Mohammed Arabey's Reviews > يوتوبيا

يوتوبيا by أحمد خالد توفيق
Rate this book
Clear rating

by
13592557
's review

really liked it

أبريل 2018 : ربنا رحمك يا دكتور من يوتوبيا 2023..الله يرحمك، تركتنا وحدنا
يناير 2018 : بعد قراءة الرواية من 5 سنوات..لا استطيع التعبير عن مدي تشاؤمي من الأسوار التي بدات تزيد في بلدنا، بل ومستوي عيشة الطبقة المتوسطة، عود الجرافيت في المفاعل النووي



بداية 2013..كافية يطل علي ميدان المنشية بالإسكندرية..حيث التليفزيون لا يعرض سوي قناتي التت أو المولد للاغاني الشعبية
فتاة لم ينجح مع وجهها الذابل عبوات المساحيق المهربة من ليبيا، تمسح دموعها بينما تدخن الشيشة مع صديقتها التي ترمق بغلّ وغضب ثلاث شباب علي الطاولة المجاورة غالبا كانوا برفقتها مسبقا وهم سبب دموعها
الشباب يشبهوا جدا نجمي غناء "المهرجانات" أوكا واورتيجا اللذان ظهرا مؤخرا في اهم البرامج مع أشهر إعلاميي مصر وفي اهم البرامج و الحفلات الراقية .. أنه الغناء السائد الأن

هل احد هؤلاء الشباب سولت له نفسه وبإيحاء من الأغنية التي تتردد الان في القناة "هاتي بوسة يابت" للتقرب للفتاة؟...وهل الفتاة نادمة علي اختيارها الموافقة تبركا بالاغنية التي بدأت حالا "بيقولي هاتي بوسة الواد فاكرها كوسة اديله يا امه ولا اية...ده انا متعزش عليه"؟
هل فعلا هذه الاغاني المرددة بشكل منتشر جدا قامت بغسيل مخ الشباب ؟

رجل وزوجته يجلسان ايضا بمعسل له وتفاحة للهانم بينما ابنتهما التي لم تتجاوز الثانية تجلس علي المنضدة امامهما تاكل من كيس بطاطس بطعم المواد الحافظة والالوان الصناعية..ولا تتورع الام في تنفيث دخان شيشتها في وجه ابنتها مستلطفة ضحكاتها

الشارع الخلفي لميدان المنشية مظلم تماما بالرغم من انها لم تتجاوز التاسعة في يوم وسط الاسبوع في اول ايام السنة الجديدة...لانقطاع الكهرباء والذي صار "واجبا قوميا" يوميا لاهم شوارع و منازل وميادين الاسكندرية
المولدات في كل من المحلات الكبري مستعده لهذا الانقطاع..تدار ببنزين او سولار..النادر وجودهم اساسا في المحطات المخصصة

رجلان كبيران في السن يتحدثان عن ماتردد حول انقطاع الدعم التمويني لمن يزيد مرتبهم عن حد معين..لصالح من يكون الزيادة في المرتب يقابلها انقطاع في الدعم لينفق الموظف مايزيد باضعاف عن الزيادة الطفيفة في مرتبه , ثم شرعا بعد ذلك في الحديث عن اضحوكة البنزين ودعمه من عدمه وحتي الكروت الذكية..جدا

محاميان يتحدثان عن سعر الدولار -الذي لا يقلق سيادة الرئيس الحالي المؤكد لثبات واستقرار الاقتصاد الراسخ الشديد أوي-..تلك الزيادة التي وصلت لما يقرب من 20% في اقل من 6 شهور

وشابان يقولا نكتة بذيئة عن نواب مهرجان , عفوا, برلمان الشعب ومهرجيه,عفوا, نوابه, بالأخص احد النواب من الحزب الحاكم الذي يدعو يهود مصر للعودة للعيش بها...والتمتع بما هو حلٌ لهم

واخران يتحدثان حول صديقهم بحقد شديد.. ابن المحظوظة الذي نجح في جعل زوجته الحامل في شهرها الثالث تسافر امريكا ليكون ابنهما امريكيا أسوه بالطبقات القادرة في مصر من اصغر فنانيها المتغنيين في حب مصر إلي ابناء حكامها الوطنيين


في هذا الجو المصري الحبيب بدأت قراءة يوتوبيا لأحمد خالد توفيق وكم اثار هلعي قربنا الشديد من 2023 , الذي تنبأت به تلك اليوتوبيا
اثار هلعي انهيارات واضحة في الطبقة الوسطي -التي كما وصفتها الرواية عود الجرافيت في المفاعل النووي-تلك الطبقة التي تحفظ استقرار المفاعل النووي , عفوا , الوطن
انهيار واضح في المستوي الثقافي..الفني...اساسا الاظلام الفني القادم الرهيب وتدني مستوي الغناء والأفلام وحتي الأدب
هل لاحظت ان اوكا واورتيجا نجما الغناء الحالي اذا مزجت اسميهما تجد قرب واضح من "الاورجازم"الموسيقي العظيمة في يوتوبيا

بعد هذه المقدمة الطوييييـــــــ(ماذا تنتظر؟)ــــيييلة جــــــ(النقد نفسه)ـــدا نأتي للرواية نفسها
الرواية من وجهه نظري هي افضل روايات الديستوبيا المصرية بحق...وربما اول ديستوبيا مصرية تصدر -صدرت في 2008- متميزة جدا بهويتها ولا تشعر انها تقدم ديستوبيا اجنبية مترجمة

احمد خالد توفيق يقدم الرواية من وجهتي نظر..كل منهما جزء منفرد يتشابك مصيرهما بعد منتصف الأحداث
صاحب القاسم الاكبر الصياد...االشاب الغني الذي يسكن الكومباوند المحمي بأسوار والذي يضم كل الخدمات
والفريسة .. الشاب الفقير من "الأغيار" الذين يسكنون اطلال المدن..اطلال القاهرة
لا لم يصبها قصف جوي ولا احتلال اجنبي...فقط نهب الثروات بها واهمال الحكومة كل مرافقها وكل نظافتها لتصير لمقلب القمامة اقرب

برع المؤلف في ابراز ما يدور في عقل كلا منهما في هذه الرواية القصيرة وبشكل شامل جدا...حيث ان الحياة في هذا الزمن لا تحتاج الكثير من الفلسفة..الفقر فقر و الغني غني..ولو اني اري ان كلا الشخصيتين يعتبرا افضل قرائنهما من حيث فكرهما وثقافتهما , بالأخص الفريسة وثقافتها ,مما جعلهما شخصيتين ثرييتين جدا
ألا أن الأحداث قاسية, قاسية بحق

الاحداث ربما تكون مبالغ في قسوتها الا ان للاسف اذا قرأت بعض الاحصائيات من المواقع الأخبارية بالكتاب عن فترات ليست ببعيدة عن الان تستشعر مؤشر الخطر لمجتمعنا بالفعل في درجة متقدمة -وللاسف الكتاب مكتوب في 2008 اعتقد انه كان مازال به بعض التفاؤل وقتها بثورة ما بنهايتها
ثورة!!!؟
هي فين الثورة دي؟

النهاية ليست مفاجأة وليست بعيدة عن الواقع...القشة فعلا قد تقصم ظهر البعير وقد حدث هذا علي ارض الواقع في 2010 -والذي ادي لثورة 2011
اعجبتني مقولة اختم بها تعليقي عن الصدمة التي سببتها الرواية لي-للاسف اول رواية أقرأها العام الجديد تجعلي اشعر بهذه الكأبة

"هناك خلل اجتماعي ادي الي ما نحن فيه,لكنه خلل يجب ان يستمر..كل من يحاول الاصلاح يجازف بان نفقد كل شئ"

للاسف سيظل هذا مبدأ من معه "اي شئ" سواء مال...سلطة..حكم...لن يجازف باصلاح الانهيارات خشية ان يضيع منه ما يملكه

نصلح مين ياراجل , ده فساد 30 سنة , ياراجل...كبر مخك

رواية رهيبة..مفزعة..مرعبة..لكنه ليس رعبا ادبيا او خياليا , بل رعبا يكاد ان يكون واقعيا

يكاد؟


محمد العربي
الاسكندريه 1 يناير 2013
الي 2 يناير 2013


-------
فبراير 2016: معدلتش الريفيو ده من فبراير 2013 وكأني كاتبه امبارح-التزمت عدم التعديل سوي قليل من الأخطاء الأملائية والنحوية- عشان فعلا الريفيو ده نفسي الاقيه يوم مش صح والاقي الحالة اتعدلت مش اتدهورت..يمكن حاجات اتغيرت بس حاجات تانية زادت سوءا
474 likes · flag

Sign into Goodreads to see if any of your friends have read يوتوبيا.
Sign In »

Quotes Mohammed Liked

أحمد خالد توفيق
“كنت أقول لهم: (ها أنتم أولاء يا كلاب قد انحدر بكم الحال حتى صرتم تأكلون الكلاب ، لقد أنذرتكم ألف مرة. حكيت لكم نظريات مالتوس وجمال حمدان ونبوءات أورويل وويلز ، لكنكم في كل مرة تنتشون بالحشيش والخمر الرخيصة وتنامون.إن غضبتي عليكم كغضبة أنبياء العهد القديم على قومهم.. ألعنكم) لكن ما أثار رعبي أنهم لا يبالون على الإطلاق. إنهم يبحثون عن المرأة التالية و لفافة التبغ التالية و الوجبة التالية ، ولا يشعرون بما وصلوا إليه.”
أحمد خالد توفيق, يوتوبيا

أحمد خالد توفيق
“لا يتحمل الحياة بلا أحلام ..
منذ طفولتي لم أجرب العيش بلا أحلام ..
أن تنتظر شيئًا .. أن تُحرم من شيء .. أن تغلق عينيك ليلًا وأنت تأمل في شيء .. أن تتلقى وعدًا بشيء ..”
أحمد خالد توفيق, يوتوبيا

أحمد خالد توفيق
“هؤلاء القوم يتظاهرون بأنهم أحياء،.. يتظاهرون بأنهم يأكلون لحما و يتظاهرون بأنهم يشربون خمرا، و بالطبع يتظاهرون بأنهم ثملوا و أنهم نسوا مشاكلهم،.. يتظاهرون بأن لهم الحق في الخطيئة و الزلل..”
أحمد خالد توفيق, يوتوبيا

أحمد خالد توفيق
“..الطبقة الوسطى التي تلعب في أي مجتمع دور قضبان الجرافيت في المفاعلات الذرية .. انها تبطئ التفاعل و لولاها لانفجر المفاعل .. مجتمع بلا طبقة وسطى هو مجتمع قابل للانفجار ..”
أحمد خالد توفيق, يوتوبيا


Reading Progress

October 28, 2012 – Shelved
January 1, 2013 – Started Reading
January 1, 2013 –
page 92
47.92% "بدايه 2013..كافيه في حي المنشيه بالاسكندريه..حيث التليفزيون لا يعرض سوي قناتي التت او المولد للاغاني الشعبيه..فتاه لم ينجح مع وجههاالذابل عبوات المساحيق المهربه من ليبيا..تمسح دموعها بينما تشرب الشيشه مع صديقتها التي ترمق بغل3شباب "غالبا كانوا برفقتها مسبقا"يشبهون نجمي غناء "المهرجانات"اوكا واورتيجا اللذان ظهرا مؤخرا في اهم البرامج مع اشهر اعلاميين مصر..\n في هذا الجو بدات قراءه يوتوبياوكم اثار هلعي قربناالشديد من2023"
January 2, 2013 –
page 192
100.0% "نهايه صعبه جدا"
January 2, 2013 – Finished Reading

Comments Showing 1-50 of 86 (86 new)


Amera Ibrahem رعبتنى


Maryan Taha ده ريفيو ولا تنبوء بان الروايه قربت؟


Mohammed Arabey للاسف كنت فاكر لو الثوره نجحت حتبعدنا عن مستقبل زي اللي مكتوب في يوتوبيا بس للاسف الثوره سرعت خطواتنا ليوتوبيا الفرق الوحيد ان يوتوبيا مش حيكون فيها ابناء رجال الاعمال ورموز النظام السابق يلونون شعرهم بالازرق ..حيكون ابناء النظام الحالي ملونين ذقونهم ولحاهم بالازرق :)


Maryan Taha فعلا ثوره الجياع جايه جايه ياخساره تعبنا فى الثوره


Waled ريفيوأكترمن رائع يامحمد برافو


Mohammed Arabey شكرا جدا جدا يا وليد ...والله نفسي المشاهد المؤسفه دي تختفي من حياتنا لان ده اللي بيسرع عجله يوتوبيا


Waled لاانشاء الله مصر فى حماية ربانية وان شاء الله عمرها ماهتبقى يوتوبيا مهما ساءت الظروف
ههههههههه هوه يظهر بس الرواية بهتت عليك فكتبت ريفيو بنفس سوداوية الرواية بس راااااائع


Mohammed Arabey ان شاء الله يارب..علي فكره انا فرحت اوي ان بعد فتره قليله من الريفيو ده سمعت خبر حلو..اغلاق قناه التت احلي حاجه ان الكافيه مبقاش يصدعني بيها وبيشغل قناه مزيكه علي الاقل محترمه :)


Waled طيب الحمدلله فيه أمل أهو ان شاء الله اللى جاى أحسن


Maryan Taha يارب


Dalia El araby عندك حق جدااااااااااا ان شاء الله ربنا يحمى مصر بس طول ما احنا بنخرب فى البلد خلاص هننتهى هنكون يوتوبيا فعلا


Dalia El araby الكاتب تنبأ بان سعر الدولار وصل ل 30 جنيه وساندوتش الكبده بقى ب 20 جنيه وياريتها كبده صالحة والمترو هيتوقف وهيبقى اطلال والشرطة والحكومة مالهاش دور يارب استر


Mohammed Arabey الدولار وصل فعلا ل7ونص ..ترام اسكندريه عدده بقي قليل جدا
مصنع اتسرق لمده 3 ساعات في 6 اكتوبر قبل ان تحرك الحكومه ساكنا

ربنا يستر


message 14: by Heba (new) - rated it 5 stars

Heba مقدمة ممتازة ...الوصف كاننا شايفينه لانه فى الحقيقة بنعيشه كل يوم...تخيلوا لما يبقى الدولار ب ٣٠ ج و نتخذ احنا دور اهالينا حاليا: الله يرحم ايام زمان لما كان الجنيه له قيمة و كان معرفش ك اللحمة بكام و الفرخة بكام......الرواية دى فعلا اكدتلى اننا فى انهيار مستمر و باقصى سرعة


Mohammed Arabey Heba wrote: "مقدمة ممتازة ...الوصف كاننا شايفينه لانه فى الحقيقة بنعيشه كل يوم...تخيلوا لما يبقى الدولار ب ٣٠ ج و نتخذ احنا دور اهالينا حاليا: الله يرحم ايام زمان لما كان الجنيه له قيمة و كان معرفش ك اللحمة بكا..."

تخيلي بقي فعلا فزعي اني ابدا الروايه دي في وقت زي ده..الدولار واليورو في صعود مستمر..وكل اللي بيحصل ده من ظلام

ربنا يستر


Manar Keshk تقديمة الريفيو قصة قصيرة فى حد ذاتها :) أحييك على الريفيو الرائع


Manar Keshk تقديمة الريفيو قصة قصيرة فى حد ذاتها :) أحييك على الريفيو الرائع


Mohammed Arabey Manar wrote: "تقديمة الريفيو قصة قصيرة فى حد ذاتها :) أحييك على الريفيو الرائع"

شكرا جدا جدا..هي قصه تشاؤميه للاسف بس واقعنا بقي قريب اوي من يوتوبيا


message 19: by Fatma (new)

Fatma Adel اكثر من رائعة ....شابوه ليك


Mohammed Arabey Fatma wrote: "اكثر من رائعة ....شابوه ليك"

شكرا جدا والله ومستني تقييمك للروايه


message 21: by Aly (new) - rated it 3 stars

Aly ياعم تقريبا الرواية اقل من كدا


message 22: by Aly (new) - rated it 3 stars

Aly ياعم تقريبا الرواية اقل من كدا


Mohammed Arabey Aly wrote: "ياعم تقريبا الرواية اقل من كدا"

هههههههههه
نفسي ابطل تطويل
ريفيو نادي السيارات وعزازيل مثلا رعبوني وانا بعمل
Preview
عشان كده اختصرت وقفلتهم بسرعه :(


message 24: by Amira (new) - added it

Amira اكتئبت بعد ما قريتها :(


Mohammed Arabey Amira wrote: "اكتئبت بعد ما قريتها :("

لست وحدك :) ...لست وحدك


message 26: by Sally (new) - added it

Sally ريفيوا معبر يامحمد


message 27: by Hoda (new) - rated it 4 stars

Hoda Kottop الريفيو نفسة مرعب


Mohammed Arabey Sally wrote: "ريفيوا معبر يامحمد"

شكرا جدا ...ربنا يستر بجد والوضع يتحسن مش يتأزم انا بقيت لما ابص علي الريفيو ده اقول يااااه....هو احنا بنتأخر ليه كده


Asmaa Hassan اهم حاجه عايزة اعرف ..ما هو عصر مابعد يوتوبيا !


Mohammed Arabey Asmaa wrote: "اهم حاجه عايزة اعرف ..ما هو عصر مابعد يوتوبيا !"

ده بالنسبه للروايه ولا عاما؟


Muhammad Galal مراجعة ممتازة كالعادة

أحمد خالد توفيق في 2008 لمّا اتسأل عن تصنيف الرواية

قال أنّها : خيال علمي

أعتقد أنّه لو اتسأل تاني اليومين دول هيغيّر كلامه !


Mohammed Arabey Mohamed wrote: "مراجعة ممتازة كالعادة

أحمد خالد توفيق في 2008 لمّا اتسأل عن تصنيف الرواية

قال أنّها : خيال علمي

أعتقد أنّه لو اتسأل تاني اليومين دول هيغيّر كلامه !"


شكرا جدا يا محمد
من 2008 ل2013 افتكر الدنيا اختلفت كتير
وفعلا بقينا قريبين جدا
تخيل ان عندنا مستوي زي المستوي بتاع مسلسل حكايه حياه..."موجود حقيقي في المدن الجديده" ومستوي اكبر زي مستوي الزفت القشاش او عبده موته

ربنا يستر


نرمين حلمي ريفيو فعلا معبر عن الرواية :) بس كنت عايزة أفهم يعنى أية كلمة "الديستوبيا" ؟؟


Mohammed Arabey اولا اشكرك جدا, علي فكره ده "اللايك" رقم 100 للريفيو وده شئ يسعدني وله قلبي يطرب
وعشان كده لازم اقولك ايه الديستوبيا بشكل مفصل علي حسب علمي

الديستوبيا هي عكس اليوتوبيا "المدينه الفاضله" هي غالبا مدينه ,دوله او عالم خيالي "غالبا في المستقبل" تكون قوانينه او حكمه به شئ بشع,سواء ديكتاتوريه مفرطه...فقر مقدع ..تكنولوجيا غريبه..تباين بين الفقر والغني..
اقوي مثال ليها -ويعتبر من اوائل الروايات في المجال ده- هي رائعه جورج اورويل 1984 اللي صدرت في 1948
الريفيو -دون حرق احداث- :
https://www.goodreads.com/review/show...
وبعدها جه Fahrenheit 451 -
وحتي الكوميكس المشهور V for Vendetta
والروايه اليابانيه Battle Royale
ودي تعتبر فيها فكره من -من وجهه نظري- افضل ديستوبيا شبابيه جديده قريتها واللي فيها عناصر كتير جدا من افضل عناصر الديستوبيا في الروايات السابقه لكنها بطريقه مميزه بالرغم من اي تشابهه وهي
The Gunger Games
الريفيو للجزء الثاني بدون حرق للاحداث
https://www.goodreads.com/review/show...
و طبعا بعد نجاحه وبدايه ازدهار روايات الشباب ظهر اكتر من ديستوبيا يمكن اشهرهم بعدها
Divergent و The Maze Runner وغيرهم كتير جدا
ودول اخر 2 ريفيو ديستوبيا :)
https://www.goodreads.com/review/show...

https://www.goodreads.com/review/show...


نرمين حلمي شكرااااااااا ^_^.


Radwa ريفيو اكتر من رائع و بيوضح حقايق كتير على الرغم من انه سوداوى


Mohammed Arabey Radwa wrote: "ريفيو اكتر من رائع و بيوضح حقايق كتير على الرغم من انه سوداوى"

اشكرك يارضوي جدا واعترف انه سوداوي بس للاسف النور كان مقطوع وقت كتابته :(


message 38: by Ola (new) - rated it 5 stars

Ola Abd-Elfatah مراجعة أكثر من رائعة ....
ملحوظة دمج اسمي اوكا و اورتيجا و ربطها بالاورجازم رائعة ^_^ ....
أخيراً سمعت حد بيدي الرواية دي حقها و يقول حاجة غير إنها كئيبة !!!
حقيقي أثراني الريفيو ....
شكراً


Mohammed Arabey عﻻ wrote: "مراجعة أكثر من رائعة ....
ملحوظة دمج اسمي اوكا و اورتيجا و ربطها بالاورجازم رائعة ^_^ ....
أخيراً سمعت حد بيدي الرواية دي حقها و يقول حاجة غير إنها كئيبة !!!
حقيقي أثراني الريفيو ....
شكراً"


شكرا جدا جدا علا علي الشهادة الي اعتز بيها دي

فعلا الريفيو ده يمكن الوحيد اللي حسيت اني مش عايز اكتب علي الرواية قد ماكنت عايز اقول ان مجتمعنا بينفذ الرواية, بيزود الفجوة, بيقضي علي اخلاقه وفنه وهويته وثقافته بايديه..وللاسف كل من في السلطة الزائله والحالية والقادمة لا يفكر الا في كرسيه

الغريب اني اكتب ريفيو "الفيل الازرق" في نفس وقت كتابتي للريفيو ده والفيل الازرق هو اللي ياخد شهرة وده لا :)


Mariam R. abbas أنا الreview بتاع حضرتك خلاني عايزة و متشوقة جداً إني اقرأ الرواية تاني.. ما شاء الله يمكن أحلى review قريته لحد دلوقتي.
حضرتك مبتفكرش تكتب؟ مجرد اقتراح عجبني اسلوب الكتابة :)


Mohammed Arabey Mariam wrote: "أنا الreview بتاع حضرتك خلاني عايزة و متشوقة جداً إني اقرأ الرواية تاني.. ما شاء الله يمكن أحلى review قريته لحد دلوقتي.
حضرتك مبتفكرش تكتب؟ مجرد اقتراح عجبني اسلوب الكتابة :)"



بامانه بحس ان ده شرف كبير ليا الاشادة بالطريقة دي علي فكرتي المتواضعه في اني اكتب ريفيو عن الرواية الرائعه دي

للاسف ححسيت وخفت اننا بنقرب من الديستوبيا دي وخايف تكون الاحداث الحقيقية اللي كتبتها دي
Prequel
ليوتوبيا بجد

ربنا يستر :)


Osama انا لسه مخلصها - لا بأس بيها ياريت تبقي تقرا الرفيو بتاعي :)


Mohammed Arabey Osama wrote: "انا لسه مخلصها - لا بأس بيها ياريت تبقي تقرا الرفيو بتاعي :)"

اساسي يااسامه قريته طبعا
فعلا الملل والمخدرات كانوا عامل مشترك لكل اهل يوتوبيا احمد خالد توفيق
وللاسف حتي الان المخدرات تتوسع في انتشارها بين الشباب باكتر من اسم
اما الملل فحدث ولا حرج

ربنا يستر "تقريبا كل تعليق لازم اقول كده -تأثيرات الرواية السوداوية" :)


message 44: by وليد (new)

وليد الأشوح قرأتها هذة السنة, ريفيو رائع , يوضح أن ما حدث بالرواية فى طريقة للحدوث فعلا على أرض الواقع


Mohammed Arabey وليد wrote: "قرأتها هذة السنة, ريفيو رائع , يوضح أن ما حدث بالرواية فى طريقة للحدوث فعلا على أرض الواقع"

للاسف ياوليد كل سنه بحس ان الفجوة بيننا وبين احداث الرواية بتقل :( , نقاط مضيئة قليلة تبعدنا احيانا ولكن اوقات تانيه بحس ان الفجوة بتقل تاني


message 46: by وليد (new)

وليد الأشوح Mohammed wrote: "وليد wrote: "قرأتها هذة السنة, ريفيو رائع , يوضح أن ما حدث بالرواية فى طريقة للحدوث فعلا على أرض الواقع"

للاسف ياوليد كل سنه بحس ان الفجوة بيننا وبين احداث الرواية بتقل :( , نقاط مضيئة قليلة تبعدن..."

على فكرة أنا بعتلك رسالة فيها اللينك بتاع الرواية بتاعتى اللى هتنزل بعد أسبوع فى المكتبات ياريت لو عندك وقت وعرفت تقراها تبقى تقولى رأيك فيها


Mohammed Arabey وليد wrote: "Mohammed wrote: "وليد wrote: "قرأتها هذة السنة, ريفيو رائع , يوضح أن ما حدث بالرواية فى طريقة للحدوث فعلا على أرض الواقع"

للاسف ياوليد كل سنه بحس ان الفجوة بيننا وبين احداث الرواية بتقل :( , نقاط ..."



وصل يا وليد واشكرك جدا للدعوة دي, فكرة مختلفة ووححطها علي قائمة المعرض الجي ان شاء الله والله عايز اقولك انا بطلع كتب من المخزون اللي عندي ومقرتهوش لغايه دلوقتي :( فترة الاجنبي بقي
وان شاء الله لو في وقت اقرب كمان قبل المعرض


message 48: by وليد (new)

وليد الأشوح Mohammed wrote: "وليد wrote: "Mohammed wrote: "وليد wrote: "قرأتها هذة السنة, ريفيو رائع , يوضح أن ما حدث بالرواية فى طريقة للحدوث فعلا على أرض الواقع"

للاسف ياوليد كل سنه بحس ان الفجوة بيننا وبين احداث الرواية بت..."


أوك تمام, ميرسى قوى لذوقك


DeeDee 3kk الله يستر ويحفظنا جميعا فعلا صدمتني الروايه ومع انه بس وصف مصر الا انه اغلب مجتمعات العربيه صايره هيك


Mohammed Arabey DeeDee wrote: "الله يستر ويحفظنا جميعا فعلا صدمتني الروايه ومع انه بس وصف مصر الا انه اغلب مجتمعات العربيه صايره هيك"

فعلا ربنا يستر الواحد بقي حاسس ان الموضوع بدأ يخرج عن السيطرة في دول كتير عربية


« previous 1
back to top