عَلِيٌّ's Reviews > في ممر الفئران

في ممر الفئران by أحمد خالد توفيق
Rate this book
Clear rating

by
28419440
's review

did not like it

مخيبة للآمال , مش استنيت حتى لما اخلص امتحانات عشان اقراها لدرجة إني بدأت فيها يوم الأمتحان الصبح قبل ما أروح اللجنة

المبدع لما يوصل لدرجة متقدمة من نجاحه لازم يكون عارف امتى بالظبط يقف شوية و يحسبها قبل ما ياخد الخطوة التالية و تكون حساباته مجردة من أى اعتبارات إلا اعتبار واحد هو نجاحه , و للأسف دا محصلش هنا و د.أحمد محسبهاش صح و يؤسفني اقول إن أغلب ظني الرواية المشوهة دي اتعملت كدا عشان دار النشر تنشر حاجة و السلام و دا حسيته من مجرد قراءة مقدمة الرواية .

أسطورة أرض الظلام عندي من أروع أعداد سلسلة ما وراء الطبيعة و ظهرت فيها فعلا مدى براعة الدكتور في نسج قصة تفصلك حرفيا عن العالم الواقعي و تعيشك جواها بالإضافة انه عملها جانب رومانسي بشخصية سالم و سلمى و نهايتها كانت جميلة و التفاصيل أثناء الرواية كانت متفصلة صح , لكن لما عمل ممر الفئران أصبحت شبه النسخة المزيفة الباهتة , شبه الأكل البايت لما تسخنه عشان تاكله تاني يوم , فضلا عن إنه شال منها الناحية الرومانسية و استبدلها بفلسفة سخيفة عن الحب و لمحة جنسية مقززة مسّخت الرواية اكتر ماهي ماسخة , و النهاية السخيفة اللى خلت سيل عدم الإعجاب عندي يبلغ المدى .

يمكن لو مكنتش قرأت أسطورة أرض الظلام و كنت قرأت ممر الفئران مباشرة يمكن كان يتغير حكمي ليها بحكم إنه اللي مشافش الأبيض الصافي يقول ع الأبيض المعكر أهو أبيض و السلام عشان كدا مش هستغرب لو قابلت تقييمات عالية و ريفيوهات بتكتب قصايد شعر فيها , لكن كونك تقرأ عمل ممتاز بجودة أرض الظلام و بعدها ترجع تقرأ عمل متواضع زي ممر الفئران و تتجر لمقارنة متعمدة من المؤلف بين الاتنين هيخليك تعرف فعلا الفرق بينهم .

يمكن حد يقول طيب يا أخي احكم على كل عمل منهم بشكل منفصل و متدخلهمش في المقارنة و احكم عليهم كأنك بتقرأ قصة باتنين سيناريو مختلفين , لكن للأسف مش دا اللى د.أحمد عمله لإنه الروايتين يكاد يكونوا نسخة بالكاربون مع تغيرات جزئية جدا جدا بينهم و شوية اسهاب فى السرد و كمية مهولة من الاغاني و الاناشيد و الشعر في ناحية ممر الفئران , و حتى المؤلف كاتب في اول الرواية انها معالجة أطول و أعمق لأرض الظلام يعني بنفسه دخلها في المقارنة ,, فضلا عن إنه بدأ الرواية باستشهادات كتير جدا لمؤلفين تانيين أعادوا كتابة قصصهم مرة أخرى بصورة من الصور , و دا كمان معجبنيش لإنه إنتا بادئ روايتك بدفاع مستميت و تبرير و يا جماعة إنه مش انا اول واحد اعمل كدا دا حتى فلان و فلان عملوا كدا قبلي , دا لوحده كفيل يخليني أن كقارئ -فضلا عن كوني من محبيك- أحط جودة الرواية في موضع شك , و إلا مكانتش تحتاج لكل التبرير و التعليق دا في بدايتها لو هي فعلا أجود و أعلى من اللى قبلها .

مخيبة للآمال فعلا .
78 likes · flag

Sign into Goodreads to see if any of your friends have read في ممر الفئران.
Sign In »

Reading Progress

July 11, 2016 – Started Reading
July 11, 2016 – Shelved
July 12, 2016 – Finished Reading

Comments Showing 1-28 of 28 (28 new)

dateDown arrow    newest »

عَلِيٌّ Heba wrote: "حمد الله على السلامة يا علي ..نورت الموقع :) ومراجعة قوية بعد غياب الامتحانات :)"

الله يسلمك يا هبة :))
منور بيكم والله :)


message 2: by Sherif (new) - added it

Sherif Metwaly أنا اتصدمت يا علي من الريفيو ده
الريفيوهات اللي نزلت بتمدح فيها باختلاف درجات المدح ، و ريفيوهات من ناس قرأت ما وراء الطبيعة كمان ف ده اللي خلاني أطمن إلى حد ما إني مش هلاقي تكرار مادام عجبتهم
لكن لما نزلت النسخة ال بي دي إف منها لفت نظري المقدمة اللي انت اتكلمت عنها وحسيت بقلق برضو وقلت لنفسي نفس الكلام اللي انت كتبته

عموما هقرأها و أشوف برضو بس مش دلوقتي :D


عَلِيٌّ Sherif wrote: "أنا اتصدمت يا علي من الريفيو ده
الريفيوهات اللي نزلت بتمدح فيها باختلاف درجات المدح ، و ريفيوهات من ناس قرأت ما وراء الطبيعة كمان ف ده اللي خلاني أطمن إلى حد ما إني مش هلاقي تكرار مادام عجبتهم
لك..."


والله يا شريف اني بحب احمد خالد توفيق جدا و هو اكتر مؤلف انا قرأت له لكن فعلا الرواية دي محستش فيها الاحساس اللي متعود اعيشه مع كتابات احمد خالد توفيق , حاجة رمادية كدا مش هي اللي متعودين عليها


message 4: by Sherif (new) - added it

Sherif Metwaly Ali wrote: "Sherif wrote: "أنا اتصدمت يا علي من الريفيو ده
الريفيوهات اللي نزلت بتمدح فيها باختلاف درجات المدح ، و ريفيوهات من ناس قرأت ما وراء الطبيعة كمان ف ده اللي خلاني أطمن إلى حد ما إني مش هلاقي تكرار م..."


مقريتش له رواية كبيرة غير يوتوبيا ، رغم إنها حلوة و مبهرة بس فاكر إني كنت حاسس بغربة عن أحمد خالد توفيق اللي أنا أعرفه .. كانت تجربة حلوة آه بس مفكرتش أقرأ له ررواية كبيرة تاني زي السنجة أو مثل إيكاروس و مش عارف السبب ، لما بتتطلب معايا أقراله دايما بروح ل ماوراء الطبيعة و سافاري ، لا إراديا كدة
أنا حقيقي مش عارف العيب فينا ولا في الراجل
هل الراجل فعلا استنزف أفكاره كلها و لما حاول يكتب روايات كبيرة مقدرش ؟
هل هيفضل يجرب كدة كتير ؟
طب هل هيفضل عالمستوى ده ولا فيه أمل ؟

طب بعيدا عن الدكتور ، مش ممكن يكون العيب فينا ؟
إحنا اللي اتعودنا على شكل ثابت و أسلوب ثابت له و مش عارفين نتأقلم عليه في الروايات الطويلة ؟
هل لأننا بندور جوه رواياته عن شخصيات زي رفعت إسماعيل أو علاء ولما مش بنلاقيها بنفصل ؟

أسئلة كتير والله كانت بتيجي ف بالي على فترات
معلش رغيت كتير ياسطا بس أهي فرضة أشاركك أفكاري في اللحظة المناسبة :D


message 5: by عَلِيٌّ (last edited Jul 12, 2016 07:21AM) (new) - rated it 1 star

عَلِيٌّ Sherif wrote: "Ali wrote: "Sherif wrote: "أنا اتصدمت يا علي من الريفيو ده
الريفيوهات اللي نزلت بتمدح فيها باختلاف درجات المدح ، و ريفيوهات من ناس قرأت ما وراء الطبيعة كمان ف ده اللي خلاني أطمن إلى حد ما إني مش ه..."


نفس التساؤلات والله , و دي مشكلة السلاسل الطويلة , المؤلف بينطبع في قالب احيانا هو ميعرفش يطلع منه (و دا حاصل في اعداد كتير من سافاري واخدة طابع ما وراء الطبيعة) او ان الجمهور ميعرفش يطلع منه و اظن دا حاصل معانا بدرجات متفاوتة


Mohamed أستاذ


عَلِيٌّ Mohamed wrote: "أستاذ"

الله يباركلك :))


Zakaria Zalt انا لم اقرأ ارض الظلام ولكن اعتقد عدم وجود الاسقاط على الحالة المصرية فيها وهو ما دفع الكاتب لاعادة استنساخ الرواية مع اسقاط الحالة الراهنة عليها.


عَلِيٌّ Zakaria wrote: "انا لم اقرأ ارض الظلام ولكن اعتقد عدم وجود الاسقاط على الحالة المصرية فيها وهو ما دفع الكاتب لاعادة استنساخ الرواية مع اسقاط الحالة الراهنة عليها."

ارض الظلام فيها اسقاطات تصلح لكل حالة في اغلب الدول المقهورة على امرها , اقرأ أرض الظلام ثم اخبرني بحكمك :)


message 10: by سامية (new) - added it

سامية محمود لم أحب الرواية أنا أيضا، محبطة جدا و....


عَلِيٌّ سامية wrote: "لم أحب الرواية أنا أيضا، محبطة جدا و...."

للاسف عمل متواضع جدا بالنسبة لمستوى د.احمد خالد توفيق


message 12: by Mohammed (new)

Mohammed Orabi مع الاسف كنت متحمس لها جدا .. بس معظم الاراء عنها محبطة جدا :/


عَلِيٌّ Mohammed wrote: "مع الاسف كنت متحمس لها جدا .. بس معظم الاراء عنها محبطة جدا :/"

لا لا اقرأها بحيادية و احكم بنفسك :)
ما قد يعجبك قد لا ينال اعجاب غيرك :))


message 14: by Omar (new) - added it

Omar  Hatem الحمد لله مش انا لوحدي


عَلِيٌّ Omar wrote: "الحمد لله مش انا لوحدي "

طلعنا كتير :D


message 16: by Mohamed (new) - added it

Mohamed Sallam انا مكملتهاش عشان تهت واتخنقت وحسيت اني دماغي لفت في الرواية قلت اجي اشوف الرفيوز بس واضح فعلا انها مش ولابد


عَلِيٌّ Mohamed wrote: "انا مكملتهاش عشان تهت واتخنقت وحسيت اني دماغي لفت في الرواية قلت اجي اشوف الرفيوز بس واضح فعلا انها مش ولابد"
اقرأ أسطورة أرض الظلام بقى هتعجبك :))


Mohammad للاسف تقييمك واقعي وحقيقي واتفق معك بالرغم من اعجابي الشديد بدكتور أحمد وكتاباته لكن لم يصب أي شئ في ممر الفئران هذا ولا اتذكر ان كنت قرأت ارض الظلام ام لا ربما منذ سنين لكن ممر الفئران عمل لا يرقي اطلاقا لمستوي ما قدمه سابقا حتي ربما في بعض القصص القصيرة


Hanan Fawzy اتفق معاك جدا رغم اني لم انهي نصف الروايه حتي الان لكني قرات ارض الظلام الرائعه
الافضل بمراحل
يقول د. احمد هذه معالجه اعمق
آسفه أستاذي. هي معالجه متفلسفه و مليئه بإيحاءات غير مبرره

لا يحتاج الامر. لتفلسف حتي نشعر بعمق الفكره ولا تحتاج ارض الظلام معالجه جديده لنسقطها علي الواقع. فواقعيتها واضحه و صريحه منذ المرة الاولي

ثاني كبوه لدكتور احمد بعد كارثة السنجه


عَلِيٌّ Mohammad wrote: "للاسف تقييمك واقعي وحقيقي واتفق معك بالرغم من اعجابي الشديد بدكتور أحمد وكتاباته لكن لم يصب أي شئ في ممر الفئران هذا ولا اتذكر ان كنت قرأت ارض الظلام ام لا ربما منذ سنين لكن ممر الفئران عمل لا يرقي..."

دا حقيقي للأسف :/


عَلِيٌّ Hanan wrote: "اتفق معاك جدا رغم اني لم انهي نصف الروايه حتي الان لكني قرات ارض الظلام الرائعه
الافضل بمراحل
يقول د. احمد هذه معالجه اعمق
آسفه أستاذي. هي معالجه متفلسفه و مليئه بإيحاءات غير مبرره

لا يحتاج ال..."


بالفعل , على الرغم من إني مقريتش السنجة , ولكن كل المراجعات اللي قرأتها عنها كانت بتنتقدها بشدة :/


Ahmed Hassan انا قريت في ممر الفئران في الاول ...وبعدين قريت اسطورة ارض الظلام
وتقريبا خرجت بنفس انطباعك عنها
محبطة بشكل بشع


عَلِيٌّ Ahmed wrote: "انا قريت في ممر الفئران في الاول ...وبعدين قريت اسطورة ارض الظلام
وتقريبا خرجت بنفس انطباعك عنها
محبطة بشكل بشع"


الله يرحم الدكتور أحمد خالد، كان خيرا لو لم ينشرها :/


Ahmed Hassan اللهم آمين


message 25: by Nouran (new) - added it

Nouran من الواضح انو كل من قرا " ارض الظلام" مش هتعجبه "ممر الفئران"..
و كل من لم يقرا " ارض الظلام".. هتعجبه "ممر الفئران"


عَلِيٌّ فعلا :/


Amira Elhamalawy معك حق فعلا خيبت امالي 😕


عَلِيٌّ Amira wrote: "معك حق فعلا خيبت امالي 😕"

الله يرحمه
ليته لم ينشرها


back to top