Зүрхэнд Үйлдвэрлэв

by Болор-Эрдэнэ Халтар

Өмнөтгөл
1. Улаан хүн
2. Гэрээслэл
3. Хойт эцэг
4. Тэргэл сартай шөнө
5. Хоёр сэтгэл
6. Төгсгөлийн оронд
7. Захиас
8. Дурлал
9. Болзоо
10. Болор шаахай
11. Нислэг
12. Би бид хоёр
13. Мөрөөдөл
14. Цөл
15. Амьдрал
16. Ээжийн нуугдмал охид
17. Нэхэл
18. Зиндаа
19. Би эрлийз
20. ...Үргэлжлэхгүй
21. Шунал
22. Бурханы тухай
23. Нүцгэн шөнө
24. Хонзон
25. Элгэн садан
26. Босго
27. Намар
28. Хөхөөний үүрэнд
29. Сүнс
30. Хөрөг
31. Нулимс-2
32. Зүрхэнд үйлдвэрлэв
33. Нэхээс

110 pages, Paperback

First published January 1, 2004

About the author

Х.Болор-Эрдэнэ 1975 онд Улаанбаатар хотод төрсөн бөгөөд арван жилийн 56-р дунд сургууль, Утга зохиолын дээд сургуулийг /2000/ тус тус төгссөн. “Ням гариг” сонины ерөнхий эрхлэгчээр ажиллаж байгаад чөлөөт уран бүтээлч болсон. Тэрээр утга зохиолын оны шилдэг бүтээл шалгаруулах “Алтан Өд” наадамд 2002, 2004, 2007, 2009 онуудад оролцсон байна.

Х.Болор-Эрдэнэ нь өөрийн ажил хөдөлмөр, уран бүтээлээрээ 2004 онд Орхон аймгийн оны шилдэг сэтгүүлч, 2005 онд МСНЭ-ийн “Ган үзэгтэн” шагнал, 2009 онд “Алтан Өд” наадмын тэргүүн шагнал, 2010 онд МЗЭ-ийн шагналыг тус тус хүртжээ. Түүний хэвлүүлсэн бүтээлээс дурьдвал “Нүцгэн шөнө” /2002/, “Зүрхэнд үйлдвэрлэв” /2004/, “Диваажингийн хоригдлууд” /2007/ (тус ном нь дэлхийг тойрон аялаад ирсэн), “Би бид хоёр” /2009/, “Эротик өгүүллэгүүд” /2006, 2007, 2008/, зэрэг өгүүллэгийн ном, “Монгол ардын шилмэл өгүүллэгүүд” (10 цуврал) /2008/, “Би чамд хайртай-2” /2009/, “Муу залуу” /2010/, “Хорин жилийн дараа” /2010/ зэрэг тууж, “Би чамд хайртай-2” УСК /2009/, “Ми-15” УСК-ны зохиол тус тус бичжээ. Дууны шүлгүүдээс нь “Охин минь битгий уйл” /Т.Ариунаа/, “Ээждээ би хайртай” /Т.Ариунаа/, “Би эр хүнд хайртай” /Хувьсал продакшн/, “Үл таних эмэгтэй” /Т.Ариунаа/, “Чи надаас яваагүй” /Д.Туул/, “Би хувилсан” /Гала хамтлаг/, “Ми-15” /П.Идэржавхлан/, “Анжел” /Ц.Байдраг/, “Доргицгооё” /Зулаа/, “Дурласан цас” /Баярцэцэг/, “Уулзвар дээр” /Баярцэцэг/, “Хайрлах л байсан хайр” /Б.Сарантуяа/, “Дурласан” /Өөдөө, Ундрал/, “Манай гэрт шинэ жил ирлээ” /Ж.Алтанцэцэг/ зэргийг нэрлэж болохоор байна.
Тэнгэрт тал сарны хэлтэрхий
Ёлтойж үзэгдэнэ
Тэнэмэл үүлс аальгүйтэх мэт
Түүний наагуур нүүгэлтэнэ
Гурван зуун жилийн настай өвгөн хэрээ
Модны оройд сууж
Гуагалж, өнгөрснийг хүүрнэх боловч
Хэн ч түүнийг сонсохгүй
Зөнөг удган мод өөрийгөө
Тэнгэрийн цэцэг гэж санана
Зөөлөн шиврэх бухдын нулимсыг
Хүмүүс
Бороо гэж эндүүрнэ
Хүсэл хулгайлсан шалиг эмсийн
Хуурамч аяглал мэт
Хүйтэн салхи
Гунигийн гудамжаар тэнүүчилнэ
Дахиад мянган жил өнгөрөхөд
Амьдрал ямар байх тухай
Далд болоод этгээд бодол
Намайг эзэмдэж зовооно
Дарсны амт шиг
Гашуун үнэнээс хүмүүс зугтаж
Тэнгисийн захад хэн нэгэн
Эзгүй цөл мөрөөснө
Тэнгисгүй газарт хэн нэгэн
Их далайг зүүдлэнэ
Тэнгэрт тал сарны хэлтэрхий
Ёлтойж үзэгдэнэ
Зөөлө

Reviews

[Anu Harchu · Rating 4 out of 5]

4.4/5.0
Тэргэл намайг заавал унш гэж нэг ном өглөө. Тэрийг нь би өнгөрсөн долоо хонгийн амралтын өдрүүдэд Малайзын боловсролын үзэсгэлэн дээр ажиллаж байхдаа уншлаа. /ном унших завтай байсан гэхээр ямар цөөхөн хүнтэй байсан нь харагдаж байгаа биз дээ?/

Шинэ үеийн зохиолч /зохиолч гэж нэрлэхэд гомдохгүй гэж бодож байна/ Болор-Эрдэнэ-ий "Нүцгэн шөнө"-ийн дараах хоёр дахь ном болох "Зүрхэнд үйлдвэрлэв" ном нь эхний номтойгоо адил нилээд хэдэн бэсрэг өгүүллэгүүдээс бүтжээ. Өгүүллэг болгоны ард тухайн өгүүллэгтэйгээр холбогдсон гар зурагтай. Гэхдээ өгүүллэгийг нь уншихаас нааш зурагны утгыг ойлгохгүй шүү. /Ямар ч байсан бүрэн ойлгохгүй/ Уншиж байхдаа дундаас нь Монгол хэлний Ерөнхий шалгалтан дээр орж ирсэн өгүүллэгийг таньлаа. Яг шалгалтан дээр уншиж байхдаа шалгалтаа мартаад зүгээр л тэр өгүүллэгийг /Нүцгэн шөнө/ уншаад, дотроо бодоод л, инээмсэглээд л суугаад баймаар санагдаж билээ.

[нимбэг · Rating 3 out of 5]

Нүцгэн шөнө, Зүрхэнд үйлдвэрлэв гэх хоёр жижигхэн, нууцлаг сонин нэртэй номыг багшийнхаа номон дотроос олсон юм. Уншчихаад өгөх болзолтой номууд дотор багтсан энэ хоёртой, намрын жихүүн шөнө, нам гүм, оюутны байрны өрөөнд нүүр тулаад, дотор маань бүрэлдэн, бутран байдаг үл ойлгогдох, итгэж болмоор хүч савчин байсан. Юм бүхэн, энэ номыг сөхөхийн өмнөх болон дараагийн сэтгэгдэл, төсөөлөл шиг зөрж байвал сонирхолтой ч юм шиг ээ, эсвэл бүр утгагүй.

[Ugtakh · Rating 5 out of 5]

Энгийн сайхан үгсийг ийм сайхан өгүүлэмж болгож байгаа зохиогчийг хүндлэхэд, бишрэхэд хүрсэн шүү. Үнэхээр зүрхэнд үйлдвэрлэгдсэн ном байна

[Baaska Baaska · Rating 4 out of 5]

Богинохон болохоор дор нь гялалзуучихлаа.