حارس: صفحات مفقودة

حارس

by ميسره الدندراوي

كانت تعرف أن آمون، ومن على شاكلة آمون، ومن يخدمون في قصر آمون القصي خلف ساحة الأعمدة، ليسوا سوى هؤلاء الذين نصبوا أنفسهم آلهة، أو أشباه آلهة، وقارعوا الرب الواحد في سلطاته على الأرض، ولم يصونوا نعمته التي انعم عليهم بها، بأن جعلهم يجرون الرياح أو يسقون الأرض في غير مواعيدها، أو أن يملك الرجل منهم قوة قطيع ثيران، أو أن يطير بجناحين من ذهب، أو أن يلقى به في النار فلا تمسه بسوء.

لم يشكروا الرب على نعمته، بل أخذتهم العزة وسكرهم خمر القوة والسلطة، فرسموا نفسهم آلهة أو شبه آلهة وصنعت لهم التماثيل والمعابد.

65 pages, Unknown Binding

First published January 1, 2023

Reviews

[Sara · Rating 2 out of 5]

الصفحات المفقود هي الحلقة الرابع، وزير ما العوان في قدر من الرتابة كمان الحلقة كانت رتيبة لحد ما.
التركيز في الجزء ده كان على الماضي، موت الملك الشاب والكشف عن ملابسات موته، المكائد والألعايب بين الملوك، الجزء ده أعتقد هو بداية الأحداث الفعلية أو على الأقل له علاقة أساسية بجرائم قتل الدكاترة.
رغم إن التشويق كان متراجع في الجزء ده، ولكن كمان في قدر بسيط يكاد يكون غير ملحوظ من التطور الكتابي من الحلقة الأولى ودي نقطة تحسب له.

[Donia Darwish · Rating 4 out of 5]

ابن آوى ولا حاوى
بيقرأ الجثث وبيعرف ايه مدارى
ملك 🤴🏻 وعرشه اغتصب
مقصودة ولا قضاء وقدر
ماهو كله فى الكرسى طامع
واللى حواليه عيونهم عليه
وفاكرين أن سرهم هيختفى مع التحنيط
بس على مين
هما مش عارفين أن " أنبو " مفيش حاجة بتخفى عليه 🤷‍♀️
طيب ايه علاقة " محمد حارس " بالمواضيع
وليه شايفينه أنه السبب فى مقتل الـ ٤ التانين

هو مخاوى ولا ايه ولا ايه ربطه بعوالم فات عليها آلاف السنين
لسه هنشوف الأعداد الباقية مخبية ايه 🤔
هانت خلاص ونعرف الحقيقة فين 🤲🏻 ⚖️

[Marramero Mo · Rating 3 out of 5]

*جزء جديد من سلسلة حارس، يعتبر تكملة للجزء اللي فات مفيش أحداث جديدة غير في الجزء الخاص بالفراعنة فقط، اما الزمن الحاضر فكله تكمله للأحداث السابقة.
*الجزء ده رجع يكون في شوية توهان ولخبطة وتنقل في الأحداث تاني، عكس الجزء السابق، ولكنه يظل أكثر وضوحاً من أول جزئين.
*عجبتني الجزئية الخاصة بتشريح الملك توت وطريقة استنتاج وفاته والطرق القديمة للطب الشرعي، وشوفتها ممتعة ومثيرة وذكية برغم صعوبة المشاهد.
*في المجمل الجزء ده كويس ولكن أتمنى الأجزاء القادمة تكون أفضل وأمتع وفيها وضوح وترابط بقى أكثر من كده عشان الموضوع بدأ يطول شوية في الغموض ده.

[Maha · Rating 5 out of 5]

حلقه شيقه ممتعه للغايه كالعاده لدرجه اني انهيتها في جلسه واحده و جعلتني انتظر قدوم الحلقه القادمه من كثره التشويق الذي يضعنا فيه الكاتب كل حلقه
"اننا نعيش الحياه في دورات لا تنتهي يا عزيزي . دوره بعد دوره تشيخ اجسادنا و لا تشيخ عقولنا و نبلغ المائه عام"
"لكن عقولنا لا تصبي و لا تشيخ و نفقد أطرافًا و اعضاء و اذا فقدناها بلا ان تنبت لنا غيرها"

[Kiroo Magdy · Rating 3 out of 5]

الريفيو الأخير لحارس
طريقة القراءة : أبجد
الريفيو الاخير للحلقات كلها
بعد حلقة اولي جيدة لو تعجبني باقي الحلقات خصوصا مع النهاية
بطئ احراث الحلقات بعدها جري سريع جدا في الحلقة الأخيرة لغلق ثغرات كثيرة !
نجمتين ونصف اقرب للتلاتة اتمني الموسم الجديد يكون فيه تفسير لاحداث كتير مكانش ليها تفسير في الجزء الأول

[Shimaa Allam · Rating 3 out of 5]

حلقة جديدة من سلسلة حارس إيقاع الاحداث أهدى كتير في العدد ده ، معظم احداثه بتدور في زمان الماضي في محاولة للتعرف على سر اللعنة اللي ممكن تكون السبب ورا جرايم القتل اللي بتحصل في الحاضر.


لقطات زمن الحاضر قليلة و بتخلق حالة من الترقب بدون ما تتضح الأمور... في انتظار حلقة قوية جدًا في نهاية الأسبوع

[Youssry Effat · Rating 3 out of 5]

المراجعة المرئية ع اليوتيوب
https://youtu.be/28OevV_Jbf8

[Amr Mohamed · Rating 1 out of 5]

هي الرواية ده ١٨ جزء وكل جزء ٥٠ صفحة ما كانت تبقي رواية واحدة وتقييم واحد ونخلص

[Esraa El Shakany · Rating 3 out of 5]

ما العلاقة بين ما يحدث قديمًا ووفاة توت عنخ آمون وما يحدث في الواقع ؟
هل قتل توت عنخ آمون كما يزعم انوبيس؟
ما علاقة محمد حارس وسيق وما هو الفيل الأبيض ؟
وما علاقته بوالد سمر ؟
خطوط كثيرة متشعبة تزداد تشعبًا حلقة بعد أخري في محاولة الوصول إلي الحل
ما سبب الصفحات المفقودة من بحث المتحولين
واين هم ؟