Ketabona- كتابنا discussion
مناقشة باب الخروج
date
newest »
newest »
Mod
و لازم يبني اي مشاعر علي منطق او يوصفها
in relation
للمنطق
ليه اللي بقوله مهم ؟ عشان هو بيتكلم علي ثورة و بني ادمين من منطق استاذ فيزياء مش "مُحب" و الثورة =حب
و اعتقد ده من الرسائل اللي وصلتلي في الكتاب..انه مش هتعرف "صواب قلبك" الا لما تحب..
و مش هتحب الا بعد ما تكسر كل اللي بيخليك ماتحبش..الحواجز اللي جوة نفسك..الحواجز اللي هي نفسك
زي ما عمنا جلال الدين رومي مابيقول
أنا موافقة قوي على إن الثورة حب وشايفة إنها طاقة عاطفية قوية جداً بتزقنا نشق طريق مش موجود للصورة اللي شايفينها أجمل
(الأجمل والطريق الصعب)
أسلوب الكاتب عجبني فيه تحليله واحدة واحدة للي بيحصل حوالين الأبطال بشكل، خلاني أشجع كل اللي بيحس إنه مش فاهم الناس منين في السياسة بتوصل للإستنتاجات اللي بتوصلها ، إنهم يقروا الكتاب
حسيت إنه بيمشي معاهم واحدة واحدة في إزاي الناس بتفكر في اللي بيحصل وبتفهمه..
عجبني برضه في أسلوبه تركيزه إزاي البطل الجبان عمل حاجة شجاعة من غير ما يتغير، بمجرد الإدراك إنه لازم يعملها حتى وهو خايف علشان فيه حاجة أكبر وأهم منه
رغم اني لم اقرأ الرواية، بس عجبني قوي قول نادين الثورة حب،ويمكن ده السبب في اني رغم إعجابي بآراء د عز الدين ولكني لم احب رواياته، كل رواية أبداها لا أكملها، كلام نادين فسر لي السبب، إحساسي أنها تحليل او كيمياء مش رواية. ودائما كنت باقول انا دقة قديمة
راي لا يعجب صديقاتي المعجبات بكتبه، بس ده اللي باحسه
الخيانة خيانة "الناس" اللي هم الوطن .. والخيانة ممكن تبقى باليأس أو التجاهل أو اللف والدوران ، وطالع بقى على كل الكذب والخداع والفسادمفيش خيانة مشروعة للناس ..
النهاردة ان شاء الله هنبتدي مناقشة رواية باب الخروج، المناقشة هتستمر الي يوم السبت ١٥ يونيو. الرواية للكاتب عز الدين شكري فشير و هو أستاذ العلوم السياسية بالجامعة الامريكية بالقاهرة ، قام بكتابة خمس روايات غير باب الخروج اشهرهم غرفة العناية المركزة و عناق فوق جسر بروكلين و كانت تلك الروايات من الروابات المرشحة لجائزة البوكر العربية .
لمن لم يقرأوا الكتاب يمكن قراءة الريفيوز علي اللينك الاتي http://www.goodreads.com/book/show/13...
هدف من اهداف النقاش هو احترام الاراء و الفكر . الفكر ده شئ عظيم جدا لأن ربنا سبحانه و تعالي فضلنا علي بقية مخلوقاته بالعقل . اللي هو اساس الفكر . فبرجاء مهما حصل اي اختلاف في الاراء و الافكار , رجاءا احترامها . يا ريت ننسي شوية اي انتماءات سياسية أو حزبية , ننسي هنا الصراعات و نبحث في عقلية و روح الانسان - شوية انسانية علي شوية فكر :)
يلا بينا نبدأ المناقشة
1) ما رايك في اسلوب الكاتب؟
2) ما هي السياسة؟ الحكومة ؟
3) في رايك ما هي الخيانة؟ هل هناك خيانة مشروعة تخدم وطن؟
4) هل تري ان ما حدث في الرواية يحدث الان علي ارض الواقع؟
5) من هي اكثر الشخصيات التي اثرت فيك عند قراءة الرواية؟
6) مارايك في شخصية القطان، محمود بشير ، عز الدين شكري ، رئيس بيومي و الالتراس ؟
7) بعد قرآتك للكتاب ، هل تري ان الفساد باق ؟ ما هي اسباب بقائه و متي يمكن ان نتخلص منه؟
8) هل تتوقع حدوث مثل تلك الحرب بين ايران و امريكا وتتوقع امكانية احتلال اسرائيل لمصر ؟
9) ما رايك في عبارة : إن الحياد جريمة؟ هل حقا ممكن الحياد عن امر يأخذنا الي عواقب تأذي اخرين ؟
10) .الناس تعبت من الحكومات لأنهم فى كل مرة يخدعونهم" . هل المشكلة مشكلة حكومة ام شعب؟"
نحب ان نستمتع برايكم :)
اسرة كتابنا