadri (new)

Lastoadri @Mukhtar اه طبعا الأوبرا مكان جميل.. وغالب لقاءاتي مع مدونين وكدة بتبقى هناك
بس بما اني في المنطقة، قلت وسط البلد
:D
الله بقى :P
بعدين منفذ البيع ح يبقى مغلق يوم السبت!

@Mina احسن حاجة حوار الإقتراع.. بيسهل كتير
:)

أحضر بقى كتب التبادل.. بما إني ماعملتش قائمة لسة
:D


message 24: by Tasneem (new)

Tasneem على فكرة أنا بحقد عليكم

:(

بما إني مش هقدر أحضر اللقاء ده


message 25: by عاطف (new)

عاطف عثمان (atef_othman) إيمان@
آه صحيح، السبت هيكون أجازة !
طيب لما نشوف التصويت الديمقراطي هيوصل لحد فيه :)

تسنيم@
بلاش تحقدي من دلوقتي لأن لسه في احتمالية إننا نتجمع في نوبتجية دكتور أيمن .. يومها إحنا اللي هنحقد عليكي :))


message 26: by Tasneem (last edited Dec 23, 2010 06:39AM) (new)

Tasneem على فكرة انا السبت 1-1 ده عندي إمتحان في المنصورة حضرتك

يعني بحقد بحقد سعادتك

:(


message 27: by Hind (new)

Hind Maamoun | 113 comments :)....الاوبرا مكان لطيف جدآ والسبت اوك انا معاكوا..بس الميعاد كمان يتحدد يعنى الساعه كام؟


message 28: by Hossam (new)

Hossam (hossamsadik) | 20 comments طالما ماحدش اعترض على توقيت معين يبقى كل التوقيتات مناسبة.. فالأفضل انكم -الأنسات- تقرروا التوقيت اللي يناسبكم برضوا.


message 29: by Hind (new)

Hind Maamoun | 113 comments مكان الاوبرا مكان موفق جدآ للقاء ويوم السبت او الجمعه سيان مش مشكله بس المهم اننا اتفقنا على الاوبرا كمكان للتجمع...


message 30: by Ayman (new)

Ayman Zaaqoq (drayman77) | 55 comments Hossam wrote: "طالما ماحدش اعترض على توقيت معين يبقى كل التوقيتات مناسبة.. فالأفضل انكم -الأنسات- تقرروا التوقيت اللي يناسبكم برضوا."

والله يا جماعة ياريت يكون وخري شوية 5-6 مثلا


message 31: by عاطف (new)

عاطف عثمان (atef_othman) مفيش عندي مشكلة في أي توقيت يا شباب


message 32: by هبه (new)

هبه | 49 comments انا معنديش مشكلة يكون الساعة 5 كدة
كويس


message 33: by Hind (new)

Hind Maamoun | 113 comments خلاص كده يا شباب يعنى اتفقنا يوم السبت الساعه الخامسه فى الاوبرا مقهى نقابة التشكليين


message 34: by عاطف (new)

عاطف عثمان (atef_othman) تمام .. لو حد عنده تعقيب أو تعديل المكان إلى كافيتريا الإبداع داخل الأوبرا أيضا يتفضل ، بحيث نكون كلنا أكدنا مع بعض تأكيد نهائي قبل يوم الجمعة مثلا


message 35: by Sarah (new)

Sarah  (sapure) | 6 comments أنا مش مناسب معايا الزمان ولا المكان ... أنا آسفة ... أقابلكوا فى معرض الكتاب إن شاء الله


message 36: by Tasneem (new)

Tasneem من موقعي هذا و زنقتي في المذاكرة كأي مصري أصيل أحب أبلغكم حقدي الشديد عليكم

:\


message 37: by هبه (new)

هبه | 49 comments تسنيم
معلش ربنا معاكى
وهنتقابل يوم تانى ان شاء الله


message 38: by Hind (new)

Hind Maamoun | 113 comments احنا خلاص كده كلنا متفقين اننا هنتقابل يوم السبت ولا فيه حد لسه عايزين نأكد على بعض


message 39: by مينا (new)

مينا ساهر (minasaher) | 72 comments Mod
خلاص يوم السبت حلو ...


message 40: by Hind (new)

Hind Maamoun | 113 comments احنا اتفقنا يا مينا يوم السبت الساعه خامسه فى نقابة التشكليين بالاوبرا تمام


message 41: by عاطف (new)

عاطف عثمان (atef_othman) طيب الناس اللي هتيجي انشاء الله يعملوا تأكيد نهائي هنا على حضورهم، ويتبادلوا أرقام التليفونات في رسائل خاصة عشان لو حد مش عارف المكان أو حد هيعتذر قبل الميعاد بوقت قصير ..الخ


message 42: by Hind (new)

Hind Maamoun | 113 comments تماما انشاء الله معاكوا يوم السبت...


message 43: by Hossam (new)

Hossam (hossamsadik) | 20 comments انا معاكم ان شاء الله


message 44: by هبه (new)

هبه | 49 comments وانا معاكم ان شاء الله


message 45: by Ayman (new)

Ayman Zaaqoq (drayman77) | 55 comments Mukhtar wrote: "طيب الناس اللي هتيجي انشاء الله يعملوا تأكيد نهائي هنا على حضورهم، ويتبادلوا أرقام التليفونات في رسائل خاصة عشان لو حد مش عارف المكان أو حد هيعتذر قبل الميعاد بوقت قصير ..الخ"

في الميعاد ان شاء المولى


message 46: by مينا (new)

مينا ساهر (minasaher) | 72 comments Mod
في الميعاد بإذن الله
بس هو سؤال : هو لو أمكن شرح مبسط لكيفيه الوصول إلى مقهى التشكيليين ؟؟


message 47: by Hind (new)

Hind Maamoun | 113 comments بص يا مينا انت اول ما تدخل من باب الاوبرا هتلاقيه اول واحد على يمينك قدامه المكتبه الموسيقيه...وده فى نقابة التشكليين...


message 48: by Hind (new)

Hind Maamoun | 113 comments ولو امكن حد من الشباب يسيب رقم تليفونه عشان كلنا نقدر نوصل لعبض....


message 49: by مينا (new)

مينا ساهر (minasaher) | 72 comments Mod
على فكرة يا جماعه لمن سيبادل الكتب مع على قرقر، يأتي بها غداً حيث سأقوم أنا بدور الوسيط، حيث سأجلب كتب على و أخذ ما أراده ...


message 50: by Lastoadri (new)

Lastoadri للأسف لن أتمكن من الحضور، لان ظهر لي مشور في مصر الجديدة ع الساعة أربعة
أراكم في التبادل القادام ان شاء الله
:)

تسنيم.. :D


« previous 1
back to top