الإخوان وأنا

by فؤاد علام

575 pages, Paperback

First published January 1, 1996

Reviews

[Youmna Gebril · Rating 3 out of 5]

أولا و أخير و قبل كل شئ الكتاب ده بتاع بابا .. أنا أشتري كتاب مكتوب عليه إخوان!!! ليه.. ياكش يولعوا مالي أنا!! لكن بما إنه موجود.. في الرف الي في النص.. تالت كتاب بعد فاروق.. لفت نظري لقيتني باسحبة و باتصفحة ثم مسكت نفسي بقرأة بالفعل

المهم

ليه أقرا كتاب مؤلفه ينتمي لنظام طالما كذبتة و كرهته!!
طول عمري بصدق أي تهم للأنظمة حتى لو كانت بدون دليل.. وده لإن ما أكتر الأعمال الإجرامية إلي ثبتت عليها بالفعل.. قمع و إعتقال أبرياء و تعذيب .. و تنكيل بشخصيات سطرها التاريخ بين صفحات الأبطال..

طيب.. عندي قناعة بإن ماحدش يقدر ينجح في حاجة غير لو كان مؤمن بيها.. مؤمن بأسبابه.. مؤمن بغايتة..حتى لو كان نصاب.. واحدة واحدة بقى.. نظام إستمر سنين طويلة محتفظ بصلابتة و قدرته على السحق.. بغض النظر عن صوابه أو خطؤه.. أعتقد إني أحب أعرف وجهة نظره و مبرراتة منه شخصيا مش بشهاده عليه أو نقل عنه..

في قراءتي لرجال الأنظمة بحس إنهم مقتنعين فعلا إن أخطاءهم محللة.. لإن دورهم كبير و مسؤليتهم كبيرة.. فيدي لنفسه الحق الكامل في تحطيم نفوس بريئة و سببه إن عنده قلق ما من شئ ما كان ممكن يكون له سبب سلبي!!! ماشي مش مقتنعة بس هو مقتنع !!! و لما طال وجوده في سلطة إدي لنفسه الحق في السلب أكتر فأكتر.. بيقتنع فعلا إنه عشان بينظم للشعب إن الخير إلي الشعب فيه -إن وجد طبعا- أولا من تدبيره.. ثم من إحسانه.. ثم فضلة خيره و المفروض يبوسو إديه و رجليه و يخلدوه كعظيم.. و يبقى كل حاجة في البلد ليه حق فيها.. أو بمعنى تاني تبقى حقه!!!

ليه المقدمة العجيبة دي!!! عشان ضميري كان وجعني إني أقرا كتاب لراجل كان من عمدان أمن الدولة في فترة ما.. أنا ماعرفش اللواء فؤاد علام.. و ماقدرش أوجه ليه أي إتهام.. رغم قناعتي بإن أي حد ينتمي لنظام لازم يكون متأث بيه

لكن على الجانب الأخر.. سخطي الشديد على الإخوان و الجماعات الإسلامية خلاني أصدق كتير من كلامه.. و إداني مبررات لشعوري بالنفور منهم و قال إلي كنت حاساه و مش عارفة أقولة.. و أعتقد إلي شايفاه حاليا يأييد لحد كبير جدا كلام الكتاب

طبعا طول مرحلة قرايتي لسان حالي يقول.. إيه ده.. الله يخرب بيوتكم.. هي البلد كانت ناقصة.. يعني مصر ماكنتش لاقيه ناحية تستريح فيها و لا برة و لا جوا!!!.. للدرجة دي إستغليتو ضعف البلد وة بدل ما تتعونو عشان تقوموها بقيتو عون للعدو عشان تضعفوهالو من جوا!!!

أول صدمة خدتها إن حسن البنا مش هو المؤسس الحقيقي للجماعة.. إلي أسسها هو أحمد السكري..مين؟؟ والله ماعرف.. المهم إنه ساعده و إداله البيعة و بعدين جزاه جزاء سنمار و طرده من الجماعة لخلاف لو صحة قصتة فهي فضيحة مخزية..!!

حسن البنا: قدراته البلاغية عالية جدا.. يقدر يتلاعب بايات القراء و الأحاديث لابعد حد ليثبت وجهة نظره.. الكاهن الأعظم للإخوان.. وسيلتة إعتلاء المنابر و التزيين بزي الشيوخ.. و إرسال يده الي شفاه مريديه لياثموها..أحاط نفسه بهالة من القداسة تعمل عملها في تخدير البسطاء و الأحداث و المراهقين .. يجند أتابعه بإسلوب ربط الدراوييش و شدهم بحبال العهود و المواثيق للسمع و الطاعة.. و على فكرة حسيت كدا جدا أثناء قراءتي لرسائل حسن البنا و كتبت ريفيو بلاش أعيده هنا!!!.. متلون.. من ايام الملك و هو يتملق القصر و يقول الحكومة وحشة!! قال يعني معارضة!!

التنظيم السري و الإغتيالات و التكفير !!

حسن الهضيبي.. لما تقوم الثورة يختفي.. يتاكدو الملك خرج برا البلد يعلنو التأييد للثورة.. يرفض عبد الناصر يعين قادة التنظييم السري في الحكومة و يقولهم هاتو ناس غيرهم معتدلة يعلنوا معادات الثورة!!

الإخوان نواة معطم الجماعات المتطرفة.. و في فصول في الكتاب تناولت أهم الجماعات دي.. تنظيم الجهاد, التطفير و الهجرة, الجماعة الإسلامية, جماعة التبليغ الإسلامي, تنظيم الجيش و غيرها..


سيد قطب.. وده حصلي صاعقة من الي قريته عليه.. إغراق الدلتا لشغل الحكومة!! ووضع مبادئ فكر التكفير!! لما تعتقلوني هيقوم ثورة في العالم الإسلامي!! لما تعدموني هيقوم ثورة في العلم الإسلامي!!!

و تناول الكتاب مراحل إغتيال السادات!! أيوه مراحل.. لإن المنصة ماجتش فاجأة.. من أول ما قرر الإفراج عن المعتقلين من الجماعات الإسلامية كان بيوقع قرار إعدامه الشخصي!!
دا غير مساعدتة لتكويين الجماعات الاسلامية- إخوانية- في الجامعات لمواجهت الحركات الطلابية.. و انقلب السحر على الساحر لان خرجت من الجماعات دي وسيلت موتة!!

اه.. ماكنتش أعرف إن إغتيال السادات كان ضمن خطة متكاملة لقلب نظام الحكم.. خالد الاسلامبولي و الي معاه يغتالو.. و مش فاكرة مين يستولي على اسلحة من مش فاكرة فين.. و حدود تانيين يستولو على الاذاعة و التليفزيون و يعلنو الثورة الشعبية!!! الحمد لله انها جات على السادات.. وربنا يرحمة..

القصة بتاعت الإغتيال خلتني إحس الي حد ما ان ممكن يكون كان في تواطؤ فعلا بس مجرد إحساس.. ممكن بس يكون التقصير العجيب هو الي جابلي الإحساس ده..

دا غير حكاية مذبحة أسيوط الي وجعت لي قلبي..118 ظابط و جندي صبح العيد يا @#$$#@!!!!!
مش بحب أشتم!!

التنظيم الدولي و طرق تمويل الإخوان.. أيوه.. دا مقنع.. و انا اقول الفلوس دي كلها جايبنها من أنهي داهية!! دا غير إني كنت هتجنن بعد الإنتخابات الي فاز فيها مرسي إزاي حقق النسبة دي من المصريين في الخارج!! أعتقد ان الي وارد في الكتاب بيشرح السبب لحد كبير

طب بعيدا عن كل ده.. عمر التلمساني و خطتة:: كان داهية الإخوان ذكي متواضع طويل النفس لدرجة إنه رسم خطة لمدة 50 سنة أطلق عليها خطة المشي في خطوط متوازية للتسلل إلى الإنشطة الإقتصادية و السياسية و النقابات و المدارس و الجامعات .. إنها خطة تحاشي الإصطداممع النظام لإن الإخوان سيجدون أنفسهم بعد اليوبيل الذهبي على مقعد الحكم!!! .... بغض النظر عن بعض التعديلات... حصل سيادتك!!!

.. الكتاب الي سنة 1996 قايل:: الإخوان يريدون الإستيلاء على كل شئ.. التاريخ الماضي و الحاضر و أيضا دماء الشهدا..!! الجزء دا كان على كذبهم على حرب 48

و في حد قريت عنه اسمه صفوت الزيني.. كنت هعيط و انا بقرأ رسالتة.. كنت بقول في نفسي.. ليه عملت في نفسك و أهلك كدا!!! و ماحدش ينفع يتلام غيرك!!!

..... على فكرة بقى لمة أخيرة.. الشعب في الماضي عانى من الإخوان جدا.. لكن بارضة مانساش ان كان في بعد عن الدين كبير جدا.. ماما بتحكيلي يعني.. و بما ان لا تصيب الإنسان مصيبة إلا بما عملت يده.. فكانت مصيبة مصر الإخواااان و خلافه.. و لا زالت الاخطاء تقترف.. ولذا لاتزال الإخوان قائمة!!

الكتاب فعلا مليان حاجات كتير.. وثائف أمن دولة..!!

كفاية تعبت...

[Mahmoud Khaleil · Rating 3 out of 5]

ما جاء به الكتاب لا يدين الجماعة بقدر ما يدين النظام الحاكم وقتها من عبد الناصر الى مبارك مرورا بالسادات ، يقول المؤلف ص 247 سارع السادات بعقد لقاءات سرية مع الاخوان قبل وفاة عبد الناصر باسابيع ، وهذه الاتصالات كانت ومازالت لغزا غامضا حتى الآن رغم ان صنعوها وشاركوا فيها مازال بعضهم على قيد الحياة لكنهم يرفضون الحديث عنها او كشف اسرارها ، ثم يسترسل المؤلف حتى مرحلة السبعينات ومابعدها عندما اطلق للجماعات الدينية العنان فاخذت اتحادات الطلاب والنقابات وكل ماكان مشاعا في مصر وقتها ، ويقول " استخدمت اموال الاتحاد الاشتراكي في طبع المنشورات وتأجير السيارات وعقد المؤتمرات ، وأيضا في شراء المطاوي والجنازير ص 251 " ومن ثم يضيف : أن القيادات الامنية ارسلت لقيادة السياسية تحذر من ان يستعين النظام بقوة لضرب قوة أخرى لان هذه اللعبة اشبه بمسلسل الدم الذي لا يتوقف عند حد والعنف يولد العنف خصوصا اذا تحالف النظام مع خصومه بوهم انهم أصدقاء ، والدرس الثاني هو ضرورة الفصل بين الصفقات السياسية والضرورات الامنية ، والسياسة يجب ان تكون مظلة للامن وليست معوقا له .. واذا حدث التناقض والتنافر سيخسر الامن والسياسة معا .. انتهى ، واذا دخل الدين معهما فقد سقط الجميع ومعهم الدولة ، للحق وللمستقبل كان يجب اجراء محاكمات للثلاث انظمة السابقة ، محاكمات سياسية لكشف حقائق وسياسات وممارسات ادخلت البلاد في دوامات من العنف والارهاب سقطت فيها ارواح بريئة من الجانبين كانت ومازالت تعتقد ان تعمل في سبيل الوطن او في سبيل الله

[Inas · Rating 2 out of 5]

اول كتاب فى 2022
عيبه تفاصيل كتير كتير واسماء كتييير
الكتاب كان ممكن يكون أفضل لو حكى فقط عن تجربة الكاتب مع الإخوان والتحقيق معاهم وخططهم.
من المدهش بالنسبالى بعد قراءته اللى عرفته عن خطة قلب نظام الحكم يوم اغتيال السادات... جرأة واجرام...
اللى اكتشفته إن السادات كتب شهادة وفاته بايده... بجد مفيش اغبى من مسئول يخرج الإخوان من السجن ويستعين بيهم... ويسيبهم كمان لحد ما يوصلوا للقوات المسلحة والمخابرات الحربية....
يا ترى امتى ممكن ينتهى فكر الإخوان القاتل المخرب واحنا عايشين وسطنا ناس شوفناهم ع السوشيال ميديا مؤيدين لطا*لبان ودا*عش. الخطر لسه منتهاش للاسف الشديد...

[Mohamed Abdelhalim · Rating 2 out of 5]

بإختصار, كتاب أمن الدوله في التسعينيات عن جماعة الإخوان المسلمين مع ربط كل الحركات الإسلامية بها.

[Adel Abdallah · Rating 3 out of 5]

كتاب قرأته قديما في فترة الاعجاب الطفولي بالاخوان , اعتقد ان لي عودة قريبة له ان شاء الله

[Omar Khalid · Rating 1 out of 5]

اكملت حوالي 100 صفحة ولم استطع الاكمال بسبب التفاصيل الكثيرة الغير مهمة.

[Hassan Ali · Rating 3 out of 5]

كتاب سيتحق 3 من 5