ილია ჭავჭავაძისა და ნოე ჟორდანიას პოლემიკა

by Sergo Ratiani, სერგო რატიანი

1900 წელს გაზეთ „კვალში“ ნოე ჟორდანიას სახელით გამოქვეყნდა წერილების ციკლი – „პრესა“. წერილები ეხებოდა ქართული პრესის ისტორიას: ახალი დასი, განსხვავებული მსოფლმხედველობის მქონე თაობა, აფასებდა თერგდალეულთა მოღვაწეობას. როგორც თავად ნოე ჟორდანია წერდა, იმ „მიმართულების მეთაური“, რომელთანაც მას ჰქონდა პრეტენზია, ილია ჭავჭავაძე იყო. აქედან გამომდინარე, ქართული სოციალ-დემოკრატიული მოძრაობის ლიდერის მთავარი სამიზნე „ივერია“ და, შესაბამისად, მისი რედაქტორი, ილია ჭავჭავაძე გახდა. ჟორდანიას მიერ გამოთქმულ პრეტენზიებს მოჰყვა ილიას პასუხები „ივერიაში“.
ილია ჭავჭავაძესა და ნოე ჟორდანიას პოლემიკა, როგორც ლიბერალიზმსა და სოციალიზმს შორის იდეოლოგიური კამათის ნიმუში, თანამედროვე საქართველოს აზროვნების ისტორიის უმნიშვნელოვანესი მოვლენაა. შესაბამისად, ჩვენი აზრით, უნდა არსებობდეს პოლემიკის გაერთიანებული გამოცემა.
საპოლემიკო წერილების შემდეგ, მკითხველს საშუალება ექნება, მოცემულ თემაზე გაეცნოს ილიას იმ წერილების ციკლს, რომელსაც ჟორდანია ეხება, ხოლო ილიამ უპასუხოდ დატოვა.
კრებულს დაასრულებს ილიასა და ჟორდანიას პოლემიკის ძირითადითემებისა და იდეების გენეზისის გამოკვლევა.

472 pages, Paperback

Published January 1, 2022