Rebecca

by Wilna Adriaanse

Op vyf en twintig is Rebecca Fagan in besit van 'n regsgraad, 'n rugsak, 'n groot mond en baie guts. Sy het twee jaar lank druiwe gepluk in Frankryk, in Italië op 'n olyfplaas gewerk en in Duitsland was sy 'n kelner. Maar nou is sy terug in Suid Afrika en sy soek 'n “regte” werk. Verkieslik een wat opwindend is en 'n groot salaris betaal. Toe sy hoor dat Julian Hoffman, derde geslag erfgenaam van ‘n multibiljoenrand-maatskappy, op soek is na 'n persoonlike assistent, besluit sy om aansoek te doen. Maak nie saak dat die pos nooit in ‘n koerant geadverteer is nie. Wie nie waag nie, sal nie wen nie, is haar leuse. Rebecca wag hom dus een middag in in die maatskappy se parkeergarage. En stel haarself voor aan hom met die "Ek kan uitstekend organiseer en ek steel nie papier of skuifspelde nie." En op haar T-hemp staan geskryf, I think therefore I am single. Vir 'n oomblik dink Julian dis die eerste April, maar hy leer baie gou dat Rebecca nie iemand is wat maklik moed opgee nie, en dat sy áltyd blatant eerlik is. Ná die tyd kan hy haar aanstelling nie eens aan homself regverdig nie. En Rebeccca? Rebecca kan nie begryp waarom sy jammer voel vir ‘n man wat dan alles het wat sy hart begeer nie . . .

350 pages, Paperback

First published May 10, 2012

About the author

Wilna Adriaanse is op 19 Maart 1958 in die Kalahari gebore. Sy het op Worcester grootgeword en matrikuleer in 1976 aan Hoërskool Worcester. Sy verwerf daarna ’n BA en BA honneursgraad in Ontwikkelingsadministrasie aan die Universiteit van Stellenbosch. Sy is in 1981 met Deon Adriaanse getroud. Hulle het vir drie en ’n half jaar in Giyani (Limpopo) gewoon voordat hulle weer in 1985 hulself in die Kaap gevestig het. Sy verdeel tans haar tyd tussen Botswana en die Boland. Haar eerste boek, Die wingerd sal weer bot, verskyn in 2000 by Lapa-uitgewers onder die skrywersnaam Wilmine Burger. Haar bekendste boeke is Rebecca (2004), Met ander woorde (2006), Die boek van Ester (2008), Vier seisoene kind (2010) en Dubbelspel (2014). Sy het haar MA-graad in skeppende skryfwerk aan die Universiteit van Kaapstad voltooi, en daaruit spruit haar roman 'n Klein lewe (2012). Sy verdeel tans haar tyd tussen Botswana en die Boland,

Het jy geweet?

Sy het om middernag op 31 Desember 1999 (in die Switserse Alpe) besluit om skryf haar Nuwejaarsvoorneme te maak. Sy het in 2000 begin skryf en haar eerste boek het in 2001 verskyn.

Reviews

[Kedooms · Rating 5 out of 5]

I still read this book repeatedly! One of the Afrikaans books written in the last 20 years 😉

[Jana Van Breda · Rating 5 out of 5]

Lekker Lees op sy heel beste!!

[Loraine · Rating 3 out of 5]

Nie vir my nie. Irriterende kinderagtige hoofkarakter.

[Yvette · Rating 5 out of 5]

Moenie n boek op sy rugkant klassifiseer. Hierdie storie is veel meer as 'n romanse dit vertel van Rebecca se soeke na geluk en om te behoort.Niemand is 'n eiland.Julian en Rebecca,alhoewel hulle van verskillende agtergronde kom smag hulle na aanvaarding en om lief gehê te word.

[Biate · Rating 5 out of 5]

Een van die heel beste stories in Afrikaans. Humor, Sexy, Liefde en 'n Happily Ever After. Wat meer wil mens dan nou he?

[Heleen Van Zyl Maritz · Rating 4 out of 5]

N lekkerlees boek vir wanneer jy wil afskakel. Lees lekker vinnig en dis oulike karakters. Wilna Adriaanse skryf die storie so dat jy saam met die karakters leef.