الغرباء : البداية _ موسم ثان

الغرباء : البداية #2

by رشا أبو المعاطي

بعد ثلاث سنوات من حادث السيارة تمكن كارلوس الذي بداخله الطفيل من بناء صرح طبي كبير اسماه كلون ارك وظهور شخصيتين جديدتين كان هذا الصرح لعلاج الامراض المستعصية وايضا تجارب الاستنساخ تدور جميع الاحداث بداخل هذا المبني المرعب ومحاولة تلك الشخصيات في كشف سر كلون ارك .....

103 pages, Paperback

Published January 1, 2022

About the author

I'm a super-girl and super-girls don't cry, BTW "Night Owl 🦉" and a lone wolf 🐺
漫画家, おしゃちゃん 🇪🇬

Reviews

[Omar Ayman Saif · Rating 5 out of 5]

ريفيو متأخر شوية
النهاردة قررت اقرأ قصة أو هي كوميك كنت شاريها من ايفينت كايرو كوميكس ٢٠٢٣ و هي الموسم التاني من قصة الغرباء بأسم (كلون أرك) من تأليف الفنانة رشا ابو المعاطي Rasha Abou El-Ma'aty
سبق و قرأت الموسم الاول من تقريبا سنتين تلاتة وكتبت عنها ريفيو والصراحة الموسم الاول كان واعد ة عجبني بس كنت حاسس اني ما شبعتش منه نظرا لأن احداث الموسم الاول كانت صغيرة بس بعد ما قرأت الموسم التاني اتضح أن الموسم الاول كان مجرد بداية لاحداث كبيرة و معقدة هتحصل في الموسم التاني والتالت اللي لسه هقرأه
الموسم التاني ليستكمل احداث كارلوس العالم اللي اكتشف كائن فضائي وقع في غابة و طبعا المخلوق الفضائي كان شايل طفيلي أدى ل أن كارلوس اتصاب بالطفيلي ده و بيقرر أنه ينقله لباقي زملائه من فريق العلماء اللي اكتشفوا الطفيلي ده
ومن ساعتها يبدأ يعمل منظمة أو مؤسسة ( كلون أرك ) لعلاج الامراض المستعصية ولكن القصة المرة دي بتبدأ بشخصيات جديدة علي عكس الموسم الاول اللي بطله كان جو و ايما بداء المرة دي ب اثنين من العلماء اللي شغالين مع كارلوس في مؤسسة كلون أرك وهما لارا ادامز و جيمس شو لمدة ٣ سنين مع كارلوس
والمرة دي لارا بيتبدأ تثار عندها الشكوك بشأن المؤسسة وهدفها الأساسي و المرة دي كارلوس ناوي علي مصيبة وكمان بتشك في ماضيها هي و جيمس شو اللي كمان بقي متغير في معاملته معاها ولكن المرة دي هما بيتعاونوا عشان يكتشفوا اسرار المنظمة وبالأخص العملية الكبيرة اللي عاوز كارلوس يعملها وكمان بيحصل شوية تويستات بخصوص اكتشافهم لماضيهم و مواجهة احداث غريبة غير مألوفة وغير طبيعية

المرة دي رشا نجحت في أنها تكتر عدد الكادرات في القصة واتعملت بشكل حلو وباين المجهود العظيم اللي بذلته في الموسم ده سواء من القصة والرسومات والكادرات و كمان عدد الصفحات بقي اكتر انت بتتكلم في حوالي ٩٩ صفحة لكوميك صغيرة علي عكس الموسم الاول واللي المرة دي الأحداث قدرت أنها تخليني اشبع بنسبة كبيرة و كمان تثير فضولي بسبب التويستات اللي هتكتشفوها في الجزء التاني و النهاية المفتوحة اللي انتهى بيها الموسم ده وطبعا الغموض الشديد في نوايا شخصية كارلوس والشخصيات الجديدة اللي بتظهر في الموسم ده زي كريس
وكمان عجبني عنصر الرومانسية في أحداث قصة خيال علمي زي دي لان انا نقطة ضعفي فعلا قصة رومانسية ممزوجة بأحداث خيال علمي غريبة مخيفة
الموسم اللي فات اديته تقييم ٨ من ١٠
المرة دي انا هدي الموسم ده ١٠ من ١٠ و يستحقها عن جدارة
الموسم التالت لسه معايا و ان شاء الله قريب هنزل الريفيو بتاع الموسم التالت ب أسم (طفرة جينية) واحتمال ياخد وقت عشان هو أكبر من حيث عدد الصفحات واللي عامل حوالي ١٦٦ صفحة