Арван зүүдний өр

by Г. Аюурзана

Барайж торойж байдаг зэрэглээ нэг хоосон Барим тавим байдаг зүүд нэг хоосон. Монголын ертөнцийн гуравт ингэж гардаг билээ. Өдгөө сэтгэлгээний зохиол бичих тал дээр манай урдаа барих зохиолч, яруу найрагч Г.Аюурзана ертөнцийн гурван хоосны хосрынх нь сэдвээр "Илбэ зэрэглээ", "Арван зүүдний өр"гэсэн сэтгэхүйн хоёр роман бичжээ. Хүний тархины түмэн нууцыг тайлах гэж хэн эс оролдлоо? Сэтгэхүйн зүйчид, гүн ухаантнууд, зохиолчид гээд хүний толгойтой ажилладаг бүхэн. Тэгээд тайлж чадсан бил уу? Мэдэхгуй. Ялангуяа зүүд хэмээгч. Говийн догшин ноён хутагт Данзанравжаа ертөнцийг "зүүд мэт үзэгдэл" гэж айлдсан юм. Үүнээс нь зүүд ч үзэгдэл гэсэн гаргалгаа хийж болох юм. Өөрөөр хэлбэл, Аюурзанын "Арван зүүдний өр" нь Данзанравжаагийн онолыг, Данзан-равжаагийн бурханы шашны хоосон чанарын сургаалыг шашны хүрээнд бус өнөөгийн амьдралын хүрээнд сөхөж тавьсан мэт. Өөрөөр хэлбэл, "Арван зүүдний өр"-д өнөөгийн бидний дэндүү саарал ертөнц, өнөөгийн манант амьдрал нэгэнт зүүд болсныг гаргажээ.

Published January 1, 152

About the author

1970 онд төрсөн. ОХУ-ын Москва хотын М.Горькийн нэрэмжит Утга зохиолын дээд сургууль, АНУ-ын Айовагийн их сургуулийн Олон улсын утга зохиолын хөтөлбөр дүүргэсэн.

“Цаг хугацаа амсхийх зуур”, “Философийн шүлгүүд”, “Non Plus Ultra”, “сэтгэл рүү шагайгч Түүнд” зэрэг яруу найргийн түүврүүд, “Дурлалгүй ертөнцийн блюз тэргүүтэн хүүрнэл зохиолууд”, “Гурамсан цадиг” зэрэг хүүрнэл зохиолын номууд хэвлүүлсэн. “2х2=6 буюу Суут жаран сэтгэгч”, “Орчин цагийн аугаа их сэтгэгчид”, “Зэн-буддизм: Амьдралаас ангижрахуй” зэрэг философийн чиглэлийн номууд бичиж, “Дэлхийн сонгомол яруу найраг” антолог, Монтэнь, Сартр, Фолкнер, Борхэсийн зохиолуудаас монгол хэлнээ орчуулсан.Хамгийн сүүлд “Бөөгийн домог” романаа 2010 онд гаргажээ.

Reviews

[Ari · Rating 4 out of 5]

... Гадаад нөхцөл байдал, тухайн хүний төрөлх чанарыг ЗҮҮД л хамгийн үнэнээр тусгадаг. Зүүдэнд хачир чимэг, хэтрүүлэг бараг л байдаггүй. Зүүдэлж байгаа хүн аливааг, хамгийн гол нь өөрийгөө бодитой үнэн цэгнэдэг.

Мөрөөдөл бол эсрэгээрээ. Мөрөөдөж - Сэрүүн зүүдэлж байгаа хүн бодитой нөхцөлийг хэзээ тооцдоггүй, ямагт өөрийнхөө чадвараас илүүг хүсдэг. Унтаж буй хүн сэрүүн байгаа хүнийг бодвол төрөлх чанар, дүр төрхөө илүү хадгалдаг ...

[Erdenezaya Ch · Rating 4 out of 5]

Зүүд дандаа сонирхолтой байсаар байсан. Байсаар ч байгаа. Тархи, мэдрэлийн систем гэж явсаар сэтгэл судлал луу хальтран орох шалтгаан олон хүний хувьд ЗҮҮД л дээ

📌Ихэнх хүн зүүдээ бурхан тэнгэрээс ирдэг гэж боддог. Үнэндээ бурхан биш чөтгөр л хүнээр доог тохуу хийж, эсэн бусын зүүд зохиодог юм шүү дээ

📌Зүүд бол туйлын үнэн зүйл. Хүний сэтгэлд үнэн бодитой байж чаддаг бүхэн гадаад ертөнцөд жинхэнээсээ оршин тогтнодог

Энэ 2 өгүүлбэрийг уншихад олон ангид кино шиг зүүд зүүдэлдэг хүний хувьд бурхан, чөтгөр 2тойгоо тэмцэлдэх мэт мэдрэмж.

Сайхан ном байлаа аа

[Ankhaa · Rating 3 out of 5]

•Зүүд гэдэг бол унтаж байгаа хүний сэтгэл санааны үйл амьдрал

[Tsogtbaatar Nka · Rating 5 out of 5]

ooroor setgej boldog l yum bn gj bodson

[Burte · Rating 3 out of 5]

💛2/52
Г. Аюурзана "Арван зүүдний өр"

...Хүн жаргах албагүй ч байж магадгүй юм. Жаргана зовно гэдэг хэтэрхий хялбар ойлголт. Дур зоргоороо байх бололцоогүй, зугаацах цаг завгүй, үрж цацах мөнгөгүй хүн цэнгэлийг амсдаггүй. Гэвч цэнгэлийг амслаа гээд аз жаргалд хүрэхгүй. Хамгаас гол зүйл бол амар амгалан юм. Жаргал, зовлон хоёрыг тодорхойлж болно. Чиний хувьд хайртай хүнээ алдсан нь зовлон. Хэрэв тэр эргээд амилж босдогсон бол жаргал болно оо доо? Харин амар амгаланг ингээд тодорхойлчих аргагүй...

[Ag · Rating 3 out of 5]

галзуу...