روايه للعائلة

[Äÿmän]

ممكن روايه بسيطه تصلح لطفله عمرها ١٢ سنه لمناقشتها معها لتحبيبها في القراءة

[Mohamed]

مش عارف رواية لطفلة مش فاكر بصراحه انى قرات رواية وانا فى السن ده بس كانت روايات ابطال الحروب زى مثلا روبن هود وبلود وتيودورا وكده بس ممكن قصص السيرة البسيطة للاطفال علشان تفضل فى ذاكرتهم وفيه منها للاطفال فى اى مكتبة هتلاقيها ان شاء الله لما ربنا يكرمنى بذرية طيبة اول ما يتكلمو هبدا بالقران والقصص البسيطة من السيرة والتاريخ والادب:)

[Basma]

أقترح سلسلة الروايات المترجمة ضمن مكتبة الأسرة .... بها العديد من الأعمال العالمية الشهيرة مترجمة ومبسطة.... كما أقترح روايات مصرية للجيب خاصة مع وجود العديد من السلاسل التى يمكنها الإختيار من بينها طبقاً لميولها

[Äÿmän]

شكرًا للاهتمام و أنا مهتم جداً بالقران و السيره بس روايه من وقت للتاني تحببهم في القراءة بوجه عام ان شاء الله

[Mohamed]

ربنا يباركلك فيها وتعيش وتشوفها عروسه قد الدنيا:)

[Äÿmän]

ربنا يخليك و عقبالك قريب ان شاء الله

[Sarah]

أول لما بديت قراية بدأت في ميكي والمجلدات ومجلات الأطفال زي ماجد وممكن سمير ومجلات دار الهلال عامة ممتاز وفيه كمان المكتبة الخضراء للأطفال .. أعتقد كل ده حيناسبها ..
وممكن كمان فلاش وسماش ..هي المفروض تدخل للقراية بحاجات خفيفة وكمان تحببها أوي في الموضوع فمش عايزين حاجات تقيلة أو تكرهها في القراية .. ممكن كمان روايات ملف المستقبل أو رجل المستحيل ..أعتقد حتكون لطيفة بالنسبة لها .. بس بعدين شوية حسب هي بتقرا كتير ولا لسة بادئة في الموضوع ؟

[Kariman]

اعتقد انسب حاجة ليها .. سلسلة قصص المكتبة الخصراء .. كلها قصص جميلة مفيدة .. و هتستمتع بيها كبنت في السن ده .. انا عن نفسي كنت بقرأهم و انا صغيرة :-)

[Äÿmän]

شكرًا لاهتمامكم و أنا ابتديت فعلا بقصص صغيره زى ألمكتبيه الخضراء و مجلة سمير بس الفكره أني اتقابلت بان أنا كبرت علي الكلام دا فبحاول أشوف لو في روايات بسيطه للسن دا علشان يبقي عندها عادة القراءة و كمان يكون عندها مواضيع للحديث بدل الكلام طول الوقت عن المكياج و الأزياء :)