لغز الحضارة المصرية

by سيد كريم

Genres: History

399 pages, Paperback

Published January 1, 1996

About the author

كان حلم الشاب سيد كريم دراسة الهندسة الميكانيكية فى حين أراد والده الوزير المهندس فهمى كريم أن يدرس العمارة، وأنتصرت أرادة الأب ليصبح هذا الشاب من أعظم معمارى العالم وخبير تخطيط المدن فى اليونسكو ورائد العمارة الحديثة في الشرق الأوسط، وكان صاحب فكر ورؤية سابقة لزمانه خاض بسببها معارك كثيرة، ولكن روح المناضلة صمدت لأثبات وجة نظره التى أثبت الزمان صحتها بمشروعه لتخطيط القاهرة الكبرى الذى تم منذ خمسون عاماً، والذى بدء تنفيذه الآن فى أواخر القرن العشرين بعد أن تفاقمت مشاكل القاهرة.

ولم تكن العمارة إهتمامه الوحيد فقد كان عاشق لمصر الفرعونية ولازم أستاذه ووالده الروحي وصديق والده العلامة سليم حسن الذى تلقى منه حقيقة وأسرار تاريخنا المصري، وتعلم الهيروغليفية وقضى سنين وراء الحقيقة في متاحف العالم، وكل ما كتب عن التاريخ المصري ليكتشف مدى الظلم الواقع على تاريخنا، ويدخل معركة جديدة ليصحح هذا التاريخ بالمستندات والندوات والمحاضرات.

هذه الاهتمامات العلمية لم تمنعه من حبه للفن والأدب والموسيقى فكان صالونه الشهير منذ الخمسينات وحتى رحيله يجمع فيه صفوة المجتمع من المفكرين والباحثين و الفنانين.

حقا إنه إيموحتب القرن العشرين وما يليه.

Reviews

[Mohamed · Rating 5 out of 5]

دكتور سيد كريم ، ببناء معماري فني
لا يقدم لك الحضارة المصرية القديمة من منظور تاريخي
رقمى ممل كما إعتدنا ، وإنما يقدم لنا سحر تلك الحضارة
وأسرارها ، كتاب رائع يجعلك تشعر بالفخر
أنك حفيد تلك الحضارة العظيمة
وبالخزي أنك لم تتعلم منها شيئا سوي التفاخر
إن كنت مصري أو غير مصري ستجد فى هذا الكتاب
ما يجعلك تنبهر من تلك الحضارة التي وصلت لأبعد الحدود
من قصة القارة المفقودة أطلانتس وحتي تأثر حضارة الأنكا بالأهرام المصرية
سيجعلك تتساءل هل عبر المصريين القدماء بحر الظلام كما كانت تسميه أوربا
فى عصور الظلام - المحيط الأطلنطى
وهل وصل المصريين القدماء لأمريكا قبل كولومبس بمئات بل ألاف السنين

فقط إقرأ وإستمتع بهذا الكتاب

[Mahmoud Salem · Rating 4 out of 5]

كتاب لغز الحضاره المصريه ... سيد كريم ... 404 صفحه ... سنه 1996 
كتاب حلو انا بحب اقرا كتب التاريخ والكتب الي بتحكي قصص واقعيه عن الروايات او مفيش تفضيل بينهم بحب الاتنين عادي بس بيشدني التاريخ الحقيقي اكتر ... بس في مشكله في طريقه كتابه الكتاب ده مقسم الصفحه نصين بالطول وبيكتب نص ونص مش فاهم ليه حاجة غريبه وبتضايقني اكتر لاني بقرا من تلفون فكل شويه انزل تحت وارجع اطلع تاني بس يعني شويه وهتعود عليها تاني حاجة انو طويل اوي ٤٠٠ صفحه محشييين كلام هلي اخرهم هاخد وقت علي ما اخلص الكتاب ده 
بس الحضاره المصريه طلعت اكتر من ٧٠٠٠ سنه زي ما الناس بتقول تعتبر ضعف المده تقريبا من ١٤٠٠٠ سنه .. طب علي كده زمن البشر علي الارض من ١٠٠٠٠٠ سنه زي ما بيقولو بقا ولا ايه الموضوع كبير اوي الواحد دماغو بتسيح بس بحب المواضيع دي
بس انا اظن من وجهه نظر شخصيه ان الملوك ال كانو بيدعو لتوحيد الاله دول كانو بيدعو للدين الحقيقي الي هو الاسلام بس باختلاف المسمي لانو نفس تعاليم الاديان السماويه بكل اشكالها واكيد كان فيه رسل في وقتهم برضو بس مش مذكورين في القرآن لان كده كده الاسلام نازل مع سيدنا ادم اول البشر واكيد كان بيوصل لكل البشر بس بيحصل تحريف او كفر وبيرجع تاني انو حد يحاول يرجع الناس للدين الحق عشلن كده حاسس ان دين الفراعنه هو كان دين الاسلام بس مع الوقت اتحرف برضو زي المسيحيه واليهودية ..
بيتكلم كمان عن قاره اطلنتس المفقوده من الكلام ده باين انها حقيقه مش اسطوره زي منا كنت فاكر كل الحضارات القديمه اتكلمت عنها الازتك والمايا والاغريق بجانب الفراعنه وحتي رهبان التبت ده يدل علي انها اكيد كانت موجوده بس عجبني كميه الابحاث والبحث الي حصل عنها العلماء دول لما بيقفشو في حاجة مش بيسيبوها 
بس مكنتش اعرف ان تقسيم السنه بالدقه دي سواء شمسيه او قمريه وحتي اليوم بالساعات والثواني كمان كان من زمان اوي كده والفراعنه هما الي اخترعوه فعلا لا انا بدأت اصدق فعلا ان الفراعنه جايين من مدينه اطلانتس المفقوده وجايين بعلمهم ومعرفتهم جاهزين
الهرم الاكبر ده اكبر لغز في تاريخ البشريه فعلا انا اتوقع بنسبه من ٩٠ الي ٩٩ في الميه ان الهرم ده اتبني باستعمال السحر مفيش تفسير تاني وبجد كميه الأرقام الفلكية المتعلقه بيه تدل علي ان الي بناه كان عندو علم بالرياضيات الكونيه زي ما بيقولو وكان مرصد فلكي بجد في الاول بس الكسوه الي عليه دي كانت هتفك كتير من شفرات الهرم لو كانت لسه موجوده للاسف فصل الهرم الاكبر ده اكتر فصل دماغي ساحت فيه اكتر من فصل السحر حتي الي كنت فاكر انو هيبقي اكتر فصل غامض ولكن الهرم اكثر غموضا
الاسكندر الاكبر .. وكليوباترا .. برضو فصول حلوه شيقه مش زي الفراعنه ولكن فصل في تاريخ مصر .. بس الاسكندر الي كان فعلا اسطوره ولو وجدو المقبره بتاعتو هتبقي اكبر اكتشاف اثري في العصر الحديث 
كمان هيتكلم عن فرعون موسي يعني فصل حلو بيتكلم عن الحقيقه والخيال في قصه اليهود بس برضو منقدرش نسلم بكل حاجة في الكتاب هو الكلام مقنع بس اي حاجة في الدين بالذات مبحبش اسلم نفسي كده لاي حاجة وخلاص بس حلو ...
يعني انا اول مره اعرف ان قناه السويس دي برضو تفكير وتنفيذ فرعوني انا كنت فاكر انها لما اتعملت في العصر الحديث دي  كانت اول مره حد يفكر فيها والانجليز هما الي عملوها بس برضو الفراعنه كان ليهم السبق اساطير فعليه 
الفراعنه وامركيا يعني هما الي اكتشفو وسكنو امريكا كمان ده الفراعنه دول مكنوش عاتقين
بس ده يتوافق مع النظريه الي بتقول ان بدايه البشر عامه كانت في افريقيا وبعدين بداو بالانتشار يعني صح 
دااامن عصر الاضمحلال ده عصر مثير للاهتمام جدا والشيوعية كمان مثيره جدا للاهتمام مش فاهم طالما هي نظام فاشل كده ازاي استمر وجودو ولسه فيه منو لحد الان وكمان بقا نظام ناجح الي حد ما في روسيا والصين مش اوي يعني بس اهو موجود .. يعني كمان المصرين هاجرو للجزيره العربيه وهما الي جابو التماثيل ايليت وايزيت ومني واتحرفت بقت اللات والعزي ومناه 
كلام الكهنه في البرديات عن الثوره كلام عميق وفلسفي بطريقه فظيعه بس تكرارو كان ممل نهايه الفصل ده كانت ممله شويه بسبب تكرار الكلام بتاع البرديات 
الاعياد ... تقريبا مفيش حاجة بتتعمل في الدنيا الا والفراعنه هما الي اخترعوها وعمولها الاول من التقويم لعيد رأس السنه لعيد الام حتي التحريف الي حصل في المسيحيه كان  بتاثير من الاساطير المصريه والثالوث المقدس 
الفراعنه والرياضه ... كما قال المؤرخين والفلاسفه عن مصر ... لا جديد تحت الشمس ... حرفيا لا جديد عملو كل حاجة 
تحوت ولغز المعرفه ... يعني بعد ما كنا اكبر واعرق واعلم حضاره بسبب حريق الاسكندريه وفقدان كل المتون والكتب والبرديات فقدنا هويتنا وبقينا عبيد ومستعمرين كل الفلاسفه والعلماء من الخارج جم خدو العلم والفلسفه والحضاره لبلادهم وصدروها علي انهم مهد الحضاره واندثرت قيمه مصر علي مر العصور التاليه لحد ما رجع البحث في حضارتها تاني ولكن بقي كل الي حصل وكان مجرد كلام وتاريخ معدش فيه أفعال تاني بقت بلح خالص صباح البتنجان 
بس بعيدا عن اي حاجة كتاب حلو جدا جدا جدا يعني سواء كان كل الي فيه حقيقي او لا فهو كتاب شيق معلومات مثيره جدا وكتيره بس قراتو وتم ✅

[Researcher · Rating 1 out of 5]

الكاتب شغوف بالحضارة المصرية لكنه لم يتحر الدقة في كثير من المعلومات التي كتبها، ففي صفحة ٥٤ التي قررت عندها التوقف عن القراءة، يصف متون الأهرام بأنها نصوص في برديات عثر عليها في تابوت الملك منقرع بينما هي منقوشة على جدران أهرامات في سقارة ..وفي صفحة ٥٢ يقدم معلومة أخرى غريبة عبر رسم يصف نفتيس بأنها تمثل السيئات وإيزيس الحسنات..لذا لا أنصح بقراءة هذا الكتاب.