غير قابل للكتمان

by محمد المشد

عندما تتكرر الأحداث الغريبة نعتادُهَا ثم تُصبِحُ طبيعية.
نغم ) تفقِدُ زوجها في ظروفٍ غامضة، تخلى عنها الجميع فقررت البحث بمفردها )
لكن الطريق يقودها لدخول غرفة التحكم في وعي الناس
ثم يطرأ حادث يقلب الأمور، تُتَهَم نغم بجريمة وبراءتها متوقفة على تخليها عن تَتَبُع أثر زوجها.

فهل يمنعنا المنطق والخوف من مواصلة الطريق لِمَا نريد؟
هل هناك مخرج من متاهة صُنِعَت لأجلنا؟
وماذا لو منحتك الحياة سِرٌ فيه نجاة الناس،
ومقابل ذلك ستدفع الثمن من راحتك وعمرك،
وقتها هل ستكتم سرًا غير قابل للكتمان؟

200 pages, Paperback

First published January 27, 2022

About the author

محمد المشد
مؤلف ومقدم برامج تليفزيونية
تخرج في كلية الآداب قسم صحافة
حصل على المركز الأول في كتابة القصة القصيرة
من جامعة عين شمس عام 2012
كتب وقدم برامج الأطفال مثل ( عيد - بيحبنا وبنحبه - حبات اللؤلؤ )ا
كتب حلقات الأطفال لبرنامج الإعلامي / شريف مدكور
كما أعد وقدم البرنامج الوثائقي " بلاد الكنانة "2017

:رواياته

عَرَفتُ الله بِحُبِك 2017
أحبَبْتُ لاجِئة 2018
بطلة كل حكاياتي 2020
غير قابل للكتمان 2022
جريمة عاطفية 2024
الأرض التي ملكت قلبي 2025
آخر عروس للنيل 2026

Reviews

[Mariam Ahmed · Rating 5 out of 5]

رواية عظيمة بكل ما تحمل الكلمة من معني بجد كمية القضايا و التفاصيل اللي ذُكرت في الرواية تدل علي عظمة الكاتب في الاول و علي مدى تعبه في كتابتها بالطريقة دي بجد رواية لو نفذت علي ارض الواقع هنلاقي تغيير كبيير جدااا في العالم و الوطن العربي بالاخص بجد الرواية فتحت دماغي و خلتني افهم حاجات كتيير بشوفها مكنتش اتوقع ان ورارها كل دا و الشخصيات اللي في الرواية موجوده و بنشوفهم كل يوم في حياتنا اذا كان ابراهيم اللي طمع في الفلوس و ساب اكتر شخص حبه و استحمل عقدته و من نغم اللي رغم اللي حصل فيها مستسلمتش و اشتغلت و حققت انجاز كبيير اوووي بالنسبه لواحده كانت في بيتها مش بتخرج غير لما يكون حد معاها و شخصية الجد اللي تعب و كافح مع الجيش و زعله ان انجازاته دي حاليا مش بتتحكي للاجيال الجديدة و الشخصيتين اللي اكتر تأثر فيا شخصيا علاء و بدوي من ناحية صداقتهم و وقفهم جمب بعض اه كرهت بدوي شوية لما الفلوس كلت دماغه و انه كان مسؤول عن التطبيق اللي الشركة عملته من غير ما يحس بأي تأنيب ضمير و انه عارض صاحبه في حاجات و يقول مبررات يمكن من وجهه نظره تكون صح بس اللي عمله بعد وفاه صاحبه خلاني اتأكد ان مهما الفلوس تعمي شخص اكيد في يوم هيرجع لو كان هو من جواها كويس كلامهم و افعالهم و حياتهم اللي شوفتها في الرواية اثرت فيا جامد
في اخر كلامي عايزه اشكر الكاتب العظيم محمد المشد اللي كل رواية بينزلها بتأثر فيا جامد عايزه اشكره علي تعبه و علي جهده اللي واضح اوووي في كل تفصيله و كل كلمة في الرواية بجد

[Sara Eissa · Rating 4 out of 5]

رواية غير قابل للكتمان ليست عملًا للترفيه بقدر ما هي صرخة وعي في وجه عالم فقد بوصلته. عمل أدبي جريء يضع القارئ أمام حقائق صادمة، ويجبره على مواجهة أسئلة أخلاقية وإنسانية لا يمكن الهروب منها.
يناقش محمد المشد في روايته قضايا شديدة الحساسية، بدءًا من تحكم منصات التواصل الاجتماعي في العقول، مرورًا بتيك توك وتجارة الجسد، وصولًا إلى القضية الفلسطينية ومحاولات طمسها وتشويه الوعي الجمعي تجاهها. كل ذلك يُقدَّم في إطار واقعي يجعل القارئ يتساءل مرارًا: هل ما أقرأه خيال أم انعكاس لما نعيشه فعلًا؟
ما يميز الرواية هو جرأتها وصدقها، فهي لا تجامل القارئ ولا تُلطّف الحقيقة، بل تعرضها كما هي، قاسية ومؤلمة. كما أن أسلوب الكاتب سلس ومشوق، والانتقال بين الأحداث مدروس، مما يجعل القراءة مستمرة دون ملل.
غير قابل للكتمان رواية تترك أثرًا داخليًا واضحًا، وقد لا تخرج منها كما دخلت. هي تجربة قراءة مختلفة، تفتح العين على واقع مخيف، لكنها في الوقت نفسه ضرورية لكل من يبحث عن الوعي قبل المتعة.
⭐⭐⭐⭐

[Mariam Sheham · Rating 3 out of 5]

الرواية بتمثل الصوت الي في دماغنا الي بيروح و يجي
الي يقولك "هو احنا متراقبين ؟" او "هي الناس دي ناوية علي أذيتي أنا !! طب انا مالي انا "
رواية بتتكلم عن ارتبطنا بالتليفونات و السوشيال ميديا و تأثيرها (تدميرها) ل حياتنا
كل فصل في الرواية يزيد تشكيك ل نفسك و يزيد قرارك ب انك هترمي تليفونك خلاص و مش هيتحكم بيك تاني
مع كل فصل كنت بقول ل نفسي "الشكوك دي كلها جوانا بس تعلقنا بردو ده مش طبيعي "
فيها حبكة من الاكشن و الدراما
خدعتني و افتكرتها مش النوع الي احب اقرأه علشان كده أجلت كتير اني اقرأها بس حبيتها في الاخر ❤

[MARIAM · Rating 5 out of 5]

200 صفحة كانت كافية و وافية
لسرد قضايا من اهم قضايا عالمنا الحديث و المخيف
فكرة تسرب أدق تفاصيل حياتنا للخارج، فكرة التحكم بأفعالنا و أيامنا و مصائرنا كالدُمي الخشبية
الأمر اكبر من مجرد تكنولوجيا، من مجرد حداثة وهميه تُضمر أكثر مما تظهر!
استغلال الروس العُظمي لألماس العقول الذين يعجزهم الفقر و يربط عليهم، التحكم شبه الكامل في العقول و النفوس البشرية و رغباتها غير المتناهيه.
أخافتني الرواية أخافتني جدًا بقدر ما أعجبتني.

تقييم : 5/5 ⭐ ⭐ ⭐ ⭐ ⭐

[Aya Osama (Sodfa) · Rating 4 out of 5]

فكره الرواية ثورية وحماسية .. الأحداث بقت أحلى وأسرع بداية من 00.6
كان في هدوء زيادة عن اللزوم في أول الرواية لكن نهايتها مرضية متوقعة نوعا ما لكن مفرحة ...
الأحداث واقعية جداً ... لكن النهايه آمنيه للكاتب وليا .. 🤲
"إنّ العتاب شرف كبير لا يستحقه الكثير، والنقاش هدية يجب ألا نعطيها لمن لا يستحق."

[Bassant El-KaDy · Rating 5 out of 5]

اكثر من رائع ف تسلسل الافكار وصولا للاهداف في اخر الروايه
مشكلتي البسيطه كانت ف سرد احداث بعض الاجزاء والتي بدت ليا كانها طفوليه بعض الشئ.. احسنت محمد المشد 👏

[Yousef Hussen Ays]

الاستاذ محمد المشد دي حاجة مش جديدة عليه انه يقدملنا عمل بالروعة دي، الرواية عجبتني جدا كفكرة وطريقة السرد واحداثها جميلة جدا، انا بهنيه علي الرواية دي ومستني الرواية الجاية

[Mirna Aboultaif]

تُعد رواية "غير قابل للكتمان" للكاتب المصري محمد المشد إحدى الروايات التي تتناول قضايا اجتماعية شائكة ومستوحاة من أحداث حقيقية. تحلل الرواية العلاقات الإنسانية وتعالج موضوع الكتمان وما يترتب عليه من صراعات نفسية واجتماعية، عبر حبكة مشوقة وشخصيات متعددة الأبعاد. تتبع الرواية مصائر أفراد ينتمون إلى الطبقات المهمشة، ما يجعلها مرآة تعكس واقعًا اجتماعيًا قاسيًا.
تتمحور الرواية حول فكرة الكتمان وأثره المدمر على الأفراد والمجتمع. تتفرع الحكايات لتشمل شخصيات من خلفيات مختلفة، حيث يؤدي الكتمان إلى ضياع فرص وحقائق كان من الممكن أن تغير مسارات حياتهم. تُبرز الرواية مآسي الشخصيات التي تتشابك حياتها في إطار اجتماعي مأسوي، حيث يعاني الجميع من الاغتراب النفسي والاجتماعي، سواء أبسبب الفقر، أم الماضي الغامض، أم الظلم المجتمعي. تتناول الرواية الصراعات النفسية: التركيز على أزمات الشخصيات الداخلية، خاصة بطلة الرواية "نغم"، والتفاوت الطبقي والظلم الاجتماعي: تصوير معاناة الطبقة الفقيرة في مواجهة السلطة، والواقع والأساطير: بين الواقعية الاجتماعية والمعتقدات الشعبية، مثل الإيمان بالأولياء والصراعات مع القدر.
الشخصية الرئيسة نغم تفقد زوجها إبراهيم فجأة، ما يدفعها إلى رحلة بحث مضنية تكشف من خلالها عواقب الكتمان. نغم رمز للمرأة القوية التي تواجه المصاعب بمفردها، لكن حبها الكبير يدفعها لتحدي المصير المجهول. نغم تحمل في أعماقها صراعات عاطفية، حيث تسعى للتصالح مع ماضيها القاسي وحاضرها المؤلم. هي الرابط الذي يربط الأحداث والشخصيات الأخرى، فهي المحرك الأساسي للقصة. أما إبراهيم فيمثل شخصية الرجل الذي يحمل سرًا من ماضيه، ما يجعله يهرب من مواجهة الحاضر. خلفيته كطفل نشأ في ملجأ تجعل منه رمزًا للحرمان من الأسرة والتوازن النفسي. إبراهيم شخصية معقدة تكافح للتأقلم مع مجتمع يرفض الاختلاف. اختفاؤه يدفع نغم إلى الكشف عن الحقائق المخفية، ما يجعل وجوده محوريًا رغم غيابه الفعلي.
بدوي وعلاء، الصديقان اللذان يمثلان الطبقة الفقيرة المنسية. يعيشان في دائرة من الإحباط والفشل، حيث تتشابك أزماتهما مع مشاكل نغم وإبراهيم. يجسد الصديقان نموذجًا للشباب المثقف الذي يفشل في مواجهة منظومة تفتقد العدالة. ويضيفان بعدًا اجتماعيًا للرواية من خلال تصوير معاناة الشباب العاطل.
وفي ما يخص الأسلوب الأدبي، يتميز السرد بالواقعية المفرطة، فينقل الكاتب القارئ إلى أعماق الشخصيات ومعاناتها. تتداخل الأصوات السردية، ما يخلق تنوعًا في الرؤية ويسمح بفهم كل شخصية بعمق. وفي الوصف تفصيل للأماكن والشخصيات ما يجعل القارئ يشعر وكأنه داخل الرواية. استخدم الكاتب الصور الحسية لنقل مشاعر الخوف، الحزن، والأمل. والحوار يعكس لغة الشخصيات، سواء أكانت لغة بسيطة تنتمي إلى الطبقات الشعبية أم لغة تعبر عن المثقفين. والحوار الداخلي يعزز من فهم أزمات الشخصيات النفسية.
بالنسبة للحبكة والأحداث فتبدأ الرواية بمشهد اختفاء إبراهيم، ما يُدخل نغم في رحلة بحث مليئة بالمفاجآت. يوضح الكاتب من خلال الأحداث الأولى كيف يؤثر الغموض والكتمان على العلاقة بين الزوجين. تدخل نغم في شبكة معقدة من البحث عن الحقيقة، ما يقودها إلى ماضٍ غامض يتعلق بزوجها. تكشف الرواية عن معاناة الفقراء الذين يتعرضون للظلم، مثل بدوي الذي يفقد مصدر رزقه بسبب قرارات تعسفية.
تكمن الذروة في مواجهة نغم للحقيقة حول ماضي إبراهيم، والكشف عن دور المجتمع في تكريس معاناة الشخصيات من خلال القهر الطبقي والفساد. يترك الكاتب النهاية مفتوحة، ما يعكس واقعًا غير منتهٍ للشخصيات. تحمل النهاية رسالة أمل ضعيفة في إمكانية تجاوز الأزمات، لكنها لا تقدم حلولًا نهائية.
الأفكار الرئيسة:
الكتمان كعائق للشفاء: تظهر الرواية أن الصمت عن الماضي يمنع الشخصيات من التصالح مع حاضرها.
الظلم الاجتماعي: ينتقد الكاتب منظومة تفتقر إلى العدالة، حيث يعاني الفقراء والمهمشون من القهر.
الأمل رغم الألم: رغم القسوة، تبقى الرواية تحمل بذور الأمل في تجاوز المحن.
تكمن الإيجابيات في تصوير واقعي يعكس صدق الكاتب في وصف المجتمع، وشخصيات متعددة الأبعاد تجعل القارئ يتعاطف معها.
أما السلبيات تظهر في ميل الرواية إلى الوصف المطول ما قد يبطئ من تطور الأحداث، والأجواء القاتمة التي قد تجعل الرواية صعبة على بعض القراء.

ختامًا، "غير قابل للكتمان" ليست مجرد رواية اجتماعية، إنها صرخة ضد الظلم والكتمان. يعبر الكاتب عن هموم الشخصيات بصدق، ما يجعل القارئ يعيد التفكير في قضايا الحرمان والاغتراب. الرواية تحفز على النقاش وتترك أثرًا عميقًا، رغم أجوائها الحزينة ونهايتها المفتوحة.

[Rabab Nabil · Rating 5 out of 5]

إعتدت دائماً علي كتابة 🖋 رأيي الخاص في أي رواية📖 ، تحديداً لو رأي إيجابي فبقدر أسرد في تفاصيله ، لكن عند هذة الرواية توقفت قليلاً ✋🏼

لم يمهلني الكاتب أو تمهلني الرواية الفرصة للبحث عن كلمات تعبر عن الصيغة المطلوبة فوجدتني متوقفة دون كلمات لذلك سأحاول بالعامية لإنها الأقرب لي .

من البداية أتعودت القراية بعين الباحثة والناقدة من تزامن الأحداث و السرد والأخطاء وكمان توقع نقلة الأحداث وتغيير مسارها وتوقع النهاية اللي هيحطها الكاتب بس الكاتب ضرب بتوقعاتي عرض الحائط في نقطتين ✌🏼
الأولى نوعية الرواية والتانيه خط سير الأحداث والنقلات حقيقي مفاجأة ودا هيخليني أعلق برأيي عليها في نقط بعينها وإن كانت طويلة فعذرا للاطالة .

1_ المقدمة (ربما أغلب الأشياء التي نكتمها نظلمها أو تظلمنا).🃏

ودا واقع كلنا مرينا بيه من طفولتنا لحد شبابنا مين فينا خاف يجاوب علي سؤال تطلع أجابتة غلط فكتمها رغم إنها كانت ممكن تبقى صح🤔 ، مين فيا موش كان بيتمني يدخل مدرسة أو كلية بعينها وقدام طموح الأهل ورغبتهم كتم رغبتة في دراسة رغم إن ممكن إقناعهم ونجحنا وتميزنا كمان فيها😔 ، مين فينا موش حب حد وفضل يبعد وموش يصرح بحبه بس خوفاً من الظروف أو الرفض أو الصد أو لأي سبب فضل إنه يبعد وفضل الكتمان رغم إن كان ممكن يكون في فرصة لنجاح العلاقة💞 ، مين فيا موش داق مرار البطالة ووافق بأي شغل أقل من شهاداته وأحلامه وطموحه علشان دا اللي وضع بلده فرضته عليه وقبل البهدلة وهو كاتم جواه إنه يستحق الأحسن🤐😶 ، لو كنا إخترنا الكلام بدل الكتمان موش كنا هنموت كان هيبقا في أمل☺️ ، بس أحيانا بنخاف من الأمل لانه بيحمل إحتمالات فبنختار الكتمان🤐 .

2_ شخصيات الرواية 🎭

ودول بقسمهم لجزئين✌🏼
جزء الحاضر👈🏼 (بدوي و علاء ونغم وإبراهيم) ودول اللي لخص بيهم الكاتب أهم مشاكل وقضايا الشباب المعاصرة فعلا زي اللي ذكرتها في النقطه رقم1 👆🏼 شخصيات مننا وبنقابلهم كل يوم ولما تقرأ هتلاقي فيهم علي الأقل في صحابك واحد أو أتنين ودول بيمثلوا مختلف أنواع التوافق والتناقض ، النجاح و الفشل ، الحلم والوهم ، التضحية و الأنانية ، الصحوة والغفلة ، الإرادة و الهزيمة وغيرهم .

وشخصيات جزء الماضي👈🏼 ( الجدة خضرا والخالة نفيسة وعمو فؤاد) ودول اللي لخص بيهم الكاتب نقطتين أولهم
تفهم وحنية وحب وعطاء وحنان الجدة والخالة ودا جزء المشاعر 🧡.
وثانيهم التمسك بالقضية والأرض والوطن والتاريخ مع العم فؤاد ودا جزء العقل 🧠والعروبة💪🏼 .

3_ القصة ومحور الأحداث .

ودي فيها مواضيع كتير زي التفوق الدراسي و البطالة و الأزمات و الأزمات المفتعلة والحب والزواج والعمل و طرق الإصطياد الشبكي و التجنيد المبطن ، المغريات ومقوماتهم طرق الإقناع والأهم طرق الدفع للإقتناع ، شبكات التواصل الإجتماعي رأس مالها ، وطرق إدارتها و مسؤلين إدارتها ، طرق تربحها و أهدافها إيه ، والأهم إنت وضعك ومكانتك إيه في التنظيم دا إيجابي ولا سلبي ( وهنا إنت هتكتشف قد إية إنت فريسة وبتساعد منظمات وكيانات بدون ما تشعر) ومواضيع كتير في نطاق قصة شيقة ممتعة والأهم هادفة.

كون إنك تدرك مدي أهمية الرواية متوقف علي مدي إدراكك ووعيك وفهمك لوضعك إنت وشخصيتك إنت مين في الرواية لإنك أكيد هتلاقي نفسك أو جزء منك أو حلم ليك فيها.

➖ في الأول والآخر دا مجرد رأي شخصي خاص بيا ✋🏼شوفت إنه 👈🏼 (غير قابل للكتمان) . 😶🤐🤫
شابوه محمد المشد .

[Mona Fathy · Rating 5 out of 5]

أسم العمل/ غير قابل للكتمان
أسم الكاتب/ محمد المشد
نوع العمل/ رواية
دار النشر /فواصل للنشر والتوزيع
عدد الصفحات / 200 صفحه

(مستوحاة من أحداث حقيقية )

الاهداء
الى الحقائق التي لم تكتشف بعد.

تأخذنا رواية غير قابل للكتمان إلي رحلة غامضة مليئة بالإثارة والتشويق حيث تمتزج عناصر الدراما و الجريمة والتكنولوجيا والخيال العلمي لتقدم لنا قصة غير تقليدية مليئة بالرسائل العميقة يطرح الكاتب من خلالها تساؤلات جوهرية حول الحقيقة الخوف وتأثير التكنولوجيا على الوعي البشري.

تبدأ الرواية بحدث اختفاء زوج نغم في ظروف غامضة لتجد نفسها وحيدة في مواجهة مجتمع لا يمد لها يد العون تدفعها هذه العزلة للبحث عن الحقيقة بنفسها ثم
تتصاعد الأحداث ويأخذنا الكاتب في رحلة معقدة حول وجود الغرف الغامضة التي تتحكم في عقول الناس وتوجه سلوكهم عبر وسائل التواصل الاجتماعي والمحتوى الذي يشاهدونه.
الرواية تجمع بين الواقعية والخيال العلمي حيث تطرح فكرة اختراق العقول والتلاعب بالوعي من قبل جهات مجهولة وهو ما جعلني أتساءل هل نحن فعلاً أحرار في قراراتنا؟ أم أن هناك من يوجهنا دون أن نشعر؟
تناقش الرواية بشكل عميق كيف يمكن لوسائل التواصل الاجتماعي أن تتحكم في آرائنا وتوجهاتنا وهو موضوع يزداد أهمية مع تطور الذكاء الاصطناعي و الخوف مقابل السعي للحقيقة و الفساد والتلاعب بالمجتمعات حيث تعكس القصة واقعا مرعبا عن كيفية استخدام النفوذ والسيطرة لطمس الحقائق وإسكات من يحاول كشفها.

تطرح الرواية سؤالًا جوهريا هل من الأفضل البحث عن الحقيقة مهما كان الثمن أم العيش في راحة زائفة؟

أستخدم الكاتب أسلوبا سلس يجمع بين اللغة الأدبية والسلسة مع استخدامة للسرد العليم جعلة متحكم بزوايا السرد المختلفة والتنقل بين الشخصيات بسلاسة وأتزان غير إستخدامة الفلاش باك بذكاء فتم توظيف ذكريات الشخصيات بشكل رائع مما جعل الحبكة متماسكة مليئة بالتشويق والتقلبات الدرامية والمفاجآت غير المتوقعة وتتطور الأحداث بطريقة تصاعدية حيث يبدأ الغموض بالتدريج في الانكشاف ولكنة لايحل بسهولة مما يجعل القارئ متوتر ويزيد من رغبتة لمعرفة النهاية وهذا يدل علي نجاح الكاتب في الحفاظ علي عنصر التشويق حتي النهاية كانت الشخصيات مرسومة بدقة حتي تستطيع أن تري عمق الصراع النفسي بين الخوف والرغبة في معرفة الحقيقة.

غير قابل للكتمان تسلط الضوء على قضايا أري أنها بالفعل متواجدة في المجتمعات مثل الفساد البطالة النجاح الجشع الخيانة الوطنية والولاء مع التركيز على
التكنولوجيا ووسائل التواصل الاجتماعي في تشكيل وتوجيه وعي الأفراد.

أنها ليست مجرد رواية تشويق بل هي تحذير مستتر من واقع قد يكون أقرب مما نتصور ناقش الكاتب بأسلوب مشوق كيفية التلاعب بالعقول عبر التكنولوجيا مما يجعلها قراءة ممتعة ومثيرة للتفكير

اقتباسات لامست قلبي 🫶🏻

غريب حال الحب حين يجبرنا أن نجمل أحباءنا ليس للناس فحسب بل نجملهم أيضاً في صوتنا الداخلي بكامل إرادتنا وليس تغاضيًا عن عيوبهم،ولكنها الآن لا تحتاج إلى صبغه الحب بل تحتاج إلى عين المحقق دون تجميل.

من غاب سيعود لو كان على قيد الوفاء قبل أن يكون على قيد الحياة

وما أسوأ أن يخطفنا الماضي من الحاضر فتتجلى في عقولنا المشاهد الأولى للانحراف إلى الظلام.

كل التوفيق والنجاح للصديق والكاتب المتميز محمد المشد ❤️

[Salma Hany · Rating 5 out of 5]

"ربما أغلب الأشياء التي نكتمها نظلمها او تظلمنا " بدايةً من نصف الرواية بالضبط لم أستطع ألا أنهيها ، بالعادة حين تقع عيني على الأسطر الأولى من أي رواية يستطيع عقلي سريعا التحليل و التوقع بكل ما هو آتٍ ، فقط هنا اجتاحني التشتت جراء ما ستنتهي به الأحداث ! لم أندهش كثيرا لقد اعتدت قلم الكاتب ، و لكن هنا كان الأمر مختلفا بأكمله ، كان الأمر يشبة أنه أخذ جولة لا بأس بها بعقلي و هذا جعل من فضولي شيئا يتفاقم بلا حد ، قرأت الكثير و لكن القليل .. القليل جدا ما عبث بداخلي و أثارني ، لأن ببساطة أبطال الرواية شخصيات تحيط بنا جميعا او بالأدق تلتمس شيئا بداخلنا .. ليست غريبة و لا حتى متصنعة حد الملائكية أو تندرج تحت مسمى المثالية الكاذبة بل يكمن بها قدرا لا بأس به من السوء و الخير معا و التخبط الداخلي .
لم أر" نغم" بمنظور الساذجة ابدا لبحثها الدائم عن زوجها بل رأيتها تبحث عن جوابا يريحها و لو قليلا ، شخصية "علاء "و موته ترك أثرا بقلبي لن يُمحى بسهولة ، كان يمثل فطرة نقية لانسان تائه ينتظر أحدا ليدفعه نحو الحق ، أحدا يأخذ بيده لينتشله من شئ أقرب للجحيم! "بدوي" كانت ردات فعله واقعية جراء ما حياه ، لقد جعلته الحياة يخرج أسوء ما بداخله ببساطة ! تفاعلت معه و كأن جزءا لا بأس بي بداخله ، يشعر بحزنه ، بصمته الدائم و شعوره انه محاصر من قِبَل الحياة . النهاية رائعة بدت كأنها تُليق بتلك السطور التي نُسجت بشجاعة أعطتني الدافع الاول لكي أنهي الرواية سريعا. ☆ غير قابل للكتمان

[Mariam Atta · Rating 5 out of 5]

الاحداث الغريبة وتكرارها حتي نعتاد عليها
تتحدث رواية غير قابل للكتمان عن " نغم " وهي بطلة رواية غير قابل للكتمان ،وتسرد تفاصيل فقدان نغم لزوجها في احداث غامضة ، ويتخلي جميع من حولها عنها حتي تقرر بطلة رواية ان تبحث عن زوجها بمفردها
ولكن أثناء بحثها عن زوجها تدخل في كواليس ان تتحكم في وعي الناس ، وتحدث اشياء تقلب الامور ،ويتم اتهام نغم بجريمة وتكمن برائة نغم في ان تتخلي عن البحث عن زوجها




أحيانا الحياه بتفرض علينا حل معين للمشاكل حتي لو كانت حرام او غلط او مش ماشيه مع الدين

المال سلاح ذو حدين بالنسبه للانسان
كل بنت مكان نغم هتضطر تبحث عن زوجها بس مش اي بنت تحاول اكتر من مره ...

إغراء المال اصعب من الفتنه نفسها

الاسلوب سلسل جدا .. الترابط واضح .. الإنتقال السرد بين الراوي و الابطال صورة جميلة...



النهايه حلوه اوي .. و كفايه أن بدوي اخد حق صاحبه و قدر يعرف الي عمله ده غلط و اعترف و نفذ امنيه علاء





الاقتباسات

غريب حال الحب حين يجبرنا أن نجمل احباءنا ليس للناس فحسب بل نجملهم أيضاً في صوتنا الداخلي بكامل إرادتنا و ليس تغاضياً عن عيوبهم





وما اقسى ألا نملك شيئاً يهون على أحبابنا أحزانهم ..







من غاب سيعود لو كان على قيد الوفاء قبل أن يكون على قيد الحياة





و ما أسوأ أن يخطفنا الماضي من الحاضر فتتجلي في عقولنا المشاهد الاولي للانحراف الي الظلام




اتمني الأفضل ل الاستاذ محمد المشد

[Emyriad · Rating 4 out of 5]

أسم الروايه: غير قابل للكتمان
اسم الكاتب : محمد المشد
عدد الصفحات : 200
نبذة عن الرواية : عندما تتكرر الأحداث الغريبة نعتادُهَا ثم تُصبِحُ طبيعية.
نغم ) تفقِدُ زوجها في ظروفٍ غامضة، تخلى عنها الجميع فقررت البحث بمفردها )
لكن الطريق يقودها لدخول غرفة التحكم في وعي الناس
ثم يطرأ حادث يقلب الأمور، تُتَهَم نغم بجريمة وبراءتها متوقفة على تخليها عن تَتَبُع أثر زوجها.
فهل يمنعنا المنطق والخوف من مواصلة الطريق لِمَا نريد؟
هل هناك مخرج من متاهة صُنِعَت لأجلنا؟
وماذا لو منحتك الحياة سِرٌ فيه نجاة الناس،
ومقابل ذلك ستدفع الثمن من راحتك وعمرك،
وقتها هل ستكتم سرًا غير قابل للكتمان؟
تقييمي الشخصي : ⭐️⭐️⭐️⭐️
الروايه مستوحاه من احداث واقعية
الروايه بتلقي الضوء ع كثير من مشاكل بتواجهنا ف المجتمع
من اول ما بندرس و نتفوق و نتخرج و يحصل تصادم بالواقع العملي
و مشاكل وسائل التواصل من اول امتلاكك لتليفون احد برامج السوشيال ميديا اللي بتظهر كل يوم
بدون حرق للأحداث الروايه حرفيا مرعبه من كم المشاكل و الأحداث و الصدمات
الروايه بتخليك تواجهه تساؤلات كتير داخليه بتواجهك كل يوم و مكنتش لاقي إجابه ليها
هتلاقي اجابات واضحه ف الروايه بس صادمه وواقعيه
علاقه شخصيات الروايه ببعض و قربهم من اكثر الحاجات اللي اثرت فيا

[Mayada · Rating 4 out of 5]

الرواية واقعها مررررعب حرفيا و الكارثة انها مستوحاة من أحداث حقيقية مش مجرد خيال، مش عايزة احرق احداث الرواية بس فكرة إن في حد ممكن يخترق تليفوناتنا و يتحكم فينا بالشكل ده، من خلال حاجات بنعتبرها بسيطة أو عادية زي المحتوى اللي بنتابعه و ده بيفسر لما حد يقول انا هشتري كذا و فجأة يلاقي اعلانات عن المنتج اللي لسه كان بيقول انه هيشتريه، السوشيال ميديا بقة سلاح قوي جدا مش بس للتواصل لكن للتحكم في وعي الناس و توجيه افكارهم و دي حاجة تخوف لأنها بتبين لنا قد إيه التكنولوجيا ممكن تكون أداة في إيدهم لتدمير المجتمعات.

الجزء المرعب أكتر هو تدمير الوعي تدريجيًا من غير ما نحس، وده يخليك تفكر في كل اللي بنشوفه على السوشيال ميديا. كمان فكرة استهداف الحسابات اللي بتدعم القضية الفلسطينية حاجة ملموسة، وفعلاً شفناها بتتكرر كتير.
الرواية بتحطنا قدام حقيقة تقيلة، وإحنا محتاجين نكون واعيين أكتر ونفكر قبل ما نصدق أي حاجة حوالينا و منمشيش ورا التريند لأن هو ده اللي هما عايزينه.

[Laila Salah · Rating 5 out of 5]

من أجمل الروايات اللي قريتها في حياتي فعلا و بتتكلم في قضايا كتير جدا في الواقع
فيها إرشادات كتير جدا ل حاجات كتير بنعملها غلط و لازم نخلر بالنا منها ..ممتعه جدا يعني متحسش بملل فيها ابدا..انا خلصتها في يوم من كتر مانا مكنتش قادره اسيبها .احداثها مشوقه جدا ..خليتني ابص احس فعلا اننا مغيبين بشكل كبير عن حاجات كتير اوي بتحصل حوالينا
كل حرف فيها له معني واضح مش اي كلام كدا وخلاص
وان احنا فعلا اللي بنعمل قيمه لناس مكانوش يسلموا انهم يظهروا كدا في يوم من الايام
الروايه بجد بتقولنا ان فعلا احنا بنستخدم التكنولوجيا غلط ولازم يكون في وعي اكتر من كدا
وان مع كل حدث في الروايه لازم نفكر القضيه الاعظم وعي القضيه الفلسطينيه اللي من حقنا نتكلم عنها من غير خوف
روايه جميله ة احداثها جميله وكل سطر لي معني
اتمني نشوف زيها تاني كتير

[Waad · Rating 5 out of 5]

"عندما تتكرر الأحداث الغريبة نعتادها ثم تصبح طبيعية"

"هل يمنعنا المنطق والخوف من مواصلة الطريق لما نريد؟ هل هناك مخرج من متاهة صنعت لأجلنا؟ وماذا لو منحتك الحياة سر فيه نجاة الناس، ومقابل ذلك ستدفع الثمن من راحتك وعمرك، وقتها هل ستكتم سرا غير قابل للكتمان؟"


حقيقي ماتوقعتش تبقي الروايه كدا خالص ولكن في الأول الي شدني للروايه هي اسمها والي توقعت إنها روايه غموض، بس الي اتفاجئت ببه كان غير توقعاتي في الروايه خالص وإني اقدر اقول إنها روايه فعلا مميزة وفكرتها جديدة عليا وإنها بتناقش قضية كبيرة جدا بتحصل مع كل الناس تقريبا وإني بجدارة ارشحها لأي حد مش كروايه بس بل كمعلومات وخبايا مش كتير عارفين عنها.

وفي النهاية احب اشكر الكاتب علي الرواية ومن نجاح لنجاح ان شاء الله.

[Mayar Elmahđý · Rating 5 out of 5]

انا خلصت الرواية في اقل من يوم وبجد حاجة مبهرة وهادفة بداية من الجزء الاولاني اللي كنت بتتكلم فيه عن نغم وان الواحد لازم يفوق لنفسه مستني اوي لأن خطوبتي اتفسخت بطريقة سيئة برضه ولحد دلوقتي مش قادرة اجمع نفسي بس كلامك في الرواية ادتني الخيط اللي اتعلق بيهوصولا للجزئية بتاعة تحكم السوشيال في حياتنا وأنه بيرفع من شأن ناس جهلة وده بيحصل حقيقي وبرضه في نقطة أن لازم كل بنت تخلي بالها من نفسها ومن تليفونها عشان حتة التجسس دي حقيقي وبتحصلف حقيقي الرواية هادفة جدا وخصوصا للشباب اللي لسة طالع واللي اهاليهم سايبين مطلق الحرية مع التليفونات ومش داريانين باللي بيحصل
ده برضه بيوعي الاهل
شكرا جدا ع الجمال ده بجد

[Rasha Fathy · Rating 5 out of 5]

اول ما شوفت البوست علي صفحه الفيسبوك بتاعت محمد المشد عن الرواية و قرأت اسمها و شوفت الغلاف و شكله حسيت أنها غامضه و شكلها كان مشوق اوي بصراحه و حقيقي هي حلوة و مش معقدة خالص و من اول صفحه فيها وانا متشوقه اوصل للبعدها و بعدها لحد النهايه هي جميله هي واقعيه و بتناقش قضيه واقعيه جداً و فعلاً اثرت فيا جداً و دي من تاني روايات اقراها لمحمد المشد و حقيقي جميله و تستاهل 🤍🤍
"شكراً لكاتب المتميز دائما محمد المشد اتمني السنه الجايه اقرا روايه جديده ليك🤍🤍"

[Amira Ali · Rating 5 out of 5]

اول حاجة قريتها من مشتريات المعرض السنادي كانت الرواية دي
وبصراحة عجبتني اوي وعجبني اوي القضية اللي بتتكلم فيها خصوصا ان حتي لو الاسامي متغيرة بس واضحة مقصود ايه بالظبط ف دي جراءة، ودخلة الرواية خلتني اتخيل الاحداث بشكل بس اتفاجاءت انها مشيت بشكل تاني وده خلي عندي فضول اكتر اكملها، والرواية كمان مش من النوع اللي يتقرأ قراءة سريعة بالعكس عايزة هدوء وتركيز ف الاحداث والمغزي من كل حدث، عجبني جدا اختلاف الموضوع انه مش المألوف العادي للرويات ماشاء الله واسلوبك طبعا تحفة بالتوفيق يارب ✨

[Marwa Sharawy · Rating 5 out of 5]

من وقت ماقريت الاسم وانا متشوقه جداا اقراها.. واول مابداتها معرفتش اسيبها لحد ماخلصت..
الروايه واضحه جدااا السطور شارحه نفسها ببساطه ترعب.. الاسلوب مشوق جداا وسرد الاحداث سريع مفيش وقت انك تمل منها..
الحكايه واقعيه اوووي تخليك تفكر وتفكر ويمكن تغير رايك في حاجات كتير حواليك..💣
روايه مختلفه جدااا عن كل اللي قريته..
برافو يامشد والتوفيق يارب.. 👍😍

[Shahd Walid · Rating 5 out of 5]

خلصت الرواية..

أنا مبهورة
بجد رائعة فوق الوصف
القضايا اللى حضرتك اتكلمت فيها كلها فى الرواية و الطريقة اللى تم عرضها بيها
الفكرة ككل أصلاً

بجد حلوة أوى أوى أوى فى كل حاجة
و بتمنى للرواية و حضرتك النجاح دائماً بجد..
♥️♥️♥️♥️♥️♥️♥️♥️♥️
بجد دايما بحب القضايا اللى حضرتط بتذكرها
و الواقع اللى بتجيبة
و الطريقة اللى كل دا بيظهر بيها فى الآخر..

كاتب عظيم..
♥️♥️

[Abdelaziz Khaled · Rating 5 out of 5]

انا قرأت الرواية
فعلا جميلة جدا أحدثها فعلا رائع وواقعية انا من كتر ماهي وشوقه قرتها على طول مجرد مايكون الوقت فاضي بقرها مش بضيع وقت انا نفسي من كتر جمالها تكون فلم أو مسرحية فعلا أحسنت يا استاذ محمد
اتمنا الناس كلها تقرها وكمان بتحكي أحداث عن حرب أكتوبر وعن ابطنا المصرين وعن نهايتها تحث بافخر وانك مصري

[Jana Hassan · Rating 5 out of 5]

انا قرات الروايه من فتره وبجد الروايه جميله جدااا وفيها احداث كتير اكتر من الي مكتوب علي غلاف الكتاب الروايه فيها احداث ويتناقش حاجات كتير اوييي ومحستش بملل خالص وانا بقرأها بلعكس كانت كل صفحه مشوقه للي بعدها وفكره انك بتقرأ احداث انت نفسك عيشتها بجد كانت حاجه جديده جدا والنهايه كانت احسنن مما توقعت بمرااحل بجد ومكانتش متوقعه وباين جدا المجهود الرائع علشان تبقي بالشكل دا

[Habiba Aldahshan · Rating 5 out of 5]

الحقيقة انا شهادتي هتكون مجروحة ف الرواية من كتر جمالها .. رواية رقيقة .. جميلة وف نفس الوقت مرعبة .. حسيت واقعيتها اكبر كتير من انها خيال مستوحى من الواقع وبس .. حبيت طريقة كتابتها وطريقة سرد الاحداث ليها بشكل رائع .. وعرض قضية فلسطين وعداوتنا للصهاسنة بالشكل السلس المريح دا .. انصح وبشدة قراءة الرواية .. وبتمنى للفنان دايماً يبهرنا بكتاباته الجميلة ♥️♥️♥️♥️♥️♥️

[Sara Zain]

هى تجربه جديده كل الروايات الى قرئتها كانت نفس الرتم مع اختلاف الاحداث بس دى حسيتها جديده وغير متوقعه يعنى عادتا بتكون كل الروايات رومانسى او اكشن مع مغامره حاجات معتاده لو حد بيقراء كتير هيزهق ويمل منها لانو متعود عليها لاكن غير قابل للكتمان بتتكلم عن واقع احنا عايشينو وكتير اوى مش حاسس بالخطوره بتاعتو بجد روايه عظيمه جدا وحلوه اوى بجد واكتر حاجه مختلفه قرئتها ❤

[ZO ZA · Rating 5 out of 5]

في البدايه كنت مفكراها رومانسيه ف كانت بالنسبالي ممله جدا بس بعد كده تعلقت بيها جامد وحقيقي القضيه الي بتناقشها اثرت فيها جدا بجد ومن اروع ما قرات .. وحقيقي علاقه صداقه عمري مشوفت كده .. وبيبين اد اي كل انسان جواه خير وجواه شر ،،
" اتمني ان تنقذوا الوعي ، اتمني ان تنقذوا ابنائنا ، اتمني ان تنقذوا الوطن " ❤️

[Nesreen karara · Rating 5 out of 5]

غير قابل للكتمان ..
للكاتب المبدع محمد المشد، رواية تستحق القراءة.
بتتناول قضية معاصرة جدًا، وبتكشف بشجاعة عن حجم التخلف والجهل اللي انتشر في عالم السوشيال ميديا، من تمجيد شخصيات فارغة ومعتوهة وكأنهم قدوة، إلى استغلال وابتزاز أشخاص حقيقيين!

الرواية بالنسبالي كانت قوية ومؤثرة، وأسلوب الكاتب ممتع وسلس، تقدر تخلصها في جلسة واحدة من شدة سرعة أحداثها وتشويقها.

تحية كبيرة للكاتب على عمل جريء ومختلف 👏

[Ganna · Rating 5 out of 5]

كنت عايزه اقول لحضرتك ان الروايه دي من اجمل الروايات اللي قراتها بجد واتعلمت منها واستفدت كتير منها وشكرا بجد ع مجهود 🥰حضرتك اللي بذلته ف الروايه علشان تطلع بالطف دا
🥲والله بجد جميله جداا 💙،وزعلت جدا ع علاء

[Sama Kameel · Rating 5 out of 5]

اول حاجة عرفتها منها ان مش مجرد اننا بنحب الشخص يبقى نثق فيه وأننا لازم نعرف عنه كل حاجة طلاما هيبقى جزء من حياتنا تانى حاجة عرفت فكرة الإنترنت جاية ليه هى جاية عشان نشتتنا احنا وكمان عشان تتحكم فى عقولنا عن بعد وان المفروض على قد ما نقدر نبعد عنها

[Yara Mohamed]

الصراحه من افضل الروايات اللى قرايتها وافضل حاجه أنها حقيقة وان كلنا عشان تفاصيل منها ومهما اقول حقيقى مش هعرف اوصف قد ايه انا مبهوره بيها والاحداث لدرجه انه من الفضول أن خلصتها كلها فى يوم واحد من كتر ما كنت عايزه اعرف نهايتها🤍🤍