Сэтгэлийн Анир Өгүүллэгүүд

by Б. Шүүдэрцэцэг

Зохиолч Шүүдэрцэцэгийн өгүүллэгийн 5 дахь ном.

240 pages, Paperback

First published January 1, 2009

About the author

Зохиолч Б.Шүүдэрцэцэг буюу Баатарсүрэнгийн Тогтохбаяр Улаанбаатар хотод 1971 онд төрсөн. 1979-1989 онд нийслэлийн лаборатри нэгдүгээр дунд сургууль,тавдугаар дунд сургуульд суралцаж төгссөн. ОХУ-ын Эрхүү хотын улсын их сургууль, Монгол улсын их сургуульд суралцан 1995 онд сэтгүүлч мэргэжлээр төгссөн. Сэтгүүл зүйн мастер, Малайз улсын “Линкоквин” их сургуульд суралцсан. МУИС-ийн докторант.

Нөхөр, гурван охины хамт амьдардаг.
Төрийн төв хэвлэл “Ардын эрх “ сонинд 1994 оноос сурвалжлагч, тоймч, 1997 оноос Засгийн газрын хэвлэлийн төлөөлөгч, 1998 оноос Сэтгүүл зүйн “Анонс” төвийн захирал, 1999-2000 онд Монголын сэтгүүлчдийн холбооны гүйцэтгэх захирал, 2001 оноос “Алтан шар” сонины эрхлэгч ажлыг хийж байсан. “Ардын эрх” сонины 1996 оны “Шилдэг бичлэгийн шагнал” авсан.

Монголын эмэгтэйчүүдийн сангийн \МОНЭС\ Удирдах зөвлөлийн гишүүн, Олон улсын “Эмнести интернашнл” байгууллагын эмэгтэйчүүдийн бүлгийн гишүүн,”Монгол кино” нэгтгэлийн дэргэдэх Киноны мэргэжлийн зөвлөлийн гишүүн. МОНЭС-ийн байнгын хандивлагч, Хүчирхийллийн эсрэг үндэсний төв, залуу охид эмэгтэйчүүдэд туслах “Гүнж” төвийн дэмжигч.”Эрэгтэй, эмэгтэйчүүдийн эрх тэгш байдлын тухай “ хуулийн төслийн багийн гишүүн.

Эмэгтэйчүүдийн эрхийн сэдвээр ”Улстөрийн дахин хуваарилалт ба эмэгтэйчүүд”, ”Гоо үзэсгэлэнгийн домог”, ”Харийн хүн бурхан биш, Америк диваажин биш”, ”Дэлхийн гуравдугаар дайн Монголд” зэрэг эмэгтэйчүүдийн эрхийн сэдэвт нийтлэлүүд, “Нэг алхам урагш,хоёр алхам хойш”, ”Олон нийтийн мэдээллийн хэрэгсэл дэх эмэгтэйчүүд, эрэгтэйчүүдийн дүр төрх”,”Жендэр,нийгмийн хүйс, феминизм” илтгэл, лекц уншиж, “Аавууд гэртээ ир”, ”Жендэр гэдэг чинь женщина биш ээ”, ”Эр хүн уйлдаг”, ”Эмэгтэйчүүд бол эрэгтэй болоогүй азгүй амьтанд” зэрэг жендэрийн сэдэвт нийтлэлүүд бичсэн. Эмэгтэйчүүдийн эрхийн сэдэвт “180” хэм теле жүжиг бүтээж DVD гаргасан. 2008 оны 3-р сарын 8-д МУИС-ийн дугуй танхимд “Монгол дахь феминизмийн дахин сэргэлт” лекц уншин, Олон улсын “Эмнести” интернэшнл” байгууллагаас зохиодог хүний эрх, эмэгтэйчүүдийн эрхийн төлөөх арга хэмжээнүүдэд сайн дураар тогтмол оролцон дэмжиж ирсэн тул энэ байгууллагаас 2008 оны “Хүний эрхийн төлөө тэмцэгч” өргөмжлөл хүртсэн.

2002 оноос эхлэн “Хулан,”Шүрэн бугуйвч”, “И-мэйлээр илгээсэн сарнай”,”Үйсэн дээрх бичээс”,”Чимээгүй хашгираан”,”Цасан нулимс”,”Зургадугаар сарын сарын цас”,”Сэтгэлийн анир”,”Туужууд” номууд бичиж хэвлүүлэн, хүний эрхийг хамгаалах талаархи сонгодог ном болсон “Анне Франкийн өдрийн тэмдэглэл” номыг эрхлэн хэвлүүлж, “Дэлхийн алдартай эмэгтэй зохиолчид” намтрын ном орчуулан хэвлүүлжээ. Зохиол бүтээлдээ орчин үеийн монгол хүний дүр төрх, залуучуудын хүсэл мөрөөдөл, үндэсний соёлын онцлог, хүний эрхийн асуудлыг хөндөн бичдэг.

“Шүрэн бугуйвч” зохиолоор нь кино бүтээж, сонгомол өгүүллэгийн сонгомол CD гаргасан. “Шүрэн бугуйвч” киноны ашгаас орон гэргүй болсон иргэн Тунгалагт хандив өгч, CD-нийхээ дээжээс харааны бэрхшээлтэй хүүхдүүдийн 112 дугаар сургууль,”Гүнж төв”-д хандивласан. Номынхоо орлогоос МОНЭС, Эмнести интернэшнл” зэрэг байгууллагад тогтмол хандив өгдөг.

Оны шилдэг ном шалгаруулах Grand book” шалгаруулалтаар Оны шилдэг ном шагнал, “Шүрэн бугуйвч” туужаараа 2007 “Онцлох ном”, сонгомол “Шүүдэрцэцэг” CD гээрээ 2008 оны “Онцлох ном”-ын шагнал авсан. Эмнести интернашнл байгуулагаас “Хүний эрхийн төлөө тэмцэгч” өргөмжлөл хүртсэн. Утга зохиолын салбарт 2009 оны “Нийгмийн зүтгэлтэн шилдэг эмэгтэй” шагнал хүртсэн.

Эх сурвалж: gogo book

Reviews

[Пүрэвбазар · Rating 1 out of 5]

Уншигчдыг хүндлэх хүндлэл гэж юмыг ор тас мартсан хүүхэн. 3н номныхоо гадна талын хавтасыг нь сольж хичнээн удаа ч хэвлүүлэв. Тэр дундаас нь шилээд иш татчихмаар уншигчдад үр өгөөжтэй, амттай зүйл огт байхгүй. Нууж хаалгүй шууд хэлчихэд иймэрхүү зохиолчид орчин цагийн монгол уншигчдын номыг үнэлэх үнэлэмжийг хөл доороо дэвсчихээд байна даа.
Эмэгтэйчүүдийг эрхийг хамгаалах олон сайн дурын үйл ажиллагаанд үргэлж оролцдог хувь хүнийх нь хувьд хүндэлдэг боловч уншигчийн зүгээс дахиж түүний номыг авч уншихгүйээ. Finger crossed x

[Батзориг · Rating 1 out of 5]

Бага нас...
Шүүдэрцэцэг...
"И-мэйлээр илгээсэн ягаахан сарнай"-г худалдаж авч байсан дурсамж.

Хэзээ ч жинхэнэ ном уншиж байгаагүй бол "үүрдийн фэн" нь болж үлдэж мэдэхээр тийм өгүүллэгүүд...
Аюурзана, Өлзийтөгс хоёр гарч ирч намайг алгадаагүй бол ухаанаа үүрд гээж мэдэх тийм нэг зүйл...

Гэхдээ,

Та гэнэн, бас, эстэтик багатай зүйлст дуртай бол яагаад болохгүй гэж... :)

[Anaru Eba · Rating 2 out of 5]

Хүүхэд байхдаа уншсандаа ч тэр юм уу, нэг их үлдээд байх зүйлгүй байсан санагдах шиг. Гэхдээ яахав ээ, хүүхдийн фантаз төсөөлөлд л тохирсон байх.

[Ag · Rating 4 out of 5]

Таалагдсан. Өгүүллэг бүрээс өөр өөр зүйлийг мэдэрч байсан. Ихэнх зохиолчийн өгүүллэгүүд өөр хоорондоо ямар нэг зүйлээрээ төстэй байдаг, эндээс тийм зүйл олж хараагүй.

Харин Фэйсбүүк дээр Шүүдэрцэцэгийн өгүүллэгүүд давсгүй хоол шиг бичсэн байсан, тэрэнтэй санал ооогт нийлээгүй. Эсрэгээрээ... Магадгүй би өөрөө давсгүй хоолонд дуртай юм болов уу?

[Enkhtuul · Rating 3 out of 5]

Улаан пансан тэрлэг
Охиндоо нэг сайхан тэрлэг хийлгэж өгье. Алтан Москвад сургуульд явж байгаа хүн сайхан монгол дээлтэй явалгүй яахав. Муу аав нь байсан бол хичнээн их баярлах бол доо.....

[Anungoo · Rating 4 out of 5]

Ном бүхэлдээ олон төрлийн өгүүллэгүүдээс бүрдсэн байсан ба дотроо 3 хэсэгт хуваагдсан байсан нь таалагдсан. Эхний хэсэг нь хүүхэд насны дурсамж, амьдралаас авж болох сургамжуудийг өгүүлсэн байсан бол хоёр дахь хэсэг нь жоохон аймшгийн өгүүллэгүүд байх шиг санагдсан. Тэр хэсгээс би 2 л өгүүллэг уншсан угасаа аймшгийн юманд дургүй учраас бусдын уншахыг ч хүсээгүй. Харин 3 дахь хэсэг, миний хамгийн дурлаж уншсан өгүүллэгүүд. Хайрын түүхүүд байсан. Гунигтай, жаргалтай аль аль түүхүүдийг багтаасан байсан дундаас надад хамгийн их сэтгэгдэл үлдээсэн нь "сэтгэлийн анир" гэх өгүүллэг. Анхны хайрын нандин чанар, авах боломжтой гэгээлэг бүх мэдрэмжүүд багтсан төгсгөл нь хэдий төсөөлсөн шиг биш байсан ч надад лав сэтгэл хангалуун мэдрэмж төрүүлсэн өгүүллэг байсан.

[Saruul · Rating 1 out of 5]

5 настайдаа уншиж сурчхаад 6 настайдаа "1001 шөнийн үлгэр" уншиж байсан хэрнээ, бага ангидаа номын дэлгүүрт ороод яагаад ч юм ямар ном авахаа мэддэггүй байснаас болоод уншсан алдаа юм уу даа.

[Munkhtulga Byambaa · Rating 2 out of 5]

Их л амархан уншигддаг ном.

[Davaa · Rating 1 out of 5]

🌷🌷🌷🌷

[Zolzaya Enkhbold · Rating 1 out of 5]

Анх ном уншиж эхэлж байхад олдсон нь л энэ байсан юм өө.

[Lilu]

................

[Yanjinlkham Amou · Rating 2 out of 5]

Таалагдсан 4 өгүүллэг байсан.

[Namuna]

хх

[Oggie · Rating 1 out of 5]

Давсгvй хоол гэдэг шиг...

[Uluud]

Shuudertsetseg ,yahev bas 2 od uglee

[Munkhtsetseg Munkhtur]

Миний мэдэх хамгийн муу ном байсан!!!