ناقص حتة

by علي سلامة

شعر عامية
عارفه يامه
النهاردة بقيت بخاف بجد
بخاف من أي حد
و من أي حد
بخاف غصب عني
أتخبط ف حد
لحسن يعملي محضر
ويطلب تعويض
مشيت كتير يامه
بس الفرح لسه بعيد
ياترى لسه بتدعي لي؟

Genres: Poetry

160 pages, Paperback

First published January 1, 2009

About the author

شاعر مصري تميز شعره بالبساطه والعفويه
ولمس المشاعر ومناقشة القضايا فى واقعنا
وقدمت بعض اعماله غنائياً مع الفنان محمد منير ووجيه عزيز
وأصدر ديوانه الأول بعنوان" ناقص حتّه"

ولد وتربى
فى حى السيدة زينب بمصر 1960
درس الهندسة لكنة كان يتردد على قصر
ثقافة الغورى
مما ساعد على تكوين موهبتة الشعرية
هو لا يدعى أنة من شعراء المعلقات
أو أنه من اعظم شعراء هذا العصر
, لكنة يدعى انة مواطن شاعر
شاعر بالابيات
شاعر بأحاسيس المواطن.


احيانا يظهر الاكتئاب والحزن
واحيانا يظهر التفاؤل والامل
ابتسامة دهشة
إعجاب تساؤل
كلها ردود أفعال قد تراودك
عندما تقرأ قصيدة واحدة لعلى سلامة.


تأثر على سلامة فى شعرة بصلاح جاهين
وبديع خيرى
وبيرم التونسى

Reviews

[BookHunter M ُH َM َD · Rating 3 out of 5]

ناقص حته

وكل ما أوزن

ألاقي لسه

ناقص لي حته

أحط حته

تقل حته

وأجيب قميص

تضيع چاكته

وأعيش لي ساعة

يفوتني سته

وكل ما أوزن

ألاقي ناقص

أقول بناقص

لو هي حته

أتاري لسه

ولسه تاخد

سنين وحته

وحاجات تسيبني

وحاجات تاخدني

لحاجات تخبط

في كل حته

وأقول ها نفرح

في يوم

ها نفرح

ويوم ما نفرح

علي الله

يفضل في القلب حته.

[Hossam · Rating 4 out of 5]

وكل ما أوزن ....
ألاقي لسه ....
ناقص لي حته ...
أحط حته .....
تقل حته .....
وأجيب قميص ..
تضيع چاكته ...
وأعيش لي ساعة ..
يفوتني سته .....
وكل ما أوزن ...
ألاقي ناقص ...
أقول بناقص ..
لو هي حته ..
أتاري لسه ...
ولسه تاخد ..
سنين وحته ...
وحاجات تسيبني ..
وحاجات تاخدني ...
لحاجات تخبط ...
في كل حته ....
وأقول ها نفرح ..
في يوم ...
ها نفرح ....
ويوم ما نفرح ..
علي الله ...
يفضل في القلب حته

[Enas Yahia · Rating 4 out of 5]

ومعرفش ليه تنحت للدنيا كده
فجأة لقيتني مسكون بالملل
لا عندي رغبة ف البكا
ولا في الكلام
ولا عايز أنام
ولاحتى بسأل : إيه ؟ دا ليه ؟
وآخرتها ايه ؟
وإيه العمل ؟
واخاف أقول لأي حد
أحسن يقوم يقلبها جد
حد صاحبي ينزعج
يمد ايده جوا قلبه من باب الكرم
عشان يشاركني الألم
أو يستلفلي م اللئيم حبة أمل
حالة كده
لا معاها ينفع كلمتين ولا غنوتين
ولا لقطة من ألبوم صور

[Afaf · Rating 4 out of 5]

وكل ما أوزن ....
ألاقي لسه ....
ناقص لي حته ...
أحط حته .....
تقل حته .....
وأجيب قميص ..
تضيع چاكته ...
وأعيش لي ساعة ..
يفوتني سته .....
وكل ما أوزن ...
ألاقي ناقص ...
أقول بناقص ..
لو هي حته ..
أتاري لسه ...
ولسه تاخد ..
سنين وحته ...
وحاجات تسيبني ..
وحاجات تاخدني ...
لحاجات تخبط ...
في كل حته ....
وأقول ها نفرح ..
في يوم ...
ها نفرح ....
ويوم ما نفرح ..
علي الله ...
يفضل في القلب حته

[Islam el hadary · Rating 5 out of 5]

عم على السهل الممتنع كلامه بيدخل القلب بسرعه جدا
طبعا الديوان تحفه جدا ومن افضل ما قرأت ان لم يكن الافضل
منتظرين المزيد يا عم على






سايبة الجراح ليه تهدني ..
إيه فيكي تاني يشدني ..
ده أنا اللي حبي عززك
وإنتي اللي عشقك ذلني ..
لسه يا حلوة بتسألي ..؟!
بتحبني ..
نفسي اشتري
شبرين في حضنك وارتوي ..
فكرك مسافرأغتني ..
خدي اللي حيلتي
الهدمتين والقرشينات ...
بس استري عرض البنات ...
لو حسنا علي دمنا
في قلوبنا مات ...
لو بكرة فات ...
وإحنا بياكلنا السكات ...
كل الأماني الممكنة ...
تبقي يا دوبك
دمعتين ..
فوق صورة باهتة ملونة ..

[منار هانى · Rating 4 out of 5]

http://manar-ahmed-hany.tumblr.com/ta...

بعض الاقتباسات من الكتاب

[Rasha · Rating 5 out of 5]

كان نفسي أقول غنوتي
ناعمة رومانسية
طلع الكلام ناشف
كاشف هموم فيَّا
لا القلب نفس القلب
ولا الحياة هيَّ

***********
على سلامه) ببساطة عبقري)

[Amr Mohamed · Rating 3 out of 5]

على سلامة من فترة مسمعتش ليه حاجة من ساعة حلقته الرائعة مع وجيه عزيز .
على سلامة لما تقرأ شعره بتضحك لكن فى نفس الوقت حزين او عايز تعيط
اغلب القصائد سمعتها منه من فترة طويلة من كام سنة, لكن اول ما لقيت الديوان اشترته كان نفسي افتكرها :)

قصيدة حزن طيب

كان فيه زمان..
منطقة وسطي
فيها الطبيب..
وفيها الأسطي
والعيشة دايرة ومستورة..
من غير دفاتر في البوسطة..
وعيال بتكبر بالراحة..
من غير لا هم..
ولا جراحة..
والناس بتضحك مرتاحة..
وبيوت تعمر أوي وتعيش..
والحب باصص م الشبابيك..
فاتح الإزاز..
وموارب الشيش..
وع السطوح..
كام فرخة وديك..
وحزن طيب مابيئذيش..
هي المنطقة دي راحت فين؟
معقول خلاص..
بح..
مافيش.

قصيدة مرايا

مرايا ..
قلت أبص ف المرايا ..
يمكن أكون إحلويت ..
فضلت داير أبص ..
مخلتش ولا مرايا
ف البيت ..
في الحمام ف الأودة
ف دولاب ..
أو متعلقة ع الحيط ..
شوفت ..
سكت شويه ..
وبعدين إتخضيت ..
معقول أنا قضيت العمر ده كله ..
وزي ما روحت زي ما جيت ..
معقول أنا عمري مافكرت
ولا إتغيرت ولا حبيت ..
وإزاي ساكت علي روحي ده كله ..
وليه إستنيت ... !
يا ريتني ما كان عندي مرايا ..
وياريتني ما بصيت ..

قصيدة واحنا لسا فى ابتدائي

وسط أوراقى القديمة

اللى لسه منها باقى..

شفت صورتى بين زمايلى..

واحنا لسه فى ابتدائى..

الوشوش كانت بسيطة

طاهرة لكن مش عبيطة

نرسم الأحلام خريطة

فى قلبها نقطة تلاقى

هو صاحبى

لما كان فى الدنيا صاحب

أما دول كانوا جيرانى

كل واحد فينا حقق

جزء من بعض الأمانى

أما دى الشاطرة البليدة

العنيدة أم الضفاير

تبقى حبى الأولانى..

أد إيه حزنت عليها

لما راحت فصل تانى..

ما احنا كنا تخته واحدة

فى تانيه تالت..

مرة قلت..

وهى قالت..

لما مدت إيدها شالت..

دمعة وقعت غصب عنى

جوه كراسة الحساب..

كنا لسه صفحة بيضة فى الكتاب..

الوشوش كانت بسيطة..

طاهرة لكن مش عبيطة..

نرسم الأحلام خريطة..

فى قلبها نقطة تلاقى..

واحنا لسه فى ابتدائى..

Merged review:


ناقص حتة

وكل ما أوزن
ألاقي لسه
ناقص لي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته

وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته

وحاجات تسيبني
وحاجات تاخدني
لحاجات تخبط
في كل حته
وأقول هنفرح
في يوم
هنفرح
ويوم ما نفرح
على الله
يفضل في القلب حته

ناقص حتة بصوت وجيه عزيز

عارفه يامه

عارفه يامه

انا حاسس ان الموت

ماخدتش منك غير الطرحة

والجلابيه السوده

ما انا كل ما اعدي جنب الاوضه

اسمع صوتك

وانتى بتضحكى ع الدنيا

وبتدعي لى

روح.. ربنا معاك

هتسافر

وهترجع مجبور الخاطر

وهستناك

طب اسندى على كتفى

بكره تقومي

بكره تخًفى

عارف مين بيقع ويقوم

اوعى تدور ع الدفا

فى فلوس وهدوم

ومتنساش تحوش شويه اصحاب

وافرح اوى لما يدق الباب

وتلاقى حد بيحضنك

لوجه الله

[Lamia Muhammed · Rating 5 out of 5]

ولما نعشق بنغنى ..
ولما نبكى ليه بنرتاح
وليه الألم بيفكرنا
إن إحنا لسه بنى آدمين ..
وساعات نعدى كده ونفوت ..
ونشوف حاجات جوانا بتموت ..
ونكمل اليوم قال يعنى
أصل إتلخمنا ومش شايفين ...
إلا إحنا كنا زمان أطفال
فينا براءة وفينا حنين ..
هو إحنا روحنا بجد مدارس
وخدنا فى العربى وف الدين ..
وكان فيه حصة رسم كمان
وكنا نحلم بالألوان ...
وكنا نحضن بعض بجد
أصحاب أوى وقريبين ..
لو حد يعرف بس يقول ..
هو إحنا صح كده على طول ...
ولا إحنا توهنا ومش عارفين ..
هو الطريق ده رايح جاى ...
ولا اللى راحوا...
مش راجعين ...

[مصطفي سليمان · Rating 3 out of 5]

مفيش كلام كتير يقال يعني
اغلب الشعر كنت قريته قبل كدا
ساحر زي ما هو
وكمان وجيه عزيز لحنه وغناه
ف هجي انا واقول ايه معلش يعني

الاسهل
اتفرجو واسمعوا استمتعوا

http://www.youtube.com/watch?v=GHCmSf...

[إلهام مزيود · Rating 4 out of 5]

وإحنا لسه في إبتدائي


وسط اوراقى القديمة

اللى لسه منها باقي

شوفت صورتى بين زميلى

و احنا لسه فى إبتدائي

الوشوش كانت بسيطة

طاهرة لكن مش عبيطة

نرسم الأحلام خريطة

فى قلبها نقطة تلاقي

هو صاحبى

لما كان فى الدنيا صاحب

اما دول كانوا جيرانى

كل واحد فينا حقق

جزء من بعض الأمانى

أما دى الشاطرة البليدة

العنيدة أم الضفاير

تبقى حبى الأولانى

أد ايه حزنت عليها

لما راحت فصل تانى

ما احنا كنا تختة واحدة

فى تانية تالت

مره قلت

و هى قالت

لما مدت ايدها شالت

دمعة وقعت غصب عنى

جوه كراسة الحساب

كنا لسه صفحة بيضة فى الكتاب

الوشوش كانت بسيطة

طاهرة لكن مش عبيطة

نرسم الأحلام خريطة

فى قلبها نقطة تلاقى

واحنا لسه فى أبتدائي

[Che Muhammed · Rating 4 out of 5]

القصايد طالعة صادقة جداً .. بحرفية شاعر بقلب طفل .
سهل مُمتنع و مُمتع جداً .
على سلامة ماينفعش يقعد من غير كتابة طول الفترة دى

[ياسمين Thabet · Rating 5 out of 5]

علي سلامة
وشعره
وقلوبنا الموجوعة
بتتكلم في حروفه

[Ayman Badr · Rating 4 out of 5]

الكتاب ممتع جداً و متنوع, تحسه حد حاسس أوي و بيتكلم معاك اكتر من انه ديوان شعر
على تلقائي جداً وده اللي وقربه من الناس و مبعده شوية عن الشعر
في النهاية الكتاب تجربة لا بد منها و لازم كمان يتقري من وقت للتاني
و مستنين كتابك التاني :)

[Amr Raouf · Rating 4 out of 5]

مستوى متميز للشعر بالعامية معظم القصائد اعجبتنى و
بعضها رائع

على سلامه شاعر عامية مهم غير معروف للكثيرين بالرغم من موهبته
.....كتاب يستحق الاقتناء

[Mohamed Badawi · Rating 5 out of 5]

تتأملة وكانه كتاب كتب بلغة فصحي عميقة
لما فية من أفكار مبتكرة وأحاسيس صادقة

[Mohamed · Rating 5 out of 5]

عارفه يامه
النهاردة بقيت بخاف بجد
بخاف من أي حد
و من أي حد
بخاف غصب عني
أتخبط ف حد
لحسن يعملي محضر
ويطلب تعويض
مشيت كتير يامه
بس الفرح لسه بعيد
ياترى لسه بتدعي لي؟

[Michael · Rating 4 out of 5]

وسط اوراقي القديمة ..
اللي لسة منها باقي
شفت صورتي بين زمايلي
واحنا لسة في ابتدائي
الوشوش كانت بسيطة
طاهرة لكن مش عبيطة
ترسم الاحلام خريطة
في قلبها نقطة تلاقي !!
القصيدة دي من بساطتها وعمقها وصدقها بتئسرني .. الله عليك :)

[Sara · Rating 4 out of 5]

وبرضه "علي سلامة" أكتر شاعر عامية تلقائي
بيحس بالكلمة أوي
واللي من القلب لازم يوصل القلب <3

[Angel Blue · Rating 5 out of 5]

شعر عامي جميل بإسلوب جميل جدآ تحس وانتا بتقراه إنه بيحكي عنك عن حاجة جواك او حصلتلك اوي عايش معاها......

[Dina]

راااااااااااااااائع

[eman · Rating 5 out of 5]

معظم القصائد قرأتها قبل أن أقتنى النسخة
أحب على سلامة كثيرا
أحس انى قريبة من كلماته جدا
من أجمل القصائد:
عارفه يامه
على باب السفارة
أنا المواطن:نقط نقط نقط
زى الجن
وناقص حتة طبعا
حالة كدة" عبقرية وياسلام لو سمعت على سلامة وهو بيلقيها"
ملحوظة أخيرة ::الغلاف تحفة

[Mohamed Abdelsttar · Rating 4 out of 5]

الرائع الجميل البسيط عم علي سلامة
أغلب القصائد قريتها اكتر من مرة علي الفيس
رغم كده كنت سعيد بقرائتها تاني
الغلاف رائع جدا

[Alaa · Rating 5 out of 5]

فجاة لاقتني مسكون بالملل :(

[ِAhmed Ghalap]

للاسف مطلعش بالمستوي اللي كنت متوقعه !!!

[Mostafa Ahmed · Rating 5 out of 5]

قلت له: اديني شوية فرح
وابقى عيل لو قلتلك مش عايز
ــ
طب ليه
كل ما اروح في حتة واسأل سؤال
يقولولي: جايز
يمكن
احتمال
ـــ
تقريبا كنت سمعت كل القصايد او قريتها ماعدا اتنين او تلاتة
وحاجات حافظها كمان
وفي حاجات ماعرفتش اقراها عشان في ودني اغنية وجيه عزيز ليها
كنت دورت عليه كتير زمان.. لقيته النهاردة بالصدفة ع الرصيف
ـــ
قلبي بيدق بمزاجه - رسم قلب - صالة السفر - علي باب السفارة - وسط البلد - مصر والكاميرون
بعد إذن حضرتك - بوابة تفتيش - ختم دخول - حالة كده - ناقص حتة

[Mohammed Youssef · Rating 2 out of 5]

الديوان فكرني ببدائيات جاهين والأبنودي ونجم لما كانوا بيحشروا الكلام بالعافية ويدعموه بالقافية والناس كانت بتقرا وبتعجب بكلامهم ودا نتيجة لإن العامية الشعرية وقتها كان دا أقصى مداها وكانت الشاعر مجبور بالإلتزام بالقافية لكن القافية اللي في نصابها الصحيح مش مجرد كلمات شبه بعضها زي ماهو
!في الديوان ده

..

الطابع العام على الديوان: القافية لمجرّد القافية وكتابة القصيدة لمجرّد كتابة القصيدة وحشو لأبيات شعرية وجودها غير ضروري للقصيدة زي ماهو موجود في قصيدة على وزن عبيطة

..

فيه نوعين من الشُعرا، شاعر يُقدم كل ما عنده وشاعر يُقدم أفضل ما عنده وللأسف
الديوان ده قدّم فيه "علي سلامة" كل ما عنده

..

!أعجبني في الديوان 12 قصيدة فقط من مجمل قصائده الأكثر من 60 !، جايز لكرهي الشديد للقافية لمجرّد القافية

أو لإن القصايد فعلا مجرد حشر للكلمات
..

لكن اتضح لي أن علي سلامة مسموعًا أفضل من مقروءًا -بالنسبة لي- في الديوان دا بالذات

!وعلى الأخص في ال 12 قصيدة

[محمد شعبان · Rating 4 out of 5]

ديوان راااااااااااااائع جدا وقبل قرائته كنت متقع أن يكون بهذه القوة والبساطة الممتنعة التى تدل على موهبة هذا الرجل بالفعل فى إنتقاء الأفكار والكلمات ولكن مع تحفظى على أنه شعر لأن أعتقد أنه غير موزون على بحور وأوزان محددة ولو كان هكذا فبالتالى هو يخرج عن نطاق الشعر .. ولكن بغض النظر هو رائع ويستحق القراءة جدااااااااا وأكثر من مرة للإستمتاع فى كل مرة

[Asmaa · Rating 4 out of 5]

هى القلوب بتتغسل زى الهدوم ؟
وازاى بتغرق فى الغرام وازاى تعوم ؟
وازاى بتبقى طوق نجاة وبتبقى شط !
وازاى بتنخل الكلام !
وازاى بتعرف اى خط !
وازاى بترقص م الفرح !
وازاى بتقتلها الهموم !
وازاى بتبكى وتبتسم !
واشمعنى يعنى بتترسم فوق الشجر !
ساعات بتدبل فى الربيع
وساعات بتعشق فى المطر
ليه لما بتبطل غنا بنحس فعلا بالخطر !

[Adham Abozaeid · Rating 3 out of 5]

ساعات بحس في أشعاره إني بقرأ نثر... تحرره من قواعد الشعر ساعات بيفصلني.. بس الديوان في كام قصيدة هم اللي بالديوان كله.
طبعاً القصائد اللي غناها وجيه عزيز كانت مأثرة فيا جامد لدرجة إني كنت بغنيها و أنا بقرأ